Аляксандр Васілевіч Чартарыйскі

Аляксандр Васілевіч Чартарыйскі
Смерць	не раней за 1477
Род	Чартарыйскія
Бацька	Васіль Канстанцінавіч Чартарыйскі
Маці	Ганна
Жонка	Марыя Дзмітрыеўна[d] і Марына Солтанаўна[d]
Дзеці	Сямён Аляксандравіч Чартарыйскі[d], Саламярэцкага Аляксандраўна з Чартарыйскіх[d], Міхаіл Аляксандравіч Чартарыйскі[d], Уладзімір Аляксандравіч Чартарыйскі[d] і Аўдоцця з Чартарыйскіх[d]

Аляксандр Чартары́йскі (пам. не раней за 1477) — вялікалітоўскі арыстакрат.

З роду князёў Чартарыйскіх, сын яго пачынальніка князя Васіля.

Вялікі канюшы літоўскі (зг. 1440) вялікага князя Жыгімонта Кейстутавіча. Незадаволены палітыкай гаспадара, разам з братамі Іванам і Міхаілам арганізаваў змову і забіў вялікага князя Жыгімонта. Уцёк у Маскву.

Намеснік вялікага князя маскоўскага ў Пскове (1443—1447, 1456—1460) і Ноўгарадзе (1447—1456).

У 1461 годзе вярнуўся ў ВКЛ і атрымаў ад вялікага князя Казіміра Лагойск, Асташын, Камянец.

У 1452 годзе ажаніўся ў Ноўгарадзе з княжной Марыяй, дачкой князя Дзмітрыя Шамякі, якая раптоўна памерла ў 1456 годзе. У другім шлюбе, напэўна, пасля 1461 года быў з Марынай, дачкой свайго лагойскага баярына Солтана.

Род Аляксандра Чартарыйскага — лагойская галіна Чартарыйскіх, па мячы згасла на яго сыне Сямёне ў XVI ст.

Літаратура

• Грыцкевіч А. Чартарыйскія // Энцыклапедыя гісторыі Беларусі. У 6 т. Т. 6. Кн. 2: Усвея — Яшын; Дадатак / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2003. — 616 с. — 10 000 экз. — ISBN 985-11-0276-8.