Трыенафароз

Трыенафароз^[1] — глісная хвароба драпежных рыб, якая выклікаецца палаваспелымі стужачнымі чарвямі сямейства трыенафарыдаў (Triaenophoridae).

Узбуджальнікі

Узбуджальнікамі з’яўляюцца віды Triaenophorus nodulosus і Triaenophorus crassus^[1].

Палаваспелыя ўзбуджальнікі трыенафарозу жывуць у кішэчніку шчупакоў (канчатковыя гаспадары). Развіццё з удзелам прамежкавых (беспазваночныя, ракападобныя) і дадатковых (недрапежныя рыбы) гаспадароў.

Апісанне

Драпежныя рыбы заражаюцца на трыенафароз пры паяданні інвазаванай недрапежнай рыбы. Хворыя рыбы худзеюць, слабеюць, пры значнай інвазіі гінуць^[1].

Прафілактыка

Перыядычна абследуюць рыб на заражанасць узбуджальнікамі трыенафарозу. У неспрыяльных на гэтую хваробу вадаёмах адлоўліваюць інвазаваных рыб, памяншаюць колькасць у іх шчупакоў^[1].

Крыніцы

↑ ^а ^б ^в ^г Трыенафароз // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.. — С. 105

Літаратура

Справочник по болезням рыб. — М., 1978
Пономарев Ю. Б., Линник В. Я. Ловля рыбы в водохранилищах. — Мн., 1983

[ЭПБ-1] а ^б ^в ^г Трыенафароз // Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.. — С. 105

[1]