Тэхаскі аграрна-механічны ўніверсітэт у Корпус-Крысты

Тэхаскі аграрна-механічны ўніверсітэт у Корпус-Крысты
англ.: Texas Agricultural and Mechanical University–Corpus Christi
Арыгінальная назва	англ.: Texas Agricultural and Mechanical University–Corpus Christi
Міжнародная назва	англ.: Texas A&M University–Corpus Christi
Заснаваны	1947
Студэнты	10 820
Краіна	ЗША
Размяшчэнне	Корпус-Крысты, Тэхас, ЗША
Сайт	tamucc.edu
Медыяфайлы на Вікісховішчы

Тэхаскі аграрна-механічны ўніверсітэт у Корпус-Крысты (англ.: Texas Agricultural and Mechanical University–Corpus Christi), у большасці выпадкаў ужываецца абрэвіятурная назва Тэхаскі АіМ ўніверсітэт—Корпус-Крысты (англ.: Texas A&M University–Corpus Christi) — амерыканская дзяржаўная вышэйшая навучальная ўстанова са статусам даследчага ўніверсітэта, якая месціцца ў горадзе Корпус-Крысты ў штаце Тэхас.

Агульная характарыстыка

Гэта частка сістэмы Тэхаскага аграрна-механічнага ўніверсітэта. Першапачаткова быў адкрыты ў 1947 годзе як Корпус-Крысцкі ўніверсітэт — прыватны ўніверсітэт, які кіраваўся Генеральнай баптысцкай канвенцыяй Тэхаса. Пасля таго як кампус быў сур'ёзна пашкоджаны ўраганам у 1970 годзе, вучэльня, якая мела фінансавыя праблемы з самага пачатку, не змагла дазволіць сабе аднавіць кампус і папрасіла дапамогі ў заканадаўчага органа Тэхаса. Заканадаўчая ўлада штата за гэта дамаглася адкрыцця на базе гэтага ж кампуса філіяла Тэхаскага аграрна-механічнага ўніверсітэта ў наступным навучальным годзе. Корпус-Крысцкі ўніверсітэт ажыццявіў свой апошні выпуск у 1973 годзе, і Генеральная баптысцкая канвенцыя Тэхаса неўзабаве пасля гэтага прадала кампус дзяржаве, захаваўшы 10 акраў для падтрымання студэнцкага рэлігійнага цэнтра.

Структура

• Каледж вольных мастацтваў
• Каледж бізнесу
• Каледж адукацыі і чалавечага развіцця
• Каледж інжынерыі
• Каледж прыродазнаўчых навук
• Каледж медсястрынства і медыцынскіх прафесій
• Школа мастацтваў, медыяў і камунікацый

Гл. таксама

• Спіс універсітэтаў штата Тэхас

Спасылкі

• На Вікісховішчы ёсць медыяфайлы па тэме Тэхаскі аграрна-механічны ўніверсітэт у Корпус-Крысты
• Афіцыйная інтэрнэт-старонка ўстановы