ߟߊ߲߬ߝߌߦߊ߫ ߕߎ߬ߙߋ߫
ߟߊ߲߬ߝߌߦߊ߫ ߕߎ߬ߙߋ߫ (߁߈߀߀ - ߁߈߉߆) ߡߏߦߌ߫ ߘߊ߫ ߡߊߣߌߢߊ߲ߓߟߊߘߎ߯ ߟߋ߬، ߊ߬ ߕߘߍ߬ ߦߋ߫ ߖߛߋ߬ߘߊ߲߬ߠߊ ߣߌ߫ ߛߣߍ߬ߞߍ߬ߟߊ ߣߌ߫ ߓߌߦߊ߲ߡߙߊߟߊ ߟߎ߬ ߟߋ߬ ߘߌ߫.
ߓߐߖߎ
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߗߐ߬ߡߐ߫ ߟߊ߲߬ߝߌߦߊ߫ ߓߐߖߎ ߦߋ߫ ߓߌ߲߬ߞߏ߫ ߟߋ߬ ߘߌ߫߸ ߡߍ߲ ߠߎ߬ ߝߎ߲ߘߌ߫ ߘߊ߫ ߛߘߌ߬ߞߌ߬ߘߎ߯ (ߡߊ߲߬ߖߊ߰ߠߊ߫ ߡߙߊ߬ߓߊ߰ߘߊ ߘߐ߫ ߕߊ߲߬)، ߡߍ߲ ߠߎ߬ ߝߣߊ߫ ߓߐ߫ ߘߊ߫ ߡߊ߲߬ߘߋ߲߫ ߝߊ߰ߡߊ߬ߟߊ ߛߏ ߘߏ߫ ߟߊ߫ ߞߏ߫ ߓߊߙߊ߲ߛߊ߲߬ ߞߊ߬ ߥߴߊ߬ ߛߌ߰ ߖߏ߬ߡߊ߬ߥߢߊ߫ ߛߏ ߘߏ߫ ߟߊ߫ ߞߏ߫ ߛߘߌ߬ߞߌ߬ߘߎ߯. ߒ߬ߓߊ߬ ߣߌ߫ ߡߐ߱ ߓߐߖߎ ߦߋ߫ ߟߐ߲߫ ߠߴߊ߬ ߡߏߦߌߓߊ߮ ߟߋ߬ ߡߊ߬، ߒ߬ ߞߍߕߐ߫ ߛߊ߬ߡߘߎ߬ߜߍ߫ ߓߐߖߎ ߢߊߝߐ߫ ߟߴߊ߬ߟߋ ߟߋ߬ ߝߍ߬ ߦߊ߲߬.
ߏ߬ ߘߐ߫ ߗߐ߬ߡߐ߫ ߟߊ߲߬ߝߌ߬ߦߊ߫ ߓߋ߲ߓߊ ߝߟߐ ߡߍ߲ ߟߐ߲ߣߍ߲߫ ߏ߬ ߕߐ߯ ߟߋ߬ ߞߏ߫ ߛߌ߬ߘߌߞߌ߬، ߏ߬ ߟߋ ߓߐ߲ߛߐ߲ ߘߏ߫ ߥߟߌ߬ ߘߊ߫ ߞߊ߬ ߥߴߊ߬ߟߎ߫ ߡߊߞߍ߫ ߓߌ߲߬ߞߏ߫، ߊ߬ ߓߋ߲ߓߊ߫ ߜߘߍ ߡߍ߲ ߡߊߟߐ߲߫ ߘߊ߫ ߦߋ߲߬߰߸ ߏ߬ ߟߋ ߦߋ߫ ߡߊ߬ߡߊ߬ߘߌ߫ ߥߎߟߋ߲ (ߓߌ߲߬ߞߏ߫ ߞߍ߰ߣߊ߫) ߘߌ߫: ߏ߬ ߘߋ߲ ߠߋ߬ ߛߋߞߎ߬-ߕߌ߬ߖߊ߯ߣߌ߲߫ ߘߌ߫، ߏ߬ ߕߊ߫ ߓߌ߲߬ߞߏ߫ ߡߏߙߌ߫߸ ߏ߬ ߕߊ߫ ߓߞߊߙߌ߫ ߥߎߟߋ߲߫߸ ߏ߬ ߕߊ߫ ߝߊ߬ߓߎ߫، ߝߊ߬ߓߎ߫ ߏ߬ ߟߋ ߥߟߌ߬ ߘߊ߫ ߞߊ߬ ߥߴߊ߬ ߡߊߞߍ߫ "ߞߐ߬ߝߌ߬ߟߊ߬ߞߙߐ߫". ߝߊ߬ߓߎ߫ ߏ߬ ߟߋ ߘߋ߲ߞߍ߫ ߝߘߋߜߍ ߥߟߌ߬ ߘߊ߫ ߞߊ߬ ߥߴߊ߬ ߛߌ߰ ߡߊ߬ߣߌ߲߬ߢߊ߲߬ߓߘߊ߬ߘߎ߯، ߒ߬ߓߊ߬ ߏ߬ ߟߋ ߞߵߊ߬ ߘߋ߲ߞߍ ߘߏ߫ ߕߐ߯ߟߊ߫ ߛߊ߭ߡߎ߬ߘߎ߬ߜߍ߫، ߒ߬ߓߊ߬ ߏ߬ ߟߋ ߘߋ߲ ߦߋ߫ ߗߐ߬ߡߐ߫ ߟߊ߲߬ߝߌ߬ߦߊ߫ ߘߌ߫.
ߞߊ߲߬ߛߓߍߟߌ
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߗߐ߬ߡߐ߫ ߟߊ߲߬ߝߌߦߊ߫ ߕߘߍ߬ ߦߋ߫ ߛߣߍ߬ߞߍ߬ߟߊ ߣߌ߫ ߖߛߋ߬ߘߊ߲߬ߠߊ ߣߌ߫ ߓߌߦߊ߲ߡߙߊߟߊ ߟߋ߬ ߘߌ߫، ߊ߬ ߟߊ߫ ߓߌߦߊ߲ ߠߎ߬ ߛߌߦߊߦߊ ߣߊ߬ ߕߍ߯ߜߟߍߦߊ ߟߊߘߏ߲߬ ߠߴߊ߬ ߣߴߊ߬ ߛߌ߰ߢߐ߲߮ ߠߎ߬ ߕߍ߫، ߏ߬ ߟߋ ߞߍ߫ ߘߴߊ߬ ߥߟߌ߬ ߞߎ߲ ߘߌ߫ ߞߊ߬ ߦߟߍ߬ߡߊ߲߫ ߛߊߣߊ߲ߞߘߐ߫ (ߞߊߦߌߙߊߥߊ߯ߣߍ߲). ߛߙߋ-ߓߙߎߟߊߦߌ߫ ߟߊ߫ ߛߏ߬ߝߊ ߟߎ߬ ߞߵߊ߬ ߡߛߏ߬ ߛߐ߯ߣߊ߫ ߞߡߊ߬ߙߊ߫ ߖߊ߬ߛߏ߲߬ ߠߊ ߞߵߏ߬ ߟߴߊ߬ ߟߊ߫ ߓߌߦߊ߲ ߝߊ߲߬ߓߊ ߞߊ߲߬، ߊ߬ ߞߵߊ߬ ߓߊ߲߬ ߣߌ߬ߛߌ ߘߏ߫ߘߌ߫ ߟߴߊ߬ ߘߋ߲ߞߍ߫ ߛߊ߬ߡߘߎ߬ߜߍ߫ ߕߎ߬ߙߋ߫ ߡߊ߬ ߡߍ߲ ߞߍ߫، ߏ߬ ߣߴߊ߬ ߟߊ߫ ߡߏ߬ߙߌ߬ߝߊ ߞߊ߬ ߛߊ߲߬ ߇ ߖߊ߬ߣߍ߲ ߞߴߏ߬ ߞߎ߲߬ߞߘߐ߫ ߡߊ߬ߘߌ߬ߣߊ߬ ߞߎߘߊ߫߸ ߞߊ߬ ߣߊ߬ ߕߴߊ߬ ߞߐߛߊ߬ߦߌ߫ ߟߴߊ߬ ߓߊ߫ ߘߌ߫ ߛߏ߫.
ߊ߬ ߘߋ߲ߞߍ߫ ߞߍߣߍ߲ ߝߊ߰ߡߊ ߘߌ߫، ߏ߬ ߟߊ߫ ߛߏ߬ߝߊ ߟߎ߬ ߣߴߊ߬ ߘߋ߲ ߠߎ߬ ߘߍ߬ߢߐ߲߰ ߝߏߣߌ߲ߞߋ ߟߎ߬ ߕߘߍ߬ ߊ߬ ߝߐ ߡߍ߲ ߞߍ߫ ߟߴߊ߬ ߡߊ߬ ߞߏ߫ ߗߐ߬ߡߐ، ߏ߬ ߟߋ ߟߊ߫ ߘߴߊ߬ ߕߐ߮ ߞߊ߲߬ ߛߊ߫. ߊ߬ ߞߵߊ߬ ߟߊ߫ ߘߎߢߊ ߕߐ߭ ߘߐߕߍ߰ ߊ߬ ߘߋ߲ߞߍ߫ ߖߌ߲߬ߓߊ߲ ߠߋ߬ ߞߘߐ߫.
ߞߐߙߍ
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߟߊ߲߬ߝߌߦߊ߫ ߕߎ߬ߙߋ߫ ߞߊ߬ ߡߏ߬ߛߏ߫ ߄ ߠߋ߬ ߝߘߎ߫ ߊ߬ ߣߌ߫ ߘߋ߲߫ ߛߋ߯ߦߌ߲߫: ߊ߬ ߡߛߏ߬ ߝߟߐ ߕߐ߯ ߟߋ߬ ߞߏ߫ ߛߐ߯ߣߊ߫ ߞߡߊ߬ߙߊ߫߸ ߝߌߟߊߣߊ߲ ߕߐ߯ ߞߏ߫ ߡߊߣߌ߲ߜߍ߫߸ ߡߊߛߊߘߊ߲߸ ߊ߬ ߣߌ߫ ߡߊߞߍ߬ߡߍ߫.
ߊ߬ ߘߋ߲ ߠߎ߬:
- ߛߊ߬ߡߘߎ߬ߜߍ߫ ߕߎ߬ߙߋ߫ (ߛߐ߯ߣߊ߫)
- ߡߊߣߌ߲ߜߍ߫ ߡߊߡߊߘߌ߫
- ߡߊߣߌ߲ߜߍ߫ ߡߏߙߌ߫ (ߛߊ߯ߘߊ߫ ߡߏߙߌ)
- ߡߊߛߊߘߊ߲߲߫ ߡߊߡߊߘߌ
- ߞߡߍ߬ ߓߙߋߡߊ߫
- ߞߡߍ߬ ߟߊ߲ߛߋߦߌ߫
- ߞߡߍ߬ ߊߡߙߊ߫
- ߡߊ߰ߛߊ (ߛߐ߯ߣߊ߫)
ߛߊ߬ߦߊ
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߕߎ߬ߓߊ߬ߓߎ ߣߌ߫ ߛߊ߬ߡߏ߬ߙߌ߫ ߞߟߍ ߜߟߍ߬ߦߊ߬ߣߍ߲ ߝߏ߫ ߞߊ߬ ߥߴߊ߬ ߟߊ߫ ߞߎߓߋߘߊ ߡߌ߬ߘߊ߫ ߓߌ߬ߛߊ߲߬ߘߎ߰ ߞߟߊߓߍ߲ ߘߐ߫߸ ߞߊ߬ ߛߊߣߊ߲ߞߐ߬ߘߐ߫ ߡߌ߬ߘߊ߫ ߛߊߣߊ߲ߞߐ߬ߘߐ߫ ߞߟߊߓߍ߲ ߘߐ߫، ߕߎ߬ߙߋ ߦߌ߬ߙߌ߲߬ߘߌ߫ ߘߊ߫ ߕߟߋ߬ߓߐ ߘߐ߫ ߞߊ߬ ߥߴߊ߬ ߡߊߞߍ߫ ߘߓߊ߬ߞߟߊ߫. ߒ߬ߓߊ߬ ߟߊ߲߬ߝߌߦߊ߫ ߕߎ߬ߙߋ߫ ߛߊ߬ ߘߊ߫ ߦߋ߲߬ ߠߋ߬ ߁߈߉߆ ߟߊ߫، ߝߊ߰ߡߊ ߞߵߊ߬ ߓߊߘߍ ߞߍ߫ ߝߊ߰ߡߊ߬ߟߊ ߓߊߘߍ ߘߌ߫.