ប្រាសាទរោងល្មុង

ប្រាសាទរោងល្មុង
ឈ្មោះប្រាសាទ	ប្រាសាទរោងល្មុង
រជ្ជកាល	ព្រះបាទយសោវរ្ម័នទី ១
កាលបរិច្ឆេទ	ដើមសតវត្សរ៍ទី ១០
ឧទ្ទិសថ្វាយ	ព្រហ្មញ្ញសាសនា
រចនាបថ	បាក់ខែង និង បន្ទាយស្រី
ទីតាំង	សង្កាត់នគរធំ ក្រុងសៀមរាប ខេត្តសៀមរាប
កូអរដោនេ	13°25′19.4″N 103°51′35.3″E

ប្រវត្តិប្រាសាទ

ប្រាសាទរោងល្មុង មានទីតាំងស្ថិតនៅទិសពាយ័ព្យនៃប្រាសាទភ្នំបាខែងនៅក្នុងបរិវេណឧទ្យានអង្គរឬក៏គេអាចនិយាយបានថាជាប្រាសាទរណបឲ្យភ្នំយសោធរគិរី ឬ ភ្នំបាខែងនេះតែម្ដងដែលពីមុនគឺជាផ្ចិតនៃរាជធានីយសោធបុរៈរបស់​ព្រះបាទយសោវរ្ម័នទី ១។ភ្នំបាខែងក្រៅពីមានឈ្មោះថាភ្នំយសោធរគិរីគេក៏ហៅម្យ៉ាងទៀតថាជាភ្នំកណ្ដាលហើយមានប្រាសាទជារណបជាច្រើននៅក្នុងនោះប្រាសាទរោងល្មុងក៏ជាប្រាសាទមួយនៅក្នុងចំណោមនោះផងដែរ។ប្រាសាទនេះមានចម្ងាយប្រមាណជា ០៧ គីឡូម៉ែត្រពីទីរួមខេត្តសៀមរាប។ប្រាសាទនេះកសាងឡើងពីឥដ្ឋបែរមុខទៅទិសខាងលិចបច្ចុប្បន្នសល់ត្រឹមពាក់កណ្ដាលតួប៉ុណ្ណោះដោយកំពូលបានរលំបាក់បែកបាត់បង់រូបរាងអស់ទៅហើយ។