ⵉⵍⵉⵟⵟ
ⵉⵍⵉⵟⵟ, ⵉⵍⴰⴹ, ⵉⵍⴹ, ⵉⵍⴹⵉ, ⵍⵉⵟⵟⵉ, ⴰⵍⵀⴰⴹ, ⵉⵕⵉⵟⵟⵉ, ⵡⴰⵢⵍⵓⴹ ⵏⵖ ⵡⵉⵍⵉⴹ (ⵙ ⵜⵄⵕⴰⴱⵜ: شحاذ العين) ⵉⴳⴰ ⵜⴰⵎⴰⴹⵓⵏⵜ ⵉⴽⴽⴰⵜⵏ ⵜⵉⵡⴰⵍⵍⵉⵏ ⵏⵖ ⵜⵉⵟⵟⴰⵡⵉⵏ ⵏ ⵓⴼⴳⴰⵏ, ⴰⵔ ⵉⵜⵜⴳⴳⴰ ⵉⵍⵉⵟⵟ ⵜⴰⵇⵇⴰⵢⵜ ⵜⴰⵣⴳⴳⵯⴰⵖⵜ ⵉⵜⵜⵉⵍⵉⵏ ⵜⴰⵎⴰ ⵏ ⵜⵉⵟⵟ ⵅⴼ ⵓⴷⵎ ⵓⴼⴼⵉⵖ ⵏⵖ ⵅⴼ ⵓⴷⵎ ⴰⴳⵏⵙⴰⵏ ⵏ ⵜⴰⵎⴰⵡⵉⵏ. ⴰⵔ ⵢⴰⴽⴽⴰ ⵉⵍⵉⵟⵟ ⵢⴰⵏ ⵓⵎⵃⵃⴰⴹ ⵉⴼⵙⵙⵓⵙⵏ ⴷ ⴰⵔ ⴳⵉⵙ ⵉⵜⵜⵉⵍⵉ ⵉⵎⵉⵇⵇ ⵉⴷⵔⵓⵙⵏ ⵏ ⵓⴳⵎ[1] ⴳ ⵉⵅⴼ ⵏ ⵜⴰⵇⵇⴰⵢⵜ, ⵎⴽ ⵜⵖⵉ ⴰⴷ ⵜⴻⵜⵜⵛⵛⴰⵕ[2] ⴰⴽⴽⵯ ⵙ ⵓⴳⵎ ⵙⴳ ⵡⴰⵎⵎⴰⵙ. ⵉⵍⵉⵟⵟ ⴳ ⵓⵥⵓⵕ ⵏⵙ ⵉⴳⴰ ⵢⴰⵏ ⵡⴰⵏⴰⵡ ⵏ ⵜⴱⴰⴽⵜⵉⵔⵉⵜ[3]. ⴳ ⵎⴰⴷ ⵉⴳⴳⵓⵜⵏ, ⴰⵔ ⵉⵜⵜⵊⵊⵉ ⵓⴼⴳⴰⵏ ⵙⴳ ⵜⵎⴰⴹⵓⵏⵜ ⵏ ⵉⵍⵉⵟⵟ ⵖⴰⵙ ⵙ ⵉⵅⴼ ⵏⵙ, ⵡⴰⵔ ⴰⵙⵖⵉⵡⵙ ⵏ ⵓⵙⴰⴼⴰⵔ[4].
ⵜⴰⵎⴰⴹⵓⵏⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵍⵉⵟⵟ ⵉⴳⴰ ⴰⵎⵙⵉⵖⵉ (ⵜⴰⵎⴰⴹⵓⵏⵜ ⵉⵜⵜⵎⵓⵜⵜⵓⵢⵏ ⵙⴳ ⵓⴼⴳⴰⵏ ⵙ ⵡⴰⵢⵢⴰⴹ) ⴰⴱⴰⴽⵜⵉⵔⵉ ⵉⴽⴽⴰⵜⵏ ⴰⵥⵓⵕ ⵏ ⵡⴰⴱⵍⵉⵡⵏ ⵏ ⵜⵉⵟⵟ[4].
ⵜⵉⵎⵏⵜⴰⵍ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]
ⵉⵍⵉⵟⵟ ⵉⴳⴰ ⵜⴰⵢⴰⴼⵓⵜ ⵏ ⵜⵓⴽⵓⵜ ⵏ ⵉⴳⵔⵓⵣⵏ ⵉⵣⵉⵜⴰⵎⵏ ⵉⵍⵍⴰⵏ ⴳ ⵜⴰⵎⴰⵡⵜ, ⵜⵓⴽⵓⵜ ⴰⴷ ⵙ ⵉⵅⴼ ⵏⵏⵙ ⴰⵔ ⵜⴻⵜⵜⴳⴳⴰ ⵜⴰⵢⴰⴼⵓⵜ ⵏ ⵓⵎⵙⵉⵖⵉ ⵙ ⵢⴰⵏ ⵡⴰⵏⴰⵡ ⵏ ⵜⴱⴰⴽⵜⵉⵔⵉⵜⵉⵏ ⵉⴹⴼⴰⵕⵏ ⵉ ⵡⴰⵏⴰⵡ ⵏ ⵜⵙⵜⴰⴼⵉⵍⵓⴽⵓⴽⵓⵙⵜ (ⵙ ⵜⵎⴰⵣⵉⵖⵜ:ⵜⵓⴱⵕⵉⵎⵉⵏ ⵜⵉⵣⵔⵓⵔⴰⵏⵉⵏ ⵏⵖ ⵜⴰⵥⵕⵎⵜ ⵏ ⵡⴰⵇⵇⴰⵢⵏ)[4].
ⵜⵉⵎⴰⵜⴰⵔⵉⵏ (ⵉⵙⴰⴱⵜⵓⵎⵏ)
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵍⵉⵟⵟ ⵖⵓⵔⵙ ⵜⵓⴳⵜ ⵏ ⵜⵎⴰⵜⴰⵔⵉⵏ ⴷⴰ ⵙ ⵉⵙⵢⴰⴼⴰ ⵓⵎⵓⴹⵉⵏ ⵣⵓⵏ[4]:
- ⵉⵍⵍⵡⵉ ⵏ ⵜⵇⵇⴰⵢⵜ ⵜⴰⵣⴳⴳⵯⴰⵖⵜ ⴳ ⵜⴰⵎⴰ ⵏ ⵜⵉⵟⵟ, ⵅⴼ ⵜⴰⵎⴰⵡⵜ ⵜⵓⵣⴷⵉⵔⵜ ⵏⵖ ⵜⴰⵏⴰⴼⵍⵍⴰⵏⵜ.
- ⵓⴳⵓⵣ ⵏ ⵉⵎⵟⵟⴰⵡⵏ.
- ⴰⵎⵃⵃⴰⴹ ⴳ ⵜⴰⵎⴰⵡⵜ ⵏ ⵜⵉⵟⵟ.
- ⴰⴱⵣⵣⴰⴳ ⵏ ⵜⵉⵟⵟ ⵙⴳ ⵓⴷⵎ ⵓⴼⴼⵉⵖ ⵏ ⵜⴰⵎⴰⵡⵜ.
ⵜⴰⵏⴼⵓⵙⵜ ⵅⴼ ⵉⵍⵉⵟⵟ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴳ ⵍⵎⵖⵔⵉⴱ, ⴷⴰ ⵜⵜⵖⴰⵍⵏ ⵎⴷⴷⵏ ⵉⵙ ⵉⵍⵉⵟⵟ ⴷⴰⵔⵙ ⴰⵣⴷⴰⵢ ⵙ ⵜⵎⵥⵉⵏ. ⵍⵍⴰⵏ ⴽⵔⴰ ⵏ ⵉⴷⵖⴰⵔⵏ ⴳ ⵍⵎⵖⵔⵉⴱ ⴰⵔ ⴰⵙ ⵜⵜⵉⵏⵉⵏ ⵉ ⵉⵍⵉⵟⵟ ⴽⵓⴽⴽⵓ ⵛⵄⵉⵔⴰ. ⴰⵔ ⵜⵜⵉⵖⴰⵍⵏ ⵎⴷⴷⵏ ⵉⵙ ⵉⵖⴰⵢ ⵉⵍⵉⵟⵟ ⴰ ⵉⵊⵊⵉ ⵉⴳ ⵏⵓⵙⵉ ⵢⴰⵜ ⵜⴰⵇⵇⴰⵢⵜ ⵏ ⵜⵎⵥⵉⵏ ⵏⴰⵎⵙ ⵙⵔⵙ ⵉⵍⵉⵟⵟ ⵉⵍⵎⵎⴰ ⵏⴳ ⵜⴰⵇⵇⴰⵢⵜ ⴰⵖ ⵏ ⵜⵎⵥⵉⵏ ⵏⵏⵉⴳ ⵢⴰⵏ ⵓⵥⵕⵓ ⵏⴳ ⴼⵍⵍⴰⵙ ⴰⵥⵕⵓ ⵢⴰⴹⵏⵉⵏ (ⵙⵉⵏ ⵉⵥⵕⴰⵏ ⵢⴰⵏ ⵏⵏⵉⴳ ⵢⴰⵏ). ⴰⴽⵓⴷ ⵏⵏⴰ ⵉⵣⵔⵉ ⴽⵔⴰ ⵏ ⵢⴰⵏ ⵉⵚⴹⵕ ⵉⵥⵕⴰⵏ ⴰⵖ ⴰⵔ ⵙⵉⵙ ⵉⵜⵜⵎⵎⴰⵜⵜⴰⵢ ⵉⵍⵉⵟⵟ.[5]
ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ^ https://web.archive.org/web/20231004140431/https://amawal.net/agem
- ^ https://web.archive.org/web/20230930191545/https://amawal.net/cca%E1%B9%9B
- ^ https://web.archive.org/web/20230202083612/https://amawal.net/tabaktirit
- ^ a b c d (ⵜⴰⵄⵕⴰⴱⵜ): https://www.mayoclinic.org/ar/diseases-conditions/sty/symptoms-causes/syc-20378017
- ^ ⵜⴰⵏⴼⵓⵙⵜ ⵅⴼ ⵉⵍⵉⵟⵟ ⴳ ⵡⴰⵟⵍⴰⵙ ⴰⵎⵇⵇⵔⴰⵏ, ⴷⵎⵏⴰⵜ