ꠚꠣꠟꠖꠤꠀ ꠎꠤꠘꠤꠡꠣꠁꠘ꠆ꠔ ꠎꠣꠃꠇ꠆ꠇꠣ

ꠃꠘꠣ ꠜꠣꠔ

<bdi>ꠃꠁꠇꠤꠙꠤꠒꠤꠀ</bdi> ꠕꠘꠦ
( ꠃꠘꠣꠞ ꠍꠣꠃꠟ ꠕꠘꠦ ꠚꠤꠞꠤꠀ ꠀꠁꠍꠦ )
ꠃꠘꠣꠞ ꠍꠣꠃꠟ
ꠘꠣꠁꠎꠦꠞꠤꠀꠔ ꠛꠦꠐꠤꠄ ꠗꠣꠘ ꠃꠘꠣ ꠖꠦꠞ
ꠃꠘꠣ ꠜꠣꠔ

ꠃꠘꠣꠞ ꠍꠣꠃꠟꠖꠤ ꠎꠦ ꠜꠣꠔ ꠞꠣꠘ꠆ꠗꠣ ꠅꠄ ꠅꠉꠥꠞꠦ ꠃꠘꠣ ꠜꠣꠔ ꠈꠀ ꠅꠄ ⁕ ꠃꠘꠣꠞ ꠍꠣꠃꠟ ꠛꠣ ꠡꠤꠖ꠆ꠖ ꠍꠣꠃꠟ (ꠎꠦꠈꠐꠣꠞꠦ ꠛꠖꠟꠣꠁꠟ ꠍꠣꠃꠟ ꠛꠣ ꠡꠢꠎꠦ ꠞꠣꠘ꠆ꠗꠣ ꠍꠣꠃꠟ ꠅ ꠈꠀ ꠅꠄ) ꠅꠁꠟꠧ ꠉꠤꠀ ꠄꠝꠘ ꠄꠈꠎꠣꠔꠤ ꠍꠣꠃꠟ ꠎꠦꠔꠣ ꠍꠥꠍꠣ-ꠡꠥꠖ꠆ꠖꠣ ꠃꠘꠣ ꠖꠦꠅꠀ ꠅꠄ ⁕ ꠡꠤꠖ꠆ꠖ ꠛꠣ ꠃꠘꠣ ꠖꠤꠛꠣꠞ ꠔꠤꠘꠐꠣ ꠝꠃꠟꠤꠇ ꠗꠣꠙ ꠅꠁꠟ- ꠜꠤꠎꠣꠘꠤ, ꠚꠣꠚ ꠖꠦꠅꠀ ꠀꠞ ꠢꠥꠇꠣꠘꠤ ⁕ ꠁ ꠡꠤꠡ꠆ꠐꠝꠦ ꠍꠣꠃꠟꠞꠦ ꠀꠔ ꠖꠤꠀ ꠙ꠆ꠞꠇ꠆ꠞꠤꠀꠈꠞꠘꠦ ꠀꠞꠧ ꠡꠢꠎ ꠈꠞꠤ ꠔꠥꠟꠦ, ꠄꠞ ꠟꠉꠦ ꠚꠥꠡ꠆ꠐꠤꠉꠥꠘ ꠅ ꠛꠣꠠꠣꠄ ⁕ ꠄꠝꠘꠇꠤ ꠁꠇꠐꠣꠞ ꠉꠑꠘ ꠚꠣꠟ꠆ꠐꠣꠁꠀ ꠚꠥꠇꠚꠞꠤꠘ꠆ꠖꠣ ꠙ꠆ꠞꠔꠤꠞꠥꠗꠤ ꠈꠞꠤꠀ ꠔꠥꠟꠦ ⁕ ꠛꠤꠡ꠆ꠡꠞ ꠘꠣꠘꠣꠘ ꠎꠦꠉꠣꠔ ꠁ ꠙꠖ꠆ꠖꠔꠤꠉꠥ ꠍꠣꠟꠥ ꠞꠁꠍꠦ ⁕

ꠃꠘꠣ ꠖꠦꠅꠀꠄ ꠚꠥꠡ꠆ꠐꠤꠉꠥꠘꠞꠦ, ꠛꠤꠡꠦꠡ ꠈꠞꠤ ꠕꠣꠄꠀꠝꠤꠘꠞꠦ ꠍꠥꠇꠟꠣ ꠔꠘꠦ ꠄꠘ꠆ꠒꠧꠍ꠆ꠙꠣꠞ꠆ꠝꠧ ꠟꠁꠀ ꠎꠣꠄ, ꠎꠦ ꠉꠔꠤꠇꠦ ꠡꠤꠖ꠆ꠖ ꠈꠞꠣ ꠍꠣꠃꠟ ꠛꠦꠡꠤꠞꠜꠣꠉ ꠚꠥꠡ꠆ꠐꠤꠞ ꠖꠤꠇ ꠔꠣꠇꠤ ꠝꠣꠈꠞꠣ ꠛꠣ ꠛꠣꠖꠣꠝꠤ ꠍꠣꠃꠟꠞ ꠝꠔꠘ ꠅꠁꠀ ꠕꠣꠈꠦ ⁕