Balea (constelación)

Identificadores
Freebase
Freebase	/m/01wmv

Balea
	Instancia de constelación
	Epónimo cetus (pt) ; Cetáceos
Características físicas
Superficie	1.231 °²
Freebase
Identificadores
Freebase
Freebase	/m/01wmv
Fontes e ligazóns
	Descrito pola fonte Enciclopedia Soviética Armenia ; Encyclopædia Britannica "1911 Encyclopædia Britannica/Cetus (en) "; Q22341360 ; Star Lore of All Ages (en) "Cetus, the Whale (en) "; Dicionario Enciclopédico Brockhaus e Efron "Q24441278 "; A field book of the stars (en) "Cetus (en) "; Paulys Realenzyklopädie der klassischen Altertumswissenschaft "Ketos 1 (Pauly-Wissowa)" ;
	Wikidata G:Commons C:Commons

Para outras páxinas con títulos homónimos véxase: Balea (homónimos).

Cetus ou Balea^[1] é unha constelación do hemisferio sur, nunha rexión coñecida coma Mar, cerca doutras constelacións coma Acuario, Pisces e Eridanus.

Estrelas principais

α Ceti (Menkar), xigante vermella de magnitude 2,54 que forma unha binaria óptica coa estrela 93 Ceti.
β Ceti (Deneb Kaitos ou Diphda), a estrela máis brillante da constelación con magnitude 2,04, é unha xigante de cor amarela-laranxa.
γ Ceti (Kaffaljidhma), estrela binaria de cor amarela e azul a través do telescopio; ambas compoñentes están separadas uns 3 segundos de arco.
δ Ceti, subxigante branco-azulada de magnitude 4,08 e variable Beta Cephei.
ζ Ceti (Baten Kaitos), unha xigante laranxa de magnitude 3,9.
μ Ceti, subxigante branco-amarela de magnitude 4,27, variable de tipo Delta Scuti.
ξ Ceti, dá nome a dúas estrelas diferentes: ξ¹ Ceti, unha superxigante amarela e binaria espectroscópica, e ξ² Ceti, unha xigante branco-azulada.
ο Ceti (Mira), foi a primeira estrela variable descuberta en 1596 (estrela marabilla). Prototipo de variables de longo período (ciclo de 332 días variando de magnitude 2,2 a 10) que levan o seu nome (variables Mira).
τ Ceti, de magnitude 3, a menos de 12 anos luz da Terra e por onde se comezou a buscar vida extraterrestre debido a que é un astro moi semellante ó Sol.
94 Ceti, sistema binario composto por unha anana amarela e unha anana vermella; ó redor da primeira descubriuse un planeta extrasolar.
Luyten 726-8, a sexta estrela máis próxima á Terra forma un sistema binario de dúas ananas vermella. Luyten 726-8 B, chamada tamén UV Ceti, é un exemplo típico de estrela fulgurante.
YZ Ceti, tamén estrela fulgurante a 12 anos luz do sistema solar.
ZZ Ceti, anana branca púlsante, prototipo dun grupo de variables que levan o seu nome.

Obxectos Notables do espazo profundo

M77 (NGC 1068), unha das galaxias máis grandes do catálogo Messier, membro dominante dun grupo de galaxias que leva o seu nome (Grupo de M77). AR: 02h 42m 42.0s Dec: -00°01'00" (Época 2000).
NGC 1055, galaxia espiral que forma un sistema binario con M77.
Un grao ó leste-sueste de M77, as galaxias espirais NGC 1087 e NGC 1090.
NGC 615, tamén unha galaxia espiral. AR: 01h 35m 06.0s Dec: -07°20'00" (Época 2000).
NGC 247, galaxia espiral membro do Grupo Sculptor. AR: 00h 47m 06.0s Dec: -20°46'00" (Época 2000).
NGC 217, galaxia espiral, NGC 1042, galaxia espiral barrada, e NGC 1052, galaxia elíptica.
NGC 45, galaxia espiral de moi baixo brillo superficial.
Galaxia de Wolf-Lundmark-Melotte, de magnitude 11,0 é unha galaxia irregular nos límites do Grupo Local.
Galaxia IC 1613, galaxia anana pertencente ó Grupo Local.
NGC 246, nebulosa planetaria de pequeno diámetro.

Mitoloxía

Casiopea é a nai de Andrómeda e muller de Cefeo, rei de Etiopía. Casiopea estaba tan fachendosa da beleza da súa filla que, por rivalizar coas Nereidas, estas pedíronlle a Poseidón, deus dos mares, vinganza e el coma resposta enviou ó monstro mariño (Cetus) á costas do país causando grandes males.

Para enfrontarse a esta situación, Cefeo consultou ó oráculo de Amón, quen lle aconsellou sacrifica-la súa filla Andrómeda expoñéndoa atada a unha rocha nun acantilado para que fose vítima do monstro. Así, Andrómeda é ofrecida a Cetus. Perseo, que viña de regreso da súa viaxe despois de derrotar a Medusa, divisou á vítima e namorouse no acto dela. Propúxolle a Cefeo liberala, a cambio de que se lle concedese a súa man. Perseo mata ó monstro e posteriormente casase con Andrómeda.

Notas

↑ Cambados Márquez, Xoaquín Evaristo. "Algunhas notas referentes ó nome galego estándar das constelacións" (PDF). Arquivado dende o orixinal (PDF) o 13 de outubro de 2016. Consultado o 12 de outubro de 2016.

Véxase tamén

Ligazóns externas

Información sobre esta constelación (en castelán)
The Deep Photographic Guide to the Constellations: Cetus (en inglés)
Star Tales – Cetus (en inglés)

[1] Cambados Márquez, Xoaquín Evaristo. "Algunhas notas referentes ó nome galego estándar das constelacións" (PDF). Arquivado dende o orixinal (PDF) o 13 de outubro de 2016. Consultado o 12 de outubro de 2016.

[1]