ဝီကီးပီးဒီးယား:မှတ်ပုံတင်ခြင်း
အသုံးပြုနာမည်တစ်ခုကို မှတ်ပုံတင်ခြင်း စွာ ရွီးချယ်စရာတစ်ခု ဖြစ်ပါရေ။ မှတ်ပုံတင်ရာမှာ သင့်နာမည်ရင်းနန့် ကိုယ်ရီးအချက်အလက်တိ ပီးဖို့ မလိုအပ်ပါ။
မှတ်ပုံမတင်ထားဆိုကေတောင်မှ ဇာသူမဆို ဝီကီပီးဒီးယားမှာ ဝင်ရောက်ရီးသားနိုင်ပါရေ။ ယင်းတွက်နန့် အကောင့်တစ်ခု ပြုလုပ်ထားခြင်းက အောက်ပါ အကျိုးကျေးဇူးတိ ရနိုင်ပါရေ:
- ဆောင်းပါးသစ်တိကို ဖန်တီးနိုင်ခြင်း။
- အကောင့်တစ်ခု ပြုလုပ်ထားခြင်းက သင့်ကို ပြင်ဆင်ခွင့် ရွီးချယ်စရာတိနန့် အသုံးပြုသူအတွက် ရွီးချယ်စရာတိ အပါအဝင် အပို လုပ်ဆောင်ချက်တိ ရဟိမှာ ဖြစ်ပါရေ။ အသုံးတည့်ရေ လုပ်ဆောင်ချက်တစ်ခုက စောင့်ကြည့်စာရင်း ရာ ဖြစ်ပါရေ။ သူက သင်စိတ်ဝင်စားရေ စာမျက်နှာတိဧ့ အပြောင်းအလဲကို ထောက်လှမ်းပီးနိုင်ပါရေ။ နောက်တစ်ခုကတော့ စာမျက်နှာကို နာမည်ပြောင်းခြင်း ယပိုင်မဟုတ်ကေ ရွေ့ပြောင်းနိုင်ခြင်းရာ ဖြစ်ပါရေ။
- မှတ်ပုံမတင်ထားရေ အသုံးပြုသူကို သူ့ဧ့ ကွန်ပျူတာ အိုင်ပီလိပ်စာကနိန် တစ်ဆင့် သိဟိနိုင်ပါရေ။ နောက်တစ်ခုက အိုင်ပီလိပ်စာစွာ ပြောင်းလဲနီတတ်ရေအတွက် မှတ်ပုံမတင်ဘဲ အသုံးပြုသူတိအတွက် လေးစားသမှုရနိုင်ဖို့ ခက်ခဲပိုင် အခြားတည်းဖြတ်သူတိ အနေနန့် မှတ်တမ်းကောင်းကြည့်နိုင်ဖို့ ခက်ခဲပါရေ။ အလားတူ သူရို့မှာ ကိုယ်ပိုင်အသုံးပြုသူ စာမျက်နှာ မဟိရေအတွက် ဆွီးနွီးပြောဆိုချက်တိ အတွက်လဲ အခက်အခဲဟိနိုင်ပါရေ။
- အချို့စာမျက်နှာတိမှာ တည်းဖြတ်ပြင်ဆင်နိုင်ဖို့ အလိုအလျောက် အတည်ပြုထားသူတိ ဖြစ်နီဖို့ လိုအပ်ပါရေ။ ဒေပိုင် မှတ်ပုံတင်ထားသူစွာ ဝီကီပီးဒီးယားမှာ အနည်းဆုံး လေးရက်သက်တမ်းဟိရဖို့ ဖြစ်ပြီး တည်းဖြတ်မှု ဆယ်ကြိမ် အနည်းဆုံး ဟိရဖို့ ဖြစ်ပါရေ။
- မှတ်ပုံတင်ထားရေ အသုံးပြုသူတိကရာ အက်ဒမင် ခေါ် စီမံခန့်ခွဲသူ အဖြစ် လုပ်ပိုင်ခွင့် ဟိပါရေ။
သင်မှတ်ပုံတင်ရေအခါ အသုံးပြုသူနာမည်နန့် စကားဝှက်ကို မမေ့ပါစီကေ့။ သင်က ယင်းပိုင်မိ့တတ်ရေသူ ဆိုကေ မှတ်ပုံတင်အကောင့်ပြုလုပ်ချိန်မှာ အီးမေးလ်လိပ်စာကို သေချာ ထည့်ထားပီးပါ။ ယင်းမှ စကားဝှက်အသစ်ကို ပြန်ပနာရယူနိုင်ဖို့ ဖြစ်ပါရေ။
ပိုပြီး သိဟိနိုင်ဖို့ ဇာကြောင့် အကောင့်ပြုလုပ်ဖို့လိုအပ်လဲ ကို ဖတ်ပါ။
ဇာပိုင်မှတ်ပုံတင်ဖို့လဲ
[အရင်းအမြစ်ကိုတီးဖြတ်ပါ]မှတ်ပုံတင်အကောင့်တစ်ခု ပြုလုပ်ဖို့ အပေါ်က စာကြောင်း ယပိုင်မဟုတ်ကေ စာမျက်နှာဧ့ ညာဖက်အပေါ်နားက အကောင့် ဖန်တီးရန် ကို နှိပ်ပါ။
အသုံးပြုနာမည်ကို ရွီးချယ်ပြီးစော်နန့် နာမည်ကို လွယ်လွယ်နန့် ပြန်ပြောင်းခွင့်မဟိပါ။ ယင်းကြောင့် အသုံးပြုနာမည် မရွီးချယ်မီ အသုံးပြုနာမည် မူဝါဒ ကို ဖတ်ရှုဖို့ အကြံပြုပါရေ။