Ганна Васілеўна Норкус
| Ганна Васілеўна Норкус | |
|---|---|
| Нараджэнне |
15 студзеня 1960 (65 гадоў) |
| Адукацыя | |
| Навуковая ступень | кандыдат сельскагаспадарчых навук |
| Узнагароды | |
Ганна Васілеўна Норкус (у дзявоцтве Шарэйка; нар. 15 студзеня 1960, Антаполле, Чашніцкі раён, Віцебская вобласць) — беларускі дзяржаўны дзеяч. Кандыдат сельскагаспадарчых навук. Член Пастаяннай камісіі Савета Рэспублікі Нацыянальнага сходу Рэспублікі Беларусь па міжнародных справах і нацыянальнай бяспецы.
Выбрана членам Савета Рэспублікі Нацыянальнага сходу Рэспублікі Беларусь пятага склікання ад Віцебскай вобласці (вылучана ад Віцебскага, Гарадоцкага, Дубровенскага і Лёзненскага раёнаў).
Біяграфія
[правіць | правіць зыходнік]Скончыла Віцебскі ветэрынарны інстытут і Усерасійскі навукова-даследчы і тэхналагічны інстытут птушкагадоўлі.
Працоўную дзейнасць пачала рабочай саўгаса «Слідчаны» Чашніцкага раёна. Была рабочай Віцебскай перасоўнай механізаванай калоны рэспубліканскага аб'яднання «Белсельгастэхніка». Працавала аператарам, начальнікам цэха інкубацыі, галоўным тэхнолагам — намеснікам дырэктара па вытворчасці, дырэктарам Віцебскай бройлернай птушкафабрыкі, дырэктарам адкрытага акцыянернага таварыства «Віцебская бройлерная птушкафабрыка».
Генеральны дырэктар адкрытага акцыянернага таварыства «Віцебская бройлерная птушкафабрыка». У 2014 годзе фабрыка трапіла ў першую дваццатку самых прыбытковых ААТ краіны (150 млрд рублёў чысты прыбытак). Па выніках 2015 года, калі Шарэйка была ў СІЗА, яе чыстыя страты склалі 50 млрд рублёў. Па вызваленні з СІЗА Ганна Норкус здолела вярнуць птушкафабрыцы лідарскія пазіцыі[1].
Абіралася членам Савета Рэспублікі Нацыянальнага сходу Рэспублікі Беларусь чацвёртага і пятага скліканняў. Пасля асуджэння за злоўжыванне службовымі паўнамоцтвамі 14 чэрвеня 2016 года Савет Рэспублікі датэрмінова спыніў яе паўнамоцтвы[2].
Затрыманне і суд
[правіць | правіць зыходнік]У жніўні 2014 года са згоды Савета Рэспублікі Ганна Шарэйка была затрыманая па падазрэнні ў злоўжыванні службовымі паўнамоцтвамі[3]. Паводле Генеральнай пракуратуры шэраг супрацоўнікаў Віцебскай бройлернай птушкафабрыкі цягам некалькіх гадоў уваходзілі ў склад конкурснай камісіі і прымалі рашэнні пра закупкі кармоў і кармавых дадаткаў у замежнай кампаніі па завышаных цэнах. Па інфармацыі Генпракуратуры, дырэктар фабрыкі Ганна Шарэйка давала незаконныя загады конкурснай камісіі пра прызнанне пераможцам[4] літоўскую кампанію «Даймас», з уласнікам якой, Вальдэмарасам Норкусам, жыла[5], што прынесла фабрыцы страты на 4 мільярды рублёў[4].
Ёй і яшчэ шасці падсудным выстаўлена абвінавачанне ў злоўжыванні ўладай або службовымі паўнамоцтвамі, учыненым арганізаванай групай (арт. 18, ч. 3 арт. 424 КК). Шарэйка не прызнала сваю віну[5]. 10 чэрвеня 2016 года суддзя Уладзімір Давыдаў Вярхоўнага суда Беларусі прысудзіў Ганне Шарэйка 2 гады 6 месяцаў калоніі агульнага рэжыму і штраф у 31 мільён, а Вальдэмарасу Норкусу — 2 гады калоніі агульнага рэжыму і штраф у 31 мільён. Таксама і Шарэйка і Норкус былі пазбаўлены права займаць права кіраўнічыя пасады[6].
Узнагароды
[правіць | правіць зыходнік]Заслужаны работнік сельскай гаспадаркі Рэспублікі Беларусь (2020)[7]. Узнагароджана ордэнам Пашаны, медалём «За працоўныя заслугі», юбілейнымі медалямі «65 гадоў Перамогі ў Вялікай Айчыннай вайне 1941—1945 гг.», «65 год вызвалення Рэспублікі Беларусь ад нямецка-фашысцкіх захопнікаў», Ганаровай граматай Нацыянальнага сходу Рэспублікі Беларусь, Ганаровай граматай Міністэрства сельскай гаспадаркі і харчавання Рэспублікі Беларусь. Пераможца рэспубліканскага конкурсу «Жанчына года — 2008» у намінацыі «За высокі прафесіяналізм», «Чалавек года Віцебшчыны — 2018»[8].
Сям'я
[правіць | правіць зыходнік]У час судовага працэсу неаднаразова спрабавала афіцыйна аформіць свае адносіны з літоўскім бізнесменам Вальдэмарасам Норкусам, але пары адмаўлялі ў гэтым[9]. У 2016 годзе выйшла замуж за Норкуса, з якім два гады правяла ў зняволенні, і ўзяла прозвішча мужа.
Зноскі
- ↑ Ганна Норкус (Шарэйка) прызнана Чалавекам года Віцебшчыны . Наша Ніва (11 лютага 2019). Праверана 30 жніўня 2025.
- ↑ Савет Рэспублікі датэрмінова спыніў паўнамоцтвы Ганны Шарэйка . Наша Ніва (14 чэрвеня 2016). Праверана 30 жніўня 2025.
- ↑ Са згоды савета рэспублікі сенатарка з Віцебска затрыманая па падазрэнні ў злоўжыванні . Наша Ніва (14 жніўня 2014). Праверана 30 жніўня 2025.
- ↑ а б Справа сенатаркі Шарэйка: пабудавала катэдж і лабіравала інтарэсы замежнага сябра . Наша Ніва (19 жніўня 2014). Праверана 30 жніўня 2025.
- ↑ а б Ганна Шарэйка не прызнала сваю віну . Наша Ніва (23 лютага 2016). Праверана 30 жніўня 2025.
- ↑ У зале суда плакалі ўсе: сенатарку Ганну Шарэйка вызвалілі проста пад апладысменты . Наша Ніва (10 чэрвеня 2016). Праверана 30 жніўня 2025.
- ↑ Ордэны, медалі і ганаровыя званні — узнагарод удастоены больш за 60 прадстаўнікоў розных галін
- ↑ Ганна Норкус (Шарэйка) прызнана Чалавекам года Віцебшчыны . Наша Ніва (11 лютага 2019). Праверана 30 жніўня 2025.
- ↑ Экс-сенатарцы Ганне Шарэйка не дазволілі пабрацца шлюбам з бізнэсмэнам Норкусам у СІЗА . Наша Ніва (27 красавіка 2016). Праверана 30 жніўня 2025.
- Нарадзіліся 15 студзеня
- Нарадзіліся ў 1960 годзе
- Нарадзіліся ў Чашніцкім раёне
- Выпускнікі Віцебскай дзяржаўнай акадэміі ветэрынарнай медыцыны
- Кандыдаты сельскагаспадарчых навук
- Узнагароджаныя медалём «65 гадоў вызвалення Рэспублікі Беларусь ад нямецка-фашысцкіх захопнікаў»
- Узнагароджаныя медалём «65 гадоў Перамогі ў Вялікай Айчыннай вайне 1941-1945 гг.»
- Кавалеры ордэна Пашаны (Беларусь)
- Узнагароджаныя медалём «За працоўныя заслугі»
- Узнагароджаныя Ганаровай граматай Нацыянальнага сходу Рэспублікі Беларусь
- Заслужаныя работнікі сельскай гаспадаркі Рэспублікі Беларусь
- Асобы
- Члены Савета Рэспублікі Нацыянальнага сходу Рэспублікі Беларусь 4-га склікання
- Члены Савета Рэспублікі Нацыянальнага сходу Рэспублікі Беларусь 5-га склікання