Крыж і мэдаль Незалежнасьці (па-польску: Krzyż Niepodległości) — польскія дзяржаўныя вайсковыя ўзнагароды міжваеннага часу.
Крыж і мэдаль Незалежнасьці былі заснаваны распараджэньнем прэзыдэнта РП 29 кастрычніка 1930 з мэтаю «адзначэньня асобаў, якія шмат зрабілі для незалежнасьці Польшчы ў пэрыяд перад Сусьветнай вайной ці пад час яе, ці пад час змаганьня ў 1918—1920, за выняткам польска-савецкай вайны 1920 на землях Польшчы». Пасьля пазьнейшых зьменаў узнагародаю маглі быць адзначаны асобы, якія вызначыліся «пад час паўстаньня за вызваленьне ў 1938 Цешынскай Сылезіі».
Удзельнікі змаганьня са зброяю ў руках за незалежнасьць Польшчы перад І Сусьветнаю вайною ці па-за шэрагамі арміі, датычна асобаў, якія гэтым змаганьнем кіравалі, маглі быць узнагароджаны Крыжам незалежнасьці зь мячамі.
.PNG?lang=be-tarask)
