Настольныя гульні
Настольныя гульні — гэта гульні, у якіх некалькі карыстальнікаў гуляюць на звычайным або спецыяльна аздобленым стале з выкарыстаннем матэрыяльных прылад, такіх як гульнявое поле, карткі, косткі і фігуркі.
Паводле спосабу ўзаемадзеяння гульцоў падзяляюцца на спаборніцкія, кааператыўныя і «адзін супраць усіх». Паводле жанраў падзяляюцца на абстрактныя, еўрапейскія, амерыканскія, варгеймы, сацыяльныя і ролевыя гульні.
Паводле выкарыстаных прылад сярод настольных гульняў можна вылучыць наступныя катэгорыі:
- Картачныя гульні: дурань, покер, блэкджэк
- Калекцыйныя картачныя гульні: Pokemon, Magic The Gathering
- Гульні на дошцы:
- Гульні ў косці
- Гульні на паперы: крыжыкі-нулікі, марскі бой
Беларускія настольныя гульні
[правіць | правіць зыходнік]Беларускія настольныя гульні выдаюць кампаніі OZ.BY, студыя Kubik, культурніцкая прастора Арт Сядзіба, выдавецтва «Гутэнберг»[1]. Студыя Kubik вядомая беларускамоўнымі гульнямі на гістарычную тэматыку, такімі як «Тутэйшыя» і «Паўстанцы», а таксама гульнямі для вывучэння беларускай мовы[2][3].
Крыніцы
[правіць | правіць зыходнік]- ↑ Валянціна Андрэева: Gutenberg Publisher будзе не проста выдавецтвам, а і беларускай інтэлектуальнай прасторай. Будзьма беларусамі.
- ↑ Shpak, Anastasija. У Гродне распрацавалі новую настольную гульню па-беларуску - "Тутэйшыя" . Hrodna.life - навіны Гродна (24 лютага 2023). Праверана 1 сакавіка 2024.
- ↑ К, А.. “Мы прывозілі гульні – іх адразу забіралі”. Абноўленую гульню “Паўстанцы” прэзентавалі ў Гродне . Hrodna.life - навіны Гродна (20 снежня 2019). Праверана 1 сакавіка 2024.
