Перайсці да зместу

Белавія

З Вікіпедыі, свабоднай энцыклапедыі
Belavia
ІАТА
B2 		ІКАА
BRU 		Пазыўны
Belarus Avia
Дата заснавання 5 сакавіка 1996
Бонусная праграма Belavia Leader
Хабы Нацыянальны аэрапорт Мінск
Памер флота 31 + 10 заказаны
Кірункі 56
Уладальнік Рэспубліка Беларусь
Штаб-кватэра Мінск, Беларусь
Кіраўніцтва Ігар Мікалаевіч Чаргінец
Сайт: http://www.belavia.by

«Белавія» або Belavia — беларуская дзяржаўная авіякампанія.

Гісторыя

[правіць | правіць зыходнік]
Ту-134А пад бел-чырвона-белым сцягам (Франкфурт-на-Майне, 1994 год)

Пасля распаду СССР і набыцця незалежнасці Рэспублікай Беларусь у 1991 годзе, было створана Беларускае аб’яднанне грамадзянскай авіяцыі «Белавія», якое атрымала ў спадчыну парк паветраных суднаў, што належалі Беларускаму ўпраўленню грамадзянскай авіяцыі СССР. У структуру аб’яднання ўваходзілі ўсе прадпрыемствы грамадзянскай авіяцыі Рэспублікі Беларусь.

5 сакавіка 1996 года Беларускае аб’яднанне грамадзянскай авіяцыі «Белавія» рэарганізавана ў Нацыянальную авіякампанія «Белавія». Флот новай авіякампаніі складаўся з самалётаў Ту-154 і Ту-134А.

У 1998 годзе адбылося аб’яднанне авіякампаній «Белавія» і «Мінскавія», у выніку на баланс «Белавіі» паступілі самалёты Ан-24, Ан-26 і Як-40. У 2000 годзе адбылося аб’яднанне «Белавія» і «Магілёўавія».

Першы самалёт заходняй вытворчасці ў «Белавіі» з’явіўся ў 2003 годзе — у аператыўны лізінг быў узяты Boeing 737—500 (бартавы нумар EW-250PA).

29 студзеня 2014 года РУП «Нацыянальная авіякампанія „Белавія“» было рэарганізавана ў ААТ «Авіякампанія „Белавія“».

Станам на сакавік 2018 года, «Белавія» мела 50 прадстаўніцтваў за межамі Беларусі, была сябрам Міжнароднай асацыяцыі паветранага транспарту (IATA) і Еўрапейскай асацыяцыі рэгіянальных авіякампаній (ERAA).

Замежныя санкцыі

[правіць | правіць зыходнік]

З 2021 года, пасля прымусовай пасадкі ўладамі Беларусі самалёта авіякампаніі Ryanair, які ляцеў транзітам над тэрыторыяй краіны, беларускім авіякампаніям забаронена ажыццяўляць рэйсы ў аэрапорты ЕС і здзяйсняць палёты над тэрыторыяй Еўрасаюза[1].

За перавозку мігрантаў з Блізкага Усходу ў Беларусь у канцы 2021 года еўрапейскія санкцыі не дазваляюць кампаніі «Белавія» заключаць новыя лізінгавыя кантракты з еўрапейскімі кампаніямі. Таксама кампанія была вымушана вярнуць самалёты, якія ўзяла ў іх у лізінг раней[2].

З чэрвеня 2022 да верасня 2025 года, за падтрымку ўладамі Беларусі расійскага ўварвання ва Украіну, у дачыненні да «Белавія» дзейнічалі санкцыі ЗША. У гэты час авіякампанія не магла атрымліваць для сваіх самалётаў вытворчасці кампаній Boeing і Embraer запчасткі, а таксама карыстацца паслугамі па рамонце і абслугоўванні з ужываннем амерыканскага абсталявання[3].

У 2025 годзе ў абыход міжнародных санкцый кампанія «Белавія» атрымала адразу тры далёкамагістральныя лайнеры Airbus A330-200. Самалёты прыбылі ў краіну прыхаваным шляхам праз афрыканскую кампанію Magic Air (Гамбія) і фармальнага пасрэдніка ў ААЭ[4].

Паказчыкі дзейнасці

[правіць | правіць зыходнік]
Цэнтральны офіс авіякампаніі «Белавія» (Мінск, Беларусь)

Структура рэалізацыі паслуг

[правіць | правіць зыходнік]

Удзельная вага паслуг, якія надае «Белавія»:

  • авіяперавозка пасажыраў — 65,6 %
  • перавозкі пасажыраў на чартарных рэйсах — 21,6 %
  • запраўка авіяпалівам паветраных суднаў, якія здзяйсняюць палёты ў Нацыянальны аэрапорт, — 11,0 %
  • тэхнічнае абслугоўванне паветраных суднаў, якія здзяйсняюць палёты ў Нацыянальны аэрапорт, — 0,5 %
  • іншыя паслугі — 1,3 %

Статыстыка

[правіць | правіць зыходнік]
2009 2010 2011 2012 2013 2014 2015 2016 2017 2018 2019
ЗАРОБАК млн дол 119 151 300
ПРЫБЫТАК млн дол 2,9 7,9
ЧЫСТЫ ПРЫБЫТАК млн дол 0,7 2,7 12
ПАСАЖЫРЫ тыс 968 1 036 1 284 1 612 2 488 3 008 3 386
САМАЛЁТЫ у канцы года 26 31
КІРУНКІ у канцы года 49 56
крыніцы [5] [6] [7] [8][9] [10]

Флот

[правіць | правіць зыходнік]
Boeing 737—800
Embraer E195

Станам на снежань 2019 года, флот «Белавіі» налічваў 31 самалёт трох вытворцаў: Boeing, Bombardier і Embraer. Сярэдні ўзрост самалётаў складаў 12,5 года[11].

Паводле праграмы панаўлення флоту на 2019—2020 гады, «Белавія» мела набыць у лізінг 7 новых самалётаў Boeing 737 MAX 8 і 5 новых самалётаў Embraer E-Jet у лізінгавай кампаніі Nordic Aviation Capital. Прыбыццё апошняга з 5 самалётаў Embraer было запланавана на красавік 2020 года[11]. З прычыны прыпынення палётаў Boeing 737 MAX набыццё гэтага самалёта было адтэрмінавана да 2020 года.

Пасля 2020 года планавалася набыццё ў лізінг самалётаў Embraer сямейства E-Jet E2[12].

Флот Belavia
Самалёт Колькасць Заказана Пасажыры Заўвагі
C Y Разам
Boeing 737—300 5
148 148 EW-254PA у ліўрэі World of Tanks
Boeing 737—500 6
8 112 120
Boeing 737—800 7 2
189 189
Boeing 737 MAX 8 1 6
Bombardier CRJ200 2
50 50
Embraer E175 4 1 12 64 76
Embraer E195 7
11 96 107 EW-400PO у ліўрэі World of Tanks
Airbus A330-200 3
18 263 281
35 9

Інцыдэнты

[правіць | правіць зыходнік]

Крыніцы

[правіць | правіць зыходнік]
  1. ↑ Саммит ЕС постановил запретить авиакомпаниям Белоруссии летать в Евросоюз (руск.)
  2. ↑ Суд ЕС отклонил иск «Белавиа» о снятии санкций (руск.)
  3. ↑ США сняли санкции с «Белавиа» (руск.)
  4. ↑ Белавиа тайно получила три широкофюзеляжных Airbus A330 (руск.)
  5. ↑ Нацыянальная авіякампанія “Белавія” падвяла вынікі дзейнасці за 2012 г. . Навіны. Belavia (4 сакавіка 2018).
  6. ↑ «Белавиа» подвела итоги деятельности за 2013 год (руск.)(недаступная спасылка). Навіны. Belavia (4 сакавіка 2018). Архівавана з першакрыніцы 5 верасня 2023. Праверана 4 сакавіка 2018.
  7. ↑ Авіякампанія «Белавія» падвяла вынікі працы за 2016 год (недаступная спасылка). Belavia (15 снежня 2019). Архівавана з першакрыніцы 16 снежня 2019. Праверана 16 снежня 2019.
  8. ↑ «Белавиа» впервые перевезла трехмиллионного пассажира с начала года (руск.)(недаступная спасылка). Навіны. Belavia (16 студзеня 2018). Архівавана з першакрыніцы 5 верасня 2023. Праверана 16 студзеня 2018.
  9. ↑ "Мы не планируем создавать свой лоукост". "Белавиа" в 2017 году заработала 12 миллионов долларов (руск.). Общество. Tut.by (4 сакавіка 2018).(недаступная спасылка)
  10. ↑ "Белавиа" чествовала 4-миллионного пассажира за год (руск.). БелТА (24 снежня 2019).
  11. ↑ а б Новый Embraer-195 пополнил флот Белавиа (руск.). Belavia (20 снежня 2019).
  12. ↑ Флот "Белавиа" в ближайшие два года пополнят пять Embraer и шесть Boeing (руск.). Эканоміка. БелТА (7 лістапада 2018).

Спасылкі

[правіць | правіць зыходнік]
Узята з "https://be.wikipedia.org/w/index.php?title=Белавія&oldid=5034012"