Репетиция

• Репетиция (нєм. wiederholungszeichen, анґл. repetition) то знак за повторйованє (лат. repetitio - повторйованє) хтори ше пише зоз двома тактовима смужками єдна ценша, друга грубша и двома точками у другей и трецей пражнїни линийовей системи. Репетиция оможлївює практичносц при повторйованю нотного текста (скрацує записованє нотного текста).

Файти репетициї и способ применьованя

Розликуєме два файти репетициї:

♦ Початна репетиция: означує початок часци хтору потребно повториц.

♦ Закончуюца репетиция: означує конєц часци хтору потребно повториц.

Знак за репетицию пишеме:

• на концу даєдней музичней цалосци, по хтору ше дойдзе зоз граньом композициї (або шпиваньом) од самого початку, лєбо зоз граньом од початку тей новей часци лєбо става хтори ше дословно повторює. У таким случаю достаточна лєм тота єдна репетиция на концу музичней цалосци, такв. закончуюца репетиция.

• на початку першого такта и на концу остатнього такта кед же ше повторює даяка музична цалосц з нука самей композициї. Теди пишеме и початну и закончуюцу репетицию.

Нотни приклади репетициї у цеку композициї:

Кед би нє було уписаних знакох репетициї (абревиятура), було би потребно исти нотни текст композициї

Илустрация Прими и секонди волти, абревиятура -скраценє тиж за репетицию

написац два раз, а з тим би ше:

• потрошело вельо вецей часу за писанє нотох,
• нотни текст би завжал дупло вецей простору у партитури,
• очежало би ше записованє и
• нотни текст би постал нєпреглядни.

Опатриц

Абревиятура (музика)

Прима и секонда волта