Перайсці да зместу

Тамара Пятроўна Красоўская

Дадаць спасылкі
З Вікіпедыі, свабоднай энцыклапедыі
(Пасля перасылкі з Тамара Красоўская)
Тамара Пятроўна Красоўская
Дэпутат Палаты прадстаўнікоў Нацыянальнага сходу Рэспублікі Беларусь V склікання
18 кастрычніка 2012 — 2016
Прэзідэнт Аляксандр Лукашэнка
Кіраўнік урада Міхаіл Мясніковіч
Андрэй Кабякоў
Дэпутат Палаты прадстаўнікоў Нацыянальнага сходу Рэспублікі Беларусь VI склікання
з 11 кастрычніка 2016
Нараджэнне 2 студзеня 1965(1965-01-02) (60 гадоў)
Адукацыя
Узнагароды
Медаль «За працоўныя заслугі»
Медаль «За працоўныя заслугі»
У Вікіпедыі ёсць артыкулы пра іншых людзей з прозвішчам Красоўская.

Тама́ра Пятро́ўна Красо́ўская (2 студзеня 1965, в. Забашавічы, Барысаўскі раён, Мінская вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V і VI скліканняў, член Савета Рэспублікі Нацыянальнага сходу Рэспублікі Беларусь 8-га склікання.

Біяграфія

[правіць | правіць зыходнік]

Нарадзілася 2 студзеня 1965 года ў в. Забашавічы Барысаўскага раёна Мінскай вобласці.

Скончыла Беларускі дзяржаўны ўніверсітэт па спецыяльнасці «Правазнаўства», Акадэмію кіравання пры Прэзідэнце Рэспублікі Беларусь па спецыяльнасці «Кіраванне сацыяльнай сферай», магістратуру гэтай жа акадэміі па спецыяльнасці «Прававое рэгуляванне кіраўніцкай дзейнасці ў сацыяльных і эканамічных сістэмах»[1].  

Працавала інжынерам-тэхнолагам, старшым тавараведам аддзела збыту, інспектарам аддзела кадраў Барысаўскага аўтарамонтнага завода; інспектарам, загадчыкам, начальнікам аддзела запісаў актаў грамадзянскага стану Барысаўскага гарадскога выканаўчага камітэта; начальнікам аддзела запісаў актаў грамадзянскага стану, кіраўніком спраў Барысаўскага раённага выканаўчага камітэта[1]. Старшыня камітэта па працы, занятасці і сацыяльнай абароне Мінскага аблвыканкама[1].

Дэпутатка Барысаўскага раённага Савета дэпутатаў 25-га[2], 26-га і 27-га скліканняў[1].  

Дэлегатка VII Усебеларускага народнага сходу[3].  

Старшыня адміністрацыйнай камісіі Барысаўскага раённага выканаўчага камітэта[2].

У 2012—2016 гадах дэпутат Палаты прадстаўнікоў Нацыянальнага сходу Рэспублікі Беларусь V склікання. З 2016 года дэпутат Палаты прадстаўнікоў Нацыянальнага сходу Рэспублікі Беларусь VI склікання[1][2].

Выбрана ў 2024 годзе членам Савета Рэспублікі Нацыянальнага сходу Беларусі 8-га склікання ад Мінскай вобласці (вылучана ад Барысаўскага, Крупскага і Бярэзінскага раёнаў)[1]. Член Пастаяннай камісіі Савета Рэспублікі па адукацыі, навуцы, культуры і сацыяльным развіцці[1].  

Старшыня Барысаўскага раённага Савета жанчын[2], пасля старшыня Мінскай абласной арганізацыі Беларускага саюза жанчын[4].  

Узнагароды

[правіць | правіць зыходнік]

Мае Падзяку Прэзідэнта Рэспублікі Беларусь[1]. Узнагароджаная медалём «За працоўныя заслугі»[5][1].

Асабістае жыццё

[правіць | правіць зыходнік]

Замужам, мае сына і дачку[2].

Зноскі

  1. ↑ а б в г д е ё ж з Красовская Тамара Петровна — Члены Совета Республики — Официальный сайт Совета Республики. Совет Рэспублікі. Праверана 29 жніўня 2025.
  2. ↑ а б в г д Дасье на сайце Палаты прадстаўнікоў Нацыянальнага сходу Рэспублікі Беларусь(недаступная спасылка) (бел.)
  3. ↑ Красовская Тамара Петровна — Члены Совета Республики — Официальный сайт Совета Республики. Совет Рэспублікі. Праверана 29 жніўня 2025.
  4. ↑ Красовская Тамара Петровна — Члены Совета Республики — Официальный сайт Совета Республики. Совет Рэспублікі. Праверана 29 жніўня 2025.
  5. ↑ Указ Прэзідэнта Рэспублікі Беларусь № 462 «Аб узнагароджанні»(недаступная спасылка). Афіцыйны інтэрнэт-партал Прэзідэнта Рэспублікі Беларусь (26 лістапада 2018). Архівавана з першакрыніцы 22 снежня 2018. Праверана 28 лістапада 2018.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Тамара_Пятроўна_Красоўская&oldid=5029103"