Вуліца Сціклю

Сціклю
Вільня
Сціклю; Вільня
	літ.: Stiklių gatvė
Агульная інфармацыя
Краіна	Літва;
Горад	Вільня;
Раён	Сянюнія Сянаміесціс
Працягласць	270 м м
Ранейшыя назвы	Жыдоўская, Дамініканскі завулак, Ігнатаўскі завулак, Сувязі, Антакольскага
Назва ў гонар	шклароб[d]
Паштовы індэкс	LT-01131
	Медыяфайлы на Вікісховішчы

Вуліца Сціклю^[1] (літ.: Stiklių gatvė), традыцыйная беларуская назва Шкляна́я ву́ліца^[2] — вуліца ў цэнтральнай частцы Вільні, у Старым Горадзе. Звязвае вуліцу Вялікую з Дамініканскай. Працягваецца вуліцай Святога Ігната.

Гісторыя

Атрымала сваю назву ад шкляной мануфактуры, заснаванай тут паводле прывілею вялікага князя Жыгімонта Аўгуста, нададзенага 22 мая 1547 года. Гэты прывілей дазваляў Марціну Палецкаму адкрыць майстэрню і гандляваць у Вільні шклом і шклянымі вырабамі.

У часы нацысцкай акупацыі вуліца ў складзе Малога гета. Па Другой сусветнай вайне ўлады Літоўскай ССР на пэўны час перайменавалі яе ў вуліцу Сувязі, а потым да 1989 года — у вуліцу Марка Антакольскага. Тым часам назву Шкляной мелі цяперашнія вуліцы Гаона і Марка Антакольскага.

Агульныя звесткі

Даўжыня вуліцы каля 270 м. Нумарацыя дамоў пачынаецца ад Вялікай вуліцы. З левага паўднёва-заходняга боку вуліцы дамы з няцотнымі нумарамі, з правага паўночна-ўсходняга боку — цотная нумарацыя.

З правага боку адыходзіць вуліца Гаона, з левага — Марка Антакольскага і Жыдоўская.

Будынкі

Няцотны бок

№ 1 (таксама Вялікая вуліца, 17) — кутні 3-павярховы дом, збудаваны на месцы старажытнай Уваскрэсенскай царквы, ад якой захавалася частка мура.
№ 3 — 2-павярховы дом. На фасадзе суседняга дома вісіць памятная шыльда ў гонар шкляной мануфактуры.

Цотны бок

№ 2 (таксама Вялікая вуліца, 19) — друкарня Францыска Скарыны. У XV—XVI стагоддзях дом належаў віленскаму бурмістру Якубу Бабічу. Як сведчыць шыльда на будынку, сюды ў 1520 годзе Францішак Скарына перавёз з Прагі сваю друкарню. Тут Скарына выдаў «Малую падарожную кніжку» (1522) і «Апостал» (1525)^[3].
№ 4 — дом, збудаваны ў XV — першай палове XVII стагоддзя. У замкнёным унутраным двары ў памяць віленскіх першадрукароў у 1973 годзе паставілі скульптуру «Летапісец».
№ 6 — 3-павярховы дом, пад якім захаваліся падмуркі і сутарэнні дома злотніка Яна Шульца, згаданага ў 1595 годзе.
№ 8 — 3-павярховы дом
№ 10 (таксама вуліца Марка Антакольскага, 2) — нарожны 2-павярховы дом
№ 12 — 3-павярховы дом

Зноскі

↑ Напісанне ў адпаведнасці з ТКП 187-2009 (03150) «Спосабы і правілы перадачы геаграфічных назваў і тэрмінаў Літоўскай Рэспублікі на беларускую мову»
↑ Наша Ніва. № 1, 1994. С. 7.
↑ Лашкевіч К. Страчаная сталіца. Дапаможнік-гід па беларускай Вільні Архівавана 1 лютага 2017., TUT.BY, 6.08.2009.

Літаратура

Луцкевіч Л. Вандроўкі па Вільні. — Вільня: Рунь, 1998.— 160 с.: іл. ISBN ISBN 9986-9228-2-8.

Спасылкі

На Вікісховішчы ёсць медыяфайлы па тэме Вуліца Сціклю

[1] Напісанне ў адпаведнасці з ТКП 187-2009 (03150) «Спосабы і правілы перадачы геаграфічных назваў і тэрмінаў Літоўскай Рэспублікі на беларускую мову»

[2] Наша Ніва. № 1, 1994. С. 7.

[3] Лашкевіч К. Страчаная сталіца. Дапаможнік-гід па беларускай Вільні Архівавана 1 лютага 2017., TUT.BY, 6.08.2009.

[1]

[2]

[3]