ߖߋ߬ߟߌ (ߖߋ߬ߟߌ߬ߓߊ)
ߡߊ߲߬ߘߋ߲߫ ߖߋߟߌ ߦߋ߫ ߟߎ߬ ߦߋ߫ ߛߌ ߘߏ߫ ߟߎ߫ ߟߋ߬ ߘߌ߫ ߖߋ߬ߟߌ߬ߦߊ ߦߋ߫ ߡߍ߲ ߠߎ߬ ߟߊ߲߬ߓߋ ߘߌ߫ (ߞߊ߬ ߖߋ߬ߟߌ߬ߦߊ ߛߐ߬ߘߐ߲߫ ߓߐ߲ߛߐ߲ߢߐ߲߯ߦߊ ߘߐ߫). ߏ߬ ߟߎ߫ ߘߊߡߌ߬ߣߊ߫ ߘߊ߫ ߞߊ߬ߦߌ߯ ߡߊ߲߬ߘߋ߲߫ ߞߊ߬ߞߘߐ ߥߎ߬ߛߎ ߟߋ߬ ߘߐ߫ ߥߟߊ߫ ߝߘߊ߬ߝߌ߲߬ߠߊ߫ ߕߟߋ߬ߓߋ ߞߎ߲߬ߝߟߐ ߘߐ߫. ߊ߬ߟߎ ߓߊ߯ߙߘߊ ߦߋ߫ ߖߋ߬ߕߌ߮ ߟߎ߬ ߟߊ߫ ߞߋߟߦߊ ߟߎ߬ ߣߌ߫ ߞߟߍ߬ߓߊ߲ ߠߎ߬ ߣߌ߫ ߡߓߊ߬ߟߌ߬ߡߊ߬ߟߌ ߟߎ߬ ߟߋ߬ ߘߌ߫߸ ߖߊߘߏߦߊ߸ ߘߐ߬ߝߐ ߟߎ߬ ߘߐߛߊ߬ߦߌ ߛߴߊ߬ߟߎ߫ ߞߊߣߊ߬ ߕߎߣߎ߲߫߸ ߊ߬ ߣߌ߫ ߞߏ߫ ߜߘߍ ߛߎ߯-ߎ߯-ߛߎ߫ ߘߴߛߋ߫ ߡߊ߲߬ߘߋ߲߫ ߡߌߙߌ߲ߘߌ ߓߟߏߘߏ߲߬ ߠߊ߫ ߢߐ߲߯ ߓߟߏ ߛߐ߲߬.[߁]
ߓߊ߯ߙߘߊ ߟߎ߬
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߖߋ߬ߟߌ ߟߎ߬ ߟߊ߫ ߓߊ߯ߙߘߊ߫ ߓߟߏߡߊߞߊ߬ߣߍ߲ ߠߎ߬ ߘߏ߫ ߟߋ߬ ߦߋ߫ ߖߋ߬ߕߌ߮ ߟߎ߬ ߟߊ߫ ߞߋߟߦߊ ߟߎ߬ ߘߌ߫ ߝߘߎ߫ ߛߌߟߊ߫ ߕߊ߯ߡߊ ߟߎ߬ ߘߐ߫߸ ߟߊ߬ߘߍ߰ ߡߊ߬ߞߟߌ ߟߎ߬ ߘߐ߫߸ ߊ߬ ߣߌ߫ ߞߏ߫ ߜߘߍ ߟߎ߬ ߘߐ߫.
ߛߌ ߟߎ߬
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߛߌ߫ ߥߙߍߓߊߓߊ ߟߎ߬ ߟߋ߬ ߦߋ߫ ߖߋ߬ߟߌ߬ߦߊ ߟߊ߫ ߡߊ߲߬ߘߋ߲߫ ߣߴߊ߬ ߟߊߡߌߣߌ߲ ߠߎ߬ ߘߐ߫߸ ߡߍ߲ ߠߎ߬ ߘߏ߫ ߟߎ߫ ߦߋ߫ ߢߊ߬ߙߊ߫ ߛߌ ߟߎ߬ ߘߌ߫ ߥߟߊ߫ ߟߊ߲߬ߔߊ߰ߛߌ߬ ߛߌ ߟߎ߬ ߘߌ߫. ߢߊ߬ߙߊ߫ ߛߌ ߏ߬ ߟߎ߬ ߟߊ߫ ߖߋ߬ߟߌ߬ߦߊ ߟߊߛߐ߬ߘߐ߲߬ ߢߊ߫ ߖߐ߲ߖߐ߲ ߠߎ߬ ߟߐ߲ߣߍ߲߫ ߕߍ߫ ߒ߬ߠߎ߬ ߓߟߏ߫ ߡߎߣߎ߲߬߸ ߓߊߏ߬ ߒ߬ ߡߴߏ߬ ߞߊ߬ߙߊ߲߫ ߘߐ߬ߛߙߋ߫ ߘߐ߫ ߡߎߣߎ߲߬ ߥߟߊ߫ ߡߍ߲ߢߐ߲߯ߠߊ߫ ߘߐ߫. ߞߊ߬ ߓߍ߲߬ ߖߡߊ߬ߣߊ ߣߌ߫ ߞߊ߬ߝߏ߬ߓߏߟߏ߲ ߣߌ߫ ߞߊ߬ߝߏ߬ߙߋ߲ ߠߎ߬ ߟߌ߬ߤߟߊ ߟߎ߬ ߝߘߏ߬ߢߐ߲߰ߡߊ ߟߎ߬ ߡߊ߬، ߌ ߘߴߛߋ߫ ߛߌ ߘߏ߫ ߦߋ߫ ߟߊ߫ ߖߋ߬ߟߌ߬ߦߊ ߟߊ߫ ߦߙߐ ߘߏ߫ ߘߐ߫ ߞߵߊ߬ ߕߘߍ߬ ߊ߬ ߦߋ߫ ߟߊ߲߬ߔߊ߰ߛߌ߬ߦߊ ߣߌ߫ ߡߊ߲߬ߕߎ߬ߦߊ ߟߎ߬ ߟߊ߫ ߝߊ߲߬ ߜߘߍ߫. ߦߏ߫ ߡߙߊ߬ߞߊ߬ ߛߌ ߟߎ߬ ߦߋ߫ ߖߊ߬ߕߋ߫ ߟߊ߫ ߡߏߙߌ߫ ߛߌ ߟߎ߬ ߘߌ߫ ߡߊ߲߬ߘߋ߲߫ ߢߊ ߡߍ߲ ߡߊ߬߸ ߞߵߊ߬ ߕߘߍ߬ ߏ߬ ߘߏ߫ ߟߎ߫ ߦߋ߫ ߖߋ߬ߟߌ ߟߎ߬ ߟߋ߬ ߘߌ߫ ߛߏߣߌ߲ߞߋ߫ ߡߌߙߌ߲ߘߌ ߘߐ߫.
ߢߊ߬ߙߊ߫ ߛߌ ߟߎ߬
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߝߊߦߌߘߊ ߒߠߋ ߞߊ߬ ߞߎߦߊߕߍ ߟߋ߬ ߡߊߟߐ߲߫ ߡߊ߲߬ߘߋ߲߫ ߢߊ߬ߙߊ߫ ߛߌ ߘߌ߫߸ ߓߊߏ߬ ߊ߬ߟߎ ߟߋ߬ ߘߐߙߐ߲߫ ߠߊ߫ ߖߋ߬ߟߌ߬ߦߊ ߟߊߛߐ߬ߘߐ߲߬ ߢߊ߫ ߕߍ߫ ߢߊߝߐ߫ ߟߊ߫ ߘߐ߬ߝߐ߫ ߘߐ߫߸ ߛߌ߫ ߜߘߍ߫ ߕߍ߫ ߝߐ߫ ߟߴߊ߬ߟߎ߫ ߟߋ߬ ߟߊ߫ ߘߐ߬ߝߐ ߟߎ߬ ߘߐ߫. ߏ߬ ߟߋ ߞߏߛߐ߲߬ ߊ߬ߟߎ ߟߋ߬ ߖߊ߬ߡߎ߲ ߦߋ߫ ߖߋ߬ߟߌ߬ ߤߙߐ ߘߌ߫.
ߟߊ߲߬ߔߊ߰ߛߌ߬ ߖߋߟߌ ߟߎ߬
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߟߊ߲߬ߔߊ߰ߛߌ߬ ߖߋߟߌ ߟߋ߬ ߛߌߦߊߡߊ߲߫ ߦߋ߫ ߖߋ߬ߟߌ߬ ߛߌ ߟߎ߬ ߘߐ߫ ߡߊ߲߬ߘߋ߲߫ ߝߎߚߎ߫ ߝߏ߫ ߞߵߊ߬ ߝߐ߫ ߒ ߕߏ߫ ߕߋ߲߬߸ ߏ߬ ߟߎ߫ ߝߟߍ߫:
- ߖߓߊ߬ߕߍ
- ߞߊ߲ߕߍ
- ߞߙߏ߬ߡߊ
- ߞߋߕߊ߬
- ߓߊ߲߬ߓߊ
- ߘߎ߰ߣߐ
- ߛߏߡߊߣߐ
ߡߐ߰ߘߐ߬ߜߍ ߟߎ߬
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߛߏ߬ߙߌ߬ ߞߊ߲ߖߊ߬ ߞߎߦߊߕߍ߫: ߖߌ߬ߣߍ߫ ߘߐ߲߬ߞߟߌ߬ߟߊ߬ߟߊ߫ ߞߊ߲߫ ߘߌߡߊ߲߸ ߛߋߞߎ߬ ߕߎ߬ߙߋ ߟߊ߫ ߖߋ߬ߟߌ. ߊ߬ߟߋ ߟߋ߬ ߞߊ߬ ߡߊ߬ߟߌ ߣߌ߫ ߓߙߎߞߌߣߊ߫ ߝߊ߬ߛߏ߫ ߟߎ߫ ߟߊ߫ ߞߍ߬ߟߍ ߓߊ߲߫ (߁߉߈..) ߟߊ߫.
ߞߊߛߋ߫ ߡߊߘߌ߫ ߖߓߊ߬ߕߍ߫: ߡߊ߬ߟߌ ߢߊ߬ߙߊ߫ ߞߊ߲߫ ߘߌߡߊ߲ ߠߋ߬ ߦߋ߫ ߡߍ߲ ߠߊ߫ ߘߐ߲߬ߞߟߌ ߛߌߦߊߡߊ߲߫ ߠߎ߫ ߦߋ߫ ߘߐ߬ߝߐߓߊ߲ ߘߌ߫.
ߊߡߌ߬ ߞߏ߬ߦߌ߬ߕߊ: ߡߊ߬ߟߌ ߢߊ߬ߙߊ߫ ߞߊ߲߫ ߘߌߡߊ߲߫ ߣߌ߫ ߟߊ߬ߟߌ߰ߟߌ߬ ߘߐ߲߬ߞߟߌ߬ߟߊ߬ߟߊ ߟߋ߬ ߦߴߊ߬ ߘߌ߫߸ ߡߍ߲ ߠߊ߫ ߘߐ߲߬ߞߟߌ ߟߎ߬ ߦߋ߫ ߘߋߣߍ߲ ߠߎ߬ ߣߌ߫ ߡߐ߬ߓߊ߬ߞߘߐ ߟߎ߬ ߟߊߕߏߟߏ߲߫ ߠߊ߫.
ߓߊߞߐ ߘߊ߲߬ߢߐ߫: ߡߊ߬ߟߌ ߘߐ߲߬ߞߟߌ߬ߟߊ߬ߟߊ߫ ߞߊ߲߫ ߘߌߡߊ߲ ߣߌ߫ ߞߎߡߊ߫ ߢߣߊߡߊ߫ ߝߐߟߊ ߘߐ߲߬ߞߟߌ ߟߎ߬ ߘߐ߫.
ߛߐߣߊ߬ ߖߋ߬ߟߌ ߞߎߦߊߕߍ߫: ߖߌ߬ߣߍ߫ ߘߐ߲߬ߞߟߌ߬ߟߊ߬ߟߊ߫ ߡߛߏ ߣߴߊ߬ ߖߋ߬ߟߌ߫ ߢߙߊ
ߛߋߞߎߓߊ ߓߊ߲߬ߓߌ߬ߣߏ ߖߓߊ߬ߕߍ߫: ߖߌ߬ߣߍ߫ ߘߐ߲߬ߞߟߌ߬ߟߊ߬ߟߊ ߣߴߊ߬ ߖߋ߬ߟߌ߫ ߢߙߊ ߘߏ߫߸ ߡߍ߲ ߓߘߊ߫ ߘߐ߲߬ߞߟߌ ߓߌ߫ ߦߙߌߞߊ ߟߎ߬ ߟߊ߫.
ߡߏߙߌ ߖߋ߬ߟߌ ߞߎߦߊߕߍ߫: ߏ߬ ߦߋ߫ ߖߌ߬ߣߍ߫ ߘߐ߲߬ߞߟߌ߬ߟߊ߬ߟߊ ߣߌ߫ ߖߋ߬ߟߌ߬ ߢߙߊ ߣߌ߫ ߞߏ߲ߞߏߓߊ߫ ߖߋߟߌ ߟߋ߬ ߘߌ߫߸ ߡߍ߲ ߓߘߊ߫ ߘߐ߲߬ߞߟߌ߬ ߦߙߌߞߊߖߊ߲ ߠߎ߬ ߟߊ߫߸ ߊ߬ ߦߋ߫ ߞߟߌ߫ ߓߟߋ߬ߓߟߋ߬ߓߊ߫ ߕߐ߮ ߟߊ߫.
ߛߊߣߌ߲ߜߍ߫ ߞߎߦߊߕߍ߫: ߊ߬ߟߋ߬ ߦߋ߫ ߡߊ߬ߟߌ ߖߋ߬ߟߌ߬ ߡߛߏ߫ ߞߊ߲ߘߌߡߊ߲ ߠߋ߬ ߘߌ߫ ߡߍ߲ ߠߊ߫ ߘߐ߲߬ߞߟߌ ߘߏ߫ ߕߐ߯ ߞߏ߫ ߘߙߊ߬.
ߟߊ߲߬ߝߌ߬ߦߊ߬ ߞߎߦߊߕߍ߫: ߊ߬ߟߋ߬ ߦߋ߫ ߖߌ߬ߣߍ߫ ߝߊ߬ߥߏ߬ߟߊ߬ߓߐߟߊ ߣߴߊ߬ ߦߟߍߡߊߞߏߟߊߓߐߟߊ ߣߴߊ߬ ߦߟߍߡߊߞߏ߫ ߘߐ߲ߞߟߌߟߊߟߊ ߟߎ߬ ߟߋ߬ ߘߌ߫.
ߦߟߌߡߊߛߙߋ ߟߎ߬
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]- ↑ ߢߊ߬ߝߐߟߌ ߣߌ߲߬ ߝߊ߲߬ߓߊ ߦߋ߫ ߒ߬ ߠߊ߫ ߣߊߡߎ߲ ߣߌ߫ ߘߐ߬ߝߐ ߟߎ߬ ߟߋ߬ ߘߌ߫، ߊ߬ߟߎ߬ ߢߊߟߐ߲ߣߍ߲߫ ߡߊ߲߬ߘߋ߲߫ ߡߌߙߌ߲ߘߌ ߝߊ߲߬ߓߊ ߓߟߏ߫