ߛߌ߰ߙߊ߬ߟߊ߲߬

ߛߌ߰ߙߊ߬ߟߊ߲߬ ߇ ߟߋ߬ ߦߋ߫ ߒߞߏ ߘߐ߫ (ߊ ߋ ߌ ߍ ߎ ߏ ߐ)، ߡߍ߲ ߠߎ߬ ߦߋ߫ ߞߍ߫ ߟߊ߫ ߞߊ߬ ߛߌ߰ߙߊ߬ߕߊ ߟߎ߬ ߟߊߞߎߡߊ߫.

ߕߍ߯ߘߐ

ߒ߬ߓߊ߬ ߣߴߊ߬ ߕߘߍ߬ ߘߊ߫ ߞߏ߫ ߛߋߦߌ߲ߣߊ߲߫ ߕߘߍ߬ ߘߌ߫ ߞߍ߫ ߟߊߞߎߡߊߟߊ߲ ߠߎ߬ ߟߊ߫ ߡߊ߲߬ߘߋ߲߫ ߝߘߏ߬ߓߊ߬ߞߊ߲ ߘߐ߫߸ ߏ ߕߘߍ߬ ߦߋ߫ ߞߍ߫ ߒ ߠߋ߬ ߘߌ߫ ߓߴߊ߬ ߟߋ ߦߋ߫ ߞߍ߫ ߟߊ߫ ߛߌ߰ߙߊ߬ߟߊ߲ߦߊ ߟߐ߬ߘߎ߮ ߝߊ߫ ߕߎ߬ߡߊ߬ ߛߌߦߊߡߊ߲߫ ߠߊ߫: ߖߊ߲߬ߕߏ߬ߒߘߐ߫߸ ߕߏ߬ߒߞߊ߲߭߸ ߡߐ߰ߒߕߊ߲߬ߧߊ߸ ߝߙߍ߬ߒ߬ߕߊ߲߬ߧߊ، ߊ߬ ߣߴߏ߬ ߟߎ߫ ߕߊ߬ߣߊ߫. ߒ߬ߞߵߊ߬ߟߋ߬ ߦߋ߫ ߛߋ ߡߍ߲ ߟߊߞߎߡߊ߫ ߟߊ߫ ߞߵߊ߬ ߕߘߍ߬ ߊ߬ ߕߍ߫ ߛߌ߰ߙߊ߬ߟߊ߫ ߣߌ߫ ߛߌ߰ߙߊ߬ߕߊ ߟߎ߬ ߝߋ߲ ߘߌ߫، ߏ߬ ߟߋ ߞߵߊ߬ߟߋ߬ ߞߴߊ߬ ߛߌ߰ ߘߌ߫ ߡߍ߲ ߦߋ߫ ߞߟߌ߫ ߟߊ߫ ߟߞߊ߬ߙߊ߲߬ߠߌ߲ ߘߐ߫ ߞߏ߫ ߕߍ߯ߘߐ ߥߟߊ߫ ߕߍ߯ߟߊߘߐ.

ߘߜߊߛߌߒߠߊ

ߘߜߊߛߌߒߠߊ ߣߌ߲߬ ߦߋ߫ ߛߓߍ߫ ߟߊ߫ ߟߊߞߎߡߊߕߊ ߟߎ߬ ߟߊ߫ ߞߎߡߊߘߋ߲ ߕߍߡߊ߬ ߟߋ߬ ߞߘߊߎ߫߸ ߞߵߊ߬ ߛߓߍߓߊߟߌ ߕߏ߫ ߟߊߞߎߡߕߊ ߟߎ߬ ߟߊ߫ ߞߎߡߊߘߋ߲ ߟߊߓߊ߲ ߠߊ߫، ߦߏ߫: ߓߍߟߑߖ߭ߌߞ ، ߝߑߙߊ߲ߞߑߝߐߙߕ ، ߊ߬ ߛߓߍߟߌ ߞߎߡߊߘߋ߲ ߕߍߡߊ߬߸ ߏ߬ ߦߋ߫ ߟߊߥߟߌ߬ ߟߊ߫ ߟߋ߬ ߛߴߊ߬ ߦߋ߫ ߟߊߞߎߡߕߊ߫ ߝߌ߬ߟߊ ߡߍ߲ ߕߍߡߊ߬߸ ߏ߬ ߟߎ߬ ߞߣߊ߫ ߘߍ߬ ߞߐߟߕߊ ߛߌ߰ߙߊ߬ߟߊ߲ ߠߊ߫ ߞߊ߬ ߜߙߊ߬ߟߌ ߞߍ߫، ߦߏ߫ ߣߌ߫ "ߓߍߟߑߖ߭ߌߞ ߣߌ߫ ߝߑߙߊ߲ߞߑߝߐߙߕ" ߕߎ߲߬ ߛߓߍ߫ ߘߊ߫ ߕߊ߲߬ "ߓߍߟߖ߭ߌߞ ߸ ߝߑߙߊ߲ߞߝߐߙߕ"߸ ߊ߬ ߝߐߢߊ ߕߎ߲߬ ߕߍ߫ ߓߍ߲߬ ߞߊ߲ ߕߌ߱ ߟߎ߬ ߕߊ߫ ߝߐߢߊ ߡߊ߬ ߏ߬ ߘߐ߫. ߊ߬ ߦߋ߫ ߟߊߓߊ߯ߙߓߊ ߞߍ߫ ߟߊ߫ ߥߊߟߌߞߊ߲ ߠߎ߬ ߛߓߍ ߟߋ߬ ߘߐ߫ ߸ ߊ߬ ߦߋ߫ ߏ߬ ߟߎ߬ ߡߍ߲ ߘߐ߫ ߛߋ߲ߛߋߘߋ߲ ߘߌ߫ ߸ ߞߵߊ߬ ߡߊߓߌ߬ߟߊ߬ ߒߞߏ ߘߐ߫ ߸ ߊ߬ ߕߍ߫ ߏ߬ ߡߍ߲ ߘߐ߫ ߛߋ߲ߛߋߘߋ߲߫ ߘߌ߫ ߸ ߊ߬ ߞߏ߬ߣߌ߲߬ ߘߌ߫ ߦߌ߬ߘߊ߬ ߢߊߝߐߟߌ ߟߎ߬ ߘߐ߫߸ ߦߏ߫: ߕߑߟߏ، ߕߑߟߎ، ߏ߬ ߓߍ߯ ߦߋ߫ ߛߓߍ߫ ߟߊ߫ ߒߞߏ ߘߐ߫ ߕߊ߲߬ ߠߋ߬: ߕߟߏ߸ ߕߟߎ، ߓߊߏ߬ ߜߙߊ߬ߟߌ ߞߎ߬ߙߎ߲߬ߘߎ ߟߋ߫ ߞߵߊ߬ ߟߊߘߊ߬ߤߊ߫ ߡߊ߲߬ߘߋ߲߫ ߝߘߏ߬ߓߊ߬ߞߊ߲ ߞߊ߲ߓߏߟߏ߲ ߞߎߡߊߘߋ߲ ߠߎ߬ ߟߊߞߋ߬ߟߋ߲߬ߧߊ ߛߌߟߊ ߝߍ߬.