ߞߎ߲߬ߞߎ߲߫ ߞߊ߬ߡߌ߬ߛߐ߫
ߡߊ߲߬ߛߊ߫ ߞߎ߲߬ߞߎ߲߫ ߕߘߍ߬ ߦߋ߫ ߡߊ߲߬ߛߊ ߘߏ߫ ߟߋ߬ ߘߌ߫ ߡߊ߲߬ߘߋ߲߫ ߠߊ߫ ߡߊ߬ߙߊ ߞߘߐ߫، ߡߍ߲ ߠߊ߫ ߞߎߓߋߘߊ ߕߘߍ߬ ߦߋ߫ ߖߘߋߓߊ߫ ߘߌ߫ ߖߋ߬ߟߌߓߊ߬ ߝߍ߰ ߦߙߐ ߘߏ߫ ߘߐ߫. ߊ߬ߟߋ߫ ߡߊߟߐ߲߫ ߘߊ߫ ߘߐ߬ߝߐ ߓߟߏ߫ ߛߏ߰ߟߏ߲߬ ߞߐ߲ߘߍ߫ ߣߴߊ߬ ߘߋ߲ ߠߎ߬ ߟߊ߫ ߢߊߣߌ߲ߡߊߓߏߙߌ ߟߋ߬ ߞߏߛߐ߲߬.[߁]
ߛߏ߲߬ߖߘߊ߬ ߞߊ߬ߙߌ߬ߝߴߊ߬ ߟߊ߫
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]ߛߏ߰ߟߏ߲߬ ߞߐ߲ߘߍ߫ ߣߴߊ߬ ߘߋ߲ ߠߎ߬ ߓߏ߬ߙߌ߬ߣߍ߲ ߛߊ߬ߛߎߡߊ߬ ߣߴߊ߬ ߘߋ߲ߞߍ߫ ߘߊ߲߬ߞߊ߬ߙߊ߲߬ ߕߎߡߊ߫ ߡߊ߲߬ߛߦߊ߬ߣߍ߲ ߡߐ߬ߣߍ ߞߘߐ߫، ߊ߬ߟߎ߫ ߛߐ߰ ߘߊ߫ ߖߘߋߓߊ߫ (ߛߏ߫ ߞߘߐ) ߟߋ߬ ߡߊ߬ ߞߊ߬ ߥߴߊ߬ߟߎ߫ ߞߎ߲߭ߞߊ߬ߙߌ߬ߝߊ߫ ߖߘߋߓߊ߫ ߡߊ߲߰ ߠߊ߫. ߏ߬ ߛߐ߰ ߘߴߊ߬ߟߎ߫ ߟߊߖߌ߬ߦߊ ߟߋ߬ ߡߊ߬ ߕߟߋ߬ ߘߊ߲ߘߐ߫ ߞߘߐ߫. ߘߊ߲߬ߞߊ߬ߙߊ߲߬ߕߎߡߊ߫ ߣߊ߬ ߛߊߣߌ߲ ߗߋ߫ ߟߴߏ߬ ߡߊ߬ ߞߴߊ߬ ߦߋ߫ ߡߊ߰ߙߌ߫ ߖߊ߬ߘߊ߫ ߜߍ߲߫، ߊ߬ ߞߵߊ߬ ߝߴߏ߬ ߟߋ ߘߐ߫ ߞߴߊ߬ߟߎ߫ ߦߋ߫ ߥߊ߬ߙߌ߬ ߓߐ ߞߍ߫.[߁]
ߊ߬ߟߋ߫ ߞߊ߬ ߞߎߡߊ߫ ߡߊߛߌߟߊ߲ߣߍ߲ ߜߊ߲߰ߛߊ߲ ߝߐ߫ ߞߵߊ߬ ߟߊ߫ ߥߊ߬ߙߌ߬ ߘߋ߲ߞߊ ߟߎ߬ ߘߐߞߍ߫، ߡߊ߲߰ߖߘߊ߫ ߞߵߊ߬ ߝߴߏ߬ ߖߋ߬ߓߌ ߘߐ߫ ߞߏ߫߫: ߌ ߘߏ߲߬ ߞߏ߲ߞߏ߫ ߛߊ߰ߖߌ߫، ߓߊߏ߬ ߛߊߣߌ߲ ߣߊ߬ߣߍ߲߫ ߞߎߣߎ߲߬ ߠߋ߬߸ ߒߠߋ ߘߏ߲߬ ߣߊ߬ߣߍ߲߫ ߞߎߣߊ߬ߛߌߣߌ߲߬ ߠߋ߬ ߊ߬ ߞߵߊ߬ ߟߐ߲߫ ߏ߬ ߟߋ ߘߐ߫ ߞߏ߫ ߘߏ߫ ߓߴߊ߬ ߟߊ߫ ߘߏ ߞߘߐߓߐ߫، ߞߴߊ߬ߟߎ߫ ߦߴߊ߬ ߓߘߊ ߓߌ߬ߟߊ߫. ߖߵߊ߬ ߘߋ߲ߡߛߏ߫ ߓߘߊ߫ ߘߊ߲߬ߕߍ߰ߟߌ ߞߍ߫ ߞߊߡߋߙߋ߲ ߠߎ߬ ߢߍ߫. ߏ߬ ߟߋ ߞߍ߫ ߘߴߊ߬ߟߎ߫ ߓߐ ߘߌ߫ ߦߋ߲߬ ߞߊ߬ ߡߊ߲߬ߛߊ߬ ߕߎߙߋ߲ߓߋ߲߫ ߓߘߊ ߡߊߜߍ߲߫ ߕߊߓߏ߲߫.[߁]
ߦߟߌߡߊߛߙߋ ߟߎ߬
[ߊ߬ ߡߊߦߟߍ߬ߡߊ߲߬ | ߊ߬ ߛߎ߲ ߡߊߦߟߍ߬ߡߊ߲߬]- 1 2 3 ߞߎߡߘߊ ߣߌ߲߬ ߦߋ߫ ߞߊ߬ߝߊ߫ ߟߋ߬ ߘߐ߫߸ ߡߍ߲ ߕߐ߯ ߞߏ߫: "ߡߊ߲߬ߘߋ߲߫ ߘߐ߬ߝߐ"، ߡߍ߲ ߛߓߍ߫ ߘߊ߫ ߛߟߏ߬ߡߊ߰ߣߊ߫ ߞߊ߲ߕߍ߫ ߓߟߏ߫.