ਰਾਧਾ ਸੁਆਮੀ ਸਤਿਸੰਗ ਬਿਆਸ
  | |
| ਧਰਮ | |
|---|---|
| ਰਾਧਾ ਸੁਆਮੀ | |
| ਵੈੱਬਸਾਈਟ | |
| rssb |
ਰਾਧਾ ਸੁਆਮੀ ਸਤਿਸੰਗ ਬਿਆਸ ਰਾਧਾ ਸੁਆਮੀ ਸੰਪਰਦਾ ਦੀ ਪੰਜਾਬ ਦੀਆਂ ਪ੍ਰਸਿੱਧ ਅਧਿਆਤਮਿਕ ਸੰਸਥਾਵਾਂ ਵਿੱਚੋਂ ਇੱਕ ਹੈ,[1] ਜਿਸ ਦੀ ਅਗਵਾਈ ਬਾਬਾ ਗੁਰਿੰਦਰ ਸਿੰਘ ਢਿੱਲੋਂ ਅਤੇ ਜਸਦੀਪ ਸਿੰਘ ਗਿੱਲ ਕਰ ਰਹੇ ਹਨ। ਰਾਧਾ ਸੁਆਮੀ ਸਤਿਸੰਗ ਬਿਆਸ ਦਾ ਮੁੱਖ ਕੇਂਦਰ ਉੱਤਰੀ ਭਾਰਤ ਦੇ ਪੰਜਾਬ ਰਾਜ ਵਿੱਚ ਬਿਆਸ ਨਦੀ ਦੇ ਕੰਢੇ ਸਥਿਤ ਹੈ।
ਬਿਆਸ ਵਿਖੇ ਡੇਰੇ ਦੀ ਸਥਾਪਨਾ
[ਸੋਧੋ]ਰਾਧਾ ਸੁਆਮੀ ਸਤਿਸੰਗ ਬਿਆਸ ਦੀ ਸਥਾਪਨਾ ਭਾਰਤ ਵਿੱਚ ਬਾਬਾ ਜੈਮਲ ਸਿੰਘ ਜੀ ਦੁਆਰਾ 1891 ਵਿੱਚ ਕੀਤੀ ਗਈ ਸੀ।[1] ਸੇਠ ਸ਼ਿਵ ਦਿਆਲ ਸਿੰਘ ਜੀ ਨੇ 1856 ਵਿਚ ਬਾਬਾ ਜੈਮਲ ਸਿੰਘ ਜੀ ਨੂੰ ਨਾਮਦਾਨ ਦੀ ਬਖ਼ਸ਼ਿਸ਼ ਕੀਤੀ, ਜਿਨ੍ਹਾਂ ਨੇ ਫਿਰ ਬਿਆਸ ਦਰਿਆ ਦੇ ਕੰਢੇ ਕਈ ਦਿਨ ਸਿਮਰਨ ਕਰਨਾ ਸ਼ੁਰੂ ਕਰ ਦਿੱਤਾ। ਫਿਰ, ਓਹਨਾਂ ਨੇ ਨੌਕਰੀ ਤੋਂ ਸੇਵਾਮੁਕਤ ਹੋਣ ਤੋਂ ਬਾਅਦ 1889 ਵਿੱਚ ਉੱਥੋਂ ਦੇ ਲੋਕਾਂ ਨੂੰ ਨਾਮਦਾਨ ਦੀ ਬਖ਼ਸ਼ਿਸ਼ ਕਰਨੀ ਸ਼ੁਰੂ ਕਰ ਦਿੱਤੀ ।
ਡੇਰਾ ਬਿਆਸ ਦੇ ਸੰਤ ਸਤਿਗੁਰੂ
[ਸੋਧੋ]- ਬਾਬਾ ਜੈਮਲ ਸਿੰਘ ਜੀ - 1878-1903
- ਬਾਬਾ ਸਾਵਣ ਸਿੰਘ ਜੀ - 1903-1948
- ਸਰਦਾਰ ਬਹਾਦਰ ਜਗਤ ਸਿੰਘ ਜੀ - 1948-1951
- ਬਾਬਾ ਚਰਨ ਸਿੰਘ ਜੀ - 1951-1990
- ਬਾਬਾ ਗੁਰਿੰਦਰ ਸਿੰਘ ਢਿੱਲੋਂ - 1990 - ਵਰਤਮਾਨ
- ਜਸਦੀਪ ਸਿੰਘ ਗਿੱਲ - 2024 - ਵਰਤਮਾਨ
ਜਸਦੀਪ ਸਿੰਘ ਗਿੱਲ, ਜਿਨ੍ਹਾਂ ਨੂੰ ਓਹਨਾਂ ਦੀ ਸੰਗਤ 'ਹਜ਼ੂਰ ਜੀ' ਕਹਿ ਕੇ ਸੰਬੋਧਿਤ ਕਰਦੀ ਹੈ, ਓਹਨਾਂ ਨੂੰ ਮਿਤੀ 2 ਸਤੰਬਰ 2024 ਨੂੰ ਬਾਬਾ ਗੁਰਿੰਦਰ ਸਿੰਘ ਢਿੱਲੋਂ ਦੁਆਰਾ ਆਪਣਾ ਉੱਤਰਾਧਿਕਾਰੀ ਥਾਪਿਆ ਗਿਆ। ਜਸਦੀਪ ਸਿੰਘ ਗਿੱਲ ਭਵਿੱਖ ਵਿੱਚ ਰਾਧਾ ਸੁਆਮੀ ਸਤਿਸੰਗ ਬਿਆਸ ਦੇ ਛੇਵੇਂ ਮੁਖੀ/ਸੰਤ ਸਤਿਗੁਰੂ ਹੋਣਗੇ ਅਤੇ ਜਿਨ੍ਹਾਂ ਨੂੰ ਸਤਿਸੰਗ ਕਰਨ ਅਤੇ ਨਾਮਦਾਨ ਦੀ ਬਖ਼ਸ਼ਿਸ਼ ਕਰਨ ਦਾ ਪੂਰਾ ਅਧਿਕਾਰ ਹੋਵੇਗਾ।
ਦੁਨੀਆ ਭਰ ਵਿੱਚ ਅਨੁਯਾਈ
[ਸੋਧੋ]ਰਾਧਾ ਸੁਆਮੀ ਸਤਿਸੰਗ ਬਿਆਸ ਦੇ ਨਾਲ਼ ਦੁਨੀਆ ਭਰ ਵਿੱਚੋਂ ਅਨੁਯਾਈ ਜੁੜੇ ਹੋਏ ਹਨ। ਭਾਰਤ ਦੇ ਨਾਲ਼-ਨਾਲ਼, ਡੇਰਾ ਬਿਆਸ ਦਾ ਲਗਭਗ 90 ਦੇਸ਼ਾਂ ਵਿੱਚ ਪ੍ਰਭਾਵ ਹੈ। ਰਾਧਾ ਸੁਆਮੀ ਸਤਿਸੰਗ ਬਿਆਸ ਦੇ ਸਤਿਸੰਗ ਸੈਂਟਰ ਭਾਰਤ ਦੇ ਹਰ ਰਾਜ ਵਿੱਚ ਮੌਜੂਦ ਹਨ। ਪੰਜਾਬ ਵਿੱਚ ਡੇਰਾ ਬਿਆਸ ਤੋਂ ਇਲਾਵਾ, ਹਰਿਆਣਾ (ਸਿਕੰਦਰਪੁਰ), ਹਿਮਾਚਲ ਪ੍ਰਦੇਸ਼ (ਪਰੋਰ ਅਤੇ ਸੋਲਨ), ਦਿੱਲੀ (ਭਾਟੀ), ਰਾਜਸਥਾਨ (ਸੂਰਤਗੜ੍ਹ, ਜੈਪੁਰ ਅਤੇ ਉਦੈਪੁਰ), ਗੁਜਰਾਤ (ਅਹਿਮਦਾਬਾਦ), ਜੰਮੂ ਅਤੇ ਕਸ਼ਮੀਰ, ਉੱਤਰ ਪ੍ਰਦੇਸ਼ (ਲਖਨਊ ਅਤੇ ਸਹਾਰਨਪੁਰ), ਉਤਰਾਖੰਡ (ਰੁੱਦ੍ਰਪੁਰ), ਮੱਧ ਪ੍ਰਦੇਸ਼ (ਇੰਦੌਰ ਅਤੇ ਬਿਆਵਰਾ), ਛੱਤੀਸਗੜ੍ਹ (ਰਾਏਪੁਰ), ਝਾਰਖੰਡ (ਜਮਸ਼ੇਦਪੁਰ), ਪੱਛਮੀ ਬੰਗਾਲ (ਕੋਲਕਾਤਾ), ਮਹਾਂਰਾਸ਼ਟਰ (ਮੁੰਬਈ ਅਤੇ ਨਾਗਪੁਰ), ਕਰਨਾਟਕਾ (ਬੈਂਗਲੁਰੂ), ਤੇਲੰਗਾਨਾ (ਹੈਦਰਾਬਾਦ) ਆਦਿ ਹਰੇਕ ਰਾਜ ਵਿੱਚ ਇੱਕ-ਇੱਕ ਮੇਜ਼ਰ ਸੈਂਟਰ (ਬਹੁਤ ਵੱਡੇ ਪੱਧਰ 'ਤੇ ਸਤਿਸੰਗ ਕੇਂਦਰ) ਵੀ ਹੈ ਜਿੱਥੇ ਰਾਧਾ ਸੁਆਮੀ ਸਤਿਸੰਗ ਬਿਆਸ ਦੇ ਮੌਜੂਦਾ ਸੰਤ ਸਤਿਗੁਰੂ ਖ਼ੁਦ ਸਾਲ ਵਿੱਚ ਇੱਕ ਵਾਰ ਜਾਂਦੇ ਹਨ ਅਤੇ ਸਤਿਸੰਗ ਪ੍ਰੋਗਰਾਮ ਕਰਦੇ ਹਨ।
ਹਵਾਲੇ
[ਸੋਧੋ]- ↑ 1.0 1.1 "Encyclopedia of Hinduism". Encyclopedia of Hinduism. Facts On File. 2007. https://books.google.com/books?id=OgMmceadQ3gC. Retrieved 2016-12-20.