ကူကီးအမျိုးသားတပ်မတော်

ကူကီးအမျိုးသားတပ်မတော်
ကူကီးအမျိုးသားတပ်မတော်၏ အလံ
ခေါင်းဆောင်များ	Pu Letlam Pu Chuchung Pi Ngangai
စတင်လှုပ်ရှားခြင်း	၂၄ ဖေဖော်ဝါရီ ၁၉၈၈ (၁၉၈၈-၀၂-၂၄)– ၂၆ ဇူလိုင် ၂၀၁၉
ဌာနချုပ်	ရွေ့လျားဌာနချုပ်
လှုပ်ရှားနယ်မြေ	အိန္ဒိယအရှေ့မြောက်ပိုင်း မဏိပူရပြည်နယ် မြန်မာနိုင်ငံ ချင်းပြည်နယ် မကွေးတိုင်းဒေသကြီး စစ်ကိုင်းတိုင်းဒေသကြီး
နိုင်ငံရေးအယူဝါဒ	ကူကီး အမျိုးသားရေး ခွဲထွက်ရေး
Part of	ကူကီးအမျိုးသားအစည်းအရုံး
မဟာမိတ်	ကချင်လွတ်မြောက်ရေးတပ်မတော်
ပြိုင်ဘက်များ	အိန္ဒိယ အိန္ဒိယစစ်တပ် မြန်မာ တပ်မတော် ပြည်ထောင်စု မြန်မာနိုင်ငံ (၂၀၁၁ အထိ) ပြည်ထောင်စု ဆိုရှယ်လစ် သမ္မတ မြန်မာနိုင်ငံ (၁၉၈၈ အထိ)
စစ်ပွဲနှင့် တိုက်ပွဲများ	အိန္ဒိယအရှေ့မြောက်ပိုင်း သောင်းကျန်းမှု မြန်မာနိုင်ငံ ပြည်တွင်းပဋိပက္ခ
ဝဘ်ဆိုဒ်	issuu.com/knoknaburma

ကူကီးအမျိုးသားတပ်မတော် (အင်္ဂလိပ်: Kuki National Army; အတိုကောက် KNA) သည် မြန်မာနိုင်ငံ အနောက်မြောက်ပိုင်းနှင့် အိန္ဒိယနိုင်ငံ အရှေ့မြောက်ပိုင်းတွင် လှုပ်ရှားနေသော ကူကီးလက်နက်ကိုင် အဖွဲ့အစည်းတစ်ခု ဖြစ်သည်။ ကူကီးအမျိုးသားအစည်းအရုံး၏ လက်နက်ကိုင်တပ်ဖွဲ့လည်း ဖြစ်သည်။၂၀၁၉ခုနှစ် ဇူလိုင် ၂၆ ရက်တွင် ကူကီးအမျိုးသားအစည်းအရုံးသည် ကြေညာချက်တစောင် ထုတ်ပြန်ပြီး KNO/KNA(Burma)အဖွဲ့အစည်းအား တရားဝင်ဖျက်သိမ်းသည်။

သမိုင်းကြောင်း

ကူကီးအမျိုးသားပြည်နယ် ထူထောင်ရန်အတွက် အိန္ဒိယနှင့် မြန်မာနိုင်ငံရှိ ကူကီးလူမျိုးများက ၁၉၈၈ ခုနှစ် ဖေဖော်ဝါရီ ၂၄ ရက်နေ့တွင် စတင် တည်ထောင်ခဲ့သည်။ ယင်းအချိန်မှ ၂၀၁၃ ခုနှစ်အထိ တပ်မတော်နှင့် တိုက်ပွဲပေါင်း ၂၀ ကျော် ဖြစ်ပွားခဲ့သည်။၂၀၁၀ ခုနှစ် အထွေထွေ ရွေးကောက်ပွဲအပြီးတွင် အခြားသော ကူကီးအဖွဲ့အစည်းများက မြန်မာနိုင်ငံနှင့် အိန္ဒိယနိုင်ငံရှိ အဖွဲ့အစည်းအား သီးခြားစီထားရှိရန် ဆွေးနွေးခဲ့ကြပြီးနောက် ကူကီးအမျိုးသားအစည်းအရုံး/ကူကီးအမျိုးသားတပ်မတော် (မြန်မာနိုင်ငံ) KNO/KNA (Burma) ဟူ၍ ပြောင်းလဲဖွဲ့စည်းခဲ့သည်။ ၂၀၁၈ခုနှစ် နိုဝင်ဘာ ၈ ရက်တွင် ထုတ်ပြန်ချက်တစ်ရပ်ဖြင့် ကူကီးအမျိုးသားအ စည်းအရုံး၏ အဓိကရည်မှန်းချက်မှာ ကူကီးတစ်မျိုးသားလုံး၏အကျိုးစီးပွားနှင့် ဘဝလုံခြုံမှုကို အာမခံချက်ပေးနိုင်ရန်အတွက် ကူကီးအမျိုး သားပြည်နယ်ထူထောင်ရေးဖြစ်သည်ဟု တရားဝင်အသိပေးကြေညာသည်။၂၀၁၉ ခုနှစ် မေ ၂၇ ရက်တွင် KNO/KNA(Burma)၏ ဗဟိုကော်မတီအတွင်း ဖြစ်ပေါ်နေသော သဘောထားတင်းမာမှုများအား ဖြေရှင်းနိုင်ရန်အတွက် အထွေထွေညီလာခံကို ခေါ်ယူကျင်းပမည့် ကြေညာချက်အားထုတ်ပြန်သည်။ ၂၀၁၉ ခုနှစ် ဇူလိုင် ၂၆ ရက်တွင် ကူကီးအမျိုးသားအစည်းအရုံးက အဖွဲ့အစည်းအား တရားဝင်ဖျက်သိမ်းသည်။

ခေါင်းဆောင်များ

• ဥက္ကဋ္ဌ - Pu Letlam
• ဒုဥက္ကဋ္ဌ - Pu Chuchung
• အထွေထွေ အတွင်းရေးမှူး - Pi Ngangai
• တွဲဖက်အတွင်းရေးမှူး - Pu Khupmang
• စစ်ဦးစီးချုပ် - Pu Paulneo
• သတင်းနှင့် ပြန်ကြားရေးဌာန - Pu Seigin
• ပြည်ထဲရေးဌာန - Pu Michael Sasat
• ထောက်လှမ်းရေးဌာန - Pu Letkholun
• မဟာမိတ်နှင့် နိုင်ငံခြားဆက်ဆံရေးဌာန - Pu Boipu
• လူ့အခွင့်အရေး လေ့လာသုံးသပ်မှုဆိုင်ရာ ဌာန - Pi Lalam

လှုပ်ရှားသည့် ဧရိယာ

ကူကီးအမျိုးသားတပ်မတော်သည် အိန္ဒိယနိုင်ငံနှင့် မြန်မာနိုင်ငံတို့တွင် နှစ်ဖွဲ့ခွဲကာ လှုပ်ရှားသည်။

အိန္ဒိယနိုင်ငံ

• အိန္ဒိယနိုင်ငံအရှေ့မြောက်ပိုင်း
  • မဏိပူရပြည်နယ်

မြန်မာနိုင်ငံ

• ချင်းပြည်နယ်
  • တွန်းဇံမြို့နယ်
• စစ်ကိုင်းတိုင်းဒေသကြီး
  • ခန္တီးမြို့နယ်
  • ဟုမ္မလင်းမြို့နယ်
  • လေရှီးမြို့နယ်
  • တမူးမြို့နယ်
    • မြို့သစ်မြို့

ခွဲထွက်အဖွဲ့အစည်း

ဖျက်သိမ်းလိုက်ပြီးသော KNO/KNA(Burma)၏ မပြီးဆုံးသေးသော တော်လှန်ရေးလုပ်ငန်းတာဝန်အရပ်ရပ်အား လက်ဆင့်ကမ်းရန်အတွက်ဟုဆိုပြီး ယခင်တပ်ဖွဲ့ဝင်များဖြင့် ၂၀၂၁ စစ်အာဏာသိမ်းကာလ ၂၀၂၁ ခုနှစ် မတ်လ ၂၅ ရက်တွင် ကူကီးပြည်သွေးစည်းညီညွတ်ရေးကောင်စီ (UKSC)/ကူကီးပြည်သွေးစည်းညီညွတ်ရေးတပ်မတော်(UKSA) အသစ်ကို ထူထောင်ကြသည်။ အသစ်ပြန်လည် ဖွဲ့စည်းလိုက်သည့် UKSC/UKSA သည် အဖွဲ့အစည်း၏ ခေါင်းဆောင်နှင့် ဗဟိုကော်မတီဝင်များကို ထုတ်ပြန်ကြေညာထားခြင်း မရှိခဲ့ပေ။