ကျိုတိုအန်နီမေးရှင်းမီးရှို့တိုက်ခိုက်ခံရမှု

ကျိုတိုအန်နီမေးရှင်းမီးရှို့တိုက်ခိုက်ခံရမှု
Kyoto Animation's Studio 1 in May 2015
Kyoto Animation Studio 1 Kyoto Animation Studio 1 (ကျိုတိုမြို့) Kyoto Animation Studio 1 Kyoto Animation Studio 1 (ဂျပန်နိုင်ငံ)
ဒေသခေါ် အမည်	京都アニメーション放火事件
နေရာ	Fushimi, Kyoto, Japan
ကိုဩဒိနိတ်	34°55′59.0″N 135°47′34.6″E
ရက်စွဲ	၁၈ ဇူလိုင် ၂၀၁၉ (၂၀၁၉-၀၇-၁၈) 10:35 a.m. JST, UTC+09:00
ပစ်မှတ်	Kyoto Animation Studio 1
တိုက်ခိုက်မှု အမျိုးအစား	Arson, mass murder
လက်နက်များ	Gasoline (40 L), lighter, five knives, hammer
သေဆုံးသူဦးရေ	33 (5 due to burns, 28 due to сarbon monoxide poisoning)
ဒဏ်ရာရဦးရေ	36 (including the suspect)
သံသယရှိ တရားခံ	Shinji Aoba (青葉真司)
ပတ်သက်	Possible revenge attack

၂၀၁၉ ခုနှစ်၊ ဇူလိုင်လ ၁၈ ရက်နေ့တွင် ဂျပန်နိုင်ငံ၊ ကျိုတိုမြို့၊ ဖုရှိမိရပ်ကွက်၌ ကျိုတိုအန်နီမေးရှင်းစတူဒီယိုအဆောက်အဦး (၁) တွင် မီးရှို့တိုက်ခိုက်မှုတစ်ခု ဖြစ်ပွားခဲ့သည်။ နံနက် ၁၀ နာရီခွဲခန့်တွင် အသက် ၄၁ နှစ်အရွယ်ရှိ အတည်မပြုနိုင်သေးသည့် အမျိုးသားတစ်ဦးသည် ဓာတ်ဆီများကို ရုံးအတွင်းနှင့် အလုပ်သမားများပေါ်သို့ လောင်းချကာ “သေစမ်း” ဟု (死ぬ) ဟု ပါးစပ်မှ အော်ဟစ်ပြီး အဆောက်အဦးကို မီးရှို့ခဲ့သည်။ ထိုအမျိုးသားသည် ထွက်ပြေးခဲ့သည်။ သို့သော် အလုပ်သမားတစ်ဦးသည် လမ်းပေါ်တွင် မိခဲ့ပြီး ရဲများသည် ထိုအမျိုးသားအား ဖမ်းဆီးထိန်းသိမ်းခဲ့သည်။

အနည်းဆုံး လူ ၃၃ ဦး သေဆုံးခဲ့ပြီး အခြား ၃၆ ဦးမှာလည်း ထိခိုက်ဒဏ်ရာရမှုများ ဖြစ်ခဲ့ပြီး ဆေးရုံတင်ခဲ့ရသည်။ ဤဖြစ်ရပ်သည် ဂျပန်နိုင်ငံ၏ သမိုင်းတွင် ဒုတိယကမ္ဘာစစ်ပြီးဆုံးကတည်းက ရှိခဲ့သည့် သတ်ဖြတ်မှုများတွင် သေဆုံးမှုအများဆုံးဖြစ်ရပ်တစ်ခု ဖြစ်ခဲ့သည်။ ၂၀၀၁ ခုနှစ် မျောဂျော ၅၆ အဆောက်အဦး (Myojo 56 Building) မီးလောင်မှုပြီးသည့်နောက် နိုင်ငံရှိမီးလောင်မှုများတွင် သေဆုံးမှုအများဆုံး မီးလောင်မှုတစ်ခုလည်း ဖြစ်ခဲ့သည်။

နောက်ခံသမိုင်း

ကျိုတိုအန်နီမေးရှင်းသည် မီးရှို့တိုက်ခိုက်ခံရသည့် အချိန်တွင် ဂျပန်နိုင်ငံ၏ အောင်မြင်မှုရရှိနေသည့် အန်နီမေးရှင်းစတူဒီယိုတစ်ခု ဖြစ်သည်။ K-On! နှင့် Violet Evergarden စသည်တို့ဖြင့် လူသိများသည့် စတူဒီယိုတစ်ခု ဖြစ်သည်။ ၎င်းသည် အခြားသော နေရာများတွင်လည်း စတူဒီယိုများ တည်ရှိသည်။ ကျိုတိုတွင် စတူဒီယို ၁၊ ဖုရှိမိတွင် စတူဒီယို ၂ (ရုံးချုပ်) နှင့် စတူဒီယို ၅၊ ပစ္စည်းထုတ်လုပ်ဖြန့်ဝေသည့် နေရာသည် အုဂျိတွင် တည်ရှိသည်။ အုဂျိသည် စတူဒီယို ၁ မှ ဝေးကွာသည့် နေရာတွင် တည်ရှိသည့် ရထားဘူတာတစ်ခု ဖြစ်သည်။ စတူဒီယို ၁ သည် ကုမ္ပဏီဝန်ထမ်းများ၏ အဓိကနေရာအဖြစ် အသုံးပြုလျက် ရှိပြီး မကြာသေးမီ ၂၀၁၅ ခုနှစ်က တည်ဆောက်ခဲ့သည်။

ဤဖြစ်ရပ် မဖြစ်ပွားမီ ရက်သတ္တပတ်အနည်းငယ်က ကျိုတိုအန်နီမေးရှင်းသည် ခြိမ်းခြောက်သည့် စာပေးပို့ခြင်း ခံခဲ့ရသည်။ ကုမ္ပဏီ၏ ဥက္ကဋ္ဌ ဟိဒဲအခိဟက်တ ထိုစာသည် ဤမီးရှို့ခံရသည့်ဖြစ်ရပ်နှင့် စပ်ဆက်မှု ရှိမရှိ မသိရှိရကြောင်း ပြောဆိုခဲ့သည်။ ထိုမက်ဆေ့သည်လည်း အမည်နာမ မသိရှိရသူမှ ပေးပို့ခဲ့ခြင်း ဖြစ်သည်ဟု ဆိုခဲ့သည်။ စတူဒီယို၏ တံခါးများသည် လုံခြုံရေးအရ ပိတ်ထားလေ့ရှိသည်။ သို့သော် ထိုနေ့နံနက်တွင် ဧည့်သည်လာမည်ဟု မျှော်လင့်ကာ ဖွင့်ထားခဲ့သည်။

ဖြစ်ပွားမှု

မီးသည် ပေါက်ကွဲမှုနှင့်အတူ စတင်ခဲ့ပြီး ဒေသစံတော်ချိန် ၁၀နာရီခွဲ ပတ်ဝန်းကျင်တွင် ဖြစ်ပွားခဲ့သည်။ ကျူးလွန်သူသည် စတူဒီယို ၁ သို့ လမ်းလျှောက်လာခဲ့ပြီး အဆောက်အဦးကို လီတာ ၄၀ ရှိ ဓာတ်ဆီများဖြင့် မီးရှို့ခဲ့သည်။ အဆောက်အဦးအနီးတွင် ဓာတ်ဆီများကို လီတာ ၂၀ ဆံ့သည့် ပုံးများကို လက်တွန်းလှည်းဖြင့် သယ်ဆောင်လာခဲ့သည်။ ကျူးလွန်သူသည် “သေစမ်း” ဟု အော်ပြောကာ တိုက်ခိုက်ခဲ့ပြီး အချို့သော သူများ၏ ကိုယ်ပေါ်သို့လည်း ဓာတ်ဆီများကို လောင်းချကာ ထွက်ပြေးခဲ့သည်။ ထိုအလောင်းချခံရသူများသည် မီးတောက်များနှင့်အတူ လမ်းပေါ်သို့ ထွက်ပြေးမှုများ ဖြစ်ပွားခဲ့သည်။

ဝင်ပေါက်တွင် မီးတောက်သည် ကြီးထွားလာခဲ့ပြီး လူများသည် အဆောက်အဦးအတွင်းတွင် ပိတ်မိနေခဲ့သည်။ လူ ၁၉ ဦး၏ သေဆုံးနေသည့် အလောင်းများကို တတိယထပ် အမိုးသို့သွားသည့် လှေကားတွင် တွေ့ရှိခဲ့ရသည်။ ကျူးလွန်သူသည် ထွက်ပြေးသွားခဲ့သည်။ သို့သော် ကျိုတိုအန်နီမေးရှင်းဝန်ထမ်းတစ်ဦးသည် ထိုသူကို ဖမ်းဆီးနိုင်ခဲ့ပြီး ထိုနေရာတွင်ပင် ရဲများက ထိန်းသိမ်းဖမ်းဆီးခဲ့သည်။ ထိုနေရာတွင်ပင် လဲလျက်ရှိသည့် ထိုကျူးလွန်သူတွင် အသုံးမပြုရသေးသည့် များစွာသောဓားများကိုလည်း တွေ့ရှိခဲ့သည်။

ဒုက္ခရောက်မှု

အနည်းဆုံး လူ ၃၃ ဦး သေဆုံးခဲ့သည်။ ထို ၃၃ ဦးတွင် ၅ ဦးသည် မီးလောင်ကာ သေဆုံးခဲ့ပြီး ကျန်သည့် ၂၈ ဦးသည် ကာဗွန်မိုနောကဆိုက်အဆိပ်သင့်ကာ သေဆု့းခဲ့ခြင်း ဖြစ်သည်။ ၃၆ ဦးသည် ထိခိုက်ဒဏ်ရာရမှုများ ဖြစ်ပေါ်ခဲ့ပြီး ထိုထဲမှ ၁၀ ဦးသည် ပြင်းထန်ကာ စိုးရိမ်ရသည့် အခြေအနေတွင် ရှိသသည်။ ထိုမီးလောင်မှု ဖြစ်ပွားချိန်၌ ထိုအဆောက်အဦးတွင် လူအနည်းဆုံး ၇၆ ဦး ရှိနေသည်။

ကျူးလွန်သူ

အသက် ၄၁ အရွယ်ရှိ ခန်တိုးဒေသမှ အမျိုးသားကို ကျူးလွန်သူအဖြစ် သတ်မှတ်ခဲ့သည်။

ထိုသူကို ရဲများက ဖမ်းဆီးပြီးနောက် ဆေးရုံသို့ ပို့ဆောင်ခဲ့သည်။ ကျူးလွန်သူ၏ ခြေထောက်၊ ဝမ်းဗိုက်နှင့် မျက်နှာတို့တွင် မီးလောင်မှုများ ရှိခဲ့သည်။ အာဏာပိုင်များသည် ထိုကျိုးလွန်သူကို လက်ရှိအချိန်တွင် ထိခိုက်ဒဏ်ရာရမှုများကြောင့် ဆေးရုံတွင် ကုသမှုခံယူနေသည့်အတွက် စစ်ဆေးမေးမြန်းမှုများ မပြုလုပ်သေးပေ။ ကျူးလွန်သူ နိုးလာသည့်အခါ စစ်ဆေးသည့် လုပ်ငန်းများကို လုပ်ဆောင်မည် ဖြစ်သည်။

ကျူးလွန်သူသည် ဤမီးရှို့မှုမတိုင်မီက ပြစ်မှုတစ်ခု ကျူးလွန်ခဲ့သည်ဟု ဖော်ပြခဲ့သည်။ ထိုသူသည် ၂၀၁၂ ခုနှစ်က အိဘရခိတွင် ဓားတစ်လက်ဖြင့် ၂၄ နာရီဝယ်ယူနိုင်သည့် ကုန်မျိုးစုံဆိုင်ကို ဓားပြတိုက်ခဲ့သည့် ပြစ်မှုကို ကျူးလွန်ခဲ့ပြီး ဖမ်းဆီးထိန်းသိမ်းခြင်း ခံခဲ့ရသည်။

တုံ့ပြန်မှုများ

ဝန်ကြီးချုပ် ရှင်ဇိုအာဘေး၊ ကနေဒါဝန်ကြီးချုပ် ဂျက်စတင်Trudeau ၊ ထိုင်ဝမ်သမ္မတ Tsai Ing-wen၊ အက်ပဲ၏ စီအီးအို တင်ကွတ်နှင့် တရုတ်၊ ပြင်သစ်၊ ဖိလစ်ပိုင် သံရုံးတို့က ဝမ်းနည်းကြောင်း စကားများ ပြောကြားခဲ့သည်။