စဲ့ꩻပွယ်ꩻဖုံႏကထွာ ပင်လောင်ꩻဝေင်ꩻနယ်ႏကို
| ||||||||||||||||||||||||||||||||
| တမ်းပလေက်:Campaignbox Myanmar Civil War (2021-present) | ||||||||||||||||||||||||||||||||
စဲ့ꩻပွယ်ꩻကထွာ ပင်လောင်ꩻဝေင်ꩻနယ်ႏကိုဖုံႏယို တယ်ႏ ၂၀၂၃ ဗာႏနေင်ႏ လာဖေဘရူဝါရီကို ကထွာစစဒါႏ မန်းခမ်းကို ပဋိပက္ခ စဲ့ꩻပွယ်ꩻဖုံႏရာဒျာႏသွူ။ စဲ့ꩻပွယ်ꩻယိုနောဝ်ꩻ တယ်ႏ မန်းစဲ့ꩻသားဖဲ့ꩻပိုလ်ႏတန်ဖုံႏ တရိမ်စအာႏဏာႏ ၂၀၂၁ ဗာႏနေင်ႏကို ကအောဝ်ႏထွာဒါႏစဲ့ꩻပွယ်ꩻ အခေါဝ်အခေင်ႏတဗာႏသွူ။
ဟွောင်ႏဖုဲင်ကင်း
[မွဉ်းဖျင် | မွဉ်းဖျင်အရွီးခိုႏ]ပင်လောင်ꩻဝေင်ꩻနယ်ႏကို စဲ့ꩻပွယ်ꩻကထွာဗာႏခရာႏ တခေါဝ်နောဝ်ꩻ ကောပ်ပွိုးပတောင်း ကယန်းခမ်းရင်ꩻသားဖုံႏ မဉ်လꩻနုဲင်းနုဲင်းခမ်းနယ်ႏ (မန်း- ပြည်နယ်) တွော့ꩻ အောဝ်ႏလိုႏဟမ်ႏယာႏတဲင် မဉ်လꩻပ ဟမ်ႏယာႏကအောဝ်ႏဒါႏ သီႏသဲင်ႏဝေင်ꩻနယ်ႏတွမ်ႏ ပင်လောင်ꩻဝင်ꩻနယ်ႏကိုတဲ့ အောဝ်ႏပါနေနေသွူ။ မန်းဥပဒေႏကို တဲမ်းခါꩻ ကအီးလꩻ နမ်းချာဒျာႏ ဗာႏရဲပ်အွောန်ဒေသတာႏ လိုꩻဖြာꩻအောဝ်ႏအာလုမ်းလုမ်းဗာႏ၊ အဆေ့ꩻသွတ်ꩻ အောဝ်ႏသော့ꩻအာကဲꩻထဲင်းဗာႏ လိုꩻမျိုꩻလောင်းလင် အွိုးဝေင်ꩻနယ်ႏ ၂ ထွောင်းကို အောဝ်ႏပါ။ ကောပ်ဥပဒေႏယိုဗာႏတဲင်ꩻ ပတောင်ႏတဲ့နောဝ်ꩻ၊ မန်းနောင်တဲ့နောဝ်ꩻ အလꩻတဲꩻတောဝ်း ဝွေꩻသီးချာဒျာႏ ဗာႏရဲပ်အွောန်ဒေသ။ ပတောင်ႏယို အောဝ်ႏအာဗော့ꩻ ဖုဲင်ခွန်ႏဝေင်ꩻနယ်ႏကို၊ လိုꩻဖြာꩻတဲ့ ဆေ့ꩻငါးနောဝ်ꩻမꩻ ထွို့ꩻသော့ခါꩻပါ တယင်၊ ယဉ်းဘော်၊ ဂေခိုလိုꩻမျိုꩻပေႏဖုံႏ။[၂] လိုꩻမျိုꩻပေႏယိုစားနောဝ်ꩻ ဝင်ꩻဟမ်ႏနယ်ႏတွမ်ႏဝင်ꩻ၊ ဝင်ꩻငေါဝ်းတွမ်ႏဝင်ꩻအောဝ်ႏလီꩻထွူဒျာႏရိုꩻလဲ့ ပတောင်ႏထွိုင်ႏအာ ပတောင်ႏနွောင်ꩻတဲင် အလိုꩻတန်ဖုံႏ မာꩻလွိုချာဗွိုန်ႏတောဝ်း ပတောင်ႏတွော့ꩻ အောဝ်ႏပါငီꩻဗာႏ ကယန်းအဗူႏကို။ မန်းစိုးရဖဲ့ꩻသားတဲ့ အောဝ်ႏသေရိုꩻလဲ့ သေထွꩻသားအောဝ်ႏဆေ့ꩻသဲင်ꩻ။ ကထွာဒါး လွယ်လုံခမ်း (ယိုခါ ပင်လောင်ꩻနယ်ႏ အခေါဝ်နောဝ်၊ ပါတွမ်ႏ အွိုင်ႏပင်မွောန်ꩻ) ယို ကရီးခါ ထွာဖို တယင်ဟမ်ႏနယ်ႏဗာႏရဲပ်တဖဲ့ꩻ တယင်ယိုတဲ့ ပတောင်ႏသမ်းသော့ꩻလꩻခါꩻ ကယန်းအဗူႏကိုတဖဲ့ꩻတဲင် ထွာနေး အလွောန်ခꩻတရိမ်ချာ ဝေꩻသီးဟမ်ႏ။ မဉ်ႏထွားတယင်ဖဲ့ꩻတဲ့ လောင်းလွိုး အောဝ်ႏမဉ်လꩻနေနေရိုꩻလဲ့ အလိုꩻဖြာꩻဆေ့ꩻငါႏတွော့ꩻ အမျိုꩻလꩻမွေးတောဝ်း ဝင်ꩻအောင်ႏသေနောဝ်ꩻမꩻ အပါငီꩻပတောင်ႏဖဲ့ꩻတန်ယောင်ႏယောင်ႏသွူ။ ကွဲးတွော့ꩻ ထာꩻယိုစားနောဝ်ꩻ ပွိုင်းဝွို့ဒျာႏ ခမ်းထီခရာႏ၊ ဟောဝ်ကြူရောꩻတောဝ်းတွမ်ႏ ခမ်းရင်ꩻသား လိုꩻဖြာꩻဆေ့ဖုံႏတဲင် ထွာဒျာႏ တောႏလန်ႏစဲ့ꩻမန်းသားစူခြောင်ꩻ၊ ရပ်သားအပဲစ်တမွေးခေါ်တောဝ်းယင်းနေနေ။ ကယန်းဖုံႏ မဉ်ႏလꩻခါꩻလဲန်း ပအိုဝ်ႏရပ်နောဝ်ꩻ ခꩻချာနွောင်ꩻတောဝ်းစွောန်ႏ စဲ့ꩻမန်းတပ် ကအောဝ်ႏဒါႏ ဖုဲင်ခွန်ႏဝေင်ꩻကိုတယောဝ်း ကွီခမ်းနယ်ႏ ဥပဒေႏခလ အီးလꩻနောဝ်ꩻမꩻ အောဝ်ႏလွောန်ယားဝင်ꩻ ပအိုဝ်ႏရပ်။ ကအောဝ်ႏပါနေကဒါႏ ပအိုဝ်ႏစဲ့ꩻတနျာႏဖုံႏ၊ စောက်တနျာႏပီးဒွေႏဖုံႏ၊ ပအိုဝ်ႏ၊ ဖြောဝ်ꩻ၊ မန်း၊ မန်းနောင်ပီးဒွေႏဖုံႏ ရဲပ်အွောန်သားနောဝ်ꩻတဲ့ အောဝ်ႏမဉ်လꩻထာꩻအောဝ်ႏ ပငါပရင်ꩻ။ လို့လို့နောဝ်ꩻ မဉ်ႏနွောင်ꩻလꩻ၊ တောဝ်းတဲ့ မဉ်ႏချာႏလꩻ စဲ့ꩻမန်းဒျာႏမꩻ အီးထွူတွော့ꩻ ထွာနေး အယားငီꩻငီꩻဝင်ꩻနောဝ်ꩻတန်သွူ။
တဲႏ ၂၀၂၁ ဗာႏနေင်ႏ စဲ့ꩻသားပိုလ်ႏတန် တရိမ်ထူႏထိုꩻ မန်းခမ်းထီအာႏဏာႏမာꩻချာ စဲ့ꩻမန်း စကစတွမ်ႏ စူꩻတောဝ်းသားခါႏ ကထွာလွေꩻ ခမ်းကိုစဲ့ꩻပွယ်ꩻယို အတွိုႏလွောန်ပါ ပအိုဝ်ႏခမ်းကူဖဲ့ꩻ။ အစောင်းခါတဲ့ ဒေါင်မုဲန်းဗုံးဖုံႏ တျာႏမေႏထွန်ႏမှူးထျꩻ။ ဆုဲင်နောဝ်ꩻ နွို့ခꩻသီတေ့ꩻ စဲ့ꩻမန်းကအောဝ်ႏအုံရီဆုမ်ႏ တဖူလွေꩻသား အွိုးကားကြုဲင်ဖလောင်း။
လိတ်မွောန်
[မွဉ်းဖျင် | မွဉ်းဖျင်အရွီးခိုႏ]- ↑ ပင်လောင်းမြို့နယ် ဆောင်းပြောင်းနဲ့ တောင်မဲသင်းရွာမှာ တိုက်ပွဲပြင်းထန်နေ။ RFA Burmese (18)။ 5 April 2024 ကို ဒင်ႏထွူလဲဉ်း မူရင်းမော်ကွန်း။ 24 May 2025 ကို ထွားစဲစ်ချာထွူလဲဉ်း။
- ↑ ကယန်းပြည်နယ် ဖွဲ့စည်းပုံ အခြေခံဥပဒေ (စတုတ္ထမူကြမ်း)။