ဇော်ဂျီဖောင့်

ဇော်ဂျီဖောင့်

ဇော်ဂျီမျန်မာဖောင့်(Zawgyi)ကရိုꩻနဝ်ꩻ ဇော်ဂျီဖောင့်တွမ်ႏ ဇော်ဂျီကီးဘုတ်ဖုဲင်သီး ပါဝင်ႏသော့ꩻထွူ လိတ်မန်ႏအက္ခရာႏတွမ်ႏ ခမ်းရင်ꩻသားအက္ခရာႏဖုံႏယို လိတ်မန်ႏတမျိုꩻလွုမ်ꩻအတာႏ အဝ်ႏသွုံꩻအီဒါႏ တွမ်ႏယူနီကုဒ်စနိတ်အငီႏတဝ်း လိတ်မန်ႏစနိတ်တမျိုꩻဒျာႏသွူ။တယ်ႏစနေင်ႏ-၂၀၀၅ဗာႏ လာနိုဝဉ်ဘာအကို ဇော်ဂျီမြန်မာဖောင့်ယို မဉ်ꩻကဟဲ့ꩻဒါႏ Planet.com.mmမြန်မာဝက်ဘ်ဆိုက် တဗာႏအကို တယ်ႏခွုမ်စမ်ႏစ တွိုႏစွောတ်ႏလွဉ်ထွူမꩻ ယိုခါခါနဝ်ꩻ ကတဲမ်းစန်ႏဖောႏနယ်တွမ်ႏ လိတ်မန်း ဝက်ဘ်ဆိုက်ဖုံႏလဲ့ꩻသင် blogဖုံႏအကို အဝ်ႏထီႏနွောင်ꩻလဲဉ်ႏ ဇော်ဂျီဖောင့်သွူ။

ဇော်ဂျီအစွိုꩻ

ဇော်ဂျီအစွိုꩻယို တယ်ႏထွို့ꩻဗူႏစဒျာႏ နေင်ႏ-၂၀၀၅ဗာႏဖသွူ။အဝ်ႏအိုင်တီနယ်ႏကို မျန်မာခမ်းပညာႏသျင်ႏ၅ဖြာꩻပါဝင်ႏထွို့ꩻဗူႏခါနဝ်ꩻ Zawgyi.net ဝက်ဘ်ဆိုက်ကို ဖောႏနယ်ခါဒျာႏစွဉ်ႏလဲ့ ပုဂ္ဂိုလ်ႏအဖြာꩻမုဲင်ꩻကရိုꩻနဝ်ꩻ စဲင်းစဲင်းစဲ့စဲ့သေဗာႏတဝ်းသွူ။ဇော်ဂျီအစွိုꩻရေႏမိုႏချက်နဝ်ꩻထွာဒျာႏ ပုဂ္ဂိုလ်ႏအပါမုဲင်ꩻအဖြာꩻမုဲင်ꩻတယဝ်း လိတ်မန်ႏစနိတ်တဗာႏယို လွောက်နမ်းစူသꩻဖေႏကခွုမ်မာꩻနွောင်ꩻသွူ။အထျအွဉ်ႏရေႏမိုႏချက်ထွူတဲင် သွုံꩻအီလိတ်မန်ႏအတာႏ အင်တာနက်ထေင်းထမ်ႏမု (Web service)တွမ်ႏ ဆော့ဖ်ဝဲ (software application )ဖုံႏယို ယံဖေႏထေထန်ႏနွောင်ꩻ ရေႏရွဲႏနုဲင်ႏနဝ်ꩻသွူ။အွဉ်ႏခါရေႏမိုႏချက်အတွိုင်ꩻ ဇော်ဂျီမျန်မာဖောင့်ယို တယ်ႏအွဉ်ႏစွစ်လီစဒျာႏ နေင်ႏ-၂၀၀၅ဗာႏ လာနိုဝဉ်ဘာကိုသွူ။ဇော်ဂျီစနိတ်နဝ်ꩻ ရိုꩻကီအလꩻခြေင်ဒျာႏလဲ့ ဆော့ဖ်ဝဲလိုင်စဲင်ယိုစဲင်းစဲ့သေချာႏတဗာႏ ဖောႏနယ်ခါတဝ်းသွူ။တဲမ်းထွို့ꩻဒါႏ ဖောင့်ဒီဇိုင်း (Art House) ပုဂ္ဂိုလ်ႏ သာႏနဝ်ꩻ ဇော်ဂျီလိတ်ဖြုံႏပွုံႏစံႏယို ထွာဒျာႏ ဝွေꩻသီးမူႏပဲင်ႏ အဝ်ႏရိုခါထွူလဲဉ်းတယဝ်ႏ ကွန်ပျူတာဂျာနယ်ကိုနဝ်ꩻ အဝ်ႏဖောႏနယ်ခါ ဆော့ဖ်ဝဲလိုင်စဲဉ ်ယို Mymyanmar ဖြေႏခါဒျာႏသွူ။မြစေတီဝက်ဘ်ဆိုက်အကိုလဲ့ အဝ်ႏဖောႏနယ်သေခါ ဇော်ဂျီဖောင့်အက္ခရာႏ အရဲန်ꩻပွုံးစံႏယို ကူꩻထူႏခါဒျာႏ  ဖေႏဗာႏအငိုဖောင့်ကထွာဒါႏ မြစေတီဖောင့်ကိုသွူ။

ထီႏဗာႏမော့ꩻလꩻအချက်ဖုံႏ

ယူနီကုဒ်အဝ်ႏလိုႏအပ်ချက် လို့လို့ယိုနဝ်ꩻ လွောက်နာႏခါလွုမ်ꩻတခူတခဝ်သွူ။ ယူနီကုဒ်နဝ်ꩻ လွောက်နာႏနွောင်ꩻတဝ်းအခဝ်ယို ထူႏသွုံꩻဗာႏဒျာႏ ကအွဉ်ႏထွော့ဖေႏခါဒါႏမွန်၊ဖြဝ်ꩻ၊ပိုးစောက် တွမ်ႏစကောစောက်သီးအတာႏ ခင်ႏလမ်းကိုသွူ။ကွပ်ပွိုးနဝ်ꩻမꩻ မဉ်ႏခွုမ်စံႏဇော်ဂျီနဝ်ꩻတုတဲက်စနိတ်(စံစနစ်) အတွိုင်ꩻ ကတဲမ်းခါဒါႏလိတ်ဖုံႏယိုမဲဉ်ႏစွို့ꩻတဗာႏ ဖတ်ထွားနွောင်ꩻတဝ်းသွူ။ လိတ်ဖြုံႏယိုလဲ့ အမဲဉ်ႏးစွို့ꩻတဗာႏ ရဲဉ်ꩻခြပ်နွောင်ꩻတဝ်းသွူ။ထိုမ်ႏထွားခန်း ကွန်ပျုတာကိုတယဝ်း လွုမ်းကွံꩻငါႏအဖြေႏတဗာႏတဲ့ အီးလꩻနွောင်ꩻတဝ်းသွူ။တွမ်ႏဇော်ဂျီဖောင့်ကသွုံꩻခါဒါႏ ဝက်ဘ်ဌာနဖုံႏနဝ်ꩻ မဲဉ်ႏဗဲက်တဝ်းတွမ်ႏ စွုမ်ႏခမ်းဆဲင်ႏရာꩻ သုတဲက်မာꩻထုံမာꩻနယ်(စံလုပ်ထုံး)သွူ။ဇော်ဂျီအစွိုꩻယို တွမ်ႏအအဝ်ႏအထောက်တဲင် ပါမုဲင်ꩻနဝ်ꩻ ခွုမ်မာꩻလွေနုဲင်းမုဲင်ꩻကရိုꩻနဝ်ꩻအွဉ်ႏနယ်ခါနဝ်ꩻစာႏအဝ်ႏတဝ်းသွူ။ အဝ်ႏသေထွꩻဗာႏ ဝွေꩻသီးသꩻဆန္ဒအတွိုင်ꩻထေင်းထမ်ႏဒျာႏသွူ။လိတ်မန်းပြွူႏဖြိုရေꩻအတာႏ အဝ်ႏထေင်းထမ်ႏဒါႏ ဗွိုန်ဗီနုဲင်းNLPကွန်ပျူတာစွိုꩻတွမ်ႏ အစွိုꩻအဗူႏအတန်ꩻဖုံႏကို လွောင်ႏဗူႏထင်းထမ်ႏငီတဝ်းနဝ်ꩻ သေစဲင်းဗာႏသွူ။

ကိုစိုးမင်း Develop ထွူခါခန်း Zawgyi 2009 version တယဝ်း ဇော်ဂျီအစွိုꩻနဝ်ꩻ နေးထူႏခါတဝ်း တရာꩻဝင်ႏဒင်ႏထိုအရန်းသွူ။

အနာႏဂတ်ရေႏမိုႏချက်

ဇော်ဂျီအစွိုꩻအင်းမိုႏချက်နဝ်ꩻ လိတ်မန်းသွုံꩻအီ ကွန်ပျူတာအတာႏယို ဖေႏကတသွုန်နွောင်ꩻတွမ်ႏ ပြွူႏဖြိုထွူလဲဉ်းဒါႏ လိတ်အလောင်းအလင်ꩻဖုံႏသွူ။ ဘာႏသာႏပြန်ႏ OCRIတွမ်ႏSpeech recognition translation စတဲင်ဖုံႏယို တန်ကျနွောင်ꩻ(စွမ်းဆောင်နိုင်)အတာႏ ဖောႏနယ်ခါသွူ။ကွဲးတဲင်တွော့ꩻ ဇော်ဂျီအစွိုꩻနဝ်ꩻ အွဉ်ႏလွတ်ခါဒျာႏ ဝွေꩻသီးဖောႏနယ်အချက်ကထွာဒါႏ ဒင်ႏထိုလွေꩻ ယူနီကုဒ်စနိတ်အရန်းယို လွောက်နာႏဗာႏတဝ်းသွူ။

ယိုခါအဉ်တာနဲက်မျန်မာဖောင့်စွိုꩻ

ဇော်ဂျီဖောင့်ယို တွယ်ႏနျယိုꩻငါႏတဲင် အဉ်တာနဲက်ဝက်ဘ်ဆိုက်၊ဘလောက်၊ဖေ့စ်ဘွတ်ခ်သာႏနဝ်ꩻ အသွုံꩻအာမွေးသွူ။ယိုခါနဝ်ꩻယူနီကုဒ် ၅.၂ဝက်ဘ်ဆိုက်ဖုံႏ ပေါႏထန်ႏလွဉ်လဲဉ်းသွူ။ဝဉ်းဒိုးစ်၈(window 8)ကိုယိုအဝ်ႏသွုံꩻခါတွမ်ႏ ယူနီကုဒ်၅.၂သွူ။ဇော်ဂျီဖောင့်ယို မာꩻအကျိုꩻဖေႏခါ လိတ်မန်းအဉ်တာနဲက်လောကကို လွိုးရညလွေꩻနေင်ႏပေါင်ꩻ၁၀သွူ။ယူနီကုဒ်ဖောင့်ဖုံႏနဝ်ꩻ ထွာဒျာႏစတဲင် ပိတောက်(မန်ႏလိတ်ဖြုံႏ)၊မျန်မာ၃သီးဖုံႏသွူ။အွိုးအစနေင်ႏ-၁၉၈၉ခိန်ႏနဝ်ꩻ မျန်မာကွန်ပျူတာဖောင့်ယို ထီႏဆောင်ႏဗာႏဒျာႏတွမ်ႏ ရွေနှင့်မြ(မန်းလိတ်ဖြုံႏ) ဖောင့်သွူ။ထွိုင်ႏတွိုႏလွဉ် ဆုဲင်ꩻခါယို အဉ်တာနဲက်လောင်း ခေတ်စိုမ်ꩻ(ခေတ်စား)လွဉ်ဒျာႏ ဝဉ်းဘားမစ် winburmeseသွူ။ မျန်မာခမ်းအစိုးရတွမ်ႏ အထွာရွုမ်ꩻသွုံꩻနဝ်ꩻ ခေတ်စိုမ်ꩻဗာႏဖို ဝဉ်းအင်းဝ ဖောင့်မျိုꩻဆွုပ်သွူ။ယိုခါခါနဝ်ꩻ အဉ်တာနဲက်လောင်းကို ခေတ်စိုမ်ꩻ လွဉ်လဲဉ်းဇော်ဂျီဖောင့်သွူ။ယူနီယုဒ်၅.၂ဖောင့် အစွိုးအခွိုꩻစတဲင် ပိတောက်တွမ်ႏမျန်မာ၃ ဖုံႏယိုလဲ့ ပေါႏထန်ႏလွဉ်လဲဉ်းသွူ။မျန်မာဖောင့်ယို မဉ်ႏမဲဉ်ပြောင်ꩻလုဲင်ႏ တဗာႏတွမ်ႏတဗာႏနဝ်ꩻ ဂူဂယ်ဝက်ဘ်ဆိုက်ကို ထိုမ်ႏထွားနွောင်ꩻဒျာႏတွမ်ႏMyanmar font converter စတဲင် လိတ်ရဲဉ်ႏနုဲင်းယိုစားသွူ။ မျန်မာဖောင့်ယိုလဲ့ ဂူဂယ်လောင်းကို တွယ်ႏနျ Myanmar Fonts လိတ်ရဲဉ်ႏယိုတဲင်ထိုမ်ႏထွားဒေါင်းလုတ် (Dawnload)ထူႏနွောင်ꩻဒျာႏသွူ။