ဒုရာဇာနဇာတ်

၆၄။ ဒုရာဇာနဇာတ် ဘုရာꩻအွ်ႏ ဇေႏတဝန်ႏကျောင်ꩻကိုခိင်ႏ သာဝတ္ထိခမ်းကို သီႏလသားတဖြာꩻ သရဏဂမ်ႏသိုမ္ပါꩻ သီႏလငတ္ပ်ာꩻ ဗွို့ꩻတိန်ႏဟွ်နမ်း၊ နိဿက်ဟွ်မွေး ဘုရာꩻတရာꩻသင်္ဃာႏ၊ ကွဲႏတွော့ꩻ သီလသားမာနွ်ꩻ သီလအဲန္ထဝ်း၊ သီလမီႏကျ်အနီꩻနွ်ꩻ နျ်းစွန်ႏသွန်း ဝင်ꩻကဖြေꩻခါꩻ တစွဲးစား၊ သီလမီႏကျ်တွ်းနီꩻနွ်ꩻ စာရိတ္တကျမ်ꩻ၊ ငွ်းဆွော့ꩻနျ်းစွန်ႏဗွေႏမူႏတန်။ သီလသားနွ်ꩻ အမာမီနိစ္စက် တွိုႏဗာႏဒုမ်ဘုရာꩻထျꩻ၊ တနီꩻသားကို တွမ်ႏကွ်ႏထာꩻလွီးဟွမ်ဖိုင်ႏ ဖျော်လွန်ကျောင်ꩻ၊ ဘုရာꩻရီသီလသား "နာꩻတွိုႏတွ်းကျောင်ꩻ လꩻနွုတ်ꩻသွတ်ꩻနီꩻ နာꩻလွေꩻမုဲꩻ?" "ဗွေႏ- နီသွန်းမာနွ်ꩻ ယနီꩻနီꩻ နျ်းစွန်ႏသွန်း၊ ယနီꩻနီꩻ နျ်းစွန်ႏဗွေႏ၊ အီႏသေဗာႏ လိုꩻမူႏသီးအကဲꩻနွ်ꩻ ယပ်ꩻတန်၊ လိုꩻမူႏမီႏနိစ္စက် တွိုႏဗာႏဒုမ်ကျောင်ꩻနွ်ꩻသနဲအော" "သီလသား- ကရီးခါတဲ့ ထွာဗာႏဖိုလဲန်းနျ်းယို" သီလသားမဲန်ဟွုန္တဲင် ဘုရာꩻဟောꩻဖေႏ- အွိုးစခါ ဗာရာဏသီခမ်း ဗြဟ္မဒတ်ခုန်စိုး ဘုရာꩻလောင်္ထွာ ဒိသာပါမောက္ခဆရာႏတဲင် အွ်ႏသွန်ဖေႏတပဲ့ꩻ ခိုဗင်ႏငတ်ꩻရျာꩻထာꩻဒါႏ၊ တပဲ့ꩻကို ပုဏ္ဏာꩻခိုဗင်ႏ ခမ်းလင်္သားပါတဖြာꩻ၊ အွ်ႏသွန်ထာꩻဒါႏနေနေ၊ အဝင်ꩻမူႏအွ်ႏ၊ ဝွေꩻဝင်ꩻမူႏနွ်ꩻ အကျင်ꩻဟွ်တွ်း၊ ထာꩻမာꩻအီႏအွ်ႏအလဲင်ႏ ထွာနျ်းသွန်း၊ ထာꩻမာꩻမီႏအဲန္ထဝ်းအလဲင်ႏ ထွာနျ်းဗွေႏ၊ နွ်ꩻမꩻ ပုဏ္ဏာꩻပေႏနွ်ꩻ လꩻနွုတ်ꩻသွစ်ꩻနီꩻမꩻ ဖျောဆရာႏထျꩻတလဲင်ႏ၊ ဆရာႏသွန်ဖေႏ လိုꩻမူသီးယို အွ်ႏလိုႏအွန်ႏရေꩻတွ်းအကျောင်ꩻ- ၆၄။ မာ သု နန္ဒိ ဣစ္ဆတိ မံ၊ မာ သု သောစိ န မိစ္ဆတိ ။ ထီနံ ဘာဝေါ ဒုရာဇာနော၊ မစ္ဆဿေဝါဒကေ ဂတံ။ (မာဏဝ- လောင်ꩻပေႏ)၊ ဣစ္ဆတိ- အအွ်ႏလိုႏ၊ မံ- ခွေရိုꩻတဲင်၊ မာသုနန္ဒိ- တွမ်ႏအွန္တရေꩻမွုန်းလွိုး၊ နဣစ္ဆတိ- အအွ်ႏလိုႏတွ်း၊ မံ- ခွေရိုꩻတဲင်၊ မာသုသောစိ- တွမ်ႏအန္တကျ်မွုန်းလွိုး၊ မစ္ဆဿ- ထပေႏသီး၊ ဂတံ- တဖူꩻလွေꩻ၊ ဥဒကေ- ထီကိုသူꩻ၊ ဒုရာဇာနံဣဝ- တသေနွောင်ꩻတွ်းအတွိုင်ꩻ၊ ဧဝံ=တထာ- ဗိုန္ပီနွ်ꩻ၊ ထီနံ- လိုꩻမူႏသီး၊ ဘာဝေါ- ထာꩻလိုႏယို၊ ဒုရာဇာနော- သေယပ်ꩻတန္ဒျာႏရင်ꩻ။ ထင်ႏဟွုန်ဆရာႏငွ်း တပဲ့ꩻတဲ့ ထွားလွိုနွောင်ꩻခန်းဒျာႏ လိုꩻမူႏ၊ အမာတဲ့ သေနာႏနမ်းတဲင် မာꩻတွ်းဒုမ်အကျင်ꩻကျ်၊ ပုဏ္ဏာꩻတမာဝါꩻဖိုင်ႏနွ်ꩻ ယိုခါ သဲင်္ထွာ တကာႏသီးယိုနွ်ꩻသွူ၊ ဘုရာꩻပျꩻနဲ သစ္စာႏလိတ်ꩻပါꩻ သီလသားထွာ သောတာပန်ႏအရိယာႏ။ နံပါတ်(၆၄) ဒုရာဇာနဇာတ်ထွူယို။