ဝိသဝန္တဇာတ်
၆၉။ ဝိသဝန္တဇာတ် ဘုရာꩻအွ်ႏ ဇေႏတဝန်ႏကျောင်ꩻကိုခိင်ႏ တကာႏထင်ႏလူႏတခိုး ကျောင်ꩻကို၊ သမ်းအွ်ႏလွိုအာ တကာႏဒေါ့ꩻ (ထူႏခါꩻဖေႏပါ ရဟန်ႏအွ်ႏဒိုင်ကိုတာႏဟျ်းဗွေႏ)တွော့ꩻ ဓမ္မသေနာပတိကထွာဒါႏ သာရိပုတြာႏနွ်ꩻ ထူႏခါꩻဖေႏ အတပဲ့ꩻရဟန်ꩻ အွ်ႏဒိုင်ကိုတာႏ မွူးထိုလဲန်း၊ အတပဲ့ꩻသမ်းဖျောတွ်းတဲင် တကာႏလူႏထိုꩻခန္ဒျာႏ သာရိပုတြာႏသုင်ꩻလို့ထွူ အတပဲ့ꩻဖျော။ သာရိပုတြာဒေါ့ꩻနဲ အတပဲ့ꩻ "နာꩻတာႏ တခိုးနွ်ꩻ ခွေအမ်ႏလို့ထိုꩻလဲန်း"၊ အတပဲ့ꩻဒေါ့ꩻချာ "ထာꩻအွီႏယို လိုꩻမက်ဒျာႏရင်ꩻ"၊ ထင်ႏဟွုန်ငွ်းနွ်ꩻခါ သာရိပုတြာႏ ထူႏသံဝေဂ၊ တဲႏနွ်ꩻမာꩻငါ ပေါႏရိုꩻတခိုးနွ်ꩻ ဝွေꩻတသုင်ꩻတွ်းဒုမ်၊ တရာꩻနာႏခင်ႏလမ်းကို ရဟန်ꩻဖိုင်ႏ အွ်ႏဒေါ့ꩻအပုင်ႏတွင်ꩻ ဘုရာꩻကျွꩻလွန်၊ ဟောꩻဖေႏတရာꩻ- အွိုးစခါ ဗာရာဏသီႏခမ်း ဗြဟ္မဒတ်ခုန်စိုး ဘုရာꩻလောင်ꩻအွ်ႏထွာ ဆရာႏတရျား (မန္တရား)သား၊ ပါꩻဒိုင်တန် (ဇနပဒ)တဖြာꩻ ရူးပေါက်ꩻ၊ ဟဲ့ꩻဆရာႏ၊ ဆရာႏရိုꩻ "ရူးစွူႏနွ်ꩻ မာꩻဟွ်ဗော့ꩻနေးနွ်ꩻနဲ့?၊ ဟဲ့ꩻလွန်ရူးထွူ အွန်ႏရူးအဗာႏ ကပေါက်ꩻဒါႏဝွေꩻနွ်ꩻ လွန်စိုက္ထန္ချာနေးနဲ့?"။ လိုꩻဖိုင်ႏဒေါ့ꩻ "မဲန္ထီႏဒျာႏ ရူးစိုက္ထန္ချာ"၊ ဟဲ့ꩻလွန် အွန်ႏစိုက္ထန္ချာ၊ ရူးအျ်ႏစိုက္တဝ်း၊ မာꩻမေႏပုမ်ႏ "နာꩻမီႏစိုက္ထန္ချာတွ်း နွို့မေႏနွ်ꩻဟျ်း" ဆရာႏထင်ႏရိုꩻ ရူးကျမ်ႏနွို့မွေးစွန်ႏမေႏ၊ ဆရာႏရဲးဗာႏယင်း။ ၆၉။ ဓီရတ္ထု တံ ဝိသံ ဝန္တံ၊ ယမဟံ ဇီဝိကကာရဏာ ။ ဝန္တံ ပစ္စာဟရိဿာမိ၊ မတံ မေ ဇီဝိတာ ဝရံ။ အဟံ- ခွေနွ်ꩻ၊ ဇီဝိတကာရဏာ- ပွိုးအသက်တလီးတာႏတဲင်၊ ဝန္တံ- ကလာꩻထန်ႏထွူဒါႏ၊ ယံတံဝိသံ- အစွူႏနွ်ꩻနွ်ꩻ၊ ပစ္စာဟရိဿာမိ- အီႏစိုက်ꩻမျောႏချာဗာႏနွ်ꩻ၊ ဓီရတ္ထု- ပသို့ꩻငါႏ၊ မေ- ခွေတာႏ၊ ဝန္တံ- ပေါႏလာꩻထန္ထူ၊ ဇီဝိတာ- အသက်တလီး၊ မတံ- ခံႏဗော့ꩻအသီနွ်ꩻ၊ ဝရံ- မျတ္ထဲင်း။ နံပါတ်(၆၉)ဝိသဝန္တဇာတ် ထွူယို။[၁][၂][၃]