ဝီကီးပီးဒီးယား:အလိုအလျောက်အတည်ပြုထားရေ အသုံးပြုသူတိ
ဝီကီးပီးဒီယားထက်မာ အချို့လုပ်ဆောင်ချက်တိကို အသုံးပြုမူသက်တမ်းနန့် တည်းဖြတ်ကြိမ်ရေပေါ် မူတည်ပနာ ကန့်သတ်ထားပြီးကေ ကန့်သတ်ချက်နန့် ကိုက်ညီသူတိကို အလိုအလျောက်အတည်ပြုထားရေ အသုံးပြုသူတိ (autoconfirmed) အုပ်စုသို့ သွင်းပါရေ။ အလိုအလျောက်အတည်ပြုပြီးကေ အဆင့်သို့ ရောက်ဟိသူ ဟုတ်၊ မဟုတ်ကို ကန့်သတ်ထားရေ လုပ်ဆောင်ချက်တိကို လုပ်ဆောင်ဖို့ပြုတိုင်း စစ်ဆီးပါရေ။ ဆော့ဝဲလ်နန့် စိစစ်ခြင်းဖြစ်အတွက်တာနန့် ပြန်ပနာဖယ်ရှားလို့လည်း မရပါ။ အလိုအလျောက်အတည်ပြုပြီး အဆင့်သို့ ရောက်ဟိဖို့ လိုအပ်ချက်မာ ကွဲပြားမှုတိ ဟိရေ။ အင်္ဂလိပ်ဘာသာသုံး ဝီကီးပီးဒီးယားမာ အသုံးပြုသက်တမ်း (၄) ရက်ဟိပြီးကေ တည်းဖြတ်မှု အနည်းဆုံး (၁၀) ခု ပြုပြီးသူကို အလိုအလျောက်အတည်ပြုပြီးအဖြစ် သတ်မှတ်ပါရေ။ ယကေလေ့လက်ဟိမာ တိတ်တိတ်ပုန်းကွန်ရက် (Tor Network) ကို အသုံးပြုတည်းဖြတ်ပါက ကန့်သတ်ချက် ပိုကြီးပြီးကေ အသုံးပြုသက်တမ်း ရက် (၉၀) နန့် တည်းဖြတ်ကြိမ် (၁၀၀) ဟိမှရာ စာရင်းဝင်ပါရေ။
အလိုအလျောက်အတည်ပြုပြီး အဆင့်ကို စာမျက်နှာတိ ရွိ့ဖို့၊ တစ်ပိုင်းတစ်စ ကာကွယ်ထားရေ စာမျက်နှာတိကို တည်းဖြတ်ဖို့၊ ဖိုင်တင်ဖို့နန့် လက်ဟိဖိုင်အား သစ်လွင်ရေ ဖိုင်နန့် အစားထိုးဖို့ ပြုလုပ်ဖို့ လိုရေ။ အလိုအလျောက်အတည်ပြုပြီးသူတိ အနိန်နန့် ကိစ္စအများစုကို ပုံဝှက်စာ (CAPTCHA) ပြုလုပ်ဖို့ မလိုရာပါ။ စာမျက်နှာတိကိုလည်း စစ်ဆီးပြီးစာမျက်နှာ (Patrolled Page) အဖြစ် သတ်မှတ်ခွင့် ရဖို့ ဖြစ်ရေ။