အီတာလျံ ဦးနှောက်ဖျက် ရုပ်ပြောင်များ
အီတာလျံ ဦးနှောက်ဖျက် ရုပ်ပြောင် (Italian Brainrot) များသည် ၂၀၂၅ ခုနှစ်အစောပိုင်းတွင် လူမှုကွန်ယက်များ၌ ရေပန်းစားလာခဲ့သော ဆာရီယယ်လစ်ဇင် အင်တာနက် မီးမ် စီးရီးတစ်ခုဖြစ်ပြီး AI နှင့် ဖန်တီးထားသော အီတလီအသံထွက်ဟန်ရှိသည့် အမည်များပေးထားသော အဓိပ္ပာယ်မဲ့ သတ္တဝါပုံများဖြင့် ပုံဖော်ထားသည့် ရုပ်ပုံများပင်ဖြစ်သည်။[၁][၂] ဤဖြစ်ရပ်သည် TikTok နှင့် Instagram ကဲ့သို့သော ဆိုရှယ်မီဒီယာပလပ်ဖောင်းများပေါ်တွင် လျင်မြန်စွာပျံ့နှံ့သွားခဲ့ပြီး ၎င်း၏ပေါင်းစပ်ထားသော "အီတလီ" အသံထွက် နာမည်များ၊ အရိုင်းဆန်သော သို့မဟုတ် ဟာသမြောက်သော ရုပ်ပုံများ၊ စိတ်ကူးယဉ်ဆန်ဆန် အနုပညာဖန်တီးမှုများနှင့် ၎င်းအကြောင်းအရာများနှင့် ကျိုးကြောင်းဆီလျော်မှုမရှိသည့် နောက်ခံဇာတ်ကြောင်းများနှင့် ဆက်စပ်မှုများကြောင့် ပိုမိုပျံ့နှံ့သွားခဲ့သည်။[၂][၃]
၂၀၂၅ ခုနှစ် အင်တာနက် ယဉ်ကျေးမှုနယ်ပယ်တွင် အီတာလျံ ဦးနှောက်ဖျက် သရော်စာ ဟူသော သရော်စာအမျိုးအစားတစ်ခု ပေါ်ထွက်လာခဲ့သည်။ ဤသရော်စာများသည် အဓိပ္ပာယ်မရှိသည့် စကားစုများ၊ လိုက်လျောညီထွေမှု-မရှိသည့် လှုပ်ရှားရုပ်ပုံ ဗီဒီယိုများနှင့် သမရိုးကျ-မဟုတ်သော အသံထွက် စကားလုံးများကို ပေါင်းစပ်အသုံးပြုထားသဖြင့် ၎င်းတို့ကို ခံစားကြည့်ရှုသူတို့၏ ဦးနှောက်တွင် သဘောတရား အတွေးအခေါ်များ ပျက်စီးသည့် အာရုံခံစားမှုကို ဖြစ်စေသည်ဟု သုံးသပ်နိုင်သည်။ ထိုသရော်စာများသည် ရှေးရိုးစဉ်လာ သရော်စာ အနုပညာပုံစံများနှင့် ကွဲပြားသည့်အပြင်၊ အီတလီဘာသာစကား အသံထွက်နှင့် ယဉ်ကျေးမှု သင်္ကေတများကို ညွှန်းပေးသည့် အမူအရာများ ပါဝင်နေခြင်းကြောင့် အင်တာနက် လူမှုကွန်ယက်အသိုင်းအဝိုင်းများတွင် ထူးခြားစွာ နာမည်ကျော်ကြားလာခဲ့သည်။
ဤနေရာတွင် "ဦးနှောက်ဖျက်" (Brainrot) ဟူသော အသုံးအနှုန်းသည် ဗန်းစကားဖြစ်ပြီး ၎င်းဇာတ်ကောင်များ၏ အီတလီအသံထွက်ဟန်ပေါက်သယောင်ယောင်ရှိသော အမည် အသံထွက်များကို ကြိမ်ဖန်များစွာ ကြားရခြင်းကြောင့် စိတ်တွင် အစစ်အမှန်ဟု ထင်မှတ်မှားစေကာ ဒွိဟဖြစ်စေခြင်းကို တင်စားသုံးနှုန်းခြင်းဖြစ်၏။
ဇာတ်ကောင်များ၏ အမည်နှင့် ပုံပန်းသဏ္ဍာန်များ
[ပြင်ဆင်ရန်]အီတာလျံ ဘရိန်းရော့များတွင် AI ဖြင့် ပြုလုပ်ဖန်တီးထားသော ဇာတ်ကောင်မျိုးစုံပါရှိသည်။ ဇာတ်ကောင်အများစုသည် သက်ရှိ၊ သက်မဲ့ အရာဝတ္တုမျိုးစုံကို ပေါင်းစပ်ဖန်တီးထားမှု၏ ရလဒ်များဖြစ်ပြီး အများအားဖြင့် တိရစ္ဆာန်များအား နေ့စဉ်သုံးပစ္စည်းများ၊ အသီးအနှံအမျိုးမျိုး စသည်တို့ဖြင့် ပေါင်းစပ်လေ့ရှိသည်။[၄] အခြားဇာတ်ကောင်များသည် နဂိုရှိပြီးသား ဇာတ်ကောင်များကို တစ်ခုနှင့်တစ်ခု ပေါင်းစပ်ခြင်းဖြင့် ဖန်တီးထားခြင်းဖြစ်ပြီး အလွန်ရှည်လျားသော နာမည်များဖြင့် ဇာတ်ကောင်အသစ်များဖြစ်သွားစေသည်။[၅]
ထရာလာလဲရိုး ထရာလာလား
[ပြင်ဆင်ရန်]ဤမီးမ်၏ ပထမဆုံး လူသိများရေပန်းစားခဲ့သည့် ဇာတ်ကောင်မှာ ထရာလာလဲရိုး ထရာလာလား (Tralalero Tralala) ဟု အမည်ရသည့် နိုက်ခီ အားကစားဖိနပ်များစီးထားသည့် ခြေထောက်သုံးချောင်းရှိသော ငါးမန်းတစ်ကောင်ပုံဖြစ်သည်။[၆][၇] Traalero Tralala သည် မဟာလူသားတစ်ဦး၏ အမြန်နှုန်းဖြင့် ပြေးနိုင်ပြီး အမြင့်ခုန်နိုင်စွမ်းရှိသည့် အားကစားသမားဟုဖော်ပြကြသည်။[၈]
ဘွန်ဘာဒီးရိုး ခရိုကိုဒီးလို
[ပြင်ဆင်ရန်]
ဘွန်ဘာဒီးရိုး ခရိုကိုဒီးလို (Bombardiro Crocodilo) သည် မိကျောင်းခေါင်းနှင့် ဒုတိယကမ္ဘာစစ်ခေတ်သုံး အင်ဂျင်နှစ်လုံးတပ် ဗုံးကြဲလေယာဉ်ကိုယ်ကို ပေါင်းစပ်ထားသည့် ကပြား-သတ္တဝါဖြစ်သည်။[၁][၆][၉] ဘွန်ဘွန်ဘီနီ ဂူဆိနီ (Bombombini Gusini) အမည်ရှိ တိုက်လေယာဉ်အတောင်ပံပါသော ငန်းပုံ ဇာတ်ကောင်နှင့် အမျိုးနီးစပ်တော်သည်ဟုဖော်ပြထားသည်။[၁၀]
တုံ တုံ တုံ ဆာဟူး
[ပြင်ဆင်ရန်].webp?lang=my)
တုံ တုံ တုံ ဆာဟူး (Tung Tung Tung Sahur) သည် လက်ထဲတွင် ဘေ့စ်ဘောရိုက်တံကိုင်ဆောင်ထားသည့် တင်းပုပ်နှင့်တူသော လူသားပုံ သစ်သားရုပ်ဖြစ်သည်။[၁၁] ၎င်းသည် အီတာလျံဘရိန်းရော့၏ အစိတ်အပိုင်းတစ်ခုအဖြစ် ယူဆကြသော်လည်း အင်ဒိုနီးရှား ယဉ်ကျေးမှုအပေါ် အခြေခံထားခြင်းဖြစ်၏။[၇] 'Tung Tung Tung' သည် အင်ဒိုနီးရှားလူမျိုးတို့၏ ရိုးရာအရ ဆူဟူရမ် ဇာန် လတွင် မွတ်စ်လင်မ်များ ဥပုသ်လအတွင်း အစာမရှောင်မီ အရုဏ်မတက်မီ စားသုံးသော ဆူဟူရ်ကို စတင်ရန်အတွက် ဗုံများကို ခပ်ကြမ်းကြမ်းတီးခတ်ခြင်း၏ မြည်သံစွဲ သဘောဖြစ်သည်။[၁၁][၁၂][၁၃] ၂၀၂၅ မေလတွင် အင်ဒိုနီးရှားထုတ်လုပ်ရေးလုပ်ငန်းစု ဒီး ကုမ္မဏီ (Dee Company) က ၎င်းကိုအခြေခံ၍ ရုပ်ရှင်ရိုက်ကူးရန် စိတ်ကူးရှိကြောင်း ဖော်ပြခဲ့သည်။[၁၄]
ဘာလာရီးနား ကာပူချိနာ
[ပြင်ဆင်ရန်]
ဘာလာရီးနား ကာပူချိနာ (သို့) ကာပူချီးနား ဘာလာရိနာ (Ballerina Cappuccina or Cappuccina Ballerina) သည် ဘဲလေးအကမယ် ဖိနပ်နှင့်ဝတ်စုံကို ၀တ်ဆင်ထားသော ကော်ဖီခွက်ပုံ ခေါင်းနှင့် ဘဲလေးအကမယ်ပုံဖြစ်သည်။ မူရင်း meme တွင် သူမ၏ ရှေ့ပြေးပုံစံကို လှပစွာ ဖော်ပြခဲ့သည်။ သူမသည် ကာပူချီးနိုး အက်ဆက်ဆီနို (Cappuccino Assassino) အမည်ရှိ သူမကို ပြန်ပေးဆွဲခဲ့သည့် နင်ဂျာနှင့် လက်ထပ်ထားသည်။[၇] သူမတွင် အက်စပရက်ဆိုးနား ဆစ်ဂနိုးရာ (Espressona Signora) အမည်ရှိ ညီမတစ်ဦးလည်း ရှိသည်။[၁၅]
အခြားဇာတ်ကောင်များ
[ပြင်ဆင်ရန်]- ချင်ပန်ဇီးနီး ဘာနာနီးနီ (Chimpanzini Bananini) – စီးရီး၏ "ပင်မဇာတ်ကောင်"အဖြစ် သတ်မှတ်ခံထားရသော ငှက်ပျောသီးကိုယ်လုံးနှင့် မျောက်ဝံတစ်ကောင်ပုံဖြစ်ပြီး "ဖျက်ဆီး၍မရသော" အရာအဖြစ်ဖော်ပြကြသည်။[၁၆]
- လီးရီးလီး လာရီးလာ (Lirili Larila) – အချိန်ကို ထိန်းချုပ်နိုင်စွမ်းရှိသော ကန္တာရဆူးပင်ကိုယ်လုံး၊ ကွင်းထိုးဖိနပ်စီးထားသည့် ကြီးမားသော ခြေထောက်များရှိသည့် ဆင်ပုံဖြစ်သည်။[၂][၈][၁၇]
- ထရစ်ပီး ထရော့ပီ (Trippi Troppi) – အချို့ဗီဒီယိုများတွင် ငါးခေါင်းနှင့် အဝလွန်နေသော ဝက်ဝံ ကိုယ်လုံးကို ပေါင်းစပ်ထားသည့် ရုပ်ပုံကို ရည်ညွှန်းသော်လည်း အချို့ဗီဒီယိုများတွင် ပုစွန်ကိုယ်လုံးနှင့် ကြောင်မျက်နှာ ပေါင်းစပ်ထားသည့် ပုံကို ရည်ညွှန်းလေ့ရှိသည်။[၁၈][၁၆] ရေအောက်ကြမ်းပြင်တွင် မြင်မြင်သမျှ စားသုံးသောကြောင့် ကိုယ်အလေးချိန်တက်လာသည်ဟု ဖော်ပြထားသည်။ ထိုဒီဇိုင်းအား နောက်ဆုံးမှည့်ထားသည့် နာမည်ပြောင်မှာ "ပင်လယ်ဘုရင်"ဖြစ်သည်။[၁၆]
ရုပ်ပုံများ
[ပြင်ဆင်ရန်]-
ငှက်ပျောသီးကိုယ်လုံးနှင့် လူဝံ (Chimpanzini Bananini) -
ငါးခေါင်းပုံနှင့် ဝက်ဝံကိုယ်လုံး (Trippi Troppi) -
ပုစွန်ကိုယ်လုံးနှင့် ကြောင်မျက်နှာ (Trippi Troppi) မူကွဲ -
ကန္တာရဆူးပင်ကိုယ်လုံးနှင့် ကွင်းထိုးဖိနပ်စီးထားသည့် ဆင် (Lirili Larila)
ကိုးကား
[ပြင်ဆင်ရန်]- ↑ ၁.၀ ၁.၁ Апогей брейнрота: Бомбардиро Крокодило и другие боевые ИИ-животные захватили соцсети (in ru) (2025-03-27)။ 29 April 2025 တွင် မူရင်းအား မော်ကွန်းတင်ပြီး။ 2025-04-20 တွင် ပြန်စစ်ပြီး။
- ↑ ၂.၀ ၂.၁ ၂.၂ "Итальянский брейнрот": что это за мемы и почему они так популярны (in ru) (2025-04-16)။ 2025-04-20 တွင် ပြန်စစ်ပြီး။
- ↑ Italian brainrot has taken over social media (2025-03-28)။ 18 April 2025 တွင် မူရင်းအား မော်ကွန်းတင်ပြီး။ 2025-04-20 တွင် ပြန်စစ်ပြီး။
- ↑ White၊ Robert။ "Is 'Italian brainrot' the stupidest internet trend yet?"၊ 18 April 2025။ Archived from the original on 20 April 2025။
- ↑ Ghosh၊ Suchismita (2025-04-24)။ Here is the full list from the 'bizzare' Italian brainrot trend that's everywhere (in en-US)။ 2025-06-23 တွင် ပြန်စစ်ပြီး။
- ↑ ၆.၀ ၆.၁ Gupta၊ Alisha Haridasani။ "Meet Ballerina Cappuccina and the Italian Brain Rot Crew"၊ The New York Times၊ 2025-04-30။
- ↑ ၇.၀ ၇.၁ ၇.၂ Hunt၊ Elle။ "From Chimpanzini Bananini to Ballerina Cappuccina: how gen alpha went wild for Italian brain rot animals"၊ 25 June 2025။
- ↑ ၈.၀ ၈.၁ Y၊ Esquivel။ "¡Tralalero Tralala! Qué es el Brainrot italiano y cuáles son los animales con poderes"၊ 11 April 2025။
- ↑ Pavia၊ Will။ "Italian brainrot: Do not read this article if you are over six. You won't get it"၊ The Times၊ 29 May 2025။
- ↑ "Кто такие Бомбардиро Крокодило и Тралалело Тралала и почему TikTok сошел по ним с ума"၊ 21 April 2025။
- ↑ ၁၁.၀ ၁၁.၁ "Tung Tung Tung Sahur meme explained: Know the origin story behind Ramadan's viral wake-up call"၊ 2025-04-21။ Archived from the original on 21 April 2025။
- ↑ "Has the viral 'Tung Tung Tung Sahur' meme crossed your feed yet? Here's all about the TikTok trend"၊ 21 April 2025။ Archived from the original on 29 April 2025။
- ↑ "Tung Tung Tung Sahur: What is the new TikTok meme and why is it trending?"၊ 2025-04-23။ Archived from the original on 13 May 2025။
- ↑ Viral di Medsos, Meme Tung Tung Tung Sahur Dikabarkan Akan Dibuatkan Film (in id) (2025-05-12)။ 14 May 2025 တွင် မူရင်းအား မော်ကွန်းတင်ပြီး။ 2025-05-14 တွင် ပြန်စစ်ပြီး။
- ↑ Good၊ Anna (2025-04-28)။ The bizarre rise of Ballerina Cappuccina, TikTok's surreal new Italian brainrot star။ 1 May 2025 တွင် မူရင်းအား မော်ကွန်းတင်ပြီး။ 2025-04-29 တွင် ပြန်စစ်ပြီး။
- ↑ ၁၆.၀ ၁၆.၁ ၁၆.၂ Tutti i personaggi dei brain rot italiani, che ora spopolano e si stanno trasformando nei Pokémon di Internet (in it-IT) (2025-04-18)။
- ↑ Czym jest brainrot? Trippi Troppi i Ballerina Cappuccina - tego nie ogarniają nawet zetki။ 22 May 2025 တွင် မူရင်းအား မော်ကွန်းတင်ပြီး။
- ↑ "The Italian Brain Rot Ren-AI-ssance, Explained"၊ 29 May 2025။
ရှင်းလင်းချက်မှတ်စုများ
[ပြင်ဆင်ရန်]ပြင်ပလင့်များ
[ပြင်ဆင်ရန်]
- အီတာလျံ ဘရိန်းရော့ ဝီကီ (Fandom)