ဣန္ဒြိယဇာတ်တော်လာ သာဓု(၄)မျိုး
အဋ္ဌကနိပါတ်၊ ဣန္ဒြိယဇာတ်တော်လာ သာဓု(၄)မျိုး
[တီးဖြတ်ပါ | အရင်းအမြစ်ကိုတီးဖြတ်ပါ](ဆရာသရဘင်္ဂရသေ့။ တပည့် သာလိဿရ၊ မဏ္ဍိဿရ၊ ပဗ္ဗတ၊ ကာဠဒေဝိလ၊ ကိသဝစ္ဆ၊ အနုပိယ၊ နာရဒ။ ကာဠ၏ ညီ နာရဒကို ဆုံးမခရ ဂါထာ။ သာဓု ၄ မျိုး။)
ဒက္ခံ ဂဟပတီ သာဓု, သံဝိဘဇ္ဇဉ္စ ဘောဇနံ၊ အဟာသော အတ္ထလာဘေသု, အတ္ထဗျာပတ္တိ အဗျထော။[၁]
ဂဟပတီ-ဂဟပတီနံ- အိမ်မှာနီလူ သူသူငါငါ လူတကာတိဧ့၊ ဘောဂုပ္ပါဒနတ္ထာယ-စီးပွားဥစ္စာ ဖြစ်ထွန်းဘာစီခြင်း အတွက်၊ ဒက္ခံ- မပျင်းမရိ လုံ့လဟိ၍ စီးပွားအရာ လိမ္မာကျွမ်းကျင်မှုဟိခြင်းစော် ၊ သာဓု- ကောင်းမြတ်ရေလို့ ချီးမွမ်းပြုရေ သာဓုတရား ဖြစ်ပါဧ့။
ဘောဇနံ- အပင်ပန်းခံ ရှာဖွီပနာ ရလာသမျှ ဥစ္စာပစ္စည်းတိကို၊ သံဝိဘဇ္ဇဉ္စ- တရားအားထုတ် ရသေ့ရဟန်းတိနက် မျှဝီလှူဒါန်း ခွီးခြမ်းစိတ်ဖြာ အသုံးချခြင်းစော်၊ သာဓု- ကောင်းမြတ်ရေလို့ ချီးမွမ်းပြုရေ သာဓုတရား ဖြစ်ပါဧ့။
အတ္ထလာဘေသု- ကကောင်းပိုးရေ ပစ္စည်းဥစ္စာ ပိုင်ပိုင်နိုင်နိုင် ရဟိလာရေ အချိန်မှာ၊ အဟာသော- သူတော်ကောင်းတရား မိမထားဘဲ အပ္ပမာဒ-သတိဟိပနာ ဘရမ်းဘရာ မာန်ထကြွခြင်း မဟိခြင်းစော်၊ သာဓု- ကောင်းမြတ်ရေလို့ ချီးမွမ်းပြုရေ သာဓုတရား ဖြစ်ပါဧ့။
အတ္ထဗျာပတ္တိ- ကိုယ်ပိုင်စီးပွားဥစ္စာတိ ပျက်စီးရေ အချိန်မှာ၊ အဗျထော- ကိုယ်စိတ်မရွှင် ငြိုငြင်ပင်ပန်းမှု မှန်သမျှတစိချေတောင်မှ မဖြစ်ခြင်းစော်၊ သာဓု- ကောင်းမြတ်ရေလို့ ချီးမွမ်းပြုရေ သာဓုတရား ဖြစ်ပါဧ့။
ဣတိ-အေပိုင်၊ တုမှေ-တရားနာရေလူ တကာ တကာမ တိရေ၊ ဣမေ သာဓူ- ဒေသာဓုတရားလေးပါးတိကို၊ ဒဋ္ဌဗ္ဗာ- မိမိရို့အတွက် အမှန်ပင်ကျေးဇူးဟိရေလို့ ရင်မှာနှလုံးသွင်းကတ်ပနာ ကကောင်းကြီး မှတ်သားထား သင့်ပါသတည်း။[၂]