កាណាដា

អត្ថបទនេះស្ដីអំពី ប្រទេស។ ចំពោះការប្រើប្រាស់ផ្សេងទៀត សូមមើល កាណាដា (អសង្ស័យកម្ម)។

កាណាដា

Canada
ទង់ជាតិ វរលញ្ឆករ
បាវចនា A Mari Usque Ad Mare (ភាសាឡាតាំង) ខ្មែរ៖ "ពីសាគរទៅសាគរ"
ភ្លេងជាតិ "O Canada" ខ្មែរ៖ "ឱកាណាដា" ព្រះរាជភ្លេង: "God Save the King" ខ្មែរ៖ "ព្រះជាម្ចាស់សូមជួយព្រះមហាក្សត្រ"
ទីតាំងប្រទេសកាណាដា (ក្រហម) នៅលើភូគោល
រាជធានី	អូតាវ៉ា 45°24′N 75°40′W
ទីក្រុងធំបំផុត	តូរ៉ុនតូ
ភាសាផ្លូវការ	ភាសាអង់គ្លេស និង ភាសាបារាំង
ក្រុមជនជាតិ (ឆ្នាំ ២០១៦)	ក្រុមជនជាតិ៖ ៧២.៩% អឺរ៉ុប ១៧.៧% អាស៊ី ៤.៩% ជនជាតិដើម ៣.១% អាហ្វ្រិក ១.៣% អាមេរិកឡាទីន ០.២% អូសេអានី
សាសនា (ឆ្នាំ ២០១១)	សាសនា៖ ៦៧.២% គ្រិស្តសាសនា ២៣.៩% គ្មានជំនឿសាសនា ៣.២% ឥស្លាមសាសនា ១.៥% ហិណ្ឌូសាសនា ១.៤% ស៊ីគ ១.១% ព្រះពុទ្ធសាសនា ១.០% ជ្វីហ្វសាសនា ០.៦% សាសនាផ្សេងៗ
រដ្ឋាភិបាល	រាជាធិបតេយ្យអាស្រ័យរដ្ឋធម្មនុញ្ញ សហព័ន្ធនិយមសភា
- ព្រះមហាក្សត្រ	ឆាលស៍ទី ៣
- អគ្គទេសាភិបាល	ម៉ារី សៃម៉ន
- នាយករដ្ឋមន្ត្រី	ម៉ាក ខារនី
នីតិបញ្ញត្តិ	រដ្ឋសភា
- សភាជាន់ខ្ពស់	ព្រឹទ្ធសភា
- សភាជាន់ទាប	សភាតំណាងរាស្ត្រ
ទទួលឯករាជ្យពី  សហរាជាណាចក្រ
- និម្មិតកម្ម	១ កក្កដា ១៨៦៧
- លក្ខន្តិកៈវេសត៍មីនស្ទើរ	១១ ធ្នូ ១៩៣១
- កំណែទម្រង់រដ្ឋធម្មនុញ្ញ	១៧ មេសា ១៩៨២
ក្រឡាផ្ទៃ
- ផ្ទៃសរុប	៩,៩៨៤,៦៧០ គ.ម២   (ទី២)
- ផ្ទៃទឹក (%)	១១.៧៦ (២០១៥)
ប្រជាជន
- ប៉ាន់ស្មាន (ឆ្នាំ ២០២៣)	៤០,៥២៨,៣៩៦ (ទី៣៧)
- ជំរឿន (ឆ្នាំ ២០២១)	៣៦,៩៩១,៩៨១
- ដង់ស៊ីតេ	៤.២ នាក់/គ.ម២   (ទី២៣៦)
GDP (PPP)	ប៉ាន់ស្មាន (ឆ្នាំ ២០២៤)
- សរុប	២.៥៨២ ទ្រីលានដុល្លារ (ទី១៦)
- ក្នុងម្នាក់	៦២,៧៦៦ ដុល្លារ (ទី៣០)
GDP (ចារឹក)	ប៉ាន់ស្មាន (ឆ្នាំ ២០២៤)
- សរុប	២.២១៥ ទ្រីលានដុល្លារ (ទី៩)
- ក្នុងម្នាក់	៥៣,៨៣៤ ដុល្លារ (ទី១៨)
ជីនី (២០២៤)	២៩.២ ទាប
HDI (២០២២)	០.៩៣៥ ខ្ពស់ណាស់ · ទី១៨
រូបិយវត្ថុ	ដុល្លារកាណាដា ($) (CAD)
ល្វែងម៉ោង	UTC−៣.៥ ទៅ −៨
- រដូវក្តៅ (DST)	UTC−២.៥ ទៅ −៧
ទិសបើកបរ	ស្តាំ
កូដហៅទូរស័ព្ទ	+១
ដែនកម្រិតខ្ពស់	.ca

ប្រទេសកាណាដា (ភាសាអង់គ្លេស៖ Canada) គឺជាប្រទេសមួយស្ថិតនៅទ្វីបអាមេរិកខាងជើង។ ប្រទេសនេះត្រួវបានបែងចែកជាខេត្តចំនួនដប់ និងដែនដីចំនួនបី ហើយលាតសន្ធឹងពីមហាសមុទ្រប៉ាស៊ីហ្វិកទៅអាត្លង់ទិក និងទៅដល់មហាសមុទ្រអាកទិកនៅភាគខាងជើងដោយគ្របដណ្តប់លើផ្ទៃដី ៩.៩៨ លាន គម^២ ដែលធ្វើឱ្យកាណាដាក្លាយជាប្រទេសធំជាងគេបំផុតទីពីរនៅលើពិភពលោក។ កាណាដាមានព្រំដែនខាងត្បូង និងខាងលិចជាប់សហរដ្ឋអាមេរិកដោយមានប្រវែងសរុប ៨,៨៩១ គីឡូម៉ែត្រ ពោលជាព្រំដែនដែលមានចម្ងាយវែងជាងគេបង្អស់នៅលើពិភពលោក។ កាណាដាមានរាជធានីឈ្មោះអូតាវ៉ា ហើយមានតំបន់ទីប្រជុំជនធំៗបីគឺ តូរ៉ុនតូ ម៉ុងរ៉េអាល់ និងវ៉ាន់ខូវឺ។

ជនជាតិដើមភាគតិចបានរស់នៅលើទឹកដីប្រទេសកាណាដាបច្ចុប្បន្ននេះអស់រយៈពេលរាប់ពាន់ឆ្នាំមកហើយ។ មកដល់សតវត្សទី១៦ អង់គ្លេស និងបារាំងបានចាប់ផ្តើមធ្វើបេសកកម្មរុករក ហើយទីបំផុតក៏បានមកដល់ទ្វីបអាមេរិកខាងជើងដោយពួកគេបាននាំគ្នាតាំងទីលំនៅតាមឆ្នេរសមុទ្រអាត្លង់ទិក។ ជាលទ្ធផលនៃជម្លោះប្រដាប់អាវុធផ្សេងៗក្នុងតំបន់ បារាំងក៏ត្រូវប្រគល់ដែនដីអាណានិគមស្ទើរតែទាំងអស់របស់ខ្លួននៅអាមេរិកខាងជើងទៅឱ្យអង់គ្លេសនៅក្នុងឆ្នាំ១៧៦៣។ នៅឆ្នាំ១៨៦៧ បន្ទាប់ពីមានការច្របាច់បញ្ចូលនៃទឹកដីអាណានិគមអាមេរិកខាងជើងចំនួនបីរបស់ចក្រភពអង់គ្លេស កាណាដាក៏ត្រូវបានបង្កើតឡើងជាវិជិតរាជ្យសហព័ន្ធដែលមានខេត្តចំនួនបួន។ ទាំងអស់នេះបាននាំឱ្យកាណាដាដណ្តើមស្វ័យភាពកាន់តែច្រើនឡើងៗ​ពី​ចក្រភព​អង់គ្លេស។ ស្វ័យភាពនេះត្រូវបានគូសបញ្ជាក់ដោយលក្ខន្តិកៈវេសត៍មីនស្ទើរឆ្នាំ១៩៣១ និងត្រូវបានបញ្ចប់នៅក្នុងក្រមច្បាប់កាណាដាឆ្នាំ១៩៨២ ដែលបានកាត់ផ្តាច់ការពឹងពាក់ផ្នែកច្បាប់ទាំងឡាយពីសភានៃចក្រភពអង់គ្លេស។

ដោយជាប្រទេសដែលមានការអភិវឌ្ឍន៍ខ្ពស់ កាណាដាមានប្រាក់ចំណូលខ្ពស់បំផុតសម្រាប់ប្រជាពលរដ្ឋម្នាក់ៗដោយឈរនៅលេខរៀងទី ២៤ នៅលើពិភពលោក និងជាប់ចំណាត់ថ្នាក់ខ្ពស់បំផុតទី ១៦ នៅក្នុងសន្ទស្សន៍អភិវឌ្ឍន៍មនុស្ស។ ប្រទេសកាណាដាមានសេដ្ឋកិច្ចធំបំផុតទីប្រាំបីនៅលើពិភពលោក ដោយពឹងផ្អែកជាចម្បងលើធនធានធម្មជាតិដ៏សម្បូរបែប និងបណ្តាញពាណិជ្ជកម្មអន្តរជាតិដែលមានការអភិវឌ្ឍន៍យ៉ាងល្អិតល្អន់។ កាណាដាក៏ជាផ្នែកមួយនៃស្ថាប័នអន្តរជាតិ និងអន្តររដ្ឋាភិបាលសំខាន់ៗ ឬក្រុមធំៗមួយចំនួនដូចជា៖ អង្គការសហប្រជាជាតិ អង្គការណាតូ ហ្សេ ៧ ក្រុមប្រជាជាតិទាំងដប់ អង្គការសម្រាប់កិច្ចសហប្រតិបត្តិការ និងអភិវឌ្ឍន៍សេដ្ឋកិច្ច អង្គការពាណិជ្ជកម្មពិភពលោក សមាគមប្រជាជាតិនៃសហធនរដ្ឋ ក្រុមប្រឹក្សាអាកទិក អង្គការអន្តរជាតិនៃក្រុមប្រទេសនិយាយភាសាបារាំង វេទិកាសហប្រតិបត្តិការសេដ្ឋកិច្ចអាស៊ី-ប៉ាស៊ីហ្វិក និងអង្គការរដ្ឋអាមេរិកាំងជាដើម។ល។

វប្បធ៌ម​និង​ភាសា

ភាសាបារាំង និងភាសាអង់គ្លេសជាភាសាផ្លូវការ។

មើលផងដែរ

• អាមេរិកខាងជើង