ខេត្តជ័យភូមិ

ខេត្តជ័យភូមិ ชัยภูมิ
ទង់ ត្រា
ផែនទីនៃខេត្តជ័យភូមិ ផែនទីនៃខេត្តជ័យភូមិ
ទីរួមខេត្ត	ក្រុងជ័យភូមិ
ផ្ទៃក្រឡា
• សរុប	១២៦៩៨ គម2 (៤៩០៣ ម៉ាយ ការ)
ចំណាត់ថ្នាក់ផ្ទៃក្រឡា	០៨
ល្វែងម៉ោង	ICT (ម.ស.ស.+7)
លេខកូដប្រៃសណីយ៍	36xxx
លេខកូដហៅទូរស័ព្ទ	044
ក្រមអ.ម.អ. ៣១៦៦	TH-36
គេហទំព័រ	chaiyaphum.go.th

​ខេត្តជ័យភូមិ (សៀម : ชัยภูมิ)​ គឺជាខេត្តនៅភាគឦសានរបស់ប្រទេសសៀមខេត្តនេះមានព្រំប្រទល់ជាប់នឹងខេត្តខនកែន ខេត្តនគររាជសីមា ខេត្តលពបុរី និង ខេត្តពេជ្របូរណ៍។ឈ្មោះខេត្តនេះមានន័យថាទឹកដីនៃជ័យជម្នះ។

ប្រវត្តិ

ប្រវត្តិសាស្រ្តរបស់ទីក្រុងជ័យភូមិមានតាំងពីសម័យអាណាចក្រខ្មែរនៅក្នុងសតវត្សរ៍ទី​ ១២ មកម្ល៉េះនៅពេលដែលវាជាទីក្រុងតូចមួយនៅលើផ្លូវទៅពីរាជធានីអង្គរទៅប្រាសាទសិង្ហ(ខេត្តកញ្ចនបុរី)។

នៅក្នុងឆ្នាំ ១៨១៧ តំបន់នេះត្រូវបានជនជាតិលាវមកតាំងទីលំនៅដែលដឹកនាំដោយណាយឡែជាមន្ត្រីរបស់ស្តេចអនុវង្សនៃទីក្រុងវៀងច័ន្ទន៍​​ដែលជារដ្ឋដៃទន្លេរបស់ស្តេចសៀមពួកគេបានចាប់ផ្ដើមមករស់នៅក្នុងភូមិបានណាំឃុនហ្នងអ៊ីចាន់នៃខេត្តនគររាជសីមា​ប៉ុន្តែ​មិន​យូរ​ប៉ុន្មាន​ត្រូវបាន​ចាកចេញទៅវិញហើយទៅរស់នៅបានហ្លួង​(ទីក្រុងជ័យភូមិបច្ចុប្បន្ន)វិញ​នៅក្នុងឆ្នាំ ១៨២៦ ស្តេចអនុវង្សបានបះបោរប្រឆាំងនឹងស្ដេចចេស្ដាបតិន្ទ្រ(រាមាទី ៣)ដើម្បីស្វែងរកឯករាជ្យពេញលេញ។នៅពេលនោះណាយឡែត្រូវបានតែងតាំងផ្ដល់ងារជាចៅព្រះយ៉ា(ឋានៈខ្ពស់មួយនៅសម័យសៀមបុរាណ)ដោយព្រះមហាក្សត្រសៀមនិងបានគាំទ្រទៅលើកងទ័ពសៀមចៅពញាឡែបានពលីជីវិតដើម្បីការពារទីក្រុងរបស់លោកប្រឆាំងនឹងកងទ័ពអនុវង្សហើយស្ដេចអនុវង្សត្រូវបានបរាជ័យដោយកង​ទ័ពសៀម​ប៉ុន្មាន​សប្តាហ៍​ក្រោយមក​ស្ដេចអនុវង្សត្រូវចាប់ខ្លួនហើយបញ្ជួនទៅ​ទីក្រុងបាងកក(ខេត្តបឹងកក់)ស្តេចរាមាទី​ ៣ ទ្រង់បានចងចាំនូវភាពស្មោះត្រង់របស់ចៅពញាឡែហើយព្រះអង្គបានប្រោសប្រទានថ្វាយ​ព្រះ​ឋានៈ​ជាព្រះយាភក្តីជុម្ពល។រូបលោកត្រូវបានប្រជាជននៅតែចងចាំនិងនៅតែជាវីរៈបុរសនៅក្នុងតំបន់នេះហើយរូបសំណាករបស់លោកបានក្លាយជានិមិត្តរូបរបស់ខេត្តនេះរហូតមកដល់សព្វថ្ងៃ។

រដ្ឋបាល

ខេត្តជ័យភូមិ ចែកចេញជា ១៦ ក្រុង/ស្រុក ១២៤ សង្កាត់/ឃុំ និង ១៣៩៣ ភូមិ ៖

ផែនទីក្រុងនិងស្រុកនៃខេត្តជ័យភូមិ

លេខរៀង	ឈ្មោះភាសាខ្មែរ	ឈ្មោះភាសាសៀម	ឈ្មោះអក្សរឡាតាំង
០១	ក្រុងជ័យភូមិ	เมืองชัยภูมิ	Mueang Chiang Rai
០២	ស្រុកបានខ្វៅ	บ้านเขว้า	Ban Khwao
០៣	ស្រុកខនសួគ៌	คอนสวรรค์	Khon Sawan
០៤	ស្រុកក្សេត្រសម្បូណ៌	เกษตรสมบูรณ์	Kaset Sombun
០៥	ស្រុកណងបួដែង	หนองบัวแดง	Nong Bua Daeng
០៦	ស្រុកចតុរ៉ាត់	จัตุรัส	Chatturat
០៧	ស្រុកបាំណេតណារ៉ុង	บำเหน็จณรงค์	Bamnet Narong
០៨	ស្រុកណងបួរ៉ាវ៉េ	หนองบัวระเหว	Nong Bua Rawe
០៩	ស្រុកទេពស្ថិត	เทพสถิต	Thep Sathit
១០	ស្រុកភូខៀវ	ภูเขียว	Phu Khiao
១១	ស្រុកបានធែន	บ้านแท่น	Ban Thaen
១២	ស្រុកគែងក្រ	แก้งคร้อ	Kaeng Khro
១៣	ស្រុកខនសាន	คอนสาร	Khon San
១៤	ស្រុកភក្តីជុម្ពល	ภักดีชุมพล	Phakdi Chumphon
១៥	ស្រុកនឿនសៈង៉ា	เนินสง่า	Noen Sa-nga
១៦	ស្រុកសាប់យ៉ៃ	ซับใหญ่	Sap Yai