ប្រាសាទបឹងវែង

ប្រាសាទបឹងវែង
ឈ្មោះ:	ប្រាសាទបឹងវែង
អ្នកកសាង:	ព្រះបាទជ័យវរ្ម័នទី៤
កាលបរិច្ឆេទកសាង:	សតវត្សរ៍​ទី១០
ឧទ្ទិសថ្វាយ:	ព្រាហ្មណ៍សាសនា
ស្ថាបត្យកម្ម:	រចនាបថបកោះកែរ
ទីតាំង:	ភូមិកោះកេរ ឃុំស្រយ៉ង់ ស្រុកគូលែន ខេត្តព្រះវិហារ

លក្ខណៈទូទៅនៃប្រាសាទ

គេអាចធ្វើដំណើរទៅប្រាសាទបឹងវែងទៅផ្លូវមួយហៅថា ផ្លូវបឹងវែង ដែលស្ថិតនៅចម្ចាយ១.៨គីឡូម៉ែត្រ ខាងជើងប្រាសាទធំ និងមានចម្ងាយ ១គីឡូម៉ែត្រខាងជើងភូមិកោះកេរ ហើយទីនោះមានគោលថ្មស្ថិតនៅលើខ្នងទំនប់ដែលរត់ជាជួរពីជើងទៅត្បូងឆ្ពោះទៅកានើប្រាសាទបឹងវែង។ ចំណែកប្រាសាទបឹងវែងស្ថិតនៅចម្ងាយ ២គីឡូម៉ែត្រខាងជើងពីភូមិកោះកេរ មានតួប៉មចំនួនបីធ្វើអំពីឥដ្ឋ បែរមុខទៅទិសខាងកើតទៅតាមស៊ុមទ្វារថ្មភក់។ ប្រាសាទនេះត្រូវបានកសាងនៅលើខឿនថ្មបាយក្រៀមមួយ និងមានស្រះទឹកពីអមសង់ខាងផ្លូវចូលពីខាងកើត ស្រះទឹកខាងត្បូងមានឈ្មោះថា ត្រពាំងវែង។ តួប៉មពីរដែលស្ថិតនៅខាងកើតរត់ជួរជើងទៅត្បូង។ តួប៉មមួយក្នុងចំណោមតួប៉មទាំងពីរលំអដោយទ្វារបញ្ឆោតនៅជ្រុងខាងជើង និងមានសិលាចារឹក K-៨២២ ចារនៅលើមេទ្វារខាងកើត ចំណែកមេទ្វារខាងត្បូងនៃតួប៉ម ដែលស្ថិតនៅខាងលិចមានសិលាចារឹកលេខ K-៨២៣។

សិលាចារឹកនៅក្នុងប្រាសាទ

សិលាចារឹកប្រាសាទបឹងវែង ត្រូវបានភាសាវិទូជនជាតិបារាំងលោក ហ្ស៊ក សឺដេស បានចុះបញ្ជីសារពើភណ្ឌស្តីអំពីសិលាចារឹកនៅកម្ពុជា ដែលមានលេខសម្គាល់ K-៨២២ ចារនៅផ្នែកខាងជើង មេទ្វារខាងកើតនៃកំពូលខាងជើង មាន២១បន្ទាត់ជាភាសាខ្មែរ។ ទោះបីជាមានកាលបរិច្ឆេទក៏ដោយទម្រង់អក្សរបង្ហាញថាស្ថិតនៅក្នុងសតវត្សទី១០ បរិយាយពីនាមទាសាទាសីមានងារ សិុ. តៃ។ តាមការពិនិត្យថ្មីៗនេះ អត្តបទមាន២៣បន្ទាត់​ ចែកជាអក្សរពីរដោយផ្តាមសិលាចារឹកនៅសសរខាងស្តាំធំជាងសសរខាងឆ្វេង។

លទ្ធផលការងារនៅក្នុងដំណាក់កាលទី១​ ក្នុងឆ្នាំ២០១៩ ក្រុមមន្ត្រីចម្រុះនាយកដ្ឋាននៃអាជ្ញាធរជាតិព្រះវិហារបានចុះសិក្សា និងចងក្រងឯកសារផែនទីហានិភ័យតាមប្រាសាទបានចំនួន២៤ រួមមាន៖ ប្រាសាទធំ ប្រាសាទត្រពាំងឬស្សី ប្រាសាទបល្ល័ង្កខាងជើង ប្រាសាទថ្នឹង​ ប្រាសាទបល្ល័ង្កខាងត្បូង ប្រាសាទលឹង្គអណ្ដូងគុក ប្រាសាទស្រឡៅ ប្រាសាទក្រចាប់ ប្រាសាទបេង ប្រាសាទបន្ទាយពីរជាន់ ប្រាសាទចម្រេះ ប្រាសាទច្រាប ប្រាសាទខ្ទុម្ភ ប្រាសាទដំរី ប្រាសាទខ្នារ ប្រាសាទក្រហម ប្រាសាទចិន អណ្តូងព្រេង ប្រាសាទបាក់ ប្រាសាទនាងខ្មៅ ប្រាសាទប្រាំ ប្រាសាទសំព័រ ប្រាសាទត្រពាំងស្វាយ និងប្រាសាទពង្រ។ ចំពោះប្រាសាទដែលនៅសល់ នឹងបន្តនៅក្នុងដំណាក់កាលទី២ និងទី៣ថែមទៀត។