ⴰⵎⵏⴰⵢ ⴰⵎⴰⵣⵉⵖ ⵏⵖ ⵜⴰⵎⴰⴳⵉⵜ ⵜⴰⵎⵏⵜⴰⵍⵜ
| ⴰⵎⵏⴰⵢ ⴰⵎⴰⵣⵉⵖ ⵏⵖ ⵜⴰⵎⴰⴳⵉⵜ ⵜⴰⵎⵏⵜⴰⵍⵜ | |
|---|---|
| Amnay le berbère ou l'identité clandestine | |
| ⵉⵏⵖⵎⵉⵙⵏ ⵏ ⵓⴷⵍⵉⵙ | |
| ⴰⵎⴳⴰⵢ | ⵃⴰⵎⵉⴷ ⵜⵓⵄⵍⵉ |
| ⵜⴰⵎⵓⵔⵜ | ⵍⵎⵖⵔⵉⴱ |
| ⵜⵓⵜⵍⴰⵢⵜ | ⵜⵓⵜⵍⴰⵢⵜ ⵜⴰⵄⵕⴰⴱⵜ |
| ⴰⵎⵥⵕⴰⴳ | ⵜⴰⵎⵙⵎⵓⵏⵜ ⵏ ⴰⴷ ⵏⵓⵔⵓ ⵏ ⵉⵎⴰⵔⴰⵜⵏ ⵙ ⵜⵎⴰⵣⵉⵖⵜ |
| ⴰⵙⴰⴽⵓⴷ ⵏ ⵜⵥⵕⵉⴳⵜ | 2021 |
| ⴰⴷⵖⴰⵔ ⵏ ⵜⵥⵕⵉⴳⵜ | ⵎⵕⵕⴰⴽⵛ ⴷ ⴱⴰⵔⵉⵣ |
| ⴰⵏⴰⵡ ⴰⵙⴽⵍⴰⵏ | ⵓⵏⴳⴰⵍ |
| ⵉⵎⵔⵙⵉ | ⴰⵎⵓⵙⵙⵓ ⴰⴷⵍⵙⴰⵏ ⴰⵎⴰⵣⵉⵖ |
| ⵜⵉⴼⵉⴼⵖⵜ | 2021 |
| ⵜⴰⵏⴽⴷⴰ | |
| ⴰⵏⴰⵡ ⵏ ⵓⵙⵉⴳⴳⵣ | ⴰⴷⵍⵉⵙ ⴰⵎⵥⵥⴰⵢ |
| ⴰⵎⴹⴰⵏ ⵏ ⵉⴳⵯⵣⵎⴰⵏ | ⵢⴰⵏ |
| ⴰⵎⴹⴰⵏ ⵏ ⵜⴰⵙⵏⵉⵡⵉⵏ | 326 |
| ⴰⵙⵖⴰⵍ | 21X15 ⵏ ⵓⵙⵓⵏⵜⵉⵎⵉⵜⵔ |
| ⵜⴰⵔⴰⴱⴱⵓⵜ | |
| ⴰⵎⴰⵔⴰ | ⵃⴰⵎⵉⴷ ⵜⵓⵄⵍⵉ |
| ⴰⵎⵙⵡⵍⴼ | ⵍⵢⴰⵣⵉⴷ ⵛⵉⴽⴷⵏ |
| ⴰⵎⴳⴰⵢ ⵏ ⵜⵣⵡⵓⵔⵜ | ⵙⴰⵄⵉⴷ ⴱⵍⵍⵉⴹⵛ |
| ⵜⴰⵙⵓⵖⵍⵜ | |
| ⴰⵎⵙⵙⵓⵖⵍ | ⵄⴱⴷ ⵍⵍⴰ ⵥⴰⵕⵓ |
| ISBN | 978-9920-34-251-3 |
| ⴰⵎⵥⵕⴰⴳ | Mon petit éditeur |
| ⵉⴳⵉⵜⵏ ⵢⴰⴹⵏⵉⵏ | |
|
|
ⵙⵏⴼⵍ ⴰⵙⴰⴳⵎ - ⵙⵏⴼⵍ  | |
ⴰⵎⵏⴰⵢ ⴰⵎⴰⵣⵉⵖ ⵏⵖ ⵜⴰⵎⴰⴳⵉⵜ ⵜⴰⵎⵏⵜⴰⵍⵜ (ⵙ ⵜⵄⵕⴰⴱⵜ: أمناي الأمازيغي أو الهوية السرية, ⵙ ⵜⴼⵕⴰⵏⵙⵉⵙⵜ: Amnay le berbère ou l'identité clandestine) ⵉⴳⴰ ⵓⵏⴳⴰⵍ ⵢⵓⵔⴰ ⵓⵙⵍⵎⴰⴷ ⵃⴰⵎⵉⴷ ⵜⵓⵄⵍⵉ ⵅⴼ ⵢⵉⵔⵉⵎ ⵏⵏⵙ ⴳ ⵡⴰⵎⵎⴰⵙ ⵏ ⵓⵎⵓⵙⵙⵓ ⴰⴷⵍⵙⴰⵏ ⴰⵎⴰⵣⵉⵖ, ⵉⵜⵜⵢⴰⵔⴰ ⵙ ⵜⵓⵜⵍⴰⵢⵜ ⵜⴰⴼⵕⴰⵏⵙⵉⵙⵜ ⴳ ⵜⵣⵡⵉⵔⵉ ⵎⴰⵛⴰ ⵉⵙⵙⵓⵖⵍ ⵜ ⵓⵎⴰⵔⴰ ⵄⴱⴷ ⵍⵍⴰⵀ ⵥⴰⵕⵓ ⵙ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴳ ⵓⵙⴳⴳⵯⴰⵙ ⵏ 2021.[1][2]
ⴰⵎⴰⵔⴰ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]
|
ⵃⴰⵎⵉⴷ ⵜⵓⵄⵍⵉ ⵉⴳⴰ ⴰⵍⵎⴰⴷ ⵏ ⵜⴷⴰⵎⵙⴰ ⴷ ⵓⵎⴰⵔⴰ ⴰⵎⴰⵣⵉⵖⵏ ⵉⵍⵓⵍ ⴳ ⵓⵙⴳⴳⵯⴰⵙ ⵏ 1972 ⴳ ⵉⴳⵯⵍⵎⵉⵎⵏ, ⴰⵙⴰⵎⵎⵔ. ⵢⵓⵎⵥ ⵜⵓⵔⴰⴳⵜ ⴳ ⵜⵎⴰⵙⵙⴰⵏⵉⵏ ⵜⵉⴷⵎⵙⴰⵏⵉⵏ ⴳ ⵜⵙⴷⴰⵡⵉⵜ ⵏ ⵙⵉⴷⵉ ⵎⵓⵃⵎⵎⴰⴷ ⴱⵏ ⵄⴱⴷ ⵍⵍⴰⵀ ⴳ ⴼⴰⵙ. ⵉⵙⵡⵓⵔⵉ ⴳ ⵍⵎⵖⵔⵉⴱ ⵉⵍⵎⵎⴰ ⵉⴼⵜⵓ ⵙ ⵙⵡⵉⵙⵔⴰ ⴰⴼⴰⴷ ⴰ ⴳⵉⵙ ⵏⵏ ⵉⵙⵎⴷ ⵜⵉⵖⵔⵉ ⵏⵏⵙ ⴳ ⵢⵉⴳⵔ ⵏ ⵜⴷⴰⵎⵙⴰ ⴷ ⵜⴱⵉⴷⴰⴳⵓⵊⵉⵜ, ⵉⵖⵔ ⴳⵉⵙ ⴽⵕⴰⴹ ⵉⵎⴰⵚⵟⵕⵏ ⵢⴰⵏ ⵡⵉⵏ ⵓⵙⵡⵓⴷⴷⵓ ⴰⵎⴰⴹⵍⴰⵏ ⴳ ⵊⵓⵏⵉⴼ, ⵙⵡⵉⵙⵔⴰ, ⵡⵉⵙ ⵙⵉⵏ ⴷ ⵡⵉⵙ ⴽⵕⴰⴹ ⴳ ⵜⵉⵏⵎⵍ ⵜⴰⵏⴰⴼⵍⵍⴰⵜ ⵏ ⵜⴱⵉⴷⴰⴳⵓⵊⵉⵜ ⴳ ⵍⵓⵣⴰⵏ, ⴼⵕⴰⵏⵚⴰ. ⵢⵓⵔⴰ ⵜⵓⴳⵜⵜ ⵏ ⵉⵎⵏⵏⵉⵜⵏ ⵉⵎⴰⵙⵙⴰⵏⵏ ⴳ ⵜⵓⴳⵜⵜ ⵏ ⵜⵙⵖⴰⵏ ⵜⵉⵎⴰⵙⵙⴰⵏⵉⵏ ⵜⵉⵎⴰⴹⵍⴰⵏⵉⵏ. ⴰⵙⵙ ⴰⴷ, ⴰⵔ ⵉⵙⵙⴰⵇⵇⵔⴰ ⵜⴰⴷⴰⵎⵙⴰ ⴷ ⵉⵣⵔⴼⴰⵏ ⴳ ⵜⵙⴷⴰⵡⵉⵜ ⵏ ⴽⴰⵏⵜⵓⵏ ⴷⵓ ⴼⵓ. ⵉⵙⵙⵓⴼⵖ ⴷ ⵎⵏⵏⴰⵡ ⵉⴷⵍⵉⵙⵏ ⵉⵙⴰⵡⴰⵍⵏ ⵅⴼ ⵜⴷⵍⵙⴰ ⴷ ⵓⵎⵓⵙⵙⵓ ⴰⵎⴰⵣⵉⵖ.[1]
ⵉⴷⵍⵉⵙⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴰⵎⵏⴰⵢ ⴰⵎⴰⵣⵉⵖ ⵏⵖ ⵜⴰⵎⴰⴳⵉⵜ ⵜⴰⵎⵏⵜⴰⵍⵜ (2016), ⵓⵏⴳⴰⵍ.
- ⴰⴱⵔⵉⴷ ⵏ ⵓⵍⵉⵍⵉ, ⵜⴰⴷⵍⴰ ⵏ ⵜⵎⴷⵢⴰⵣⵉⵏ.
ⵉⵡⵔⵉⴽⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ⴰⵎⵏⴰⵢ: ⴰⵎⴰⵍⵍⴰⵙ
- ⵏⵉⵍⴰⵙⵏ: ⴰⵎⴷⴷⴰⴽⴽⵯⵍ ⵏ ⵓⵎⵏⴰⵢ
- ⴰⵡⵜⵓⵍ: ⴰⵎⴷⴷⴰⴽⴽⵯⵍ ⵏ ⵓⵎⵏⴰⵢ
ⵜⵓⵎⴰⵢⵜ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⴰⵎⵏⴰⵢ ⴰⵎⴰⵣⵉⵖ ⵏⵖ ⵜⴰⵎⴰⴳⵉⵜ ⵜⴰⵎⵏⵜⴰⵍⵜ ⵉⴳⴰ ⵓⵏⴳⴰⵍ ⴰⵎⵣⵔⴰⵢ ⵏⵏⴰ ⵉⵙⴰⵡⴰⵍⵏ ⵅⴼ ⵓⵙⴱⴷⴻⴷ ⵏ ⵓⵎⵓⵙⵙⵓ ⴰⴷⵍⵙⴰⵏ ⴰⵎⴰⵣⵉⵖ ⴳ ⵜⵙⴷⴰⵡⵉⵜ ⵏ ⴹⵀⵕ ⵍⵎⵀⵔⴰⵣ ⴳ ⴼⴰⵙ ⴷ ⵎⴽⵏⴰⵙ ⴳ ⵉⵙⴳⴳⵯⴰⵙⵏ ⵏ ⵜⵥⴰ ⵏ ⵉⴷ ⵎⵔⴰⵡ. ⵉⵙⴰⵡⵍ ⵓⵍⴰ ⵅⴼ ⵓⴽⵛⵛⵓⵎ ⵏ ⵉⵎⵓⵙⵍⵎⵏ ⵙ ⵜⵙⴷⴰⵡⵉⵜ ⵜⴰⵎⵖⵔⵉⴱⵉⵜ ⵙ ⵜⵡⴰⵍⴰ ⵉⵣⵡⴰⵔⵏ ⴰⴽⴽⵯ ⴳ ⵜⵙⴷⴰⵡⵉⵜ ⵏ ⴹⵀⵕ ⵍⵎⵀⵔⴰⵣ, ⵉⵙⴰⵡⵍ ⵓⵍⴰ ⵅⴼ ⵜⴰⵎⴰⵖⵜ ⵏ ⵉⵎⵓⵙⵍⵎⵏ ⴷ ⵉⵥⵍⵎⴰⴹⵏ ⴳ ⵓⴳⵏⵙⵓ ⵏ ⵜⵙⴷⴰⵡⵉⵜ. ⵉⵙⴰⵡⵍ ⵓⵍⴰ ⵅⴼ ⵜⵉⵏⵖⵉ ⵏ ⵓⵎⵃⴹⴰⵕ ⵄⵉⵙⴰ ⴰⵢⵜ ⵍⵊⵉⴷ ⴷ ⵜⵓⴳⵜⵜ ⵏ ⵉⵙⴽⴽⵉⵏⵏ ⵢⴰⴹⵏⵉⵏ.
ⵉⵙⵙⵏⵜⵉ ⵓⵎⴰⵔⴰ ⵓⵏⴳⴰⵍ ⵏⵏⵙ ⵙ ⵉⵣⵍⵉ ⴰⵎⴰⵣⵉⵖ ⵏ ⵓⵙⴰⵎⵎⵔ ⴰ ⵡⵏⵏⴰ ⵉⵣⵣⵔⵉⵏ ⴰⵎⴰⵔⴳ ⵏⵏⵙ ⴷⵉⴳⵉ , ⵉⵙⵙⵏⵜⵉ ⵓⵍⴰ ⵙ ⵜⵎⵖⵔⴰ ⵏ ⴰⵢⵜ ⵓⵎⵉⵥⴰⵕ, ⵜⴰⵎⴰⵣⵉⵔⵜ ⵏⵏⵙ ⴷ ⵎⵇⵇⴰⵔ ⵉⴽⵛⵎ ⴰⵎⴰⴹⴰⵍ ⵏ ⵉⵣⵍⴰⵏ ⵏ ⵜⵎⵖⵔⴰ ⵎⴰⵛⴰ ⵜⴰⵎⵙⴰⵔⵜ ⵜⴰⵎⴰⵣⵉⵖⵜ ⵓⵔ ⵜⴼⴼⵓⵖ ⴰⵏⵍⵍⵉ ⵏⵏⵙ ⴷ ⵓⵍ ⵏⵏⵙ. ⴰⵙⵇⵇⵙⵉ ⵏ ⵜⵎⴰⵣⵉⵖⵜ ⴳ ⵍⵎⵖⵔⵉⴱ ⵉⵜⵜⵢⴰⵙⴰⵢ ⴱⴷⴷⴰ ⴳ ⵓⴳⵏⵙⵓ ⵏ ⵉⴷⵎⴰⵔⵏ ⵏ ⵓⵎⴰⵔⴰ ⵎⵇⵇⴰⵔ ⴰⴽⵓⴷ ⵏⵏⴰ ⵉⴽⵛⵎ ⵜⴰⵎⴰⵣⵉⵔⵜ ⵏⵏⵙ ⴷ ⵉⵏⴳⵔ ⵜⴰⵡⵊⴰ ⵏⵏⵙ ⴷ ⵉⵎⴷⴷⵓⴽⴽⵯⴰⵍ ⵏⵏⵙ.
ⴰⵏⵍⵍⵉ ⵏ ⵓⵎⴰⵔⴰ ⵢⵓⵙⵉ ⴱⴷⴷⴰ ⴰⵏⵣⴳⵓⵎ ⵏ ⵜⵎⴰⵣⵉⵖⵜ ⴳ ⵜⵓⴷⵔⵜ ⵏⵏⵙ ⵜⴰⴽⵓⵢⴰⵙⵙⵜ, ⵓⵔ ⴼⵍⵍⴰⵙ ⵉⵔⵅⵉ ⴰⴷ ⵉⴼⴽ ⴰⴷⴷⵓⵔ ⵉ ⵜⵎⴰⵣⵉⵖⵜ ⴳ ⵢⴰⵏ ⵓⵎⴰⴹⴰⵍ ⴳ ⵍⵍⴰⵏⵜ ⵜⵓⴳⵜⵜ ⵏ ⵜⴷⵢⵓⵍⵓⵊⵉⵢⵉⵏ ⴷ ⵉⴽⴽⴰⵏ ⴰⴳⵎⵎⴰⴹ ⵢⴰⴹⵏⵉⵏ ⵉ ⵜⵎⴰⵣⵉⵖⵜ, ⵉⵛⵇⵇⴰ ⴰⵙ ⴰ ⵜⵉⵍⵉ ⴳ ⵡⴰⵎⵎⴰⵙ ⵏ ⵜⴷⵢⵓⵍⵓⵊⵉⵢⵉⵏ ⵉⵣⴷⵖⵏ ⴰⵏⵍⵍⵉ ⵏ ⵜⴰⵔⵡⴰ ⵏ ⵜⵎⴰⵣⵉⵖⵜ ⴷ ⴳ ⵓⴳⵏⵙⵓ ⵏ ⵢⴰⵏ ⵓⵏⴳⵔⴰⵡ ⴰⵙⵔⵜⴰⵏ ⵏⵏⴰ ⴷ ⵉⴽⴽⴰⵏ ⵜⴰⵙⴳⴰ ⵉ ⵜⵡⵓⵔⵉ ⵏ ⵉⵄⵔⵔⵉⵎⵏ ⴷ ⵉⵎⵙⵡⵉⵏⴳⵎ ⵉⵙⴰⵡⴰⵍⵏ ⵅⴼ ⵜⵎⴰⵣⵉⵖⵜ ⴳ ⵍⵎⵖⵔⵉⴱ.
ⵉⵙⴰⵡⵍ ⵓⵎⵏⴰⵢ_ⵉⵙⵎ ⵏ ⵓⵎⴰⵔⴰ ⴳ ⵓⵏⴳⴰⵍ_ ⵅⴼ ⵜⵓⴳⵜⵜ ⵏ ⵜⴰⵙⵙⴰⵙⵉⵏ ⵏⵏⴰ ⵢⵓⵜⵏ ⵜⴰⵎⴰⵣⵉⵖⵜ ⴳ ⵍⵎⵖⵔⵉⴱ ⵣⵓⵏ ⴷ ⴰⵎⵓⴽⵔⵉⵙ ⵏ ⵓⵎⵣⴰⵔⴰⵢ ⵉⵏⴳⵔ ⵓⵎⵣⵔⵓⵢ ⵏ ⵓⵎⵓⵙⵙⵓ ⴰⴷⵍⵙⴰⵏ ⴰⵎⴰⵣⵉⵖ ⴷ ⵓⵎⵣⵔⵓⵢ ⵏ ⵜⵎⵙⵎⵓⵏⵉⵏ ⵜⵉⵎⴰⵣⵉⵖⵉⵏ ⴳ ⵍⵎⵖⵔⵉⴱ, ⵉⴼⴽ ⵉⵎⴷⵢⴰⵜⵏ ⵏ ⵓⵙⵙⵎⵔⵙ ⵏ ⵓⵎⵓⴽⵔⵉⵙ ⴰⴷ ⴳ ⵉⵎⵏⵖⵉ ⵏ ⵓⵏⴳⵔⴰⵡ ⴰⵙⵔⵜⴰⵏ ⴷ ⵓⵎⵓⵙⵙⵓ ⴰⴷⵍⵙⴰⵏ ⴰⵎⴰⵣⵉⵖ. ⵉⵙⴰⵡⵍ ⵓⵍⴰ ⵅⴼ ⵓⵎⵓⴽⵔⵉⵙ ⵏ ⵡⴰⵔ ⵜⴰⵡⵓⵔⵉ ⵏ ⵉⵄⵔⵔⵉⵎⵏ ⴳ ⵍⵎⵖⵔⵉⴱ.
ⵉⵙⴰⵡⵍ ⵏⵉⵍⴰⵙⵏ, ⵓⵎⴷⴷⴰⴽⴽⵯⵍ ⵏ ⵓⵎⵏⴰⵢ ⵅⴼ ⵓⵎⵓⴽⵔⵉⵙ ⵏ ⴰⵢⵜ_ⴰⵢⵜ ⴰⵔ ⵜⵜ ⵜⵜⵉⵏⵉⵏ ⵉ ⵉⵎⴰⵣⵉⵖⵏ_ ⴷ ⵓⵎⵢⴰⵡⴰⵙ, ⵉⵏⵏⴰ ⴰⵙ ⵉ ⵓⵎⵏⴰⵢ ⵎⴰⵙ ⵉⵎⴰⵣⵉⵖⵏ ⵓⵔ ⴰ ⵜⵜⵎⵢⴰⵡⴰⵙⵏ ⵉⵏⴳⴰⵜⵙⵏ ⵢⴰⵏ ⵓⵔ ⴰ ⵉⵜⵜⴰⵡⵙ ⵉ ⵡⴰⵢⵢⴰⴷ. ⵏⵉⵍⴰⵙⵏ ⵉⵙⴰⵡⵍ ⵅⴼ ⵢⴰⵏ ⵙⴳ ⵉⵎⴷⴷⵓⴽⴽⵯⴰⵍ ⵏⵏⵙ ⵏⵏⴰ ⵢⵓⵙⵉⵏ ⵉⵙⵎ ⵏ ⴰⵡⵜⵓⵍ ⴹⴰⵕⵜ ⵎⴰ ⵢⵓⵎⵥ ⵜⵓⵔⴰⴳⵜ ⵓⵔ ⴰⵙ ⵉⴼⴽⵉ ⴰⵡⴷ ⵢⴰⵏ ⴽⵔⴰ ⴷ ⵓⵔ ⵉⵍⵍⵉ ⵎⴰⴷ ⴰⵙ ⵉⵡⵙⵏ ⴳ ⵓⵙⵉⴳⴳⵍ ⵏ ⵜⵡⵓⵔⵉ, ⴰⵢⵍⵍⵉ ⵜ ⵢⵓⴷⴷⵊⴰⵏ ⴰ ⵉⴼⴼⵖ ⵜⴰⵎⴰⵣⵉⵔⵜ ⴰⴼⴰⴷ ⴰ ⵉⵙⵉⴳⴳⵍ ⵙ ⵜⵡⵓⵔⵉ ⵉⵙⵉⴳⴳⵍ ⵅⴼ ⵜⵓⴷⵔⵜ ⵏⵏⵙ.
ⴰⵎⴰⵍⵍⴰⵙ ⵏ ⵓⵏⴳⴰⵍ ⵢⵓⵎⵥ ⴰⴱⵔⵉⴷ ⵉⴼⵓⵍⴽⵉⵏ ⴳ ⵜⵏⵣⴱⴰⵢⵜ ⵏⵏⵙ ⵅⴼ ⵜⵎⴰⵣⵉⵖⵜ, ⵓⵔ ⵊⵊⵓ ⵉⵙⵙⵎⵔⵉⵙ ⴰⴼⵓⴷ ⵏⵖ ⴰⵙⵏⵓⵃⵢⵓ ⴳ ⵜⴱⵔⵉⴷⵜ ⵏⵏⵙ ⵏ ⵜⵏⵣⴱⴰⵢⵜ ⴰⵔ ⵉⵙⵙⵎⵔⴰⵙ ⴰⵔⵣⵣⵓ ⴰⵎⴰⵙⵙⴰⵏ ⴷ ⵡⴰⵡⴰⵍ ⵉⵎⵎⵉⵎⵏ ⴷ ⵓⵎⵙⴰⵡⴰⵍ ⴰⵎⵙⵡⴰⵜⵜⵙ ⴷ ⵉⵎⵓⵙⵙⵓⵜⵏ ⵢⴰⴹⵏⵉⵏ.[1][2]
ⵥⵕ ⵓⴳⴳⴰⵔ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]ⵉⵙⴰⵖⵓⵍⵏ
[ⵙⵏⴼⵍ | ⵙⵏⴼⵍ ⴰⵙⴰⴳⵎ]- ^ a b c ⵃⴰⵎⵉⴷ ⵜⵓⵄⵍⵉ (2021). ⴰⵎⵏⴰⵢ ⴰⵎⴰⵣⵉⵖ ⵏⵖ ⵜⴰⵎⴰⴳⵉⵜ ⵜⴰⵎⵏⵜⴰⵍⵜ. ⵜⴰⵥⵕⵉⴳⵜ ⵜⴰⵎⵣⵡⴰⵔⵓⵜ. ⵎⵕⵕⴰⴽⵛ: ⵜⴰⵎⵙⵎⵓⵏⵜ ⴰⴷ ⵏⵓⵔⵓ ⵏ ⵉⵎⴰⵔⴰⵜⵏ ⵙ ⵜⵎⴰⵣⵉⵖⵜ
- ^ a b ⴰⵎⵏⵏⵉ ⴰⵏⵖⵎⴰⵙ ⵅⴼ ⵓⵏⴳⴰⵍ, ⵉⵜⵜⵢⴰⵥⵕⴰ ⴰⵙⵙ ⵏ 23/09/2025