上海淞沪抗战纪念馆
上海淞沪抗战纪念馆，来勒上海市宝山区友谊路1号临江公园里向，纪念1932年一·二八事變搭仔1937年淞沪会战。
历史
[编辑]1993年10月份，上海市宝山区人民政府花仔3000万，来勒宝山临江公园东部造了箇只上海淞沪抗战纪念馆。2000年1月份，纪念馆造好开放。2003年1月份，上海市人民政府拿宝山滨江公园公布成上海市爱国主义教育基地。[1]2014年8月份，中华人民共和国国务院拿伊列入第一批国家级抗战纪念设施、遗址名录[2]。
2015年1月份，淞沪抗战纪念馆帮临江公园开始改造，临江公园改成淞沪抗战主题公园，实行“馆园合一”，宝山区政府计划拿伊改造成“淞沪抗战历史展示中心和研究基地、爱国主义教育示范基地、海峡两岸文化交流基地”[3]；宝山滨江公园、淞沪抗战纪念馆一期来勒同年8月13号正式对外开放[4]。
除开纪念淞沪抗战相关活动，2016年、2017年、2018年，淞沪抗战纪念馆连续三年举办南京大屠杀死难者国家公祭日悼念活动[5][6][7]。
场馆介绍
[编辑]纪念馆是同济大学设计研究院设计个塔，占地面积5100平方米，建筑面积3490平方米，高53米，共12层[8][9]。
纪念馆入口东面有一幅“淞沪魂”石刻长卷，展示“民族灾难”、“淞沪怒火”、“血肉战魂”、“烽火大地”四只场景，体现日本侵华对中国人民造成个苦难外加中国军民来勒淞沪抗战里向奋勇抗敌个过程。纪念馆陈设有三层，入口来勒二楼，有“抗日战争与上海”陈列，表现以淞沪抗战为主个上海抗日战争史；三楼有“上海郊县人民抗日武装斗争大型图片展”，展示中国共产党武装来勒上海邻近郊县进行抗日战争个历程；一楼则是“淞沪抗战史事——血沃淞沪”陈列，用多媒体形式，让人身临其境感受淞沪抗战中发生个事体，展示交关抗战实物搭仔烈士遗物。[10]
参考
[编辑]- ↑ “临江公园”，上海名园志 ．上海：上海画报出版社．ISBN 978-7-80685-885-1．於2019-02-03参阅．（存档，垃2015-09-25） 档案，存勒互联网档案馆当中。（2015年9月25号）
- ↑ 国务院公布第一批国家级抗战纪念设施、遗址名录. 国家文物局. 访问日脚2017-10-15.
- ↑ 朱珉迕 (2017-04-15). "淞沪抗战主题公园启动建设 四行仓库八百壮士抗战纪念馆今年建成". 解放日报 (解放日报社). Retrieved 2019-02-03.
- ↑ 裴鑫 (2015-08-13). "上海淞沪抗战纪念馆重新开放“血色淞沪”再现抗战史诗_图片_新闻_中国政府网". 新华社. 中国政府网. Archived from the original on 2015-10-22. Retrieved 2019-02-03.
- ↑ "淞沪抗战纪念馆举行南京大屠杀死难者国家公祭日活动_大申网_腾讯网". 腾讯网. 看看新闻网. 2016-12-13. Retrieved 2019-02-03.
- ↑ 陈琼珂 (2017-12-13). "上海举行国家公祭日悼念活动--上观". 上观新闻. 解放日报社. Retrieved 2019-02-03.
- ↑ 邓玲玮 (2018-12-13). "上海淞沪抗战纪念馆举行国家公祭日悼念活动". 澎湃新闻. Retrieved 2019-02-03.
- ↑ 上海市淞沪抗战纪念馆. 中共上海市委宣传部. 原始文档勒2013-04-05存档. 访问日脚2012-05-27.
- ↑ （2017）“上海淞沪抗战纪念馆”，海上红韵 ．上海：东方出版中心．ISBN 978-7-5473-1153-0．於2019-02-03参阅．（存档，垃2018-10-25） 档案，存勒互联网档案馆当中。（2018年10月25号）
- ↑ 李治国 (2015-06-28). "上海淞沪抗战纪念馆：血沃淞沪". 经济日报 (网易新闻). Retrieved 2019-02-03.