中國大陸維基人用戶組
中國大陸維基人用戶組（英文：Wikimedians of Mainland China，簡稱WMC）係2017年8月建立嘅維基百科友組織，自稱以喺中國大陸地區推廣維基媒體計劃為宗旨，但唔係維基地方自治體委員會承認嘅用戶組。截至2021年9月，呢個用戶組已經有大約300個中國維基友加入。由於中國大陸維基人用戶組嘅成員絕大部分立場係完全支持中國共產黨同中國政府，有部份成員甚至出任行政員同管理員，不斷打壓香港、台灣同部份立場唔夠親共嘅中國維基友，進而影響維基百科嘅中立性[1]。用戶組成員之一嘅Walter Grassroot更加喺中國維基QQ群入面提議向香港警務處國家安全處舉報香港用戶[2]。
2021年9月13號，維基媒體基金會法務部門副總裁瑪姬·丹尼斯（Maggie Dennis）發表聲明，話經過深入調查「中國大陸維基人用戶組」之後，以安全風險為理由，宣布對中文維基百科嘅7個用戶實施全域鎖上，又取消12個用戶嘅管理員權限[3][4]。中國大陸維基人用戶組發表題為《丟掉幻想，準備鬥爭》嘅聲明回應，指控維基媒體基金會以「莫須有」嘅理由封禁用戶，又表示要用實際行動反抗打壓[3][4]。
2021年10月，中國第二次以台灣作為理由，阻止維基媒體基金會申請成為世界知識產權組織觀察員。有維基用戶向美國之音展示一張截圖，指係基金會申請被阻止之後，其中一個被封鎖嘅中國大陸維基人用戶組成員Walter Grassroot喺中國維基人QQ群組發表嘅公告。公告話，基金會封鎖中國用戶之後，中國維基人通過傳媒等多個渠道，向中國駐日內瓦大使團提交咗相關嘅情況文件。Walter Grassroot又講，基金會申請失敗係喜訊。[5]
成員
[編輯]睇埋
[編輯]參考
[編輯]- ↑ 〈【Back Up 香港．1】維基百科編輯戰〉。《立場新聞》。原先內容歸檔喺2021年7月6號。喺2021年10月3號搵到。
- ↑ 陳彥 (2021-07-12)。〈【資訊戰】中文維基百科成中港戰場 中國編輯稱向國安舉報香港編輯〉。《自由亞洲電台》。原先內容歸檔喺2021-07-17。喺2021-10-03搵到。
- ↑ 3.0 3.1 陳冠榮。〈內部編輯遭恐嚇，維基媒體基金會拔除多名「中國大陸維基人用戶組」成員〉。《TechNews 科技新報》 (臺灣中文)。原先內容歸檔喺2021-09-16。喺2021-09-15搵到。
- ↑ 4.0 4.1 〈維基百科禁 7 內地用戶 指有滲透起底風險 內地群組：準備鬥爭〉。《立場新聞 Stand News》。原先內容歸檔喺2021-09-15。喺2021-09-15搵到。
- ↑ 鄭樂捷 (2021-10-07)。〈中國再度以台灣為由 阻止維基媒體基金會申請成為世界知識產權組織觀察員〉。美國之音。原先內容歸檔喺2021-10-17。喺2021-10-07搵到。