伊甸園計劃

建築羣

伊甸園計劃，英國植物園兼名勝，喺康和郡，起喺個塡返瓷土礦坑上面。

整個園地至顯眼，兩組圓頂，圓頂個個相連，合成溫室，內裏植物品種，成千上萬。頂頂各自營造自然生態羣落。圓頂靠幾何管狀鋼架支撐，形狀由窗格組成，格有五邊形、六邊形，一共數百個。格格窗，用氟塑膜造，裏面吹到脹晒。有大圓頂營造熱帶雨林環境，世界至大室內雨林。另一邊就營造地中海氣候環境。

佢有埋戶外植物園，入便原生植物同野生動物，都出自康和本地同英國。草木背後有歷史背景，重要而又得意，例如涉及史前時代。

園方有好多項目喺英國，世界其他地方都有。中國青島東方伊甸園就第二個開張。項目各有主題。唔少尚喺建造或者構思階段。

名

伊甸園計劃，亦有叫伊甸計劃，取名自基督教聖經伊甸園。 英文叫Eden Project。

史

希達贊殊漂木馬雕塑。 喺正門

伊甸園計劃雕塑，用現代生活廢棄物製成 。牙由電腦滑鼠砌成

夏娃，蘇囂同必囂兩夫婦所造，由泥塑造

原地瓷土礦坑，掘咗一百六十年。一九八一年，英國廣播公司，曾經用佢拍電視片集星際快閃黨，裏面瑪嘉菲亞星個表面，場面就喺度拍。去到二十世紀九十中，經已開採殆盡。

起初構思，要追到一九九六年。無耐一九九八年就動工。頭幾個月，就遇大雨受阻，加上礦坑低過地下水位十五米，亦即四十九呎，坑內有啲地方水浸埋。

第一部分遊客中心，二千年五月開張。同年九月，首批草木到達。下年二〇〇一年三月十七號，全園開張。

環保團體有批評，伊甸園計劃回應，承諾會研究興建鐵路接駁。不過至終都無起過，而園內停車場，靠一般門票收入維持。園區同康和主綫上聖柯士圖火車站之間，就靠晒巴士接駁。

二〇〇二年，占士邦電影，喺處拍新鐵金剛之不日殺機。二〇〇五年七月二號，園方主辦非洲呼喚音樂會，現場八方音樂會系列一環。除此之外，亦提供一啲草木畀大英博物館個非洲花園。

同年十一月到下年二月，冬天推出咗禮物時光。有湖上溜冰場，有小型咖啡廳，同埋聖誕市集。康和合唱團定期喺生物羣落表演。

二〇〇七年，園方想向大奬券基金籌錢，希望籌到五千萬英鎊資助，用來起個沙漠生態區，但唔能成功。得票率得一成二〇七，四個候選項目中最低。搞宣傳活動時，佢請晒全郡人參加，希望打破世界最大酒吧問答比賽紀錄，藉此爭取資金支持康和發展。

二〇〇九年，大部分項目，包括兩個溫室，都可經谷歌街景瀏覽。

伊甸園信託基金透露，二〇一二到一三年度，營業額為二千五百四十萬英鎊，交易損失一百三十萬英鎊。而對上年度，2012-13年嘅營業額係25.4英鎊 百萬。而前一年，錄得十三萬六千英鎊盈餘。而二〇一四年度，戶口有二百萬英鎊盈餘。

二〇一二到二二年間，年年喺處舉辦世界康和批錦標賽，旨在選出最佳康和批同其類似小食。

據講伊甸園計劃貢獻康和經濟過十億英鎊。二〇一六年，而園內有歐洲第二大紅木森林，僅次於愛爾蘭砵城堡個巨人林。種咗四十樖海岸紅木樹苗。呢種樹有四千年命，可以高成一百一十五米。

二〇一九年，佢接待訪客超過一百零一萬零九十五人 。

二〇二〇年十月，落大雨搞到山泥傾瀉因而唔開。經理評估緊損壞情況，喺公司網站公佈幾時重開 。由於英國新冠疫情封鎖措施，二〇二一年初，唔知幾時開返。修復過後，五月開返。成為七國集團高峰會場地 。

設計同建造

項目由添史蔑同莊納芬波構思，並由格廉梭則師樓負責劃則，結構工程安東尼亨次工程顧問負責，間公司後來歸入幸可耐睦。威寧做項目管理，田羅拔麥加排爵士同亞弗烈麥加排營造，美羅設計同建造生物羣落鋼結構，域陀貨奧踢用氟塑膜枕營造幕牆，而奧雅納負責機電工程、經濟顧問、環境工程同交通工程。土地利用顧問規劃整體同設計園境。帶領咗總體規劃同景觀設計。成單嘢兩年半搞掂，二〇〇一年三月十七號正式開張。

園址

伊甸園計劃入面生物羣落圓頂全景

佈局

蜜蜂

入園有條小徑蜿蜒，沿途欣賞到兩個生物群落，有、種種草木做景觀，有菜園，有一啲雕塑，有巨蜂。曾經展出過電子廢物人，二〇一六年移除咗，塑像原本由舊電器砌成、高大壯觀，象徵人一生中所產生電子廢物量。

生物羣落

坑底有兩個生物群落，冚住嘅：

雨林生物群落，佔地一公頃五六，高五十五米，闊一百米，長二百米，種熱帶植物，好似結果香蕉樹、咖啡、橡膠樹同巨竹，保持住熱帶氣溫同濕度。

雨林生物羣落

地中海生物羣落，佔地〇公傾六五四，高卅五米，闊六十五米，長一百卅五米，入便種常見溫帶同乾旱植物，好似橄欖同葡萄藤，攞咗唔同雕塑。

戶外花園代表世界溫帶地區，有茶、薰衣草、啤酒花、麻同向日葵等植物，同埋當地原生植物。

有蓋生物群落由鋼管構成，外冚六角形板，熱塑氟塑膜製成。唔用玻璃，皆因佢太重，潛在危險。板由幾層氟塑膜，薄薄透到紫外線。周邊密封，然後充氣，形成大氣墊。氣墊保溫，成張被咁目住結構。氟塑膜抗污，落雨沖下就乾淨。如果需要，搵人攀爬洗。氟塑膜都易整穿，不過可以氟塑膜貼補返。結構自己撐自己，內部唔使支撐，呈現網格穹頂。冚板大細不一，至闊九米，最大塊喺頂。

氟塑膜由域陀貨奧踢公司提供兼安裝，亦負責維護包覆層。鋼結構同覆蓋板系統，由美羅公司設計、供應同安裝。域陀貨奧踢做二判。美羅亦格廉梭則師樓，共同開發整體結構幾何方案。

整個建造項目，由麥加排聯營公司負責統籌管理。

• 
  生物羣落同連結大樓，展示緊布魯時蒙羅個光場裝置
• 
  雨林生物羣落入面
• 
  康和伊甸園計劃入便生物群落，或者叫生態圓頂。
• 
  由入面睇六角形結構
• 
  空中全景

核心館

核心館

核心館，園區後加，二〇〇五年九月正式開張，供教育用，入面有課室同展覽空間，用來傳達伊甸園核心訊息，亦即人同植物關係。建築靈感來自，最顯眼高聳木結構屋頂，屋宇有非常獨特外形。

格廉梭聯同雕塑家彼德朗度披治同結構工程安東尼亨次嘅米皮弗士一齊合作，設計出核心館個包銅屋頂上面幾何結構。靈感來自螺旋排列，植物生長數學基礎，例如向日葵花頭上種籽、松果或者菠蘿上見到對向螺旋。銅材料全部都追溯到來源，亦同礦業公司力拓集團合作，探索追溯金屬供應鏈。有道德爭議金屬，用者避得用。至於服務設計、聲學、機械同電氣工程部分，就由標赫工程顧問公司負責。

核心內藝術

File:The Seed at Eden Project.jpg

種子，彼德朗度披治造

核心亦都係全年藝術展覽嘅所在地。前廳有一個永久裝置，名為《種子》, 由彼得 · 蘭德爾 · 佩奇創作。種子係一個大型嘅70噸蛋形裝置，由博德明摩爾嘅德蘭克采石場嘅一塊花崗岩雕刻而成，高大約13英尺（4.0米）高，並且顯示出一個複雜嘅突起圖案，呢個圖案係基於植物生長嘅幾何同數學原理

核心館全年舉辦藝術展覽。館內有件常設藝術裝置，叫種籽，由雕塑家彼德朗度披治創作，放喺入口前廳。佢由花崗岩雕成，蛋形，好巨大，重七十噸，高十三米，石材由博免摩地蘭採石場出產。表面複雜凸起圖案，靈感來自植物生長，圖案取自背後幾何同數學原理，費氏數列。

環境方面

生物群落提供唔同生長環境，好多植物喺度展出。

內有環境教育，重點講解植物同人相互依存關係。植物上面標示藥用價值。維持熱帶溫室潮濕，同提供廁所用水，園區所需大量水源，都係處理過雨水，呢啲水本來就積聚喺採石場底。得洗手同煮食，先至會水喉水。電力來自綠色電力計劃，部分來自康和郡眾多風力發電機，風車係歐洲最早建立一批。

二〇一〇年十二月，園方得獲批，可以起座地熱發電廠，預計產生到四兆瓦電力，夠晒自用，兼供埋五千家庭使用。發電之外，重有地熱供暖。初期資金一千六十八萬英鎊，大部分由康和郡議會同歐盟資助。首先喺伊甸園地底花崗岩層，鑿一口四公里半深地熱井。

創辦人之一添士蔑爵士話，自從我哋開始之後，伊甸園一直有夢想，希望世界可以用可再生能源發電。日頭提供大量太陽能，風力人用咗幾千年。呢兩種能源唔穩定，電池技術又未能儲存到足夠電力，中間有個缺口。答案就喺我哋腳下，地底熱力。用鑽探技術，將水泵入地底接近地心，再用超高溫將佢帶返上來，提供熱力同電力畀我哋用。

二〇二一年五月開始鑽 ，而二〇二三年，水熱攝氏八十五度，供應暖氣畀生物群落。

其他項目

伊甸園計劃摩甘比

二〇一八年，公布項目新版本設計，喺蘭開夏郡摩甘比海濱。新項目生物落外觀似青口，海洋環境做主題。有新設計海水泳池、花園、表演場地、沉浸式體驗區同天文臺等設施。

格廉梭項目建築師，預計造價八千萬英鎊。呢個項目同蘭開夏企業夥伴關係、蘭卡斯特大學、蘭開夏郡議會同蘭開斯特市議會合作。二〇一八年十二月，四個本地合作夥伴，同意提供一百萬英鎊去發展構思，促成項目發展大綱申請 。預計項目有五百個職位，日日有八千遊客到訪 。

二〇二二年一月獲得規劃許可。二〇二三年一月，獲五千萬英鎊升級資金，預計會二〇二八年底開放，預計年年西北經濟收益二億英鎊 。二〇二四年七月，蘭開斯特市議會收到政府首批二百五十萬英鎊。呢筆款項用來聘請主要承建商，負責設計發展方案

伊甸園計劃蘇格蘭

二〇二〇年五月，公布建立喺蘇格蘭首個旅遊名勝，揀咗登地。初時指喺金巴當公園。二〇二一年五月，最終選址揀舊煤氣廠。將創造二百個新職位，年年為地區經濟貢獻二千七百萬英鎊。由登地市議會、登地大學同羅富活慈善信託合作推動。佢將

二〇二一年，將會喺登地地多個地區，包括摩根學院同奇葉公園，建立十四公頃新野花棲息地。

二〇二三年七月，發佈新圖，描繪咗登地名勝外觀，附上新名勝規劃許可文件，呢啲文件喺秋季提交。

二〇二四年六月，登地市議會批咗規劃許可。

南丘

二〇二〇年，義本市議會同伊甸園項目宣布聯合項目，探討南丘國家公園能否成為新伊甸園地點 。

中國青島東方伊甸園

二〇一五年，伊甸園項目宣布達成協議，喺中國青島起東方伊甸園 。原本預計二〇二〇年開張，有新冠肺炎疫情，施工拖慢。水做主題，探討水喺文明同自然中核心角色 。二〇二五年六月廿八號，正式開園。

伊甸園計劃哥斯達黎加

個計劃想哥斯達黎加森林嗰處，還原生態走廊。

已取消伊甸園計劃紐西蘭

紐西蘭基督城都計劃伊甸園項目，叫做伊甸園計劃紐西蘭，曾預計二〇二五年開張。佢靠近埃芬河，地方曾受二〇一一年基督城地震而被夷為平地。項目後尾取消咗 。

伊甸園音樂會

自2002年起，呢個計劃就舉辦咗一系列嘅音樂表演，叫做伊甸園會議，通常喺夏天舉行。 2020年嘅會議因為新冠肺炎疫情而延期，並重新安排為2022年嘅會議陣容。

二〇〇二年起，伊甸園計劃年年夏季舉辦一系列音樂表演，稱為伊甸音樂會。中間二〇二〇年音樂會因新冠疫情而延期，二〇二二年重新安排演出陣容。

二〇二五年有大爭議。 膝蓋樂隊原定七月四號演出，但四月廿九號，園方宣布取消佢哋演出，皆因公開批評以色列喺加沙做種族滅絕

傳媒

伊甸園計劃曾經出現喺唔同嘅電視節目同電影入面，例如詹姆斯邦德電影《另一日死》 、 《壞教育電影》 、 Netflix劇集《最後一架巴士》 、 CBeebies節目《安迪水上冒險》同埋2023年歐洲歌唱大賽嘅亞美尼亞明信片。

電視節目同電影都用佢來拍。電影有新鐵金剛之不日殺機、不良教育。片集有末日校巴、思貝思節目安迪水上冒險。而片段有亞美尼亞為二〇二三年歐洲歌唱大賽拍明信片。

逢禮拜四下晝，奇俄斯電臺播出伊甸電臺計劃。