余振強紀念第二中學
余振強紀念第二中學（英文：Yu Chun Keung Memorial College No.2、簡稱余二、YCK2）係香港一間津貼中學，由天主教香港教區喺1982年創校，地址係香港薄扶林置富徑一號。
學校歷史
[編輯]余振強紀念第二中學喺1982年創立。喺1972年，香港天主教教區已經諗住喺港島南區起一間完善嘅中學，但係因為當時政府嘅教育政策側重擴建三年制中學而擱置咗。到咗1979年，因為置富花園落成，嗰區人口增加，加上露德聖母堂因為薄扶林花園嘅興建要拆卸，所以就重新提出起學校嘅計劃。天主教教區同香港教育署簽咗協議，重組成校董會，成員包括曾慶霖神父、鄭唐淑柔女士、Sister Rosangela同埋梅元碩先生。喺各方支持之下，置地公司起好校舍同聖堂。間學校喺1982年9月正式開課，成為天主教香港教區中學嘅成員之一，並以主要贊助人余振強先生命名 。
教學
[編輯]余振強紀念第二中學嘅教學語言以中文為主。初中（中一至中三）嘅主要教學語言係中文，高中會按學生嘅程度同能力嚟決定用中文定英文。學校亦都有為非華語學生提供支援，例如喺語文科分組學習，同埋喺其他科目提供翻譯。
課程
[編輯]學校提供多元化嘅科目，包括中國語文、英國語文、數學、中國歷史、宗教、生活與社會、公民、經濟及社會、資訊科技、普通話、設計與科技、視覺藝術、體育、音樂同埋STEAM教育等等。
校園生活
[編輯]余振強紀念第二中學有唔同嘅課外活動同埋學會，例如學生會、家長教師會、舊生會等等。學校亦都有提供唔同嘅支援服務，例如升學輔導、生涯規劃同埋特殊教育需要支援。
設施
[編輯]課室24個，全部課室有空調同寬頻無線網絡，課室有電腦同投影機，老師同學生有平板電腦。 學校重有奇妙教室、科學實驗室、人文學科室、視覺藝術室、藝術畫廊、音樂室、設計與科技室、學生活動室、自修室同埋兩個STEAM Education Centre。
