克理普敦未來媒體

克理普敦未來媒體（日文：クリプトン・フューチャー・メディア株式会社，英文：Crypton Future Media, Inc.) 係一間位於日本北海道札幌市中央嘅聲音製作同DTM製作公司。 而伊藤博之就係呢間公司嘅創辦人同埋執行董事，去到2021年，公司已經有30位職員。關於改名方面，伊藤博之表示公司名稱只係根據當時有關科技嘅取名潮流，冇任何特別嘅意思。

呢間公司主要係發售CD同埋DVD嘅效果音、背景音樂、音樂軟件，亦都有營運手提電話嘅鈴聲、效果音、語音網站等等，涉獵嘅業務有呢幾個範疇。

2007年8月31號，呢間公司發售咗採用山葉VOCALOID 2語音合成引擎為基礎開發販售嘅虛擬女性歌手軟件角色主唱系列嘅第一作「初音未來」，啱啱發售就已經大受歡迎，只係發售三個月就已經創下咗音樂軟件罕有嘅25,000件銷售量。伴隨著初音未來嘅大賣，CRYPTON喺日本音樂軟件公司嘅市場佔有率喺唔夠一個月之內由6%急速上升至大概33.9%，2007年全年嘅市場佔有率係27.6%，音聲軟件嘅獲利就上升到211.4%。

2008年1月10號，獲得咗「BCN AWARD 2008」嘅聲音關聯軟件部門獎項，而且係初次獲獎。第二年又繼續連任同一個獎項，而2008年的市場佔有率則就係24.5%。