反事實條件

反事實條件（粵音：faan2 si6 sat6 tiu4 gin2；參見英文：counterfactual）係一種講述「如果情況唔同，會發生咩事」嘅假設型條件句，例如：「如果阿明信有鬼，佢就唔敢嚟呢度。」反事實句同陳述語氣形成對比，後者一般只用嚟講仲有可能發生嘅情況^[1]^[2]。

粵語例句

以下係一啲用粵語講嘅反事實條件例句：

「如果我尋晚早啲瞓，今日就唔會咁眼瞓。」
「如果佢有嚟開會，件事可能早就解決咗。」
「如果唔係落雨，我哋就去咗遠足。」

因果關係

反事實條件有助界定因果關係：有關因果關係嘅具體定義係乜，哲學界不嬲都有爭論；根據反事實因果觀^[3]嘅觀點，要判斷一件事係咪另一件事嘅因，可以問以下呢條問題：

「如果 A 冇發生 B 會唔會發生？」

最基本上，如果「假如冇咗 A，B 就唔會發生」呢句嘢成立，噉思考者就可以話喺呢種現象中 A 係因而 B 係果。呢個思考方法喺社科特別實用，因為現實中研究社會嗰陣，往往難以隔離單一變數嘅影響，透過建構反事實條件，研究者可以更清楚推斷某個因素係咪造成某個結果嘅原因。當中電腦模擬模型可以模擬只改變一個因素嗰陣系統會出現乜變化，相當於構造咗反事實場景。透過觀察模擬結果，研究者可以推斷某因素對某結果係咪有因果影響^[4]。

睇埋

參考

↑ von Prince, Kilu (2019). "Counterfactuality and past" (PDF). Linguistics and Philosophy. 42 (6): 577–615. doi:10.1007/s10988-019-09259-6. S2CID 181778834.
↑ Karawani, Hadil (2014). The Real, the Fake, and the Fake Fake in Counterfactual Conditionals, Crosslinguistically (PDF) (論文). Universiteit van Amsterdam. p. 186.
↑ 英文：counterfactual view of causality
↑ Marshall BD, Galea S. Formalizing the role of agent-based modeling in causal inference and epidemiology. American journal of epidemiology. 2015 Jan 15;181(2):92-9. SIMULATING COUNTERFACTUALS

拎

（英文）反事實考量嘅因果概念，史丹福哲學百科全書。

[1] von Prince, Kilu (2019). "Counterfactuality and past" (PDF). Linguistics and Philosophy. 42 (6): 577–615. doi:10.1007/s10988-019-09259-6. S2CID 181778834.

[2] Karawani, Hadil (2014). The Real, the Fake, and the Fake Fake in Counterfactual Conditionals, Crosslinguistically (PDF) (論文). Universiteit van Amsterdam. p. 186.

[3] 英文：counterfactual view of causality

[4] Marshall BD, Galea S. Formalizing the role of agent-based modeling in causal inference and epidemiology. American journal of epidemiology. 2015 Jan 15;181(2):92-9. SIMULATING COUNTERFACTUALS

[1]

[2]

[3]

[4]