托爾德西里亞斯條約

《托爾德西里亞斯條約》

《托爾德西里亞斯條約》（西班牙文：Tratado de Tordesillas，葡文：Tratado de Tordesilhas）係葡萄牙王國同卡斯提亞聯合王國之間嘅條約，喺1494年6月7號喺西班牙托爾德西里亞斯簽訂，並喺葡萄牙塞圖巴爾攞到批准。呢份條約將歐洲以外新發現嘅土地，沿住一條經線分割畀葡萄牙同卡卡斯提亞。呢條經線喺維德角群島以西370海里，約2,100公里，喺非洲西岸外海。呢條分界線大概喺維德角（已經屬於葡萄牙）同哥倫布第一次航行時到訪嘅島嶼之間嘅中間位置。嗰啲島嶼喺條約入面被稱為「Cipangu」同「Antillia」（即係古巴同伊斯帕尼奧拉島），並被卡斯提亞聲稱擁有。