皇家宮殿—羅浮宮博物館站

皇家宮殿—羅浮宮博物館 Palais Royal–Musée du Louvre
1號綫月台
概況
地址	法國法蘭西島巴黎第1區
坐標	48°51′46″N 2°20′12″E
線路
其他資訊
啟用	1900年7月19號（1號綫） 1916年7月1號（7號綫）
東主	巴黎公共交通管理局
收費區	第1區
舊名	皇家宮殿（Palais Royal，1900年至1989年）
服務
上一站 巴黎地鐵 下一站 蒂利希 往喇地芳士 羅浮宮—希禾利 往宏申堡 新橋 往維利治夫—路易・亞夏崗／伊維市政廳 金字塔 往喇古挪夫—1945年5月8號

皇家宮殿wong4 gaa1 gung1 din6—羅浮宮博物館站lo4 fau4 gung1 bok3 mat6 gun2 zaam6（法文：Palais Royal–Musée du Louvre，法文讀音：[palɛ ʁwajal myze dy luvʁ]）係巴黎地鐵1號綫同7號綫嘅一個轉車站，位於巴黎第1區中央，主要服務巴黎皇家宮殿、法蘭西戲劇院同羅浮宮博物館。

地點

車站位於皇家宮殿廣場（Place du Palais-Royal）地底，皇家宮殿同羅浮宮之間，月台設置如下（幾乎平行）：

• 1號綫，位於希禾利街地底；

• 7號綫，位於聖安挪希街地底。

歷史

車站係1號綫第一條開通嘅路段（宏申門至馬睿門）嘅八個站之一，1900年7月19號以「皇家宮殿」一名開通，而7號綫部分就喺1916年7月1號隨住路綫由歌劇院延伸至此開通。7號綫從此就以呢個站作為終點站，直至1926年4月16號再次延伸至馬希橋。1970年代至2010年代，車站進行現代化改造，鋪設典型武當杜華尼（Mouton-Duvernet）風格嘅橙色瓷磚，水平排列。車站1989年羅浮宮博物館新出入口開通之後改名為現名。

歌㻝廣場嘅入口由莊米些利・柯當尼利重新設計，名為「夜行者亭」（Kiosque des noctambules），並喺2000年10月完工，以紀念地鐵一百週年。「夜行者亭」嘅兩個圓頂（一個代表日頭，另一個代表夜晚）由彩色玻璃珠串成，並固定喺鋁製結構上，喺歌㻝廣場極具傳統嘅氛圍中，呈現出一件出人意料嘅原創作品。

作為1號綫自動化嘅一部分，1號綫月台喺2009年2月7號同8號升級，之後喺2010年10月裝月台幕門。車站嘅走廊喺2014年12月31日第二次翻新，復活咗斜面嘅白色瓷磚，作為巴黎公共交通管理局「更靚嘅地鐵」（un métro + beau）計劃嘅一部分。

2018年，7號綫月台啡色瓷磚鋪設、屬恩多莫（Andreu-Motte）風格嘅磚石長凳俾較細嘅橙色瓷磚覆蓋，同座椅同照明設備保持一致，但不再似恩多莫風格最初規劃噉同走廊出口一致。

2019年，車站客量達959萬2920人次，全系統排第18。

車站附近景點包括羅浮宮博物館、馬術芭蕾廣場同「羅浮宮馬術芭蕾」商場。

服務

車站佈局

地面

地下1樓

連接通道層

1號綫月台	設有月台幕門嘅側式月台，車門右邊開
	西行	← 往喇地芳士 (蒂利希)
	東行	→ 往宏申堡 (羅浮宮—希禾利) →
	設有月台幕門嘅側式月台，車門右邊開

7號綫月台	側式月台，車門右邊開
	南行	← 往維利治夫—路易・亞夏崗／伊維市政廳 (新橋)
	北行	→ 往喇古挪夫—1945年5月8號 (金字塔) →
	側式月台，車門右邊開