福建路桥
福建路桥[1]，也叫老闸桥，勒垃中国上海市区苏州河丄，桥北面是闸北区福建北路，桥南面是黄浦区福建中路，桥长97米，宽20米。
历史
[编辑]福建路桥原先是清康熙年造个座三洞石闸，高头有畀人行个浮桥。同治三年（1864年），造仔座木桥，光绪十一年（1885年）6月份，工部局拿老底子隻木桥拆脱，新造仔座7孔木桥，叫伊老闸桥，同年10月份造好个。民国35年（1946年），木桥坏脱哉，故咾拿桥拆脱重造座长61.6米个新木结构桥，叫伊福建路桥，1966年，木桥拆脱，改建成长71.4米，宽11.58米个钢筋混凝土双曲拱桥，1968年造好。因为箇座桥畀船撞仔埭趟，变成危桥哉，故咾2001年拿桥拆脱，重新造仔座桥，2004年2月份开工造个，2007年年底造好通车个。