香港警察妨礙司法公正爭議

香港警察作為執法機構，喺刑事案件嘅司法程序擁有顯著角色，但有唔少警察喺執法同其他情景入面，做咗一啲妨礙司法公正嘅行為，引起爭議。

部分案件列表

年份	案件描述
2022年-2023年	警員黃耀聰喺2022年偽造口供，同埋喺2023年1月至7月期間喺9宗案件中向上級作虛假陳述，指相關投訴人唔再追究案件，之後被控一項偽造罪同一項在公職中行為失當罪。
2021年-2022年	3 名男警被指於喺2021 至 2022 年期間，先後與同一名 15 歲女童性交，並拍攝對方嘅色情照片同影片，被控與 16 歲以下兒童非法性交等罪。其中一人（賴子樑）認罪之後被判囚 16 個月，另外兩人（姚燕武同吳星熠）唔認罪，而且喺候審期間干擾證人、妨礙司法公正，姚燕武甚至向事主提出以 10 萬元換取事主唔出庭作供。
2022年11 月	高級警員呂偉霖喺一次掃黃行動入面通風報信，幫助一名賣淫集團女中介人逃避警方追查。
2019年12月3日至2020年9月18日	喺2019年12月3號到2020年9月18號期間，青衣警區刑事調查隊嘅警員胡兆俊，涉及七宗刑事案，被控七項公職人員行為失當罪。佢被指偽造證人口供、向上司講大話話受害人唔追究，仲有教唆被捕人個仔呃差人話被捕人喺葵涌醫院留醫等等。去到2025年1月，佢被判入獄36個月。

警方回應

雖然呢啲案件一直有發生，但警方都會慣性用以『非常重視操守』，『絕不容忍姑息』，『嚴正處理』去回應。