ꠀꠘꠥꠀꠞ ꠌꠗ꠆ꠞꠤ

ꠀꠘꠥꠀꠞ ꠌꠗ꠆ꠞꠤ

ꠍꠛꠤ
ꠎꠦ ꠎꠤꠘꠤꠡꠞ	ꠝꠣꠘꠥ
ꠎꠘꠝ	ꠎꠥꠘ
ꠟꠤꠋꠉꠅ	male
ꠎꠦ ꠖꠦꠡꠞ ꠘꠣꠉꠞꠤꠇ	ꠎꠥꠇ꠆ꠔꠅ ꠞꠣꠁꠎ꠆ꠎ
ꠞꠣꠈꠣ ꠘꠣꠝ	Anwar
ꠙꠞꠤꠛꠣꠞꠤ ꠘꠣꠝ	ꠌꠗꠞꠤ
ꠘꠣꠝ	আনোয়ার চৌধুরী ꠨ ꠀꠘꠥꠀꠞ ꠌꠗ꠆ꠞꠤ
ꠎꠘꠝ ꠟꠅꠣꠞ ꠎꠦꠉꠣ	ꠙꠥꠅꠞ ꠙꠣꠇꠤꠍ꠆ꠔꠣꠘ
number of children	2
ꠎꠣꠔꠤ ꠝꠣꠔ	ꠍꠤꠟꠐꠤ ꠝꠣꠔ
languages spoken, written or signed	ꠀꠋꠞꠦꠎ
occupation	diplomat ꠨ governor
employer	Foreign, Commonwealth and Development Office
position held	ambassador of the United Kingdom to Peru ꠨ High Commissioner of the United Kingdom to Bangladesh ꠨ Governor of the Cayman Islands

ꠀꠘꠥꠀꠞ ꠌꠗ꠆ꠞꠤ ( ꠀꠋꠞꠦꠎ ꠪ Anwar Choudhury ) ꠛꠤꠐꠤꠡ ꠞꠣꠎꠖꠥꠔ ⁕ ꠙꠄꠖꠣ 15 ꠎꠥꠘ ⁕ ꠄꠇꠎꠘ ꠛꠤꠐꠤꠡ ꠇꠥꠐꠘꠤꠔꠤꠛꠤꠖ ⁕ ꠔꠣꠁꠘꠃ ꠙꠄꠟꠣ ꠇꠥꠘꠥ ꠛꠣꠋꠟꠣꠖꠦꠡꠤ ꠏꠦꠁꠘ ꠛꠤꠐꠤꠡ ꠢꠣꠁ ꠇꠝꠤꠡꠘꠣꠞ ꠢꠤꠡꠣꠛꠦ ꠛꠣꠋꠟꠣꠖꠦꠡꠅ ꠖꠣꠁꠔ꠆ꠔ ꠙꠣꠟꠘ ꠇꠞꠂꠘ ⁕ ꠄꠞ ꠛꠣꠖꠦ ꠙꠞ꠆ꠖꠦꠡꠤ ꠀꠞ ꠇꠝꠘꠅꠄꠟ꠆ꠕ ꠅꠚꠤꠡꠅ ꠄꠇꠎꠘ ꠌꠣꠟꠣꠅꠞꠣ ꠢꠤꠡꠣꠛꠦ ꠖꠣꠁꠔ꠆ꠔ ꠙꠣꠟꠘ ꠡꠦꠡ ꠇꠞꠤ ꠛꠞ꠆ꠔꠝꠣꠘꠦ ꠔꠣꠁꠘ ꠙꠦꠞꠥꠔ ꠛ꠆ꠞꠤꠐꠤꠡ ꠢꠣꠁ ꠇꠝꠤꠡꠘꠣꠞ ꠢꠤꠡꠣꠛꠦ ꠖꠣꠁꠔ꠆ꠔ ꠙꠣꠟꠘ ꠇꠞ꠆ꠞꠣ ⁕

ꠙꠄꠟꠣꠇꠥꠞ ꠎꠤꠘ꠆ꠖꠦꠉꠤ

ꠔꠣꠁꠘ 1959 ꠡꠣꠟꠅꠞ 15 ꠎꠥꠘ ꠢꠤꠡꠝꠄꠇꠥꠞ ꠙꠥꠅꠞ ꠙꠣꠇꠤꠍ꠆ꠔꠣꠘꠞ ꠡꠥꠘꠣꠝꠉꠁꠘ꠆ꠎ ꠎꠤꠟꠣꠞ ꠎꠉꠘ꠆ꠘꠣꠕꠙꠥꠞ ꠕꠣꠘꠣꠞ ꠙꠣꠐꠟꠤ ꠁꠃꠘꠤꠅꠘꠞ ꠙ꠆ꠞꠜꠣꠇꠞꠙꠥꠞ ꠉꠦꠞꠣꠝꠅ ꠙꠄꠖꠣ ꠘꠦꠁꠘ ⁕ ꠢꠥꠞꠥꠕꠣꠈꠔꠦꠃ ꠔꠣꠁꠘ ꠔꠣꠘ ꠛꠣꠙ ꠝꠣꠞ ꠟꠉꠦ ꠟꠘ꠆ꠒꠘ ꠎꠣꠁꠘꠉꠤ ⁕

ꠢꠤꠇꠣ

ꠀꠘꠥꠀꠞ ꠌꠗ꠆ꠞꠤ ꠄꠇꠎꠘ ꠟꠘ꠆ꠒꠘꠤ ꠇꠥꠐꠘꠤꠔꠤꠇ ꠅꠁꠟꠦꠅ ꠔꠣꠘ ꠟꠦꠈꠣ ꠙꠠꠣ ꠀꠍꠤꠟ ꠁꠘ꠆ꠎꠤꠘꠤꠀꠞꠤ ꠟꠂꠀ ⁕ ꠔꠣꠁꠘ ꠡꠟꠚꠥꠞ꠆ꠒ ꠛꠤꠡ꠆ꠡꠛꠤꠖ꠆ꠖꠣꠟꠄ ꠕꠣꠇꠤ ꠁꠟꠦꠇ꠆ꠐ꠆ꠞꠤꠇ꠆ ꠀꠞ ꠁꠟꠦꠇ꠆ꠐ꠆ꠞꠘꠤꠇ꠆ ꠁꠁꠘ꠆ꠎꠤꠘꠤꠄꠣꠞꠤꠋ ꠕꠣꠇꠤ ꠛꠤꠄꠡꠡꠤ ꠙꠣꠡ ꠇꠞꠂꠘ ⁕ ꠛꠣꠖꠦ ꠔꠣꠁꠘ ꠒꠥꠞꠢꠣꠝ ꠛꠤꠡ꠆ꠛꠛꠤꠖ꠆ꠎꠣꠟꠄ ꠕꠣꠇꠤ 1995 ꠡꠣꠟꠅ ꠄꠝꠛꠤꠄ ꠇꠞꠂꠘ ⁕ ꠡꠤꠜꠤꠟ ꠡꠣꠞ꠆ꠜꠤꠡꠦ ꠢꠣꠝꠣꠘꠤꠞ ꠙꠥꠅꠞꠦ ꠔꠣꠁꠘ ꠀꠞ ꠄ ꠄꠚ ꠅꠞ ꠅꠁꠀ ꠇꠣꠎ ꠇꠞꠂꠘ ⁕ ꠄꠞ ꠟꠉꠦ ꠔꠣꠁꠘ ꠍꠤꠝꠦꠘ꠆ꠍ ꠙꠦꠟꠦꠌꠤꠅ ꠇꠣꠝꠅ ꠀꠍ꠆ꠟꠣ ⁕

ꠇꠣꠝꠞ ꠎꠤꠛꠘ

ꠔꠣꠘ ꠇꠣꠝꠞ ꠎꠤꠛꠘ ꠡꠥꠞꠥ ꠅꠄ ꠙꠔꠤꠇ꠆ꠇꠣ ꠝꠘ꠆ꠔ꠆ꠞꠘꠣꠟꠄꠅ ꠌꠣꠇꠞꠤ ꠕꠣꠇꠤ ⁕ ꠢꠤꠇꠣꠘꠧ ꠔꠣꠁꠘ ꠡꠣꠟ ꠙꠞ꠆ꠎꠘ꠆ꠔ ꠇꠣꠝꠅ ꠀꠍ꠆ꠟꠣ ⁕

ꠙꠦꠞꠥꠞ ꠛꠤꠑꠤꠡ ꠄꠝ꠆ꠛꠦꠌꠤ

ꠍꠛꠤ ꠁꠈꠣꠘ ꠪ ꠙꠦꠞꠥꠞ ꠛꠤꠑꠤꠡ ꠄꠝ꠆ꠛꠦꠌꠤꠞ

ꠓꠣꠇꠣꠞ ꠛꠤꠑꠤꠡ ꠢꠣꠁ ꠇꠝꠤꠡꠘ

ꠡꠣꠟꠅ ꠔꠣꠁꠘ ꠛꠣꠋꠟꠣꠖꠦꠡꠅ ꠢꠣꠁ ꠇꠝꠤꠡꠘꠣꠞ ꠢꠤꠡꠣꠛꠦ ꠛꠤꠚꠟ ꠅꠁꠟꠦꠅ 2004 ꠡꠣꠟꠅ ꠔꠣꠁꠘ ꠛꠣꠋꠟꠣꠖꠦꠡꠅ ꠟꠘ꠆ꠒꠘꠤ ꠢꠣꠁ ꠇꠝꠤꠡꠘꠣꠞ ꠢꠤꠡꠣꠛꠦ ꠇꠣꠝ ꠙꠣꠁꠘ ⁕

ꠍꠛꠤ ꠁꠈꠣꠘ ꠪ ꠓꠣꠇꠣꠞ ꠛꠤꠑꠤꠡ ꠢꠣꠁ ꠇꠝꠤꠡꠘꠞ

ꠛꠝꠣ ꠢꠣꠝꠟꠣ

2004 ꠡꠣꠟꠅ ꠘꠤꠎꠞ ꠙꠄꠖꠣꠞ ꠎꠦꠉꠣ ꠍꠤꠟꠐꠞ ꠡꠣꠢꠎꠣꠟꠣꠟ (ꠞ.) ꠝꠣꠎꠣꠞ ꠝꠡꠎꠤꠖ ꠕꠣꠇꠤ ꠘꠣꠝꠣꠎ ꠙꠠꠤ ꠛꠣꠞꠘꠤꠞ ꠡꠝꠄ ꠔꠣꠁꠘ ꠡꠘ꠆ꠔ꠆ꠞꠣꠡꠤꠘ꠆ꠔꠞ ꠛꠝꠣ ꠢꠣꠝꠟꠣꠞ ꠡꠤꠇꠣꠞ ꠅꠁꠘ ⁕ ꠢꠤꠡꠝꠄ ꠔꠣꠁꠘ ꠇꠥꠘꠥ ꠙ꠆ꠞꠇꠣꠞ ꠘꠤꠞꠣꠙꠇ꠆ꠔꠣ ꠇꠣꠞ꠆ꠝꠤ ꠍꠣꠠꠣꠃ ꠀꠍ꠆ꠟꠣ ⁕ ꠛꠣꠖꠦ ꠔꠣꠘ ꠃꠙꠞ ꠛꠝꠣ ꠢꠣꠝꠟꠣꠞ ꠟꠣꠉꠤ ꠔꠤꠘꠎꠘ ꠡꠘ꠆ꠔ꠆ꠞꠣꠡꠤꠞꠦ ꠚꠣꠡꠤ ꠖꠦꠅꠀ ꠅꠄ ⁕

ꠛꠦꠇ꠆ꠔꠤꠉꠔ ꠎꠤꠘ꠆ꠖꠦꠉꠤ

ꠀꠘꠥꠀꠞ ꠌꠗ꠆ꠞꠤ ꠝꠥꠝꠦꠘꠣ ꠌꠗ꠆ꠞꠤꠞ ꠟꠉꠦ ꠛꠤꠀ ꠇꠞꠂꠘ ⁕ ꠔꠣꠘ ꠖꠥꠉꠥ ꠙꠥꠞꠤ ꠀꠞ ꠄꠉꠥ ꠙꠥꠀ ⁕ ꠔꠣꠁꠘ ꠍꠤꠟꠐꠤ ꠛꠣꠃꠟ ꠉꠣꠘꠞ ꠜꠇ꠆ꠔꠅ ⁕

ꠀꠞꠅ ꠖꠦꠈꠂꠘ

• ꠐꠝꠤ ꠝꠤꠀ
• ꠞꠥꠡꠘꠣꠞꠣ ꠀꠟꠤ