ꠀꠟꠤ ꠀꠝꠎꠣꠖꠞ ꠊꠠꠤ
ꠀꠟꠤ ꠀꠝꠎꠣꠖꠞ ꠊꠠꠤ ꠅꠁꠟ ꠛꠣꠋꠟꠣꠖꠦꠡꠞ ꠡꠛꠌꠣꠁꠔꠦ ꠚꠥꠞꠣꠘꠣ ꠊꠠꠤꠞ ꠐꠣꠅꠀꠞ⁕ ꠍꠤꠟꠐꠞ ꠛꠘ꠆ꠖꠞꠛꠣꠎꠣꠞ ꠡꠥꠞꠝꠣ ꠉꠣꠋꠉꠞ ꠚꠣꠠ, ꠚꠥꠞꠣꠘ ꠚꠥꠟꠞ ꠔꠟꠦ ꠁ ꠊꠠꠤꠞ ꠊꠞ⁕ ꠍꠤꠟꠐꠞ ꠝꠣꠘꠡꠦ ꠁ ꠀꠟꠤ ꠀꠝꠎꠣꠖꠞ ꠊꠠꠤꠞꠦ "ꠊꠠꠤ ꠊꠞ" ꠅ ꠈꠁꠘ⁕ ꠄꠈꠡꠝꠄ ꠁ ꠊꠠꠤꠞ ꠊꠘ꠆ꠐꠣꠞ ꠒꠣꠈ ꠀꠍꠔꠣ ꠍꠤꠟꠐ ꠐꠣꠃꠘ ꠕꠣꠇꠤ ꠢꠥꠘꠣ ꠎꠣꠁꠔ⁕ ꠍꠤꠟꠐ ꠟꠁꠀ ꠡꠛꠌꠦꠄ ꠘꠣꠝꠈꠞꠣ ꠍꠤꠟꠈ ꠅ ꠁ ꠊꠠꠤ ꠊꠞꠞ ꠈꠔꠣ ꠈꠅꠀ ꠅꠁꠍꠦ,
"ꠍꠣꠖꠘꠤ ꠊꠣꠐꠞ ꠍꠤꠠꠤ,
ꠀꠟꠤ ꠀꠝꠎꠣꠖꠞ ꠊꠠꠤ,
ꠛꠋꠇꠥ ꠛꠣꠛꠥꠞ ꠖꠣꠠꠤ,
ꠎꠤꠔꠥ ꠝꠤꠀꠞ ꠛꠣꠠꠤ"
ꠀꠟꠤ ꠀꠝꠎꠣꠖꠞ ꠛꠣꠚ, ꠘꠛꠣꠛ ꠝꠃꠟꠜꠤ ꠀꠟꠤ ꠀꠢꠝꠣꠖ ꠈꠣꠘ ꠄ ꠁ ꠊꠠꠤꠊꠞ ꠛꠣꠘꠣꠁꠍꠁꠘ ১৮৭২ ꠡꠣꠟ⁕ ꠘꠛꠣꠛ ꠀꠟꠤ ꠀꠢꠝꠖ ꠈꠣꠘ ꠀꠍꠟꠣ ꠝꠃꠟꠤꠛꠣꠎꠣꠞꠞ ꠇꠥꠟꠣꠃꠠꠣꠞ ꠙ꠆ꠞꠤꠕꠤꠝꠙꠣꠡꠣꠞ ৮ ꠘꠝ꠆ꠛꠞ ꠘꠛꠣꠛ⁕
ꠡꠋꠉ꠆ꠞꠣꠝ ꠍꠟꠣꠈꠣꠟꠤꠘ ꠙꠣꠇꠤꠍꠔꠣꠘꠤ ꠛꠣꠢꠤꠘꠤ ꠄ ꠛꠧꠝ ꠝꠣꠞꠤ ꠊꠠꠤ ꠊꠞ ꠅꠞ ꠛꠣꠇ꠆ꠇꠣ ꠈꠔꠤ ꠈꠞꠤꠟꠣꠄ⁕ ꠡꠣꠖꠤꠘ ꠅꠀꠞ ꠛꠣꠖꠦ ꠍꠤꠟꠐ ꠙꠧꠃꠞꠡꠜꠣ ꠊꠠꠤ ꠝꠦꠞꠣꠝꠔ ꠈꠞꠤꠀ ꠍꠣꠟꠥ ꠈꠞꠟꠦꠅ ꠈꠄꠖꠤꠘ ꠛꠣꠖꠦ ꠀꠛꠣꠞ ꠛꠘ꠆ꠗ ꠅꠁ ꠉꠦꠍꠟ⁕ ১৯৮৭ ꠡꠣꠟ ꠀꠛꠣꠞ ꠝꠦꠞꠣꠝꠔ ꠈꠞ ꠅꠄ ꠁ ꠡꠝꠄ ꠊꠠꠤ ꠍꠣꠟꠥ ꠞꠣꠈꠣꠞ ꠟꠣꠉꠤ ꠞꠤꠝꠧꠐ ꠇꠘ꠆ꠐ꠆ꠞꠧꠟ ꠞ ꠛꠦꠛꠍꠔꠣ ꠈꠞꠣ ꠅꠄ⁕ ꠇꠤꠘ꠆ꠔꠥ ꠢꠃ ꠀꠛꠣꠞ ২ ꠛꠍꠞ ꠛꠣꠖꠦ ꠘꠡ꠆ꠐ ꠅꠁꠎꠤꠔ⁕ ꠄꠞꠛꠣꠖꠦ ꠍꠤꠎꠣꠘ ꠇꠧꠝ꠆ꠙꠣꠘꠤ ꠖꠤ ꠁꠟꠦꠇꠐ꠆ꠞꠘꠤꠇ ꠍꠤꠡ꠆ꠐꠦꠝ ꠈꠞꠣꠁꠀ ꠊꠠꠤ ꠀꠛꠣꠞ ꠍꠣꠟꠥ ꠈꠞꠣ ꠅꠄ ꠇꠤꠘ꠆ꠔꠥ ꠄꠞꠛꠣꠖꠦ ꠀꠛꠣꠞꠅ ꠛꠘ꠆ꠗ ꠅꠄ⁕ ২০১১ ꠡꠣꠟ ꠍꠤꠟꠦꠐ ꠍꠤꠐꠤ ꠇꠞ꠆ꠙꠧꠞꠦꠡꠘ ꠄ ꠢꠤꠞꠛꠣꠞ ꠑꠤꠇ ꠇꠞꠣꠘꠤꠞ ꠛꠣꠖ ꠔꠘꠦ ꠀꠛ ꠗꠞꠤ ꠍꠟꠦꠞ⁕
ꠟꠥꠀꠞ ꠇꠥꠐꠤꠞ ꠃꠚꠞꠦ ꠐꠤꠘ ꠖꠤꠀ ꠃꠍꠣ ꠉꠝ꠆ꠛꠥꠎ ꠅꠞ ꠟꠣꠈꠣꠘ ꠘꠇꠡꠣꠄ ꠛꠣꠘꠣꠘꠤ ꠅꠁꠍꠦ⁕ ꠚꠥꠞꠣ ꠐꠣꠅꠀꠞ ꠟꠣꠝ꠆ꠛꠣꠄ ৭.৪ ꠝꠤꠐꠣꠞ (২৪.৩ ꠚꠥꠐ) ꠀꠞ ꠙ꠆ꠞꠡ꠆ꠕꠦ ৫.১ ꠝꠤꠐꠣꠞ (১৬.৭ ꠚꠥꠐ)⁕ ꠊꠠꠤꠞ ꠒꠣꠄꠀꠝꠤꠐꠣꠞ ꠀꠠꠣꠁ ꠚꠥꠐ ꠀꠞ ꠊꠠꠤꠞ ꠈꠣꠐꠣ ২ ꠚꠥꠐ ꠟꠣꠝ꠆ꠛꠣ⁕