ꠍꠣꠟꠝꠣꠘ ꠡꠣꠢ
| সালমান শাহ | |
| thumb|ꠍꠣꠟꠝꠣꠘ ꠡꠣꠢ ꠍꠣꠟꠝꠣꠘ ꠡꠣꠢ | |
| ꠎꠘ꠆ꠝꠦꠞ ꠘꠣꠝ | ꠌꠃꠗꠥꠞꠤ ꠝꠥꠢꠝ꠆ꠝꠖ ꠡꠣꠢꠞꠤꠀꠞ |
|---|---|
| ꠎꠘ꠆ꠝ | ১৯ ꠡꠦꠙ꠆ꠐꠦꠝ꠆ꠛꠞ, ১৯৭১ |
| ꠎꠘ꠆ꠝꠦꠞ ꠎꠣꠉꠣ | ꠖꠣꠠꠤꠀ ꠙꠣꠠꠣ, ꠍꠤꠟꠐ, ꠛꠣꠋꠟꠣꠖꠦꠡ |
| ꠝꠤꠔ꠆ꠔꠥ | ৬ ꠡꠦꠙ꠆ꠐꠦꠝ꠆ꠛꠞ, ১৯৯৬ (ꠛꠄꠡ ২৫) |
| ꠝꠤꠔ꠆ꠔꠥꠞ ꠎꠣꠉꠣ | ꠁꠍ꠆ꠇꠣꠐꠘ ꠙ꠆ꠟꠣꠎꠣ, ꠑꠣꠇꠣ, ꠛꠣꠋꠟꠣꠖꠦꠡ |
| ꠝꠣꠎꠣꠞ | ꠡꠣꠢ ꠎꠣꠟꠣꠟ (ꠞ.) ꠝꠣꠎꠣꠞꠧꠞ ꠀꠋꠉꠤꠘꠣ, ꠍꠤꠟꠐ |
| ꠙꠦꠡꠣ | ꠝꠒꠦꠟ, ꠅꠜꠤꠘꠦꠔꠣ, ꠉꠣꠄꠇ |
| ꠛꠤꠛꠤ | ꠍꠣꠝꠤꠞꠣ ꠢꠇ (ꠛꠤ. ১৯৯২) |
ꠍꠣꠟꠝꠣꠘ ꠡꠣꠢ (১৯ ꠡꠦꠙ꠆ꠐꠦꠝ꠆ꠛꠞ ১৯৭১ - ৬ ꠡꠦꠙ꠆ꠐꠦꠝ꠆ꠛꠞ ১৯৯৬) ꠀꠍꠟꠣ ꠄꠇꠎꠘ ꠛꠣꠋꠟꠣꠖꠦꠡꠤ ꠅꠜꠤꠘꠦꠔꠣ ꠀꠞ ꠝꠒꠦꠟ। ꠔꠣꠞꠦ ꠛꠣꠋꠟꠣꠖꠦꠡꠞ ꠍꠟꠌ꠆ꠌꠤꠔ꠆ꠞꠧꠞ ꠁꠔꠤꠀꠡꠧꠞ ꠡꠛꠌꠦ ꠙ꠆ꠞꠔꠤꠜꠣꠛꠣꠘ, ꠎꠘꠙ꠆ꠞꠤꠅ, ꠡꠚꠟ ꠀꠞ ꠇꠤꠋꠛꠖꠘ꠆ꠔꠤ ꠛꠦꠇ꠆ꠔꠤꠔ꠆ꠔ ꠢꠤꠡꠣꠛꠦ ꠝꠘꠧ ꠇꠞꠣ ꠅꠄ। ꠔꠣꠞ ꠀꠍꠟ ꠘꠣꠝ ''ꠌꠃꠗꠥꠞꠤ ꠝꠥꠢꠝ꠆ꠝꠖ ꠡꠣꠢꠞꠤꠀꠞ ꠁꠝꠘ"। ꠉꠘꠝꠣꠖ꠆ꠖꠦꠝ ꠔꠣꠞꠦ "ꠛꠣꠋꠟꠣꠖꠦꠡꠞ ꠍꠟꠌ꠆ꠌꠤꠔ꠆ꠞ ꠎꠉꠔꠧꠞ ꠞꠣꠎꠙꠥꠔ꠆ꠞ", "ꠘꠣꠄꠇꠘꠔꠣꠁꠘ'র ꠘꠣꠄꠇ", "ꠀꠗꠥꠘꠤꠇ ꠑꠣꠟꠤꠃꠒꠧꠞ ꠙꠄꠟꠣ ꠍꠥꠙꠣꠞꠡ꠆ꠐꠣꠞ", "ꠅꠝꠞ ꠝꠢꠣꠘꠣꠄꠇ" ꠀꠞ "ꠡꠚꠘꠧꠞ ꠘꠣꠄꠇ" ꠃꠙꠣꠗꠤꠔ ꠒꠣꠇꠣ ꠅꠄ। ꠑꠦꠟꠤꠜꠤꠡꠘ ꠘꠣꠐꠇ ꠖꠤꠀ ꠔꠣꠞ ꠅꠜꠤꠘꠄ ꠎꠤꠛꠘ ꠡꠥꠞꠥ ꠅꠁꠟꠦꠅ ১৯৯০ ꠞ ꠖꠡꠇꠧ ꠔꠣꠁꠘ ꠍꠟꠌ꠆ꠌꠤꠔ꠆ꠞꠧ ꠡꠛꠌꠦ ꠎꠘꠙ꠆ꠞꠤꠅ ꠡꠤꠟ꠆ꠙꠤ ꠅꠁꠘ। ১৯৯৩ ꠡꠣꠟꠧ ꠔꠣꠞ ꠅꠜꠤꠘꠤꠔ ꠙꠄꠟꠣ ꠍꠟꠌ꠆ꠌꠤꠔ꠆ꠞ ꠍꠥꠢꠣꠘꠥꠞ ꠞꠢꠝꠣꠘ ꠍꠥꠢꠣꠘ ꠙꠞꠤꠌꠣꠟꠤꠔ ꠇꠦꠀꠝꠔ ꠕꠣꠇꠤ ꠇꠦꠀꠝꠔ ꠝꠥꠇ꠆ꠔꠤ ꠙꠣꠄ। ꠅꠃ ꠍꠥꠛꠤꠔꠦ ꠘꠣꠁꠇꠣ ꠝꠃꠍꠥꠝꠤ ꠀꠞ ꠉꠣꠄꠇ ꠀꠉꠥꠘꠧꠞ ꠅꠜꠤꠡꠦꠇ ꠅꠄ। ꠡꠣꠠꠦ ꠔꠤꠘ ꠛꠍꠞꠧꠞ ꠝꠣꠔꠤꠘ ꠇꠝ ꠡꠝꠄꠞ ꠇꠦꠞꠤꠀꠞꠧ ꠔꠣꠁꠘ ꠝꠥꠑ ২৭ꠐꠣ ꠍꠟꠌ꠆ꠌꠤꠔ꠆ꠞꠧ ꠅꠜꠤꠘꠄ ꠇꠞꠂꠘ ꠎꠣꠞ ꠛꠦꠡꠤꠞꠜꠣꠉ'ꠁ ꠀꠍꠟ ꠛꠦꠛꠡꠣꠡꠚꠟ। ꠎꠘꠙ꠆ꠞꠤꠅ ꠁ ꠘꠣꠄꠇ ꠘꠛ꠆ꠛꠁꠞ ꠖꠡꠇꠧꠞ ꠛꠣꠋꠟꠣꠖꠦꠡꠧ ꠡꠣꠠꠣ ꠎꠣꠉꠣꠁꠟ ꠛꠃꠔ ꠍꠟꠌ꠆ꠌꠤꠔ꠆ꠞ ꠎꠦꠝꠟꠣ ꠛꠤꠇ꠆ꠇꠥꠜ, ꠡꠥꠎꠘ ꠡꠈꠤ, ꠇꠘ꠆ꠘꠣꠖꠣꠘ, ꠡꠚꠘꠧꠞ ꠑꠤꠇꠣꠘꠣ, ꠝꠣ'ꠞ ꠅꠗꠤꠇꠣꠞ, ꠁ ꠊꠞ ꠁ ꠡꠋꠡꠣꠞ, ꠡꠁꠔ꠆ꠔꠧꠞ ꠝꠤꠔ꠆ꠔꠥ ꠘꠣꠁ, ꠀꠘꠘ꠆ꠖ ꠅꠡ꠆ꠞꠥ ꠁꠔ꠆ꠔꠣꠖꠤ ꠔꠦ ꠅꠜꠤꠘꠄ ꠇꠞꠤ ꠖꠦꠡꠧꠞ ꠡꠤꠞ꠆ꠡ ꠔꠣꠞꠇꠣ ꠅꠁꠘ। ꠔꠣꠁꠘ ꠙꠣꠞꠤꠛꠣꠞꠤꠇ ꠉꠟ꠆ꠙ, ꠇꠝꠦꠒꠤ, ꠡꠣꠝꠣꠎꠤꠇ ꠀꠞ ꠞꠣꠎꠘꠁꠔꠤꠇ ꠉꠟ꠆ꠙ, ꠄꠇ꠆ꠡꠘꠗꠞ꠆ꠝꠤ ꠍꠟꠌ꠆ꠌꠤꠔ꠆ꠞ, ꠉ꠆ꠞꠣꠝꠤꠘ ꠙꠐꠜꠥꠝꠤꠔ ꠛꠣꠘꠣꠁꠟ ꠉꠟ꠆ꠙ, ꠀꠉꠣꠝꠤ ꠎꠥꠉꠧꠞ ꠉꠟ꠆ꠙ, ꠞꠥꠝꠣꠘ꠆ꠍ ꠀꠞ ꠑ꠆ꠞꠦꠎꠦꠒꠤꠞ ꠝꠣꠔꠤꠘ ꠛꠤꠜꠤꠘ꠆ꠘ ꠗꠞꠘꠧꠞ ꠍꠟꠌ꠆ꠌꠤꠔ꠆ꠞꠧ ꠅꠜꠤꠘꠄ ꠇꠞꠍꠂꠘ। ꠔꠣꠞ ꠅꠜꠤꠘꠄ ꠖꠇ꠆ꠇꠔꠣ, ꠅꠜꠥꠔꠙꠥꠞ꠆ꠛ ꠡꠚꠟꠔꠣ, ꠛꠣꠠꠤ ꠎꠣꠅꠀ ꠎꠘꠙ꠆ꠞꠤꠅꠔꠣ, ꠇꠣꠟꠎꠁ ꠙ꠆ꠞꠜꠣꠛ, ꠇꠦꠄꠔꠤꠞ ꠛꠤꠍ꠆ꠔꠣꠞ ꠅꠞ ꠇꠣꠞꠘꠦ ꠔꠣꠞꠦ ꠛꠣꠋꠟꠣꠖꠦꠡꠞ ꠍꠟꠌ꠆ꠌꠤꠔ꠆ꠞꠧꠞ ꠁꠔꠤꠀꠡꠧꠞ ꠡꠛꠌꠦ ꠡ꠆ꠞꠦꠡ꠆ꠑ, ꠙ꠆ꠞꠜꠣꠛꠡꠣꠟꠤ ꠀꠞ ꠎꠘꠙ꠆ꠞꠤꠅ ꠅꠜꠤꠘꠦꠔꠣꠞ ꠕꠦꠔꠣꠛ ꠖꠦꠅꠀ ꠅꠄ। ꠇꠦꠄꠔꠤꠞ ꠡꠤꠞ꠆ꠡꠧ ꠕꠣꠇꠣꠞ ꠡꠝꠄ ꠔꠣꠁꠘ ১৯৯৬ ꠡꠣꠟꠧꠞ ৬ ꠡꠦꠙ꠆ꠐꠦꠝ꠆ꠛꠞ ꠞꠢꠡ꠆ꠡꠎꠘꠇꠜꠣꠛꠦ ꠝꠤꠔ꠆ꠔꠥꠛꠞꠘ ꠇꠞꠂꠘ।
ꠍꠣꠟꠝꠣꠘ ꠡꠣꠢꠞ ꠎꠘ꠆ꠝ ১৯৭১ ꠡꠣꠟꠧ ১৯ ꠡꠦꠙ꠆ꠐꠦꠝ꠆ꠛꠞ ꠛꠣꠋꠟꠣꠖꠦꠡꠞ ꠍꠤꠟꠐ ꠡꠢꠞꠧ ꠖꠣꠠꠤꠀ ꠙꠣꠠꠣꠔ ꠔꠣꠞ ꠘꠣꠘꠣꠞ ꠛꠣꠠꠤ ꠀꠛ ꠄ ꠢꠣꠁꠀꠔ ꠜꠛꠘꠧ, ꠎꠣꠐꠣ ꠄꠈꠘ ꠍꠣꠟꠝꠣꠘ ꠡꠣꠢ ꠜꠛꠘ ꠢꠤꠡꠣꠛꠦ ꠙꠞꠤꠌꠤꠔ। ꠔꠣꠞ ꠛꠣꠙ ꠇꠝꠞ ꠃꠖ꠆ꠖꠤꠘ ꠌꠃꠗꠥꠞꠤ ꠀꠞ ꠝꠣ ꠘꠤꠟꠣ ꠌꠃꠗꠥꠞꠤ। ꠔꠣꠁꠘ ꠙꠞꠤꠛꠣꠞꠧꠞ ꠛꠠ ꠙꠥꠀ ꠀꠍꠟꠣ। ꠔꠣꠞ ꠎꠘ꠆ꠝꠞ ꠘꠣꠝ ꠡꠣꠢꠞꠤꠀꠞ ꠌꠃꠗꠥꠞꠤ ꠁꠝꠘ ꠅꠁꠟꠦꠅ, ꠍꠟꠌ꠆ꠌꠤꠔ꠆ꠞ ꠎꠤꠛꠘꠧ ꠔꠣꠁꠘ ꠢꠇꠟꠞ ꠇꠣꠍꠦ ꠍꠣꠟꠝꠣꠘ ꠡꠣꠢ ꠘꠣꠝꠧ'ꠁ ꠙꠞꠤꠌꠤꠔ ꠀꠍꠟꠣ।
ꠍꠣꠟꠝꠣꠘ ꠙꠠꠣꠡꠥꠘꠣ ꠇꠞꠂꠘ ꠈꠥꠟꠘꠣꠞ ꠛꠄꠞꠣ ꠝꠒꠦꠟ ꠢꠣꠁꠍ꠆ꠇꠥꠟꠧ। ꠅꠃ ꠁꠍ꠆ꠇꠥꠟꠧ ꠌꠤꠔ꠆ꠞꠘꠣꠁꠇꠣ ꠝꠃꠍꠥꠝꠤ ꠔꠣꠞ ꠡꠢꠙꠣꠑꠤ ꠀꠍꠟꠣ। ১৯৮৭ ꠡꠣꠟꠧ ꠔꠣꠁꠘ ꠑꠣꠇꠣꠞ ꠗꠣꠘꠝꠘ꠆ꠒꠤ ꠀꠞꠛ ꠝꠤꠡꠘ ꠁꠍ꠆ꠇꠥꠟ ꠕꠣꠇꠤ ꠝꠦꠐ꠆ꠞꠤꠇ ꠙꠣꠡ ꠇꠞꠂꠘ। ꠙꠞꠦ ꠀꠖꠝꠎꠤ ꠇꠦꠘ꠆ꠐꠘꠝꠦꠘ꠆ꠐ ꠇꠟꠦꠎ ꠕꠣꠇꠤ ꠁꠘ꠆ꠐꠣꠞꠝꠤꠒꠤꠄꠑ ꠀꠞ ꠗꠣꠘꠝꠘ꠆ꠒꠤꠞ ꠝꠣꠟꠦꠇꠣ ꠍꠣꠄꠘ꠆ꠍ ꠇꠟꠦꠎ (ꠀꠁꠎꠇꠣꠞ ꠒꠇ꠆ꠐꠞ ꠝꠣꠟꠤꠇꠣ ꠛꠤꠡ꠆ꠡꠛꠤꠖ꠆ꠖꠣꠟꠄ ꠇꠟꠦꠎ) ꠕꠣꠇꠤ ꠛꠤ.ꠇꠝ. ꠙꠣꠡ ꠇꠞꠂꠘ।
ꠍꠣꠟꠝꠣꠘ ꠡꠣꠢ ১২ ꠀꠉꠡ꠆ꠐ ১৯৯২ ꠔꠣꠞ ꠈꠣꠟꠣꠞ ꠛꠣꠘ꠆ꠗꠛꠤꠞ ꠏꠠꠤ ꠍꠣꠝꠤꠞꠣ ꠢꠇꠞꠦ ꠛꠤꠀ ꠇꠞꠂꠘ। ꠍꠣꠝꠤꠞꠣ ꠢꠇ ꠄꠇꠎꠘ ꠛꠤꠃꠑꠤ ꠙꠣꠞ꠆ꠟꠣꠞ ꠛꠦꠛꠡꠣꠁ ꠀꠍꠟꠣ। ꠔꠣꠁꠘ ꠍꠣꠟꠝꠣꠘꠧꠞ ꠖꠥꠐꠣ ꠍꠟꠌ꠆ꠌꠤꠔ꠆ꠞꠧ ꠔꠣꠞ ꠇꠣꠙꠠ-ꠌꠥꠙꠠꠧꠞ ꠙꠞꠤꠇꠟ꠆ꠙꠘꠣꠇꠣꠞꠤ ꠢꠤꠡꠣꠛꠦ ꠇꠣꠝ ꠇꠞꠂꠘ। ꠍꠣꠟꠝꠣꠘ ꠘꠤত্যানୂত্য ꠡꠋꠉꠤꠔ, ꠚꠦꠡꠘ ꠀꠞ ꠝꠐꠞꠍꠣꠁꠇꠦꠟ ꠀꠞ ꠉꠣꠠꠤꠞ ꠙ꠆ꠞꠔꠤ ꠡꠃꠈꠤꠘ ꠀꠍꠟꠣ। ꠁꠘ꠆ꠒꠣꠍ꠆ꠑ꠆ꠞꠤꠔ ꠔꠣꠞ ꠡꠢꠇꠞ꠆ꠝꠤꠘꠔꠣꠁꠘ ꠢꠇꠟꠞ ꠙ꠆ꠞꠔꠤ ꠔꠣꠞ ꠛꠘ꠆ꠗꠥꠔ꠆ꠔꠙꠥꠞ꠆ꠘ ꠛꠦꠛꠀꠞ, ꠢꠤꠖꠄꠉ꠆ꠞꠣꠢꠤ ꠝꠘꠧꠜꠣꠛ ꠀꠞ ꠡꠢꠣꠄꠔꠣꠙꠥꠞ꠆ꠘ ꠀꠌꠞꠘꠧꠞ ꠇꠔꠣ ꠇꠁꠍꠂꠘ। ꠍꠣꠟꠝꠣꠘ ꠡꠣꠢ ꠅꠞ ꠟꠉꠦ ꠜꠣꠞꠔꠤꠅ ꠅꠜꠤꠘꠦꠔꠣ ꠡꠣꠢꠞꠥꠈ ꠈꠣꠘ ꠅꠞ ꠛꠃꠔ ꠜꠣꠟꠣ ꠡꠝ꠆ꠙꠞꠇ ꠀꠍꠟ ꠀꠞ ১৯৯৫ ꠡꠣꠟꠧ ꠔꠣꠁꠘ ꠡꠣꠢꠞꠥꠈꠧꠞ ꠝꠥꠝ꠆ꠛꠣꠁꠞ ꠛꠣꠠꠤꠔ ꠉꠦꠍꠟꠣ।
ꠍꠣꠟꠝꠣꠘ ꠡꠣꠢ ꠙꠄꠟꠣꠛꠣꠞ ১৯৮৬ ꠡꠣꠟꠧ ꠙꠣꠛꠟꠤꠇ ꠑꠦꠟꠤꠜꠤꠡꠘ ꠛꠤꠑꠤꠜꠤꠔ ꠢꠣꠘꠤꠚ ꠡꠋꠇꠦꠔ ꠅꠞ ꠝꠦꠉꠣꠎꠤꠘ ꠅꠘꠥꠡ꠆ꠑꠣꠘ ꠁꠔ꠆ꠔꠣꠖꠤ-ꠞ ꠟꠣꠉꠤ ꠄꠇꠐꠣ ꠝꠤꠃꠎꠤꠇ ꠜꠤꠒꠤꠅꠞ ꠝꠒꠦꠟ ꠢꠤꠡꠣꠛꠦ ꠙꠞ꠆ꠖꠣꠔ ꠀꠁꠍꠟꠣ। ꠙꠞꠦ ꠔꠣꠁꠘ ꠇꠄꠇꠐꠣ ꠑꠤꠜꠤ ꠛꠤꠉ꠆ꠉꠣꠙꠘꠧ ꠇꠣꠝ ꠇꠞꠂꠘ ꠀꠞ ꠛꠤꠜꠤꠘ꠆ꠘ ꠡ꠆ꠑꠦꠎ ꠡ'ꠔ ꠝꠒꠦꠟ ꠢꠤꠡꠣꠛꠦ ꠅꠋꠡꠉ꠆ꠞꠢꠘ ꠇꠞꠂꠘ।
ꠍꠣꠟꠝꠣꠘ ১৯৮৫ ꠡꠣꠟꠧ ꠛꠤꠑꠤꠜꠤꠞ ꠀꠇꠣꠡ ꠍꠥꠀ ꠘꠣꠐꠇ ꠖꠤꠀ ꠅꠜꠤꠘꠄꠞ ꠎꠣꠔ꠆ꠞꠣ ꠡꠥꠞꠥ ꠇꠞꠂꠘ। ꠙꠞꠦ ꠖꠦꠀꠟ (১৯৮৫), ꠡꠛ ꠙꠣꠈꠤ ꠊꠞꠧ ꠚꠤꠞꠦ (১৯৮৫), ꠡꠁꠇꠔꠦ ꠡꠣꠞꠡ (১৯৮৮), ꠘꠄꠘ (১৯৯৫), ꠡꠚꠘꠧꠞ ꠙꠤꠃꠁꠛꠤ (১৯৯৬) ꠘꠣꠐꠇꠧ ꠅꠜꠤꠘꠄ ꠇꠞꠂꠘ। ꠘꠄꠘ ꠘꠣꠐꠇꠐꠣ ꠅꠃ ꠛꠍꠞ ꠡ꠆ꠞꠦꠡ꠆ꠑ ꠄꠇꠇ ꠘꠣꠐꠇ ꠢꠤꠡꠣꠛꠦ ꠛꠣꠌꠡꠣꠍ ꠙꠥꠞꠍ꠆ꠇꠣꠞ ꠟꠣꠜ ꠇꠞꠦ। ꠁꠔꠣ ꠍꠣꠠꠣꠅ ꠔꠣꠁꠘ ১৯৯০ ꠡꠣꠟꠧ ꠝꠁꠘꠥꠟ ꠀꠢꠡꠣꠘ ꠍꠣꠛꠦꠞ ꠞꠌꠤꠔ ꠃꠙꠘ꠆ꠘꠣꠡ ꠅꠘꠥꠎꠣꠁ ꠛꠣꠘꠣꠁꠟ ꠙꠣꠕꠞ ꠡꠝꠄ ꠀꠞ ১৯৯৪ ꠡꠣꠟꠧ ꠁꠔꠤꠇꠕꠣ ꠗꠣꠞꠣꠛꠣꠢꠤꠇ ꠘꠣꠐꠇꠧ ꠅꠜꠤꠘꠄ ꠇꠞꠂꠘ।
ꠝꠡꠢꠥꠞ ꠍꠟꠌ꠆ꠌꠤꠔ꠆ꠞ ꠙꠞꠤꠌꠣꠟꠇ ꠍꠥꠢꠣꠘꠥꠞ ꠞꠢꠝꠣꠘ ꠍꠥꠢꠣꠘꠧꠞ ꠢꠣꠔ ꠖꠞꠤ ꠍꠣꠟꠝꠣꠘ ꠡꠣꠢ ꠍꠟꠌ꠆ꠌꠤꠔ꠆ꠞꠧ ꠅꠜꠤꠘꠄ ꠇꠞꠣꠞ ꠡꠥꠎꠥꠉ ꠙꠣꠁꠘ। ꠙ꠆ꠞꠎꠥꠎꠘꠣ ꠙ꠆ꠞꠔꠤꠡ꠆ꠑꠣꠘ ꠀꠘꠘ꠆ꠖ ꠝꠦꠟꠣ ꠔꠤꠘꠐꠣ ꠢꠤꠘ꠆ꠖꠤ ꠍꠥꠛꠤ ꠍꠘꠝ ꠛꠦꠅꠄꠣꠚꠣ, ꠖꠤꠟ ꠀꠞ ꠇꠦꠀꠝꠔ ꠍꠦ ꠇꠦꠀꠝꠔ ꠔꠇ ꠅꠞ ꠢꠇ ꠘꠤꠀ ꠍꠥꠢꠣꠘꠧꠞ ꠇꠣꠍꠦ ꠀꠄ ꠁꠞ ꠎꠦ-ꠇꠥꠘꠥ ꠄꠇꠐꠣꠞ ꠛꠣꠋꠟꠣ ꠞꠤꠝꠦꠇ ꠇꠞꠣꠞ ꠟꠣꠉꠤ। ꠇꠤꠘ꠆ꠔꠥ ꠔꠣꠁꠘ ꠅꠃ ꠍꠥꠛꠤꠅꠈꠟꠞ ꠟꠣꠉꠤ ꠎꠥꠉ꠆ꠉ ꠘꠣꠄꠇ-ꠘꠣꠁꠇꠣ ꠙꠣꠁꠒꠦ ꠘꠣ ꠙꠣꠞꠤ ꠄꠇꠖꠝ ꠘꠔꠥꠘ ꠝꠥꠈ ꠖꠤꠀ ꠍꠥꠛꠤ ꠛꠣꠘꠣꠘꠤꠞ ꠍꠤꠖ꠆ꠗꠣꠘ꠆ꠔ ꠘꠦꠁꠘ। ꠘꠣꠁꠇꠣ ꠢꠤꠡꠣꠛꠦ ꠝꠃꠍꠥꠝꠤꠞꠦ ꠛꠣꠍꠣꠁ ꠇꠞꠟꠦꠅ ꠘꠣꠄꠇ ꠙꠣꠁꠞꠣ ꠘꠣ। ꠔꠈꠘ ꠘꠣꠄꠇ ꠀꠟꠝꠉꠤꠞꠧꠞ ꠀꠉꠞ ꠛꠤꠛꠤ ꠈꠥꠡꠘꠥꠞ ꠀꠟꠝꠉꠤꠞ 'ꠁꠝꠘ' ꠘꠣꠝꠧ ꠄꠇꠐꠣ ꠙꠥꠀꠞ ꠍꠘ꠆ꠖꠣꠘ ꠖꠦꠁꠘ। ꠙꠄꠟꠣ ꠖꠦꠈꠣꠔꠦ'ꠁ ꠔꠣꠞꠦ ꠙꠍꠘ꠆ꠖ ꠇꠞꠤꠟꠣꠁꠘ ꠙꠞꠤꠌꠣꠟꠇ ꠀꠞ ꠍꠘꠝ ꠛꠦꠅꠄꠣꠚꠣ ꠍꠥꠛꠤꠞ ꠟꠣꠉꠤ ꠙ꠆ꠞꠍ꠆ꠔꠣꠛ ꠖꠦꠁꠘ, ꠇꠤꠘ꠆ꠔꠥ ꠎꠈꠘ ꠁꠝꠘ 'ꠇꠦꠀꠝꠔ ꠍꠦ ꠇꠦꠀꠝꠔ ꠔꠇ' ꠍꠥꠛꠤꠞ ꠇꠔꠣ ꠎꠣꠘꠔꠣ ꠙꠣꠞꠂꠘ ꠔꠈꠘ ꠔꠣꠁꠘ ꠅꠃ ꠍꠥꠛꠤꠔ ꠅꠜꠤꠘꠄꠞ ꠟꠣꠉꠤ ꠎꠤꠖ ꠇꠞꠂꠘ। ꠔꠣꠞ ꠇꠣꠍꠦ ꠇꠦꠀꠝꠔ ꠍꠦ ꠇꠦꠀꠝꠔ ꠔꠇ ꠍꠥꠛꠤ ꠄꠔ ꠙ꠆ꠞꠤꠅ ꠀꠍꠟ ꠎꠦ ꠔꠣꠁꠘ ꠝꠥꠑ ২৬ ꠛꠣꠞ ꠍꠥꠛꠤꠐꠣ ꠖꠦꠈꠍꠂꠘ ꠇꠁꠀ ꠙꠞꠤꠌꠣꠟꠇꠞꠦ ꠎꠣꠘꠣꠁꠘ। ꠡꠦꠡ ꠙꠞ꠆ꠎꠘ꠆ꠔ ꠙꠞꠤꠌꠣꠟꠇ ꠍꠥꠢꠣꠘꠥꠞ ꠞꠢꠝꠣꠘ ꠔꠣꠞꠦ ꠘꠤꠀ ꠇꠦꠀꠝꠔ ꠕꠣꠇꠤ ꠇꠦꠀꠝꠔ ꠍꠟꠌ꠆ꠌꠤꠔ꠆ꠞꠐꠣ ꠛꠣꠘꠣꠘꠤꠞ ꠍꠤꠖ꠆ꠗꠣꠘ꠆ꠔ ꠘꠦꠁꠘ ꠀꠞ ꠁꠝꠘ ꠘꠣꠝ ꠛꠖꠟꠤ ꠍꠣꠟꠝꠣꠘ ꠡꠣꠢ ꠞꠣꠈꠣ ꠅꠄ। ꠙꠞꠦ ꠝꠃꠍꠥꠝꠤꠞ ꠛꠤꠙꠞꠤꠔꠦ ꠔꠣꠁꠘ ꠀꠞꠟꠣꠉ ꠔꠤꠘꠐꠣ ꠍꠟꠌ꠆ꠌꠤꠔ꠆ꠞꠧ ꠅꠜꠤꠘꠄ ꠇꠞꠂꠘ। ꠍꠥꠛꠤ ꠔꠤꠘꠐꠣ ꠅꠁꠟ ꠅꠘ꠆ꠔꠞꠧ ꠅꠘ꠆ꠔꠞꠧ (১৯৯৪), ꠍ꠆ꠘꠦꠢ (১৯৯৪) ꠀꠞ ꠖꠦꠘꠝꠢꠞ (১৯৯৫)।
ꠔꠣꠞ ꠖꠥꠁ ꠘꠝ꠆ꠛꠞ ꠍꠟꠌ꠆ꠌꠤꠔ꠆ꠞ ꠎꠢꠤꠞꠥꠟ ꠢꠇ ꠀꠞ ꠔꠝꠤꠎꠃꠖ꠆ꠖꠤꠘ ꠞꠤꠎꠜꠤ ꠙꠞꠤꠌꠣꠟꠤꠔ ꠔꠥꠝꠤ ꠀꠝꠣꠞ ꠍꠟꠌ꠆ꠌꠤꠔ꠆ꠞꠐꠣ ꠛꠦꠛꠡꠣꠡꠚꠟ ꠅꠄ। ꠙꠞꠤꠌꠣꠟꠇ ꠎꠢꠤꠞꠥꠟ ꠢꠇ ꠍꠟꠌ꠆ꠌꠤꠔ꠆ꠞꠐꠣꠞ ꠇꠤꠍꠥ ꠅꠋꠡ ꠛꠣꠘꠣꠘꠤꠞ ꠙꠞ ꠝꠣꠞꠣ ꠎꠣꠁꠘ। ꠙꠞꠦ ꠔꠝꠤꠎꠃꠖ꠆ꠖꠤꠘ ꠞꠤꠎꠜꠤ ꠛꠣꠇꠤ ꠇꠣꠝ ꠡꠦꠡ ꠇꠞꠂꠘ। ꠁ ꠍꠟꠌ꠆ꠌꠤꠔ꠆ꠞꠧ ꠙꠄꠟꠣꠛꠣꠞ ꠔꠣꠞ ꠛꠤꠙꠞꠤꠔꠦ ꠅꠜꠤꠘꠄ ꠇꠞꠂꠘ ꠡꠣꠛꠘꠥꠞ। ꠙꠞꠦ ꠔꠣꠞ ꠟꠉꠦ ꠎꠥꠑꠤ ꠛꠣꠘ꠆ꠗꠤ ꠄꠇꠦ ꠄꠇꠦ ꠡꠥꠎꠘ ꠡꠈꠤ (১৯৯৪), ꠛꠤꠇ꠆ꠇꠥꠜ (১৯৯৪), ꠡꠚꠘꠧꠞ ꠑꠤꠇꠣꠘꠣ (১৯৯৪), ꠝꠢꠣꠝꠤꠟꠘ (১৯৯৫), ꠛꠤꠌꠣꠞ ꠅꠁꠛ (১৯৯৬), ꠔꠥꠝꠣꠞꠦ ꠌꠣꠁ (১৯৯৬), ꠡꠚꠘꠧꠞ ꠙꠤꠃꠁꠛꠤ (১৯৯৬), ꠎꠤꠛꠘ ꠡꠋꠡꠣꠞ (১৯৯৬), ꠌꠣꠅꠀ ꠕꠣꠇꠤ ꠙꠣꠅꠀ (১৯৯৬), ꠙ꠆ꠞꠦꠝ ꠙꠤꠀꠍꠤ (১৯৯৭), ꠡꠚꠘꠧꠞ ꠘꠣꠄꠇ (১৯৯৭), ꠀꠘꠘ꠆ꠖ ꠅꠡ꠆ꠞꠥ (১৯৯৭), ꠛꠥꠇꠧꠞ ꠜꠤꠔꠞ ꠀꠉꠥꠘ (১৯৯৭) ꠡꠢ ꠝꠥꠑ ১৪ꠐꠣ ꠍꠥꠛꠤꠔ ꠅꠜꠤꠘꠄ ꠇꠞꠍꠂꠘ। ꠢꠇꠟ ꠍꠥꠛꠤ ꠛꠦꠛꠡꠣꠡꠚꠟ ꠅꠄ।
ꠍꠣꠟꠝꠣꠘ ꠡꠣꠢ ꠝꠣꠞꠣ ꠎꠣꠅꠀꠞ ꠀꠉꠦ ꠝꠘ ꠝꠣꠘꠦ ꠘꠣ ꠍꠥꠛꠤꠞ ৫০ ꠜꠣꠉ ꠇꠣꠝ ꠡꠦꠡ ꠇꠞꠔꠣ ꠙꠣꠞꠍꠟꠣ; ꠔꠣꠞ ꠝꠤꠔ꠆ꠔꠥꠞ ꠙꠞ ꠌꠤꠔ꠆ꠞꠘꠣꠄꠇ ꠞꠤꠀꠎꠞꠦ ꠖꠤꠀ ꠍꠥꠛꠤꠐꠣ ꠇꠞꠣꠘꠤ ꠅꠄ।
ꠍꠣꠟꠝꠣꠘ ꠡꠣꠢ ꠔꠣꠞ ꠅꠡꠣꠗꠣꠞꠘ ꠅꠜꠤꠘꠄ, ꠡꠥꠘ꠆ꠖꠞ ꠌꠦꠢꠣꠞꠣ, ꠀꠇꠞ꠆ꠡꠘꠤꠅ ꠛꠦꠇ꠆ꠔꠤꠔ꠆ꠔ ꠀꠞ ꠢꠇꠟꠞ ꠇꠣꠍꠦ ꠉ꠆ꠞꠢꠘꠎꠥꠉ꠆ꠉꠔꠣꠞ ꠟꠣꠉꠤ ꠛꠃꠔ ꠎꠘꠙ꠆ꠞꠤꠅ ꠀꠞ ꠙ꠆ꠞꠜꠣꠛꠡꠣꠟꠤ ꠀꠍꠟꠣ ꠎꠣ ꠔꠣꠞ ꠝꠤꠔ꠆ꠔꠥꠞ ꠙꠞꠦꠅ ꠛꠎꠣꠄ ꠀꠍꠦ। ꠔꠣꠞ ꠙꠦꠡꠣꠉꠔ ꠅꠞ꠆ꠎꠘ, ꠛꠦꠇ꠆ꠔꠤꠉꠔ ꠎꠤꠛꠘ, ꠡꠤꠟ꠆ꠙꠤ ꠡꠝ꠆ꠜꠣꠛꠘꠣ, ꠅꠇꠣꠟ ꠝꠤꠔ꠆ꠔꠥ ꠀꠞ ꠀꠇꠣꠡꠌꠥꠝ꠆ꠛꠤ ꠎꠘꠙ꠆ꠞꠤꠅꠔꠣ ꠢꠛ ꠡꠝꠄ ꠈꠛꠞꠧꠞ ꠝꠣꠖ꠆ꠖꠦꠝ ꠀꠟꠥꠌꠘꠣꠞ ꠛꠤꠡꠄ ꠅꠁꠀ ꠀꠁꠍꠦ। ꠍꠟꠌ꠆ꠌꠤꠔ꠆ꠞ ꠛꠤꠡꠦꠡꠉ꠆ꠉꠅꠈꠟꠦ ꠝꠘꠧ ꠇꠞꠂꠘ ꠎꠦ ꠔꠣꠞ ꠡꠣꠛꠟꠤꠟ ꠅꠜꠤꠘꠄ, ꠡꠣꠞꠤꠞꠤꠇ ꠜꠣꠡꠣ, ꠌꠞꠤꠔ꠆ꠞꠅꠈꠟꠞ ꠟꠉꠦ ꠝꠤꠟꠣꠁꠀ ꠇꠞꠣ ꠁꠡ꠆ꠑꠣꠁꠟ ꠀꠞ ꠚꠦꠡꠘ-ꠡꠌꠦꠔꠘꠔꠣ ꠀꠗꠥꠘꠤꠇꠔꠣꠞ ꠍꠥꠀꠔ ꠔꠣꠞ ꠡꠝꠄꠞ ꠌꠦꠅ ꠛꠃꠔ ꠀꠉꠣꠁꠟ ꠀꠍꠟ। ꠡꠣꠇꠤꠛ ꠈꠣꠘ, ꠀꠞꠤꠚꠤꠘ ꠡꠥꠜ, ꠡꠞꠤꠚꠥꠟ ꠞꠣꠎ, ꠍꠤꠀꠝ ꠀꠢꠝꠦꠖ ꠀꠞ ꠘꠤꠞꠛ ꠢꠥꠍꠦꠘ ꠡꠢ ꠇꠄꠇꠎꠘ ꠍꠟꠌ꠆ꠌꠤꠔ꠆ꠞ ꠅꠜꠤꠘꠦꠔꠣ ꠍꠣꠟꠝꠣꠘꠞꠦ ꠛꠣꠋꠟꠣ ꠍꠟꠌ꠆ꠌꠤꠔ꠆ꠞꠧꠞ ꠡꠛꠌꠦ ꠡ꠆ꠞꠦꠡ꠆ꠑ ꠘꠣꠄꠇ, ꠚꠦꠡꠘ ꠀꠁꠇꠘ ꠀꠞ ꠅꠜꠤꠘꠄꠞ ꠙ꠆ꠞꠦꠞꠘꠣ ꠢꠤꠡꠣꠛꠦ ꠃꠟ꠆ꠟꠦꠈ ꠇꠞꠍꠂꠘ। ꠅꠔꠣꠞ ꠟꠣꠉꠤ ꠈꠛꠞꠧꠞ ꠝꠣꠖ꠆ꠖꠦꠝ ꠔꠣꠞꠦ "ꠘꠣꠄꠇꠘꠔꠣꠁꠘ'র ꠘꠣꠄꠇ" ꠃꠙꠣꠗꠤ ꠖꠦꠅꠀ ꠅꠄ ꠀꠞ ꠛꠣꠋꠟꠣꠖꠦꠡꠤ ꠅꠜꠤꠘꠦꠔꠣ ꠞꠣꠎ꠆ꠎꠣꠇ ꠅꠞ ꠃꠔ꠆ꠔꠞꠍꠥꠞꠤ ꠢꠤꠡꠣꠛꠦ ꠉꠘ꠆ꠘ ꠇꠞꠣ ꠅꠄ। ꠛꠤꠜꠤꠘ꠆ꠘ ꠍꠟꠌ꠆ꠌꠤꠔ꠆ꠞꠧ ꠍꠣꠟꠝꠣꠘ ꠡꠣꠢ ꠇꠙꠣꠟꠧ ꠞꠥꠝꠣꠟ ꠛꠣꠘ꠆ꠗꠔꠣ, ꠙꠞꠦ ꠖꠦꠈꠣ ꠎꠣꠄ ꠔꠣꠞ ꠁ ꠞꠥꠝꠣꠟ ꠛꠣꠘ꠆ꠗꠣ ꠅꠃ ꠡꠝꠄꠞ ꠎꠥꠛꠣ ꠡꠝꠣꠎꠧꠞ ꠝꠣꠏꠦ ꠑ꠆ꠞꠦꠘ꠆ꠒꠧ ꠙꠞꠤꠘꠔ ꠅꠁ ꠎꠣꠄ।
| ꠛꠍꠞ | ꠘꠣꠐꠇ | ꠌꠞꠤꠔ꠆ꠞ |
|---|---|---|
| ১৯৮৫ | ꠀꠇꠣꠡ ꠍꠥꠀ | |
| ১৯৮৬ | ꠁꠔ꠆ꠔꠣꠖꠤ | ꠅꠙꠥꠞ꠆ꠛ |
| ১৯৮৮ | ꠡꠁꠇꠔꠦ ꠡꠣꠞꠡ | ꠞꠣꠛ꠆ꠛꠤ |
| ১৯৯۰ | ꠙꠣꠕꠞ ꠡꠝꠄ | |
| ১৯৯৪ | ꠁꠔꠤꠇꠕꠣ | ꠁꠃꠍꠥꠚ |
| ১৯৯৪ | ꠖꠥꠄꠟ | |
| ১৯৯৫ | ꠡꠛ ꠙꠣꠈꠤ ꠊꠞꠧ ꠚꠤꠞꠦ | |
| ১৯৯৫ | ꠘꠄꠘ | ꠡꠥꠟꠔꠣꠘ |
| ১৯৯৬ | ꠡꠚꠘꠧꠞ ꠙꠤꠃꠁꠛꠤ | ꠡꠥꠜ |
ꠍꠣꠟꠝꠣꠘ ꠡꠣꠢ ১৯৯৬ ꠡꠣꠟꠧꠞ ৬ ꠡꠦꠙ꠆ꠐꠦꠝ꠆ꠛꠞ ꠝꠣꠞꠣ ꠎꠣꠁꠘ। ꠑꠣꠇꠣꠞ ꠁꠍ꠆ꠇꠣꠐꠘꠧ ꠔꠣꠞ ꠘꠤꠎꠞ ꠛꠣꠡꠣꠔ ꠍꠤꠟꠤꠋ ꠚꠦꠘꠧꠞ ꠟꠉꠦ ꠍꠣꠔꠣꠁꠟ ꠅꠛꠍ꠆ꠕꠣꠔ ꠟꠣꠡ ꠃꠖ꠆ꠗꠣꠞ ꠇꠞꠣ ꠅꠄ। ꠝꠄꠘꠣ ꠔꠖꠘ꠆ꠔ ꠞꠤꠙꠥꠞ꠆ꠑꠧ ꠀꠔ꠆ꠔꠢꠔ꠆ꠔꠣ ꠇꠁꠟꠦꠅ ꠔꠣꠞ ꠝꠤꠔ꠆ꠔꠥ ꠘꠤꠀ ꠞꠢꠡ꠆ꠡ ꠞꠁ ꠎꠣꠄ। ꠛꠃꠔ ꠝꠣꠘꠥꠡꠦ ꠍꠣꠟꠝꠣꠘ ꠡꠣꠢꠞ ꠝꠤꠔ꠆ꠔꠥꠞ ꠟꠣꠉꠤ ꠛꠤꠛꠤ ꠍꠣꠝꠤꠞꠣꠞ ꠖꠤꠇꠦ ꠅꠜꠤꠎꠥꠉꠧꠞ ꠀꠋꠉꠥꠟ ꠔꠥꠟꠂꠘ, ꠄꠝꠘꠇꠤ ꠙꠞꠦ ꠍꠣꠟꠝꠣꠘꠧꠞ ꠙꠞꠤꠛꠣꠞꠧꠞ ꠙꠇ꠆ꠇ ꠕꠣꠇꠤ ꠛꠤꠛꠤ ꠍꠣꠝꠤꠞꠣ ꠀꠞ ꠀꠞꠟꠣ ꠇꠄꠇꠎꠘꠞꠦ ꠀꠍꠣꠝꠤ ꠇꠞꠤ ꠝꠣꠝꠟꠣ ꠖꠣꠄꠞ ꠇꠞꠣ ꠅꠄ; ꠇꠤꠘ꠆ꠔꠥ ꠙꠞꠦ ꠁ ꠝꠣꠝꠟꠣꠞ ꠀꠞ ꠇꠥꠘꠥ ꠀꠉꠣꠘꠤ ꠅꠄ ꠘꠣ ꠎꠣꠞ ꠟꠣꠉꠤ ꠍꠣꠟꠝꠣꠘꠧꠞ ꠝꠤꠔ꠆ꠔꠥ ꠘꠤꠀ ꠞꠢꠡ꠆ꠡ ꠀꠞ ꠈꠥꠟꠦ ꠘꠣ।
২০২০ ꠡꠣꠟꠧꠞ ২৪ ꠚꠦꠛ꠆ꠞꠥꠀꠞꠤ ꠙꠥꠟꠤꠡꠧꠞ ꠔꠖꠘ꠆ꠔ ꠛꠤꠜꠣꠉ ꠎꠣꠘꠣꠄ ꠎꠦ ꠍꠣꠟꠝꠣꠘ ꠡꠣꠢ ꠀꠔ꠆ꠔꠢꠔ꠆ꠔꠣ'ꠁ ꠇꠞꠍꠟꠣ।
২০২৫ ꠡꠣꠟꠧꠞ ২০ ꠅꠇ꠆ꠐꠥꠛꠞ, ꠍꠣꠟꠝꠣꠘ ꠡꠣꠢꠞ ꠝꠤꠔ꠆ꠔꠥꠞ ꠙ꠆ꠞꠣꠄ ২৯ ꠛꠍꠞ ꠙꠞ, ꠑꠣꠇꠣꠞ ꠍꠄ ꠅꠔꠤꠞꠤꠇ꠆ꠔ ꠝꠢꠣꠘꠉꠞ ꠖꠣꠄꠞꠣ ꠎꠎ ꠀꠖꠣꠟꠔ ꠁ ꠝꠣꠝꠟꠣꠔ ꠄꠇꠐꠣ ꠎꠥꠉꠣꠘ꠆ꠔꠇꠣꠞꠤ ꠀꠖꠦꠡ ꠖꠦꠁꠘ। ꠛꠤꠌꠣꠞꠇ ꠝꠥꠍꠣ. ꠎꠣꠘ꠆ꠘꠣꠔꠥꠟ ꠚꠦꠞꠖꠃꠍ ꠁꠛꠘꠦ ꠢꠇ ꠁ ꠖꠤꠘ ꠍꠣꠟꠝꠣꠘ ꠡꠣꠢꠞ ꠝꠣ ꠘꠤꠟꠣ ꠌꠃꠗꠥꠞꠤꠞ ꠖꠣꠄꠞ ꠇꠞꠣ ꠄꠇꠐꠣ ꠞꠤꠜꠤꠡꠘ (ꠙꠥꠘꠞ꠆ꠛꠤꠛꠦꠌꠘꠣ) ꠀꠛꠦꠖꠘ ꠝꠘ꠆ꠎꠥꠞ ꠇꠞꠂꠘ।
ꠁ ꠀꠖꠦꠡꠧꠞ ꠝꠣꠖ꠆ꠖꠦꠝ, ২০২১ ꠡꠣꠟꠧꠞ ৩১ ꠅꠇ꠆ꠐꠥꠛꠞ ꠙꠥꠟꠤꠡ ꠛꠤꠃꠞꠥ ꠅꠚ ꠁꠘꠜꠦꠍ꠆ꠑꠤꠉꠦꠡꠘ (ꠙꠤꠛꠤꠀꠁ)-ꠞ ꠖꠦꠅꠀ ꠌꠥꠠꠣꠘ꠆ꠔ ꠙ꠆ꠞꠔꠤꠛꠦꠖꠘ, ꠎꠦꠈꠣꠘꠧ ꠍꠣꠟꠝꠣꠘ ꠡꠣꠢꠞ ꠝꠤꠔ꠆ꠔꠥꠞꠦ 'ꠀꠔ꠆ꠔꠢꠔ꠆ꠔꠣ' ꠇꠅꠀ ꠅꠁꠍꠟ, ꠅꠔꠣ ꠛꠣꠔꠤꠟ ꠇꠞꠣ ꠅꠄ।
ꠀꠖꠣꠟꠔ ꠁ ꠊꠐꠘꠣꠞꠦ 'ꠅꠙꠝꠤꠔ꠆ꠔꠥ' ꠝꠣꠝꠟꠣꠞ ꠛꠖꠟꠦ ꠄꠇꠐꠣ ꠙꠥꠞ꠆ꠘꠣꠋꠉ 'ꠢꠔ꠆ꠔꠣ ꠝꠣꠝꠟꠣ' ꠢꠤꠡꠣꠛꠦ ꠉ꠆ꠞꠢꠘ ꠇꠞꠣꠞ ꠟꠣꠉꠤ ꠞꠝꠘꠣ ꠝꠒꠦꠟ ꠕꠣꠘꠣꠞ ꠜꠣꠞꠙ꠆ꠞꠣꠙ꠆ꠔ ꠇꠞ꠆ꠝꠇꠞ꠆ꠔꠣꠞꠦ (ꠅꠍꠤ) ꠘꠤꠞ꠆ꠖꠦꠡ ꠖꠦꠁꠘ।
ꠀꠖꠣꠟꠔꠧꠞ ꠘꠤꠞ꠆ꠖꠦꠡꠧꠞ ꠙꠞ, ২০ ꠅꠇ꠆ꠐꠥꠛꠞ ꠝꠣꠏꠞꠣꠔꠧ ꠍꠣꠟꠝꠣꠘ ꠡꠣꠢꠞ ꠝꠣꠝꠣ ꠝꠥꠢꠝ꠆ꠝꠖ ꠀꠟꠝꠉꠤꠞ ꠇꠥꠝꠇꠥꠝ ꠛꠣꠖꠤ ꠅꠁꠀ ꠞꠝꠘꠣ ꠕꠣꠘꠣꠔ ꠄꠇꠐꠣ ꠢꠔ꠆ꠔꠣ ꠝꠣꠝꠟꠣ ꠖꠣꠄꠞ ꠇꠞꠂꠘ। ꠁ ꠘꠔꠥꠘ ꠝꠣꠝꠟꠣꠔ ꠍꠣꠟꠝꠣꠘ ꠡꠣꠢꠞ ꠛꠤꠛꠤ ꠍꠣꠝꠤꠞꠣ ꠢꠇ, ꠛꠦꠛꠡꠣꠁ ꠀꠎꠤꠎ ꠝꠥꠢꠝ꠆ꠝꠖ ꠜꠣꠁ ꠀꠞ ꠅꠜꠤꠘꠦꠔꠣ ꠀꠡ꠆ꠞꠣꠚꠥꠟ ꠢꠇ ꠒꠘꠡꠢ ꠝꠥꠑ ১১ ꠎꠘꠞꠦ ꠀꠍꠣꠝꠤ ꠇꠞꠣ ꠅꠁꠍꠦ। ꠀꠖꠣꠟꠔ ꠞꠝꠘꠣ ꠝꠒꠦꠟ ꠕꠣꠘꠣꠞꠦ ꠝꠣꠝꠟꠣꠐꠣ ꠔꠖꠘ꠆ꠔ ꠇꠞꠤ ꠞꠤꠙꠥꠞ꠆ꠑ ꠖꠣꠈꠤꠟ ꠇꠞꠣꠞ ꠘꠤꠞ꠆ꠖꠦꠡ ꠖꠤꠍꠂꠘ।