ꠍꠤꠟꠐꠞ ꠛꠤꠞꠃꠔ꠆ꠔꠝ ꠈꠦꠔꠣꠛꠖꠣꠞꠤ ꠝꠥꠇ꠆ꠔꠤꠎꠥꠖ꠆ꠖꠣ ꠅꠈꠟꠞ ꠟꠤꠡ꠆ꠐꠤ

ꠝꠥꠢꠣꠝ꠆ꠝꠖ ꠀꠛ꠆ꠖꠥꠞ ꠞꠛ

ꠎꠘꠝ- ꠝꠥꠢꠣꠝ꠆ꠝꠖ ꠀꠛ꠆ꠖꠥꠞ ꠞꠛ ১৯১৯ ꠡꠣꠟꠧ ꠢꠛꠤꠉꠁꠘ ꠎꠤꠟꠣꠞ ꠛꠣꠘꠤꠀꠍꠋ ꠃꠚꠎꠤꠟꠣꠞ ꠇꠥꠞꠡꠣ ꠈꠣꠉꠣꠃꠠꠣ ꠉꠣꠃꠔ ꠎꠘꠝ ꠟꠁꠍꠁꠘ,ꠔꠣꠘ ꠛꠣꠚꠞ ꠘꠣꠝ ꠝꠘꠅꠀꠞ ꠀꠟꠤ,ꠝꠣꠞ ꠘꠣꠝ ꠞꠣꠡꠤꠖꠣ ꠛꠦꠉꠝ ⁕

ꠝꠥꠇ꠆ꠔꠤꠎꠥꠖ꠆ꠖꠦ ꠔꠣꠘꠞ ꠚꠖꠛꠤ-ꠝꠥꠇ꠆ꠔꠤꠎꠥꠖ꠆ꠖꠦꠞ ꠌꠤꠚ ꠅꠚ ꠁꠡꠐꠣꠚ⁕(ꠝꠦꠎꠞ ꠎꠦꠘꠣꠞꠦꠟ)

ꠈꠦꠔꠣꠛ-ꠝꠥꠇ꠆ꠔꠤꠎꠥꠖ꠆ꠖꠦ ꠛꠤꠞꠣꠐ ꠅꠛꠖꠣꠘꠞ ꠟꠣꠉꠤ ꠛꠣꠋꠟꠣꠖꠦꠡ ꠡꠞꠈꠣꠞꠞ ꠚꠇ꠆ꠇ ꠕꠣꠇꠤ ꠔꠣꠁꠘ ꠛꠤꠞ ꠃꠔ꠆ꠔꠝ ꠈꠦꠔꠣꠛ ꠚꠣꠁꠍꠁꠘ⁕

ꠈꠦꠔꠣꠛ ꠘꠝ꠆ꠛꠞ - ৮

ꠝꠃꠔ-ꠝꠥꠢꠣꠝ꠆ꠝꠖ ꠀꠛ꠆ꠖꠥꠞ ꠞꠛꠦꠞ ꠝꠃꠔ ꠅꠁꠍꠦ ১৯৭৫ ꠡꠣꠟꠞ ১৪ ꠘꠜꠦꠝ꠆ꠛꠞ⁕

ꠌꠤꠔꠔꠧ ꠞꠘꠎꠘ ꠖꠔ꠆ꠔ (ꠍꠤ ꠀꠞ ꠖꠔꠔꠧ)

ꠎꠘꠝ-ꠌꠤꠔꠔꠧ ꠞꠘꠎꠘ ꠖꠔ꠆ꠔ (ꠍꠤ ꠀꠞ ꠖꠔꠔꠧ) ১৯২৭ ꠡꠣꠟꠞ ১ ꠎꠣꠘꠥꠀꠞꠤ ꠀꠡꠣꠝꠞ ꠍꠤꠟꠋ ꠎꠘꠝ ꠟꠁꠍꠁꠘ,ꠔꠣꠘꠞ ꠛꠣꠠꠤ ꠢꠛꠤꠉꠁꠘ ꠎꠤꠟꠣꠞ ꠍꠥꠘꠣꠞꠥꠊꠣꠐ ꠃꠚꠎꠤꠟꠣꠞ ꠝꠤꠞꠣꠡꠤ ꠉꠣꠃꠔ,ꠔꠣꠘꠞ ꠛꠣꠚꠞ ꠘꠣꠝ ꠃꠙꠦꠘ꠆ꠖꠞꠧ ꠌꠘ꠆ꠖꠞꠧ ꠖꠔ꠆ꠔ,ꠝꠣꠞ ꠘꠣꠝ ꠟꠣꠛꠘꠘꠧ ꠙꠞꠧꠛꠣ ꠖꠔ꠆ꠔ⁕

ꠝꠥꠇ꠆ꠔꠤꠎꠥꠖ꠆ꠖꠦ ꠔꠣꠘꠞ ꠚꠖꠛꠤ-ꠝꠦꠎꠞ ꠎꠦꠘꠣꠞꠦꠟ

ꠈꠦꠔꠣꠛ-ꠝꠥꠇ꠆ꠔꠤꠎꠥꠖ꠆ꠖꠦ ꠛꠤꠞꠣꠐ ꠅꠛꠖꠣꠘꠞ ꠟꠣꠉꠤ ꠛꠣꠋꠟꠣꠖꠦꠡ ꠡꠞꠈꠣꠞꠞ ꠚꠇ꠆ꠇ ꠕꠣꠇꠤ ꠔꠣꠘꠞꠦ ꠛꠤꠞ ꠃꠔ꠆ꠔꠝ ꠈꠦꠔꠣꠛ ꠖꠦꠅꠀ ꠅꠁꠍꠦ⁕

ꠈꠦꠔꠣꠝ ꠘꠝ꠆ꠛꠞ-১১

ꠝꠃꠔ- ꠌꠤꠔꠔꠧ ꠞꠘꠎꠘ ꠖꠔ꠆ꠔꠞ ꠝꠃꠔ ꠅꠁꠍꠦ ২০২০ ꠡꠣꠟꠞ ২৫ ꠀꠉꠡ꠆ꠐ ꠚꠥꠟꠥꠞꠤꠒꠣꠔ⁕ ꠛꠣꠖꠦ ꠔꠣꠘꠞꠦ ২০২০ ꠡꠣꠟꠞ ১ ꠍꠦꠚꠐꠦꠝ꠆ꠛꠞ ꠖꠦꠡꠧ ꠀꠘꠤꠀ ꠛꠘꠣꠘꠤ ꠅ ꠒꠣꠇꠦꠡ꠆ꠡꠞꠤ ꠝꠘ꠆ꠖꠤꠞꠦ ꠍꠖ꠆ꠖꠣ ꠘꠤꠛꠦꠖꠘ ꠈꠞꠤꠀ ꠛꠤꠖꠣꠄ ꠖꠦꠅꠀ ꠅꠄ⁕

ꠡꠚꠤꠇ ꠃꠖꠖꠤꠘ ꠌꠃꠗꠥꠞꠤ

ꠎꠘꠝ- ꠡꠚꠤꠇ ꠃꠖ꠆ꠖꠥꠘ ꠌꠃꠗꠥꠞꠤ ১৯৪৫ ꠡꠣꠟꠦ ꠍꠤꠟꠦꠐꠤ ꠎꠤꠟꠣꠞ ꠉꠥꠟꠣꠚꠉꠁꠘ ꠃꠚꠎꠤꠟꠣꠞ ꠞꠘꠇꠦꠟꠤ ꠉꠣꠃꠔ ꠎꠘꠝ ꠟꠁꠍꠁꠘ⁕ꠔꠣꠘꠞ ꠛꠣꠚꠞ ꠘꠣꠝ ꠀꠛ꠆ꠖꠥꠟ ꠇꠞꠤꠝ ꠌꠃꠗꠥꠞꠤ, ꠝꠣꠞ ꠘꠣꠝ ꠇꠣꠝꠞꠥꠘ꠆ꠘꠦꠍꠣ ꠌꠃꠗꠥꠞꠤ⁕

ꠝꠥꠇ꠆ꠔꠤꠎꠥꠖ꠆ꠖꠦ ꠔꠣꠘꠞ ꠚꠖꠛꠤ-ꠘꠣꠄꠇ

ꠈꠦꠔꠣꠛ- ꠡꠣꠅꠡꠤꠇꠔꠣꠞ ꠡꠁꠔ ꠎꠥꠖ꠆ꠖ ꠈꠞꠤ ꠘꠤꠎꠞ ꠎꠣꠘ ꠖꠦꠅꠀꠄ ꠛꠣꠋꠟꠣꠖꠦꠡ ꠡꠞꠈꠣꠞꠞ ꠚꠇ꠆ꠇ ꠕꠣꠇꠤ ꠛꠤꠞ ꠃꠔ꠆ꠔꠝ ꠈꠦꠔꠣꠛ ꠚꠣꠁꠍꠁꠘ⁕

ꠈꠦꠔꠣꠛ ꠘꠝ꠆ꠛꠞ-৫২

ꠝꠃꠔ- ꠝꠥꠇ꠆ꠔꠤ ꠎꠥꠖ꠆ꠖꠔ (ꠡꠢꠤꠖ)