ꠍꠤꠟꠐꠤ ꠎꠣꠔꠤꠅꠔꠣꠛꠣꠖ
ꠍꠤꠟꠐꠤ ꠎꠣꠔꠤꠅꠔꠣꠛꠣꠖ ꠢꠁꠟ ꠅꠁꠇ ꠡꠣꠋꠡ꠆ꠇꠤꠔꠤꠇ ꠀꠞ ꠡꠣꠝꠣꠎꠤꠇ ꠀꠘ꠆ꠖꠧꠟꠘ, ꠎꠦꠁꠒꠣ ꠡꠤꠟꠢꠦꠐꠞ ꠜꠣꠡꠣ, ꠁꠔꠤꠢꠣꠡ ꠀꠞ ꠡꠋꠡ꠆ꠇꠤꠔꠤ ꠔꠟꠔ ꠅꠁꠇ ꠅꠘꠘ꠆ꠎ ꠡꠤꠟꠢꠦꠐꠤ ꠙꠞꠤꠌꠁ ꠙ꠆ꠞꠔꠤꠡ꠆ꠑꠣ ꠇꠞꠛꠣꠞ ꠃꠖ꠆ꠖꠦꠡ꠆ꠎꠦ ꠇꠣꠝ ꠇꠞꠦ⁕ ꠛ꠆ꠞꠤꠐꠤꠡ ꠅꠁꠙꠘꠤꠛꠦꠡꠤꠇ ꠡꠣꠡꠘ, ꠙꠥꠞ꠆ꠛ ꠙꠣꠇꠤꠡ꠆ꠔꠣꠘ, ꠡ꠆ꠛꠣꠗꠤꠘ ꠛꠣꠋꠟꠣꠖꠦꠡ, ꠜꠣꠞꠔ ꠀꠞ ꠙꠡ꠆ꠌꠤꠝ ꠙ꠆ꠞꠛꠣꠡꠤ ꠡꠝꠥꠖꠣꠁ ꠛꠤꠜꠤꠘ꠆ꠘ ꠡꠝꠁꠔ ꠄ ꠀꠘ꠆ꠖꠧꠟꠘꠞ ꠘꠣꠘꠣ ꠞꠥꠙ ꠛꠤꠇꠡꠤꠔ ꠅꠁꠍꠦ ꠄ ꠀꠘ꠆ꠖꠧꠟꠘꠞ ꠝꠥꠟ ꠟꠇ꠆ꠡ꠆ꠎ ꠅꠁꠟ ꠡꠤꠟꠢꠦꠐꠤ ꠡꠋꠡ꠆ꠇꠤꠔꠤ ꠀꠞ ꠜꠣꠡꠣ ꠡ꠆ꠛꠤꠇꠤꠔꠤ ꠀꠞ ꠡꠋꠞꠇ꠆ꠡꠘ ꠇꠞꠣ⁕ ꠔꠣꠞꠣ ꠖꠣꠛꠤ ꠇꠞꠦ ꠎꠦ, ꠡꠤꠟꠢꠦꠐꠤ ꠛꠣꠋꠟꠣ ꠜꠣꠡꠣꠞ ꠃꠙꠜꠣꠡꠣ ꠘꠢꠁ, ꠛꠞꠋ ꠘꠤꠎꠦ ꠅꠁꠇ ꠡ꠆ꠛꠔꠘ꠆ꠔ꠆ꠞ ꠜꠣꠡꠣ⁕ ꠉ꠆ꠞꠦꠐꠣꠞ ꠡꠤꠟꠢꠦꠐ ꠀꠞ ꠙ꠆ꠞꠛꠣꠡꠤ ꠡꠝꠥꠖꠣꠁ ꠡꠤꠟꠢꠦꠐꠤ ꠜꠣꠡꠣ ꠙꠥꠘꠞ꠆ꠎꠤꠛꠘ ꠟꠣꠜ ꠇꠞꠔꠦꠍꠦ, ꠎꠦꠁꠒꠣꠞ ꠡꠣꠕꠦ ꠛꠢꠥꠔ ꠙ꠆ꠞꠣꠔꠤꠇ ꠅꠞ꠆ꠕ ꠎꠠꠤꠔ ꠃꠖꠣꠢꠞꠘ ꠡꠞꠥꠙ, 
ꠡꠣꠟꠦ ꠟꠘ꠆ꠒꠘꠦꠞ ꠐꠣꠅꠁꠣꠞ ꠢꠣꠝꠟꠦꠐꠡꠦ “ꠛꠣꠋꠟꠣ ꠀꠝꠣꠞ ꠝꠣꠔꠣ ꠜꠣꠡꠣ ꠘꠢꠁ” ꠡꠤꠞꠧꠘꠣꠝꠦꠞ ꠙ꠆ꠞꠖꠞ꠆ꠡꠘꠤ ꠀꠞ ꠇꠞ꠆ꠝꠡꠣꠟꠣꠁ, ꠖꠤꠡ꠆ꠎꠡꠤꠟ꠆ꠙꠤ ꠀꠞ ꠡ꠆ꠕꠣꠘꠤꠇ ꠒꠤꠎꠣꠁꠘꠣꠞ ꠅꠡꠝꠣꠘꠤ ꠡꠣꠁꠚ ꠇꠞ꠆ꠔꠤꠇ ꠄ ꠜꠣꠡꠣ ꠙ꠆ꠞꠖꠞ꠆ꠡꠘ ꠇꠞꠣ ꠢꠁꠍꠤꠟ⁕