ꠍꠤꠟꠐꠤ ꠟꠤꠙꠤ

ꠟꠤꠙꠤꠞ ꠔꠁꠔ꠆ꠔꠊꠣꠑꠣ
ꠍꠤꠟꠐꠤ ꠘꠣꠉꠞꠤ ꠟꠤꠙꠤ
ꠎꠣꠟꠣꠟ-ꠀꠛꠣꠖꠤ ꠢꠞꠚ
ꠍꠤꠟꠦꠐ-ꠘꠣꠉꠞꠤ ꠢꠞꠚ
ꠔꠁꠔ꠆ꠔ
ꠎꠣꠔ	ꠀꠛꠥꠉꠤꠖꠣ
ꠖꠤꠇ	ꠛꠣꠃꠔꠘꠦ ꠒꠣꠁꠘꠦ
ꠇꠥꠘ ꠡꠝꠄꠇꠥꠞ	ꠀꠉꠞꠀꠝꠟꠤ (ꠍꠤꠞꠤꠢꠐ꠆ꠐꠤ) ; 1303 (ꠡꠣꠎꠟꠣꠟꠞ ꠡꠝꠄꠇꠥꠞ); 1559-1774 (ꠉꠥꠟꠣꠝ ꠢꠥꠍꠘ); 1870 (ꠁꠍꠟꠣꠝꠤꠀ ꠙ꠆ꠞꠦꠌ); 1997 (ꠇꠝ꠆ꠙꠤꠃꠐꠣꠞ ꠚꠘ꠆ꠐ); 2003 (ꠁꠃꠘꠤꠇꠧꠒꠅ ꠎꠦꠉꠣ); ꠀꠛꠧ ꠀꠌꠦ
ꠟꠤꠙꠤ ꠙꠞꠤꠛꠣꠞ
ꠙꠞꠤꠛꠣꠞ	ꠛ꠆ꠞꠣꠝ꠆ꠝꠤ ꠟꠤꠙꠤ; • ꠉꠥꠙ꠆ꠔ; • (ꠡꠤꠗ꠆ꠗꠣꠝ ꠀꠞ ꠔꠤꠛ꠆ꠛꠔꠤ); • ꠍꠤꠟꠐ ꠘꠣꠉꠞꠤ ꠟꠤꠙꠤ
ꠟꠉꠧꠞ	ꠇꠣꠄꠅꠌ꠆ꠔꠤ ꠟꠤꠙꠤ (16-20 ꠡꠔꠧꠇ)
ꠀꠁꠄꠌꠅ
ꠀꠁꠄꠌꠅ15924	Sylo (316); Syloti Nagri (script)
ꠁꠃꠘꠤꠇꠧꠒ
ꠘꠣꠝ	Syloti Nagri (Unicode block)
ꠎꠔꠈꠣꠘ	U+A800–U+A82F
ꠎꠦꠔꠣ ꠟꠦꠈꠣ ꠅꠄ/ꠅꠁꠔꠧ
ꠜꠣꠡꠣꠁꠘ	<DynamicPageList> category=ꠍꠤꠟꠐꠤ ꠟꠤꠙꠤꠖꠤ ꠟꠦꠈꠣ ꠜꠣꠡꠣꠁꠘ </DynamicPageList>
	ꠝꠣꠔꠟꠦꠈꠣꠞ - ꠟꠤꠙꠤ - ꠢꠞꠚ

ꠁ ꠟꠤꠙꠤꠞ ꠘꠣꠝꠦ ꠘꠣꠝꠦ ꠀꠞꠎꠣꠔꠤ ꠝꠣꠘꠤ ꠖꠦꠈꠔꠦ ꠅꠁꠟꠦ ꠡꠣꠁꠎ꠆ꠎ:ꠖꠥꠖꠤꠟꠣꠝꠤ ꠢꠞꠣꠘꠤ-ꠞ ꠙꠣꠔꠣꠁꠘ ꠍꠤꠟꠐꠤ ꠨ ꠘꠣꠉꠞꠤ ꠨ ꠍꠤꠟꠐꠤ ꠘꠣꠉꠞꠤ ꠖꠦꠈꠂꠇ꠆ꠇꠣ

ꠍꠤꠟꠐꠤ ꠟꠤꠙꠤ /silɔʈi lifi/ (ꠙꠇ꠆ꠞꠤꠔꠕꠘꠦ) ꠀꠞꠘꠣꠄ ꠍꠤꠟꠐꠤ ꠘꠣꠉꠞꠤ ꠢꠞꠚ /silɔʈi nagɾi ɦɔrɔf/ (ꠡꠋꠍꠇ꠆ꠞꠤꠔꠕꠘꠦ) ꠛꠣꠋꠟꠣꠖꠦꠡꠞ ꠍꠤꠟꠐ ꠅꠘ꠆ꠌꠟ ꠀꠞ ꠜꠣꠞꠔꠞ ꠀꠡꠣꠝ ꠞꠣꠁꠎ꠆ꠎꠞ ꠛꠞꠣꠇ ꠃꠙꠔ꠆ꠔꠇꠣꠔ ꠛꠦꠛꠀꠞ ꠅꠃꠀ ꠄꠉꠥ ꠟꠤꠙꠤ ⁕ ꠀꠉꠞ ꠀꠝꠟꠤ ꠙꠥꠕꠤꠘ꠆ꠔ ꠎꠣꠞꠦ ꠇꠅꠀ ꠅꠁꠍꠦ ꠍꠤꠟꠦꠐ ꠘꠣꠉꠞꠤ ꠢꠞꠚ /silɔʈ nagɾi ɦɔrɔf/ ⁕^[1]^[2] ꠍꠤꠟꠐꠞ ꠇꠣꠘ꠆ꠖꠣꠇꠣꠍꠣꠔ ꠄꠘ꠆ꠒꠤꠀꠞ ꠝꠦꠊꠣꠟꠄ ꠨ ꠔꠤꠙꠥꠞꠣ ꠀꠞ ꠛꠣꠋꠟꠣꠖꠦꠡꠞ ꠝꠂꠝꠘꠡꠤꠋ ꠨ ꠘꠦꠔ꠆ꠞꠇꠥꠘꠣ ꠨ ꠇꠤꠡꠧꠞꠉꠘ꠆ꠎ ꠎꠤꠟꠣꠔ ꠁ ꠟꠤꠚꠤꠞ ꠍꠟꠘ ꠀꠍꠤꠟ ꠈꠞꠤ ꠎꠣꠘꠣ ꠎꠣꠄ ⁕ ꠡꠋꠍꠇ꠆ꠞꠤꠔ ꠍ꠆ꠞꠤꠢꠣꠐ꠆ꠐꠣ ꠘꠣꠉꠣꠞꠤ ꠟꠤꠙꠤ (ꠡꠋꠍꠇ꠆ꠞꠤꠔ - श्रीहट्ट नागरी लिपि) ꠕꠘꠦ ꠀꠅꠀ ꠅꠁꠟꠦꠅ ꠝꠣꠁꠘ꠆ꠡꠞ ꠝꠥꠈꠞ ꠛꠥꠟꠤꠕꠘꠦ ꠘꠣꠉꠞꠤ ꠍꠣꠞ ꠅꠞ ꠘꠕꠤ ꠚꠟꠧ ꠇꠞꠤꠀ ꠃꠁꠘꠤꠇꠥꠒ ꠅ ꠘꠣꠝ ꠙꠍ꠆ꠔꠣꠛ ꠅ ꠞꠣꠈꠣ ꠅꠁꠍꠦ ꠍꠤꠟꠐꠤ ꠘꠣꠉꠞꠤ (ꠟꠤꠙꠤ) ⁕

ꠘꠣꠝꠣꠁꠘ

ꠍꠤꠟꠐꠤ ꠘꠣꠉꠞꠤ ꠅꠁꠍꠦ ꠖꠥꠁ ꠡꠛ꠆ꠖ ꠝꠤꠟꠤꠀ, ꠍꠤꠟꠐ ꠀꠞ ꠘꠉꠞ ⁕ ꠍꠤꠟꠐ ꠁ ꠢꠞꠚ ꠛꠣꠘꠣꠘꠤ ꠅꠁꠍꠦ ꠈꠞꠤ ꠁ ꠢꠞꠚ ꠞꠦ ꠈꠅꠀ ꠅꠄ ꠍꠤꠟꠐꠤ ꠢꠞꠚ, ꠀꠞ ꠘꠣꠉꠞꠤ ꠝꠣꠘꠦ ꠘꠉꠞ ⁕ ꠍꠤꠟꠐꠤ ꠘꠣꠉꠞꠤ ꠝꠣꠘꠦ ꠅꠁꠟ ꠍꠤꠟꠐ ꠘꠉꠞꠞ ꠟꠦꠈꠣ ⁕ ꠎꠖꠤꠅ ꠄꠛꠟꠣ ꠛꠃꠔꠦ ꠁ ꠢꠞꠚꠞꠦ ꠈꠁꠘ ꠍꠤꠟꠦꠐꠤ ꠘꠣꠉꠞꠤ, ꠅꠁꠟꠦ ꠚꠥꠞꠣꠘꠣ ꠇꠤꠔꠣꠛꠣꠁꠘ꠆ꠔ ꠎꠦꠝꠘ ꠝꠥꠢꠣꠝ꠆ꠝꠖ ꠀꠛꠖꠥꠟ ꠟꠔꠤꠚꠞ ꠟꠦꠈꠣ ꠍꠤꠟꠦꠐ ꠘꠣꠉꠞꠤ ꠙꠢꠦꠟꠣ ꠇꠤꠔꠣꠛ ꠅ ꠁ ꠢꠞꠚꠞ ꠘꠣꠝ ꠟꠦꠈꠣ ꠅꠁꠍꠦ ꠍꠤꠟꠦꠐ ꠘꠣꠉꠞꠤ ꠢꠞꠚ ⁕ ꠁꠃꠘꠤꠇꠥꠒ ꠅ ꠍꠤꠟꠐꠤ ꠢꠞꠚꠞ ꠘꠣꠝ ꠖꠦꠅꠀ ꠅꠁꠍꠦ ꠍꠤꠟꠐꠤ ꠘꠣꠉꠞꠤ (ꠀꠋꠞꠦꠎ : Syloti Nagri)

ꠁ ꠟꠤꠙꠤꠞꠦ ꠎꠣꠟꠣꠟꠣꠛꠣꠖꠤ ꠢꠞꠚꠅ ꠒꠣꠇꠣ ꠅꠁꠔ, ꠎꠣꠟꠣꠟꠣꠛꠣꠖ ꠀꠍꠤꠟ ꠍꠤꠟꠐꠞ ꠄꠇꠡꠝꠄꠇꠥꠞ ꠘꠣꠝ ꠨ ꠡꠣꠢ ꠎꠣꠟꠣꠟ ꠀꠞ ꠚꠣꠞ꠆ꠡꠤ ꠀꠛꠣꠖ (ꠘꠉꠞ) ꠝꠤꠟꠤꠀ ꠅꠄ ꠎꠟꠣꠟꠣꠛꠣꠖ ꠀꠞ ꠎꠟꠣꠟꠣꠛꠣꠖꠤ ꠨ ꠚꠣꠞꠍꠤꠔꠦ ꠀꠛꠣꠖꠤ ꠝꠣꠘꠤ ꠘꠣꠉꠞꠤ ꠀꠞ ꠀꠛꠣꠖ ꠝꠣꠘꠤ ꠘꠉꠞ ⁕ ꠃꠙꠝꠣ ꠛꠦꠛꠀꠞ ꠇꠞꠤ ꠚꠥꠟ ꠘꠣꠉꠞꠤ ꠟꠤꠙꠤ ꠅ ꠛꠦꠛꠀꠞ ꠇꠞꠍꠂꠘ ꠅꠘꠦꠇꠦ ⁕ ꠝꠥꠍꠟꠝꠣꠘꠅꠇ꠆ꠟꠦ ꠛꠦꠡꠤ ꠛꠦꠛꠀꠞ ꠇꠞ꠆ꠔꠣ ꠇꠞꠤ ꠇꠟꠇꠣꠔꠣꠔ ꠌꠤꠞꠣꠁꠀ ꠒꠣꠇ꠆ꠔꠣ ꠍꠤꠟꠐꠞ ꠡꠣꠁꠔ꠆ꠔꠞꠦ ꠝꠥꠍꠟꠝꠣꠘꠤ ꠘꠣꠉꠞꠤ ꠀꠞ ꠛꠣꠋꠟꠣꠖꠦꠡꠤ ꠛꠣꠋꠟꠣꠞꠦ ꠝꠥꠍꠟꠝꠣꠘꠤ ꠛꠣꠋꠟꠣ ⁕ ꠅꠟꠣꠘ ꠄꠇꠡꠝꠄ ꠁ ꠟꠤꠙꠤ ꠍ꠆ꠞꠤꠢꠐ꠆ꠐꠞ ꠝꠥꠍꠟꠝꠣꠘꠅꠇꠟꠦ ꠛꠦꠛꠀꠞ ꠇꠞ꠆ꠔꠣ ꠅꠈꠣꠘ ꠛꠥꠎꠣꠁꠔꠦ ꠛꠦꠋꠉꠟꠤ ꠟꠦꠈꠣꠔ ꠛꠦꠛꠀꠞ ꠇꠞ꠆ꠍꠤꠟꠣ ꠡꠋꠍꠇ꠆ꠞꠤꠔꠕꠘꠦ ꠅꠘꠥꠛꠣꠖ ꠇꠞꠤꠀ ꠍ꠆ꠞꠤꠢꠐ꠆ꠐꠦꠞ ꠝꠥꠍꠟ꠆ꠝꠣꠘꠤ ꠘꠣꠉ꠆ꠞꠣꠇ꠆ꠇꠞ (ꠁꠈꠣꠘ ꠖꠤ ꠛꠥꠎꠣꠘꠤ ꠅꠁꠍꠦ ꠍ꠆ꠞꠤꠢꠐ꠆ꠐꠦꠞ ꠝꠣꠘꠤ ꠍꠤꠟꠐꠞ ꠨ ꠝꠥꠍꠟ꠆ꠝꠣꠘꠤ/ꠝꠥꠢꠣꠝ꠆ꠝꠖꠤ ꠛꠟ꠆ꠔꠦ ꠝꠥꠍꠘꠝꠣꠘꠅꠇꠟ ꠨ ꠘꠣꠉ꠆ꠞꠣꠇ꠆ꠇꠞ ꠝꠣꠘꠤ ꠘꠉꠞ+ꠅꠇ꠆ꠇꠞ ꠨ ꠁꠈꠣꠘꠅ ꠘꠉꠞ ꠛꠟ꠆ꠔꠦ ꠛꠥꠎꠣꠘꠤ ꠅꠁꠍꠦ ꠍ꠆ꠞꠤꠢꠐ꠆ꠐꠅ ꠘꠉꠞ ⁕

ꠁꠔꠤꠀꠡ

ꠍꠤꠟꠐꠤ ꠘꠣꠉꠞꠤ ꠟꠤꠚꠤ ꠎꠦ ꠡꠥꠎꠣ ꠄꠉꠥ ꠟꠤꠚꠤ ⁕ ꠁꠇꠐꠣꠞ ꠅꠇ꠆ꠇꠞ ꠛꠣꠋꠟꠣ-ꠢꠤꠘ꠆ꠖꠤ ꠔꠘꠦ ꠈꠝ ⁕ ꠁ ꠟꠤꠚꠤꠔ ꠇꠥꠘꠥ ꠎꠥꠇ꠆ꠔꠣꠇ꠆ꠇꠞ ꠅ ꠀꠍꠤꠟ ꠘꠣ ⁕ ꠘꠣꠉꠞꠤ ꠟꠤꠚꠤꠔ ꠛꠞ꠆ꠘꠝꠣꠟꠣꠞ ꠡꠁꠋꠇꠣ ꠡꠣꠗꠣꠞꠘꠜꠣꠛꠦ ৩২ꠐꠣ ꠨ " ꠋ " (ꠅꠘꠥꠡ꠆ꠡꠣꠞ)-ꠞꠦ "০" ꠢꠤꠡꠣꠛꠦ ꠗꠞꠤꠀ ꠄꠞ ꠡꠁꠋꠇꠣ ৩৩ꠐꠣ ⁕ ꠁꠔꠣꠞ ꠝꠣꠏꠦ ꠝꠥꠀꠔꠤꠢꠞꠚ ৫ꠐꠣ ꠨ ꠀꠝꠥꠀꠔꠤꠢꠞꠚ ২৭ꠐꠣ ⁕

ꠍꠤꠟꠐ ꠅ ꠀꠚ꠆ꠉꠣꠘ ꠇꠠꠤꠔ

ꠍꠤꠟꠐ ꠅꠞ ꠄꠉꠥ ꠌꠟ ꠀꠍꠤꠟ ꠞꠣꠎꠣ ꠅꠇꠟꠦ ꠍ꠆ꠔꠣꠘꠤꠅ ꠟꠤꠙꠤꠖꠤ ꠇꠠꠤ (ꠝꠥꠖ꠆ꠞꠣ) ꠍꠣꠙꠣꠁꠀ ꠘꠤꠎꠞ ꠎꠥꠞ ꠎꠣꠘꠣꠘ ꠖꠤꠔꠣ ⁕ ꠍꠤꠟꠐ ꠅꠞ ꠞꠣꠎꠣꠁꠘ꠆ꠔꠦ ꠙꠥꠅꠞ ꠖꠦꠡꠥꠀ ꠟꠤꠙꠤꠖꠤꠀ ꠍꠣꠙꠣ ꠇꠞ꠆ꠍꠤꠟꠣ ꠇꠠꠤ ꠨ ꠢꠞꠤꠇꠦꠟ ꠞꠣꠁꠎ꠆ꠎꠞ ꠀꠝꠟꠅ ⁕ ꠀꠛꠣꠞ ꠇꠠꠤꠘꠣꠝꠣ ꠙꠥꠕꠤꠔꠘꠦ ꠍꠤꠟꠐ ꠞꠣꠁꠎ꠆ꠎꠔ ꠌꠟꠣ ꠇꠠꠤ (ꠙꠄꠡꠣꠞ) ꠘꠤꠡꠣꠘꠣ ꠙꠣꠅꠀ ꠎꠣꠄ ⁕ ꠀꠚ꠆ꠉꠣꠘ ꠅꠇꠟꠦ ꠎꠦꠔ꠆ꠇꠥ ꠁꠛꠣꠎꠥ ꠖꠈꠟ ꠇꠞꠤ ꠡꠣꠡꠘ ꠌꠣꠟꠣꠄ ꠢꠦꠔꠇꠥ ꠍꠤꠟꠐ ꠘꠉꠞ ꠅ ꠀꠚ꠆ꠉꠣꠘ ꠝꠣꠘꠥꠡ ꠖꠦꠈꠣ ꠎꠣꠄ ⁕ ꠔꠣꠞꠣ ꠍ꠆ꠔꠣꠘꠤꠅ ꠌꠟ ꠀꠞ ꠇꠤꠡ꠆ꠐꠤ ꠇꠣꠟꠌꠣꠞ ꠅꠘꠥꠎꠣꠁ ꠢꠤꠡꠝꠄꠇꠥꠞ ꠙꠌꠟꠤꠔ ꠇꠠꠤꠞ ꠝꠣꠎꠦ ꠍꠤꠟꠐꠤ ꠍ꠆ꠔꠣꠘꠤꠅ ꠟꠤꠙꠤꠞ ꠢꠞꠚꠣꠁꠘ ꠍꠣꠙꠣ ꠇꠞꠂꠘ ⁕ ꠢꠤꠡꠝꠄ ꠎꠦꠔꠣ ꠢꠞꠚꠣꠁꠘ ꠍꠣꠙꠣꠁꠟ ꠀꠍ꠆ꠟꠧ ꠁꠔꠣ ꠍꠤꠟꠐ ꠎꠤꠟꠣ ꠞꠦꠎꠤꠡ꠆ꠐꠤ ꠅꠚꠤꠡꠅ ꠀꠛꠧ ꠡꠋꠞꠇ꠆ꠇꠤꠔ ꠇꠞꠣ ꠀꠍꠦ ⁕ ꠀꠚꠉꠣꠘꠤ ꠇꠠꠤꠔ ꠎꠦꠔꠣ ꠎꠦꠔꠣ ꠢꠞꠚꠣꠁꠘ ꠀꠍꠤꠟ ꠔꠟꠦ ꠖꠦꠅꠀ ꠅꠁꠟꠧ ⁕^[3]

ꠃ	ꠛ	ꠝ	ꠡ	ꠞ	ꠁ

ꠛꠖꠥꠈꠣ ꠀꠝꠟꠤ ꠙꠥꠕꠤꠘ

ꠄꠇꠦꠞꠦꠙꠄꠟꠣꠍ꠆ꠞꠤꠢꠐ꠆ꠐꠘꠣꠉꠞꠤ(ꠎꠟꠣꠟꠣꠛꠣꠖꠤ)ꠙꠥꠕꠤꠞꠝꠣꠏꠦ ꠇꠥꠘꠥ ꠖꠣꠞꠤꠇꠝꠣꠖꠦꠅꠀꠢꠂꠔ(ꠅꠂꠔ)ꠘꠣ ꠁꠘꠧ(॥)(ꠅꠧ)ꠀꠞ(⁕)ꠌꠤꠘꠀꠍꠟꠘꠣ ꠢꠤꠡꠝꠄ ꠄꠇꠦꠄꠇꠍꠘ꠆ꠖꠙꠞꠣꠛꠣꠖꠦꠚꠣꠇꠞꠣꠈꠣꠅꠁꠔ ꠀꠛꠣꠞ ꠄꠇꠡꠛ꠆ꠖꠞ ꠝꠣꠏꠇꠣꠘꠅꠚꠣꠇꠀꠍꠤꠟꠎꠦꠝꠟꠣ'ꠙ꠆ꠞꠇꠣꠞ'ꠘꠣꠟꠦꠈꠤ 'ꠙ꠆ꠞ ꠇꠣ ꠞ'

ꠡꠦꠢꠔꠤꠈꠥꠟꠣꠍꠣꠢꠂꠟꠝꠥꠟꠥꠇꠦꠝꠥꠟꠥꠇ (ꠡꠦꠢꠔꠤ ꠈꠥꠟꠣꠍꠣ ꠢꠂꠟ ꠝꠥꠟꠥꠇꠦ ꠝꠥꠟꠥꠇ)

/ʃeɦɔt̪ikulasaɦɔilɔmuǀukemuǀuk/

/ʃeɔt̪i kulasa ɔilɔ muǀuke muǀuk/

ꠀꠋꠞꠦꠎ - "therefore it become clear everywhere"

1500-1650 ꠡꠘꠞ ꠙꠥꠕꠤ ꠜꠦꠖꠡꠣꠞ ꠅ ꠖꠦꠈꠣ ꠎꠣꠄ ꠙꠔ꠆ꠔꠦꠇ ꠡꠛ꠆ꠖꠣꠁꠘ꠆ꠔꠞ ꠝꠣꠏꠈꠣꠘꠧ ꠇꠝꠣ (꠨) ꠀꠞ ꠖꠥꠁ ꠒꠦꠘ꠆ꠒꠣꠞ (॥) ꠎꠦꠉꠣꠔ (×)

ꠎꠦꠁꠝꠔꠦ ꠨ ꠡꠣꠘ꠆ꠍꠤꠟ ꠨ ꠖꠘ ꠨ ꠡꠦꠁ ꠨ ꠝꠔꠦ ꠨ ꠙꠣꠄ ×

/zeimɔt̪e ʃansilɔ d̪ɔn ʃei mɔt̪e faj/
ꠀꠋꠞꠦꠎ - "the way, save, savings, that, way, get;"

ꠇꠦꠢ ꠨ ꠢꠂꠟ ꠨ ꠟꠂꠈ꠆ꠈ ꠨ ꠙꠔꠤ ꠨ ꠇꠦꠢ ꠨ ꠝꠣꠋꠉꠤ ꠨ ꠈꠣꠄ ⁕

/xeɦɔ ɦɔilɔ lɔikkɔ fɔt̪i xeɦɔ maŋɡi xaj/

/xeɔ ɔilɔ lɔikkɔ fɔt̪i xeɔ maŋɡi xaj/

ꠀꠋꠞꠦꠎ - "few, become, million, -aire, few, beg, eat (survive)."

꠨	×	⁕

ꠀꠉꠞ ꠀꠝꠟꠤ ꠙꠥꠕꠤꠘ

ꠍꠤꠟꠐꠞ ꠝꠥꠟꠂꠛꠣꠎꠣꠞ ꠎꠤꠟꠣ-ꠞ ꠟꠋꠟꠣ ꠃꠙꠎꠤꠟꠣ-ꠞ ꠖꠂꠟꠔꠙꠥꠞꠞ ꠝꠥꠘ꠆ꠡꠤ ꠍꠣꠖꠦꠇ ꠀꠟꠤꠞ (1800) ꠟꠦꠈꠣ ꠇꠦꠔꠣꠛ ꠢꠣꠟꠔꠥꠘ ꠘꠛꠤ 275 ꠙꠣꠔꠣꠞ ꠍꠣꠙꠣ ꠇꠞꠣ ꠙꠥꠕꠤ (ꠀꠉꠞꠀꠝꠟꠤ ꠛꠁ) ꠁ ꠟꠤꠙꠤꠞ ꠡꠛ꠆ꠌꠦ ꠛꠦꠡꠤ ꠍꠣꠙꠣꠁꠟ ꠛꠁꠀꠁꠘ꠆ꠔꠞ ꠄꠉꠥ ꠎꠦꠐꠣ ꠀꠛꠧ ꠊꠞꠦ ꠊꠞꠦ ꠕꠥꠇꠣꠁꠟꠦ ꠙꠣꠅꠀ ꠎꠣꠄ ⁕ ꠍꠤꠟꠐꠤ ꠇꠦꠔꠣꠛ ꠎꠦꠈꠣꠘꠧ (॥) ꠀꠞ (⁕) ꠛꠦꠛꠀꠞ ꠖꠦꠈꠣ ꠎꠣꠄ ꠔꠛꠦ ꠍꠤꠟꠐꠤ ꠉꠘꠣ ꠁ ꠇꠦꠔꠣꠛ ꠛꠦꠛꠀꠞ ꠅꠁꠍꠦꠘꠣ ⁕ ꠀꠞ ꠁꠈꠣꠘ ꠀꠔꠞ ꠟꠦꠈꠣ ꠙꠥꠕꠤ ꠇꠤꠘꠣ ꠎꠣꠘꠣ ꠎꠣꠄ ꠘꠣ ꠔꠛꠦ ꠍꠣꠙꠣ ꠇꠞꠣ ꠇꠦꠔꠣꠛ (ꠛꠁ) ꠢꠤꠡꠣꠛꠦ ꠃꠟ꠆ꠟꠦꠈ ꠀꠍꠦ ⁕^[4]

⁕ ꠇꠦꠔꠣꠛ ꠢꠣꠟꠔꠥꠘ꠆ꠘꠛꠤ ⁕

xet̪ab ɦalɔt̪unnɔbi

ꠉꠚꠥꠞ ꠞꠢꠤꠝ ꠀꠟ꠆ꠟꠣ ꠇꠣꠖꠤꠞ ꠍꠥꠛꠢꠣꠘ ॥
ꠍꠤꠔꠣꠞꠣꠄ ꠈꠥꠛꠤ ꠖꠤꠟꠣ ꠡꠣꠔ ꠀꠍꠝꠣꠘ ⁕
gɔfuɾ ɾɔɦim alla xadiɾ subɔɦan,
sit̪aɾae kubi dila ʃat̪ asman.

ꠎꠝꠤꠘꠦꠞ ꠈꠥꠛꠤ ꠖꠤꠟꠣ ꠇꠔ ꠌꠤꠎꠦ ꠀꠞ ॥
ꠡꠇꠟ ꠝꠢꠔꠣꠎ ꠈꠣꠟꠤ ꠉꠘꠤ ꠙꠞꠅꠀꠞ ⁕
zɔmineɾ kubi dila xɔt̪ɔ size aɾ,
ʃɔxɔl mɔɦt̪az xali gɔni fɔɾɔaɾ.

ꠎꠝꠤꠘ ꠀꠍꠝꠣꠘ ꠎꠦꠍꠣ ꠉꠥꠘꠣ ꠇꠦꠃ ꠇꠞ ॥
ꠀꠟ꠆ꠟꠣ ꠎꠖꠤ ꠌꠣꠄ ꠔꠣꠞ ꠈꠦꠝꠣ ꠖꠤꠔꠦ ꠙꠣꠞꠦ ⁕
zɔmin asman zesa guna xeɔ xɔɾe,
alla zɔdi sae t̪aɾ xema dit̪e faɾe.

ꠀꠟ꠆ꠟꠣ ꠛꠤꠘꠦ ꠍꠣꠖꠇꠦꠞ ꠟꠇ꠆ꠇ ꠜꠤꠇ ꠘꠣꠁ ॥
ꠀꠝꠣꠞꠦ ꠡꠥꠙꠤꠍꠤ ꠀꠝꠤ ꠝꠣꠛꠥꠖꠦꠞ ꠌꠣꠁ ⁕
alla bine sadɔxeɾ lɔkkɔ bik nai,
amaɾe ʃufisi ami mabudeɾ ʈai.

ꠢꠎ꠆ꠎꠔꠦ ꠢꠥꠞꠝꠔꠦ ꠘꠛꠤ ꠝꠢꠣꠝ꠆ꠝꠖ ꠞꠍꠥꠟ ॥
ꠎꠦ ꠇꠞꠦ ꠝꠣꠛꠥꠖ ꠀꠟ꠆ꠟꠣ ꠀꠝꠣꠞ ꠇꠛꠥꠟ ⁕
izzɔt̪e ɦuɾmɔt̪e (uɾmɔt̪e) nɔbi mɔɦammɔd ɾɔsul,
ze xɔɾe mabud alla amaɾ xɔbul.

ꠀꠎꠛ ꠄꠇ ꠢꠣꠖꠤ ꠘꠛꠤ ꠇꠔ ꠉꠥꠘ ꠔꠣꠘ ॥
ꠎꠣꠞ ꠟꠣꠉꠤ ꠙꠄꠖꠣ ꠢꠁꠍꠦ ꠎꠝꠤ ꠀꠍꠝꠣꠘ ⁕
azɔb ex ɦadi (adi) nɔbi xɔt̪ɔ gun t̪an,
zaɾ lagi fɔeda ɦɔise (ɔise) zɔmi asman.

ꠙꠥꠞꠣꠘꠣ ꠛꠁꠀꠁꠘ

ꠁꠈꠣꠘꠧ ꠘꠣꠉꠞꠤ ꠍꠣꠞ ꠅꠞ 'ꠍꠤꠟꠐꠤ ꠘꠣꠉꠞꠤ' ꠛꠁ ꠅ ꠍꠤꠟꠐꠤ ꠘꠣꠉꠞꠤ ꠡꠛ꠆ꠖꠣꠁꠘ꠆ꠔꠞ ꠃꠌ꠆ꠌꠣꠞꠘ ꠖꠦꠈꠣꠘꠤ ꠅꠁꠍꠦ ꠖꠥꠁꠅꠎꠣꠔ ꠟꠤꠙꠤꠖꠤ ꠍꠤꠟꠐꠤ (ꠍꠤꠟꠦꠐ ꠘꠣꠉꠞꠤ) ꠟꠤꠙꠤ ꠀꠞ ꠛꠦꠋꠉꠟꠤ-ꠀꠡꠣꠝꠤ (ꠙꠥꠅꠞ ꠖꠦꠡꠥꠀ) ꠟꠤꠙꠤꠖꠤ

ꠊꠥꠠꠣ /ɡuɾa/

ঘুড়া /ɡuɾa/

ꠊꠠꠤ /ɡɔɾi/

ঘড়ি /ɡɔɾi/

ꠊꠞ /ɡɔɾ/

ঘর /ɡɔɾ/

ꠌꠇꠞ /sɔxɔɾ/

চকর /sɔxɔɾ/

ꠌꠃꠇ /sɔʊk/

চউক /sɔʊk/

ꠌꠥꠀ /sua/

চুআ /sua/

ꠢꠞꠚꠣꠁꠘ

ꠝꠥꠀꠔꠤ ꠢꠞꠚ

ꠢꠞꠚ	ꠢꠞꠚꠞ ꠌꠤꠘ	ꠃꠌ꠆ꠌꠣꠞꠘ
ꠀ	ꠣ	/ a /
ꠁ	ꠤ	/ i /
ꠃ	ꠥ	/ u /
ꠄ	ꠦ	/ e /
ꠅ	ꠧ	/ ɔ /
N/A	ꠂ	/ɔi/

ꠝꠥꠀꠔꠤ ꠌꠤꠘ

ꠀꠝꠥꠀꠔꠤ ꠢꠞꠚ


ꠃꠌ꠆ꠌꠣꠞꠘ	ꠘꠤꠌꠣ ꠐꠣꠘ ꠀꠟꠣ ꠢꠞꠚ	ꠃꠌꠣ ꠐꠣꠘ ꠀꠟꠣ ꠢꠞꠚ	ꠃꠌ꠆ꠌꠣꠞꠘ (IPA)
/ k ~ x /	ꠇ	ꠈ	xɔ / xɔ́
/ g /	ꠉ	ꠊ	gɔ / gɔ́
/ t͡ʃ ~ s /	ꠌ	ꠍ	sɔ / sɔ́
/ d͡ʒ ~ z /	ꠎ	ꠏ	zɔ / zɔ́
/ ʈ /	ꠐ	ꠑ	ʈɔ / ʈɔ́
/ ɖ /	ꠒ	ꠓ	ɖɔ / ɖɔ́
/ t̪ /	ꠔ	ꠕ	t̪ɔ / t̪ɔ́
/ d̪ /	ꠖ	ꠗ	d̪ɔ / d̪ɔ́
/ n /	ꠘ	n/a	nɔ
/ p ~ ɸ ~ f /	ꠙ	n/a	ɸɔ
/ ɸ ~ f /	n/a	ꠚ	fɔ́
/ b /	ꠛ	ꠜ	bɔ / bɔ́
/ m /	ꠝ	n/a	mɔ
/ ɾ /	ꠞ	n/a	ɾɔ
/ l /	ꠟ	n/a	lɔ
/ ʃ /	ꠡ	n/a	ʃɔ
/ ɦ /	ꠢ	n/a	ɦɔ
/ ɽ /	ꠠ	n/a	ɽɔ

ꠀꠘꠣꠀꠃꠀꠎꠤ ꠌꠤꠘ

ꠌꠤꠘ	ꠀꠁꠙꠤꠄ	ꠛꠦꠛꠀꠞ	ꠀꠞꠇ ꠛꠦꠛꠀꠞ
꠆			ꠢꠞꠚꠞ ꠀꠉꠦꠖꠤ ꠅ ꠛꠘ ꠇꠞꠣꠞ ꠟꠣꠉꠤ
꠨	,	ꠇꠝꠣ (ꠀꠉꠦꠖꠤ ꠚꠣꠇ ꠞꠣꠈꠤꠀ)	ꠙꠄꠟꠣ ꠙꠖ / ꠔꠤꠞꠤꠙꠖꠤ ꠇꠛꠤꠔꠣꠞ ꠙꠄꠟꠣ ꠍꠘ꠆ꠖꠞ ꠖꠣꠉ
꠩			ꠖꠥꠁ ꠙꠖ / ꠔꠤꠞꠤꠙꠖꠤ ꠇꠛꠤꠔꠣꠞ ꠖꠥꠍ꠆ꠞꠣ ꠍꠘ꠆ꠖꠞ ꠖꠣꠉ
꠪		ꠀꠉꠤꠘꠣꠝꠞ ꠛꠣꠖꠦ ꠛꠄ	ꠔꠤꠘ ꠙꠖ / ꠔꠤꠞꠤꠙꠖꠤ ꠇꠛꠤꠔꠣꠞ ꠔꠤꠍ꠆ꠞꠣ ꠍꠘ꠆ꠖꠞ ꠖꠣꠉ
꠫			ꠌꠣꠁꠞ ꠙꠖ ꠀꠞ ꠁꠈꠣꠘꠖꠤ ꠢꠇꠟꠐꠤꠘ ꠙꠥꠞ꠆ꠘꠔꠣ ꠙꠣꠄ ꠀꠞ ꠝꠂꠟꠤꠇ ꠅꠄ ꠛꠣꠖꠛꠣꠇꠤ ꠀꠞꠧ ꠟꠣꠉꠟꠦ ꠅꠉꠥꠁꠘꠖꠤ ꠛꠣꠘꠣꠁꠟ ꠎꠣꠄ

ꠁꠃꠘꠤꠇꠥꠒ

Syloti Nagri ^[5] ^[6]^[7]
	0	1	2	3	4	5	6	7	8	9	A	B	C	D	E	F
U+A80x	ꠀ	ꠁ	ꠂ	ꠃ	ꠄ	ꠅ	꠆	ꠇ	ꠈ	ꠉ	ꠊ	ꠋ	ꠌ	ꠍ	ꠎ	ꠏ
U+A81x	ꠐ	ꠑ	ꠒ	ꠓ	ꠔ	ꠕ	ꠖ	ꠗ	ꠘ	ꠙ	ꠚ	ꠛ	ꠜ	ꠝ	ꠞ	ꠟ
U+A82x	ꠠ	ꠡ	ꠢ	ꠣ	ꠤ	ꠥ	ꠦ	ꠧ	꠨	꠩	꠪	꠫	꠬
Notes 1. note\|UA800_as_of_Unicode_version Unicode version\|prefix=Asof\|version=15 2. note\|UA800_grey Grey areas indicate non-assigned code points

ꠍꠤꠟꠐꠤ ꠟꠦꠈꠣꠢꠣꠞꠣꠘꠤꠞ ꠇꠟ

ꠍꠤꠟꠐꠤ ꠟꠦꠈꠣꠢꠣꠞꠣꠘꠤꠞ ꠇꠟꠅꠇꠟ (ꠀꠋꠞꠦꠎ - Sylheti input methods) ⁕ ꠍꠤꠟ꠆ꠢꠦꠐꠤ ꠞꠤꠍꠣꠞ꠆ꠌ ꠀꠞ ꠐ꠆ꠞꠣꠘ꠆ꠍꠟꠦꠡꠘꠦ ꠁꠃꠘꠤꠇꠥꠒꠧ ꠎꠣꠅꠀꠞ ꠀꠉ ꠕꠘꠦꠃ ꠟꠂꠀ ꠀꠁꠘ ꠡꠥꠞꠝꠣ ꠚꠘ꠆ꠐ ⁕ 2003 ꠅ ꠃꠁꠘꠤꠇꠥꠒ ꠅ ꠎꠦꠉꠣ ꠙꠣꠅꠀꠞ ꠛꠣꠖꠦ ꠅꠃ ꠍꠤꠟꠐꠤ ꠖꠦꠡꠥꠀ ꠢꠞꠚꠖꠤ ꠍꠤꠟꠐꠤ ꠍ꠆ꠔꠣꠘꠤꠅ ꠜꠣꠡꠣ ꠟꠦꠈꠣꠞ ꠟꠣꠉꠤ ꠄꠘ꠆ꠒꠞꠄꠒ ꠅ 31 ꠝꠦ 2016 ꠢꠇꠟꠞ ꠙꠄꠟꠣ ꠝꠣꠟ꠆ꠐꠤꠟꠤꠋ ꠅ ꠇꠤꠛꠥꠒ (Multiling O Keyboard) ꠄ ꠟꠂꠀ ꠀꠁꠘ ꠍꠤꠟꠐꠤ ꠇꠤꠛꠥꠒ ꠙ꠆ꠟꠣꠉꠤꠘ (Sylheti keyboard plugin) ⁕^[8] ⁕ ꠇꠝ꠆ꠙꠥꠐꠣꠞ ꠅ ꠁꠃꠘꠤꠇꠥꠒ ꠍꠣꠙꠥꠐ ꠘꠣ ꠇꠞ꠆ꠟꠦ ꠡꠥꠞꠝꠣꠞ ꠅꠃ ꠚꠘ꠆ꠐ ꠛꠦꠛꠀꠞ ꠇꠞ꠆ꠔꠣ ꠙꠣꠞ꠆ꠛꠣ (Surma-L legacy font)⁕^[9] ꠔꠣꠞꠛꠣꠖꠦ ꠍꠤꠟꠐꠤ ꠘꠣꠉꠞꠤ ꠘꠥꠐ (Syloti Nagri Note) ꠘꠣꠝꠦ ꠄꠘ꠆ꠒꠞꠄꠒ ꠇꠤꠛꠥꠒ ꠀꠞ ꠟꠉꠦ ꠘꠥꠐ ꠇꠞꠣ ꠛꠣꠞ ꠅꠄ ⁕ ꠄꠈꠘ ꠄꠘ꠆ꠒ꠆ꠞꠄꠒ ꠅ ꠍꠤꠟꠐꠤ ꠘꠣꠉꠞꠤ ꠇꠤꠛꠥꠒ (Syloti Nagri Keyboard) ꠘꠣꠝꠅ ꠄꠙ ꠖꠤꠀ ꠟꠦꠈ꠆ꠔꠣ ꠙꠣꠞ꠆ꠛꠣ ꠀꠞ ꠢꠟꠚ ꠛꠖꠟ ꠇꠞ꠆ꠔꠣ ꠙꠣꠞ꠆ꠛꠣ ⁕ ꠉꠥꠉꠟꠞ ꠘꠤꠎꠡ꠆ꠡ ꠎꠤꠛꠥꠒ (Gboard) ꠅ ꠍꠤꠟ꠆ꠢꠦꠐꠤ (ꠍꠤꠟꠐꠤ ꠘꠣꠉꠞꠤ) Sylheti (Syloti Nagri) ꠇꠂꠀ ꠇꠤꠛꠥꠒ ꠀꠍꠦ ꠀꠞ ꠀꠙꠦꠟ (Apple, iOS, iPhone) ꠟꠦꠈꠣꠞ ꠟꠣꠉꠤ ꠛꠣꠞꠂꠍꠦ ꠍꠤꠟꠐꠤ ꠇꠤꠛꠥꠒ (Syloti keyboard) ⁕ ꠄꠌ ꠀꠁ ꠄꠟ (SIL International) ꠎꠣꠞꠣꠞ ꠝꠣꠁꠗ꠆ꠗꠝꠦ ꠍꠤꠟꠐꠤ ꠝꠣꠔ ꠀꠘ꠆ꠔꠎꠣꠔꠤ ꠡꠤꠇ꠆ꠞꠤꠔꠤ ꠙꠣꠁꠍꠦ ꠔꠣꠞꠣ ꠛꠣꠞ ꠇꠞ꠆ꠍꠂꠘ ꠍꠤꠟ ꠇꠤꠛꠥꠒ (SYL Keyboard) ꠎꠦꠐꠣ ꠢꠇꠟꠔꠣꠔ ꠌꠟꠦ (Windows ,macOS, Linux, Android, iPhone and iPad, Web, Mobile web)⁕ ^[10] ꠘꠦꠐꠧ ꠅ ꠟꠦꠈꠣ ꠎꠣꠄ ⁕ ^[11]

ꠉꠘꠣ

ꠀꠡꠟ ꠐꠦꠝ꠆ꠙꠟꠦꠐ: ꠖꠦꠈꠂꠘ ꠨ ꠟꠦꠈꠂꠘ

ꠍꠤꠟꠐꠤ (ꠘꠣꠉ꠆ꠞꠤ) ꠘꠣꠝ	ꠢꠣꠔ꠆ꠎꠦꠉꠣꠞ ꠢꠞꠚꠞ ꠃꠌ꠆ꠌꠣꠞꠘ꠆ꠖꠤ	ꠙꠥꠛꠞ ꠁꠘ꠆ꠖꠥ-ꠀꠞ꠆ꠛꠤ ꠉꠘꠣ	ꠙꠥꠌ꠆ꠝꠞ ꠁꠘ꠆ꠖꠥ-ꠀꠞ꠆ꠛꠤ ꠉꠘꠣ	ꠝꠋꠉꠟꠤ ꠉꠘꠣ	ꠛꠦꠋꠉꠟꠤ ꠉꠘꠣ	ꠔꠤꠛ꠆ꠛꠔꠤ ꠉꠘꠣ
ꠡꠥꠁꠘ꠆ꠘ	/ʃuinnɔ/		0	᠐	০	༠
ꠄꠇ	/ex/	١
ꠖꠥꠁ	/dui/	٢
ꠔꠤꠘ	/t̪in/				৩
ꠌꠣꠁꠞ/ꠌꠣꠞꠤ	/sair/ /sari/			᠔
ꠙꠣꠌ	/ɸas/				৫
ꠍꠄ	/sɔj/			᠖
ꠢꠣꠔ	/ɦat̪/	٧
ꠀꠐ	/aʈ/		8
ꠘꠄ	/nɔj/	٩

ꠝꠣꠘꠥꠡꠝꠦꠟꠅ ꠖꠦꠈꠣꠘꠤ

ꠅꠣꠟꠅ ꠐꠣꠋꠉꠣꠁꠟ - ꠍꠤꠟꠐꠤ ꠘꠣꠉꠞꠤ ꠟꠤꠙꠤꠖꠤ ꠡꠛ꠆ꠖꠣꠁꠘ ꠟꠦꠈ꠆ꠍꠂꠘ ꠟꠘ꠆ꠒꠘꠤ ꠛꠣꠘ꠆ꠘꠤꠔ
ꠇꠣꠟꠤꠞ ꠇꠣꠝ - ꠍꠤꠟꠐꠤ ꠘꠣꠉꠞꠤ ꠟꠤꠙꠤꠖꠤ ꠀꠇ꠆ꠍꠂꠘ ꠞꠤꠖꠅꠣꠘ ꠞꠤꠖꠄ
ꠇꠣꠟꠤꠞ ꠇꠣꠝ - ꠍꠤꠟꠐꠤ ꠘꠣꠉꠞꠤ ꠟꠤꠙꠤꠖꠤ ꠀꠇ꠆ꠍꠂꠘ ꠞꠤꠖꠅꠣꠘ ꠞꠤꠖꠄ
ꠞꠥꠇꠞ ꠇꠣꠝ - "ꠝꠣꠔ꠆ꠞꠤꠜꠣꠡꠣ" ꠍꠤꠟꠐꠤ ꠘꠣꠉꠞꠤ ꠟꠤꠙꠤꠖꠤ ꠟꠦꠈꠣ ꠛꠣꠘꠣꠁꠍꠂꠘ ꠐꠤꠝ ꠛ꠆ꠞꠥꠇ꠆ꠌ

ꠟꠇ

↑ ꠎꠣꠖꠛꠙꠥꠞ ꠁꠃꠘꠤꠜꠣꠞ꠆ꠌꠤꠐꠤꠞ ꠍꠤꠟꠐ-ꠘꠣꠉꠞꠤ ꠡꠣꠁꠔ꠆ꠔꠞ ꠡꠋꠞꠡꠣꠟꠣ
↑ ꠛꠤꠐꠤꠡ ꠟꠣꠁꠛꠦꠞꠤꠞ ꠍꠤꠟꠐ-ꠘꠣꠉꠞꠤ ꠡꠣꠁꠔ꠆ꠔꠞ ꠡꠋꠞꠡꠣꠟꠣ
↑ ꠛꠦꠋꠉꠟꠤ ꠟꠤꠐꠣꠞꠣꠞꠤ ꠞꠤꠜꠤꠃ - Volumes 3-5 - Page 26. "There is hardly any distinction between the symbols of the letters U , B , M , and S. In the letter R the left hand stroke is slanting in Sylheti Nagari while it is horizontal in the Afghan coins . In the letter I the coins ..."
↑ "Puthi Halot-un-Nobi by Sadek Ali". Sylheti Translation and Research. "The photograph below is the front page of the puthi 'Halot-un-Nobi' ('Account of the Prophet'), composed by Sadeq Ali (born 1800 CE, formerly known as Gouro Kishor Sen) of Daulatpur, Langla, Moulvibazar, Sylhet. 'Halot-un-Nobi', a printed puthi of 275 pages, was the most widely printed of all books in the Siloṭi Nagri script. It describes the life and times of Mohammed (R:)."
↑ ref label|UA800_as_of_Unicode_version|1
↑ ref label|UA800_grey|2
↑ Official Unicode Consortium code chart (PDF)
↑ ꠝꠣꠟ꠆ꠐꠤ ꠅ ꠇꠤꠛꠥꠒ (2016) "Sylheti or Syloti Nagri plugin for Multiling O Keyboard"
↑ ꠍꠤꠟ꠆ꠢꠦꠐꠤ ꠞꠤꠍꠣꠞ꠆ꠌ ꠀꠞ ꠐ꠆ꠞꠣꠘ꠆ꠍꠟꠦꠡꠘ "The Surma-L legacy font functions by mapping a Siloṭi Nagri character onto a Latin keyboard. This font set is necessary for software and applications which do not yet support the block of Unicode characters which contain those symbols necessary for typing Siloṭi Nagri. (Currently this includes MS Word.)"
↑ SYL Keyboard. Keymanweb. "Mobile and desktop keyboards for Syloti Nagri, traditional script of the Sylheti language spoken in Sylhet (Bangladesh) and Cachar (Assam)."
↑ SYL Keyboard (online) Keymanweb, "syl-sylo"

ꠛꠣꠁꠞꠣꠔꠣꠔ

ꠀꠞꠅ ꠖꠦꠈꠃꠇ꠆ꠇꠣ

ꠕꠥꠇꠣꠘꠤ

ꠅꠟꠣꠘ ꠍꠤꠟꠐꠤ ꠀꠞ ꠀꠞ ꠙꠎꠦꠇ꠆ꠐꠣꠁꠘ ꠪ ꠍꠤꠟꠐꠤ ꠃꠁꠇꠤꠡꠛ꠆ꠖꠣꠁꠘ · ꠍꠤꠟꠐꠤ ꠃꠁꠇꠤꠛꠁꠀꠁꠘ · ꠍꠤꠟꠐꠤ ꠃꠁꠇꠤꠈꠛꠞ · ꠍꠤꠟꠐꠤ ꠃꠁꠇꠤꠇꠅꠐ · ꠍꠤꠟꠐꠤ ꠃꠁꠇꠤꠍꠚꠞ · ꠍꠤꠟꠐꠤ ꠃꠁꠇꠤꠙꠣꠡ꠆ꠡꠣꠟꠣ · ꠍꠤꠟꠐꠤ ꠃꠁꠇꠤꠟꠇ

syl:ꠍꠤꠟꠐꠤ ꠟꠤꠙꠤ ꠨ bn:সিলেটি নাগরি ꠨ ru:Силхетское нагари ꠨ de:Sylhetische Schrift ꠨ kge:Huruf Sylheti Nagri ꠨ ps:سلهتی نګری لپی ꠨ pnb:سلہٹی ناگری لپی ꠨ ja:シロティ・ナグリ文字 ꠨ th:อักษรสิเลฏินาครี ꠨ uk:Силоті-наґрі ꠨ hi:सिलेटी नागरी ꠨ it:Scrittura sylheti ꠨ bpy:সিলেটি নাগরি ꠨ as:ছিলঠীয়া নাগৰী ꠨ vo:Lafab Silötänäpüka ꠨ sv:Syloti nagri ꠨ en:Sylheti Nagri

[1] ꠎꠣꠖꠛꠙꠥꠞ ꠁꠃꠘꠤꠜꠣꠞ꠆ꠌꠤꠐꠤꠞ ꠍꠤꠟꠐ-ꠘꠣꠉꠞꠤ ꠡꠣꠁꠔ꠆ꠔꠞ ꠡꠋꠞꠡꠣꠟꠣ

[2] ꠛꠤꠐꠤꠡ ꠟꠣꠁꠛꠦꠞꠤꠞ ꠍꠤꠟꠐ-ꠘꠣꠉꠞꠤ ꠡꠣꠁꠔ꠆ꠔꠞ ꠡꠋꠞꠡꠣꠟꠣ

[3] ꠛꠦꠋꠉꠟꠤ ꠟꠤꠐꠣꠞꠣꠞꠤ ꠞꠤꠜꠤꠃ - Volumes 3-5 - Page 26. "There is hardly any distinction between the symbols of the letters U , B , M , and S. In the letter R the left hand stroke is slanting in Sylheti Nagari while it is horizontal in the Afghan coins . In the letter I the coins ..."

[4] "Puthi Halot-un-Nobi by Sadek Ali". Sylheti Translation and Research. "The photograph below is the front page of the puthi 'Halot-un-Nobi' ('Account of the Prophet'), composed by Sadeq Ali (born 1800 CE, formerly known as Gouro Kishor Sen) of Daulatpur, Langla, Moulvibazar, Sylhet. 'Halot-un-Nobi', a printed puthi of 275 pages, was the most widely printed of all books in the Siloṭi Nagri script. It describes the life and times of Mohammed (R:)."

[5] ref label|UA800_as_of_Unicode_version|1

[6] ref label|UA800_grey|2

[7] Official Unicode Consortium code chart (PDF)

[8] ꠝꠣꠟ꠆ꠐꠤ ꠅ ꠇꠤꠛꠥꠒ (2016) "Sylheti or Syloti Nagri plugin for Multiling O Keyboard"

[9] ꠍꠤꠟ꠆ꠢꠦꠐꠤ ꠞꠤꠍꠣꠞ꠆ꠌ ꠀꠞ ꠐ꠆ꠞꠣꠘ꠆ꠍꠟꠦꠡꠘ "The Surma-L legacy font functions by mapping a Siloṭi Nagri character onto a Latin keyboard. This font set is necessary for software and applications which do not yet support the block of Unicode characters which contain those symbols necessary for typing Siloṭi Nagri. (Currently this includes MS Word.)"

[10] SYL Keyboard. Keymanweb. "Mobile and desktop keyboards for Syloti Nagri, traditional script of the Sylheti language spoken in Sylhet (Bangladesh) and Cachar (Assam)."

[11] SYL Keyboard (online) Keymanweb, "syl-sylo"

[1]

[2]

[3]

[4]

[5]

[6]

[7]

[8]

[9]

[10]

[11]