ꠝꠥꠢꠝ꠆ꠝꠖ
| ꠎꠘ꠆ꠝ |   ꠀꠉꠡ꠆ꠐ    ꠝꠇ꠆ꠇꠣ ꠨ ꠀꠞꠛ |
| ꠝꠤꠔ꠆ꠔꠥ |  ꠎꠥꠘ   ꠨ ꠝꠖꠤꠘꠣ ꠨ ꠀꠞꠛ |
| ꠎꠣꠔꠤꠡꠔ꠆ꠔꠣ | ꠀꠞꠛ |
| ꠎꠦꠔꠣꠞ ꠟꠣꠉꠤ ꠙꠞꠤꠌꠤꠔ | ꠁꠍꠟꠣꠝꠧꠞ ꠘꠛꠤ |
| ꠛꠣꠙ-ꠝꠣ | ꠛꠣꠙ : ꠀꠛ꠆ꠖꠥꠟ꠆ꠟꠣꠢ ꠝꠣ : ꠀꠝꠤꠘꠣ |
ꠝꠥꠢꠝ꠆ꠝꠖ ( ꠀꠉꠡ꠆ꠐ ꠕꠘꠦ ꠎꠥꠘ ꠨ ꠀꠞ꠆ꠛꠤ محمد ꠨ ꠔꠥꠞ꠆ꠇꠤ ꠝꠥꠢꠣꠝ꠆ꠝꠦꠖ) ꠙꠥꠞꠣ ꠘꠣꠝ ꠪ ꠀꠛꠥ ꠀꠟ-ꠇꠣꠡꠤꠝ ꠝꠥꠢꠣꠝ꠆ꠝꠖ ꠁꠛꠘꠦ ʿꠀꠛ꠆ꠖꠥꠟ꠆ꠟꠣꠢ ꠁꠛꠘꠦ ʿꠀꠛꠖꠥꠟ ꠝꠥꠔ꠆ꠔꠣꠟꠤꠛ ꠁꠛꠘꠦ ꠢꠣꠡꠤꠝ (ابو القاسم محمد ابن عبد الله ابن عبد المطلب ابن هاشم) ꠅꠁꠟꠣ ꠁꠍꠟꠣꠝꠞ ꠇꠦꠘ꠆ꠖ꠆ꠞꠤꠅ ꠛꠦꠇ꠆ꠔꠤꠔ꠆ꠔ ꠅ ꠁꠍꠟꠣꠝꠤ ꠛꠤꠡ꠆ꠡꠣꠡ ꠝꠔꠦ ꠀꠟ꠆ꠟꠣꠢ ꠁꠡ꠆ꠡꠞ ꠇꠞ꠆ꠔꠤꠇ ꠙꠣꠓꠣꠁꠟ ꠡꠛꠡꠦꠡ ꠘꠛꠤ ꠨ (ꠀꠞꠛꠤ: النبي ꠀꠘ-ꠘꠣꠛꠤꠁꠃ) ꠨ ꠔꠕꠣ "ꠛꠣꠞ꠆ꠔꠣꠛꠣꠅꠇ" (ꠀꠞꠛꠤ: الرسول ꠀꠞ-ꠞꠣꠍꠥꠟ) ꠨ ꠎꠣꠞ ꠃꠙꠞꠦ ꠁꠍꠟꠣꠝꠤ ꠙꠗꠣꠘ ꠗꠞ꠆ꠝꠉ꠆ꠞꠘ꠆ꠕ ꠀꠟ-ꠇꠥꠞꠀꠘ ꠅꠛꠔꠤꠞ꠆ꠘ ꠅꠁꠍꠦ ⁕ ꠅꠝꠥꠍꠟꠤꠝ ꠅꠈꠟꠧꠞ ꠝꠧꠔꠦ ꠔꠣꠁꠘ ꠁꠍꠟꠣꠝꠤ ꠎꠤꠛꠘ ꠛꠦꠛꠍ꠆ꠕꠣꠞ ꠙꠛꠞ꠆ꠕꠇ ⁕ ꠛꠦꠡꠤꠞꠜꠣꠉ ꠁꠔꠤꠀꠡꠛꠤꠖ ꠀꠞ ꠛꠤꠡꠦꠡꠉ꠆ꠉ ꠅꠈꠟꠧꠞ ꠝꠔꠦ ꠨ ꠝꠥꠢꠣꠝ꠆ꠝꠖ ꠀꠍꠟꠣ ꠖꠥꠘꠤꠀꠞ ꠁꠔꠤꠀꠡꠧ ꠅꠁꠘ꠆ꠘꠔꠝ ꠙꠜꠣꠛꠡꠣꠟꠤ ꠞꠣꠎꠘꠤꠔꠤꠛꠤꠖ ꠨ ꠡꠣꠝꠣꠎꠤꠇ ꠅ ꠗꠞ꠆ꠝꠤꠅ ꠘꠦꠔꠣ ⁕ ꠔꠣꠘ ꠁ ꠛꠤꠡꠦꠡꠧꠔ꠆ꠔꠞ ꠅꠁꠘ꠆ꠘꠔꠝ ꠇꠣꠞꠘ ꠅꠁꠟ ꠀꠖ꠆ꠖꠣꠔꠤꠇ ꠅ ꠎꠣꠉꠔꠤꠇ ꠖꠧꠅ ꠛꠣꠄ ꠌꠥꠠꠣꠘ꠆ꠔ ꠡꠚꠟꠔꠣ ꠙꠣꠅꠀ ⁕ ꠔꠣꠁꠘ ꠗꠞ꠆ꠝꠤꠅ ꠎꠤꠛꠘꠧ ꠎꠦꠝꠘꠦ ꠡꠚꠟ ꠞꠣꠎꠘꠂꠔꠤꠇ ꠎꠤꠛꠘꠧꠅ ꠅꠟꠣ ꠡꠚꠟ ⁕ ꠡꠣꠞꠣ ꠀꠞꠛ ꠛꠤꠡ꠆ꠡꠞ ꠎꠣꠉꠞꠘꠧꠞ ꠙꠕꠤꠇ꠆ꠞꠤꠔ ꠢꠤꠡꠣꠛꠦ ꠔꠣꠁꠘ ꠅꠉ꠆ꠞꠉꠘ꠆ꠘ; ꠝꠣꠁꠞꠇꠥꠞ ꠀꠞꠛ ꠅꠈꠟꠞꠦ ꠄꠇ ꠇꠞꠣ ꠔꠣꠘ ꠎꠤꠛꠘꠧꠞ ꠅꠁꠘ꠆ꠘꠔꠝ ꠡꠚꠟꠔꠣ ⁕
ꠀꠘꠥꠝꠣꠘꠤꠇ ꠈꠤꠡ꠆ꠐꠣꠛ꠆ꠖ ꠝꠇ꠆ꠇꠣ ꠘꠉꠞꠤꠔ ꠎꠘ꠆ꠝ ꠘꠦꠅꠀ ꠝꠥꠢꠣꠝ꠆ꠝꠖ ꠚꠥꠞꠥ ꠕꠣꠇꠔꠦ ꠄꠔꠤꠝ ꠅꠁꠘ ꠀꠞ ꠄꠞꠛꠣꠖꠦ ꠙꠄꠟꠣ ꠔꠣꠘ ꠖꠣꠖꠣ ꠀꠛ꠆ꠖꠥꠟ ꠝꠧꠔ꠆ꠔꠣꠟꠤꠛ ꠅ ꠛꠣꠖꠦ ꠌꠣꠌꠣ ꠀꠛꠥ ꠔꠣꠟꠤꠛꠧꠞ ꠉꠦꠍꠦ ꠟꠣꠟꠘ ꠙꠣꠟꠘ ꠅꠁꠘ ⁕ ꠢꠦꠞꠣ ꠙꠣꠢꠣꠠꠧꠞ ꠉꠥꠢꠣꠔ ꠗꠤꠀꠘꠧ ꠕꠣꠇꠔꠦ ꠕꠣꠇꠔꠦ 
ꠛꠍꠞ ꠛꠄꠅꠡꠧ ꠔꠣꠁꠘ ꠘꠛꠥꠅꠔ ꠙꠣꠁꠘ ⁕ ꠎꠤꠛ꠆ꠞꠣꠁꠟ ꠅꠃ ꠙꠣꠢꠣꠠꠧꠞ ꠉꠥꠢꠣꠔ ꠀꠟ꠆ꠟꠣꠞ ꠔꠞꠚ ꠔꠘꠦ ꠔꠣꠘ ꠉꠦꠍꠦ ꠅꠢꠤ ꠟꠁꠀ ꠀꠁꠘ ⁕ ꠔꠤꠘ ꠛꠍꠞ ꠛꠣꠖꠦ 
ꠈꠤꠡ꠆ꠐꠣꠛ꠆ꠖ ꠝꠥꠢꠣꠝ꠆ꠝꠖ ꠡꠣꠝꠘꠣꠡꠣꠝꠘꠤ ꠅꠢꠤ ꠙꠌꠣꠞ ꠇꠞꠦꠘ ꠨ ꠀꠞ ꠊꠧꠡꠘꠣ ꠖꠦꠁꠘ "ꠀꠟ꠆ꠟꠣ ꠄꠇ" ꠅ ꠔꠣꠘ ꠉꠦꠍꠦ ꠘꠤꠎꠞꠦ ꠡꠙꠤꠀ ꠖꠦꠃꠀꠞ ꠝꠣꠏꠦ ꠖꠥꠘꠤꠀꠁꠞ ꠇꠟ꠆ꠟꠣꠘ ꠘꠤꠢꠤꠔ ꠨ ꠀꠞ ꠁꠍꠟꠣꠝꠞ ꠅꠁꠘꠣꠘ꠆ꠘ ꠘꠛꠤꠘꠔꠞ ꠟꠣꠈꠣꠘ ꠔꠣꠁꠘ ꠅ ꠀꠟ꠆ꠟꠣꠞ ꠙꠣꠑꠣꠁꠟ ꠖꠥꠔ ⁕
ꠝꠞꠣꠞ ꠀꠉ ꠙꠞ꠆ꠎꠘ꠆ꠔ ꠝꠥꠢꠣꠝ꠆ꠝꠖ-ꠅꠞ ꠉꠦꠍꠦ ꠀꠅꠀ ꠅꠢꠤꠅꠈꠟ ꠇꠥꠞꠀꠘꠧꠞ ꠀꠄꠀꠔ ꠢꠤꠡꠣꠛꠦ ꠞꠁ ꠎꠣꠄ ꠀꠞ ꠝꠥꠍꠟꠝꠣꠘꠅꠈꠟꠦ ꠅꠃ ꠀꠄꠀꠔꠅꠈꠟꠞꠦ "ꠀꠟ꠆ꠟꠣꠞ ꠛꠣꠘꠤ" ꠢꠤꠡꠣꠛꠦ ꠝꠘꠧ ꠇꠞꠂꠘ ⁕ ꠁ ꠇꠥꠞꠀꠘꠧꠞ ꠃꠙꠞꠦ ꠁꠍꠟꠣꠝ ꠗꠞ꠆ꠝꠞ ꠝꠥꠟ ꠙꠔꠤꠡꠐꠤꠔ ⁕ ꠇꠥꠞꠀꠘꠧꠞ ꠟꠉꠦꠟꠉꠦ ꠢꠣꠖꠤꠍ ꠅ ꠍꠤꠞꠣꠔ (ꠎꠤꠛꠘꠤ) ꠕꠣꠇꠤ ꠙꠣꠅꠀ ꠝꠥꠢꠣꠝ꠆ꠝꠖ-ꠅꠞ ꠡꠤꠇ꠆ꠇꠣ ꠅ ꠅꠘꠥꠡꠤꠟꠘ (ꠡꠥꠘ꠆ꠘꠔ) ꠁꠍꠟꠣꠝꠤ ꠀꠁꠘ (ꠡꠞꠤꠅꠔ) ꠢꠤꠡꠣꠛꠦ ꠛꠦꠛꠀꠞ ꠅꠄ ⁕
ꠀꠞꠛ ꠃꠙꠖꠤꠙ ꠀꠍꠤꠟ ꠝꠥꠟꠔ ꠢꠥꠇꠘꠣ ꠀꠞ ꠀꠉ꠆ꠘꠦꠅꠉꠤꠞꠤꠄ ꠜꠞꠣ ꠨ ꠅꠔꠣꠞ ꠟꠣꠉꠤ ꠝꠞꠥꠖ꠆ꠖꠣꠘ ꠘꠣꠁꠟꠦ ꠘꠖꠤꠞ ꠇꠣꠘ꠆ꠖꠣꠞ ꠅꠘ꠆ꠌꠟ ꠍꠣꠠꠣ ꠈꠦꠔꠉꠤꠞꠍ꠆ꠔꠤ ꠎꠦ ꠇꠡ꠆ꠐ ꠀꠍꠤꠟ ⁕ ꠀꠞꠛ ꠛꠟꠔꠦ ꠁꠈꠣꠘꠧ ꠝꠇ꠆ꠇꠣ ꠅ ꠝꠖꠤꠘꠣ ꠀꠞ ꠄꠞ ꠇꠣꠘ꠆ꠖꠣꠞ ꠅꠘ꠆ꠌꠟ ꠘꠤꠀ ꠉꠠꠤꠀ ꠃꠑꠣ ꠅꠋꠡꠞꠦ ꠛꠥꠏꠣꠘꠤ ꠅꠁꠞ ⁕ ꠝꠖꠤꠘꠣ ꠀꠍꠤꠟ ꠈꠦꠔꠉꠤꠞꠍ꠆ꠔꠤꠞ ꠃꠙꠎꠥꠉꠤ ꠛꠠ ꠘꠉꠞꠤ ꠨ ꠅꠁꠘ꠆ꠘꠛꠣꠄ ꠝꠇ꠆ꠇꠣ ꠀꠍꠤꠟ ꠛꠃꠔ ꠡꠝ꠆ꠙ꠆ꠞꠖꠣꠄ ꠅꠈꠟꠧꠞ ꠛꠡꠔꠤꠡꠝ꠆ꠙꠘ꠆ꠘ ꠉꠥꠞꠥꠔ꠆ꠙꠥꠞ꠆ꠘ ꠛꠦꠛꠡꠣ ꠇꠦꠘ꠆꠆ꠖ꠆ꠞ ⁕ ꠁ ꠅꠋꠡꠧꠞ ꠟꠉꠦ ꠝꠥꠢꠣꠝ꠆ꠝꠖꠧꠞ ꠎꠤꠛꠘꠧꠞ ꠡꠝ꠆ꠙꠤꠇ꠆ꠔꠔꠣ ꠀꠍꠤꠟ ⁕
ꠢꠃꠡꠝꠄꠇꠥꠞ ꠀꠞꠛ ꠅꠞ꠆ꠕꠘꠤꠔꠤꠞ ꠝꠥꠟ ꠈꠥꠐꠤ ꠀꠍꠤꠟ ꠛꠦꠛꠡꠣ ꠀꠞ ꠞꠣꠈꠣꠟꠤ ⁕ ꠁꠍ꠆ꠕꠣꠘꠤꠅ ꠀꠞꠛ ꠅꠈꠟ ꠎꠣꠎꠣꠛꠞ ꠀꠞ ꠉꠤꠞꠍ꠆ꠔ ꠖꠥꠁ ꠍꠦꠘꠤꠞ ꠀꠍꠤꠟ ⁕ ꠎꠣꠎꠣꠛꠞ ꠅꠈꠟꠦ ꠙꠣꠘꠤ ꠅ ꠈꠣꠘꠤꠞ ꠟꠣꠉꠤ ꠔꠣꠞꠣꠞ ꠝꠣꠘꠥꠡ ꠅꠈꠟ ꠟꠁꠀ ꠄꠇ ꠎꠣꠉꠣ ꠕꠣꠇꠤ ꠀꠞꠧꠇ ꠎꠣꠉꠣꠔ ꠉꠥꠞꠤꠀ ꠛꠦꠠꠣꠁꠔꠣ ⁕ ꠅꠁꠘ꠆ꠘꠛꠣꠄ ꠉꠤꠞꠍ꠆ꠔ ꠅꠈꠟꠦ ꠄꠇ ꠎꠣꠉꠣꠔ ꠕꠣꠇꠔꠧ ꠀꠞ ꠛꠦꠛꠡꠣ ꠅ ꠈꠦꠔꠧꠞ ꠇꠣꠝ ꠇꠞꠔ ⁕ ꠎꠣꠎꠣꠛꠞ ꠅꠈꠟꠦ ꠝꠞꠥꠙꠕꠧ ꠎꠣꠔ꠆ꠞꠤꠛꠣꠢꠤ ꠉꠣꠠꠤꠘꠔ ꠀꠇ꠆ꠞꠝꠘ ꠌꠣꠟꠣꠁꠀ ꠔꠣꠞꠣꠞ ꠝꠣꠟꠣꠝꠣꠟ ꠇꠣꠞꠤꠀ ꠀꠘꠤꠀ ꠘꠤꠎꠧꠞ ꠜꠞꠘꠙꠧꠡꠘꠧ ꠟꠣꠉꠣꠁꠔꠧ ⁕ ꠁꠔꠣ ꠇꠣꠝꠞꠦ ꠔꠣꠞꠣ ꠅꠙꠞꠣꠗ ꠝꠘꠧ ꠇꠞꠔ ꠘꠣ ⁕
ꠝꠥꠍꠟꠤꠝ ꠡꠝꠣꠎꠧ ꠝꠥꠢꠝ꠆ꠝꠖꠞ ꠛꠃꠔ ꠘꠣꠝ ꠀꠞ ꠃꠙꠣꠗꠤ ꠖꠦꠅꠀ ꠅꠁꠍꠦ। ꠁ ꠘꠣꠝꠅꠈꠟꠞꠦ ꠇꠥꠞꠀꠘꠧ ꠖꠦꠅꠀ ꠘꠣꠝ, ꠢꠣꠖꠤꠍꠧ ꠛꠞ꠆ꠘꠤꠔ ꠘꠣꠝ, ꠙꠛꠤꠔ꠆ꠞ ꠇꠤꠔꠣꠛꠧ ꠃꠟ꠆ꠟꠦꠈ ꠇꠞꠣ ꠘꠣꠝ ꠀꠞ ꠀꠟ꠆ꠟꠣꠢꠞ ꠡꠥꠘ꠆ꠖꠞ ꠘꠣꠝꠅꠈꠟꠞ (ꠀꠍꠝꠣꠃꠟ ꠢꠥꠍꠘꠣ) ꠟꠉꠦ ꠝꠤꠟ ꠕꠣꠇꠣ ꠘꠣꠝ - ꠁꠟꠣ ꠇꠁꠀ ꠜꠣꠉ ꠇꠞꠣ ꠅꠁꠍꠦ। ꠃꠍꠝꠣꠘꠤꠅ ꠙꠘ꠆ꠒꠤꠔ ꠝꠥꠍ꠆ꠔꠣꠇꠤꠝꠎꠣꠖꠦ ꠍꠥꠟꠣꠁꠝꠣꠘ ꠍꠣꠖꠦꠖꠖꠤꠘ ꠔꠣꠁꠘ'ꠞ ꠝꠤꠞꠣꠔꠥꠍ ꠍꠣꠚꠣ ꠚꠤ ꠘꠥꠢꠛꠦꠔꠤ ꠄꠍꠝꠣꠁꠟ ꠝꠥꠍ꠆ꠔꠚꠣ ꠇꠤꠔꠣꠛꠧ ꠝꠥꠢꠝ꠆ꠝꠖꠞ ৯৯ꠐꠣ ꠘꠣꠝꠞ ꠛꠦꠇ꠆ꠇꠣ ꠇꠞꠍꠂꠘ।
ꠝꠥꠢꠝ꠆ꠝꠖꠞ ꠙꠥꠞꠣ ꠘꠣꠝ ꠀꠛꠥꠟ ꠇꠣꠡꠤꠝ ꠝꠥꠢꠝ꠆ꠝꠖ ꠁꠛꠘꠦ ꠀꠛ꠆ꠖꠥꠟ꠆ꠟꠣꠢ ꠁꠛꠘꠦ ꠀꠛ꠆ꠖꠥꠟ ꠝꠥꠔ꠆ꠔꠣꠟꠤꠛ ꠁꠛꠘꠦ ꠢꠣꠡꠤꠝ ꠁꠛꠘꠦ ꠀꠛ꠆ꠖ ꠝꠣꠘꠣꠚ ꠀꠟ ꠇꠥꠞꠣꠁꠡꠤ (ꠀꠞꠛꠤ: محمد بن عبد الله بن عبد المطلب بن هاشم بن عبد مناف القرشي)। ꠡꠋꠇꠦꠙꠦ ꠔꠣꠞꠦ ꠀꠛꠥꠟ ꠇꠣꠡꠤꠝ ꠝꠥꠢꠝ꠆ꠝꠖ ꠛꠤꠘ ꠀꠛ꠆ꠖꠥꠟ꠆ꠟꠣꠢ ꠛꠤꠘ ꠀꠛ꠆ꠖꠥꠟ ꠝꠥꠔ꠆ꠔꠣꠟꠤꠛ ꠀꠟ ꠢꠣꠡꠤꠝꠤ ꠘꠣꠝꠧꠅ ꠒꠣꠇꠣ ꠅꠄ। ꠁ ꠘꠣꠝꠞ ꠛꠣꠋꠟꠣ ꠔꠞ꠆ꠎꠝꠣ ꠇꠞꠟꠦ ꠅꠄ: "ꠇꠥꠞꠣꠁꠡ ꠉꠥꠡ꠆ꠑꠤꠞ ꠀꠛ꠆ꠖꠥꠟ ꠝꠣꠘꠣꠚꠞ ꠙꠥꠀ ꠢꠣꠡꠤꠝ, ꠢꠣꠡꠤꠝꠞ ꠙꠥꠀ ꠀꠛ꠆ꠖꠥꠟ ꠝꠥꠔ꠆ꠔꠣꠟꠤꠛ, ꠀꠛ꠆ꠖꠥꠟ ꠝꠥꠔ꠆ꠔꠣꠟꠤꠛꠞ ꠙꠥꠀ ꠀꠛ꠆ꠖꠥꠟ꠆ꠟꠣꠢ ꠀꠞ ꠀꠛ꠆ꠖꠥꠟ꠆ꠟꠣꠢꠞ ꠙꠥꠀ ꠝꠥꠢꠝ꠆ꠝꠖ"। ꠁꠔꠣ ꠍꠣꠠꠣꠅ ꠡꠝꠣꠎꠧ ꠔꠣꠁꠘ ꠀꠟ-ꠀꠝꠤꠘ (ꠛꠤꠡ꠆ꠡꠣꠍꠤ, ꠢꠣꠍꠣ ꠇꠁꠔꠣ) ꠃꠙꠣꠗꠤꠔꠦ ꠙꠞꠤꠌꠤꠔ ꠀꠍꠟꠣ ꠀꠞ ꠝꠥꠢꠝ꠆ꠝꠣꠖꠥꠟ ꠀꠝꠤꠘ ꠘꠣꠝꠧꠅ ꠒꠣꠇꠣ ꠅꠁꠔ।
ꠝꠥꠢꠝ꠆ꠝꠖ ꠘꠣꠝꠐꠣ ꠀꠞꠛꠤ ꠡꠛ꠆ꠖ ꠢꠣꠝꠖ ꠕꠣꠇꠤ ꠀꠁꠍꠦ, ꠎꠣꠞ ꠅꠞ꠆ꠕ "ꠙ꠆ꠞꠡꠋꠡꠣ"। ꠝꠥꠢꠝ꠆ꠝꠖ ꠅꠞ꠆ꠕ "ꠙ꠆ꠞꠡꠋꠡꠤꠔ", "ꠎꠦꠘ ꠙ꠆ꠞꠡꠋꠡꠣꠞ ꠎꠥꠉ꠆ꠉ"। ꠝꠥꠍꠟꠤꠝꠅꠈꠟꠦ ꠝꠥꠢꠝ꠆ꠝꠖꠞꠦ ꠝꠥꠍ꠆ꠔꠣꠚꠣ, ꠝꠣꠢꠝꠥꠖ ꠀꠞ ꠀꠢꠝꠖ ꠘꠣꠝꠧꠅ ꠝꠣꠔꠂꠘ। ꠝꠥꠍ꠆ꠔꠣꠚꠣ ꠅꠞ꠆ꠕ "ꠛꠣꠍꠣꠁ ꠇꠞꠣ" ꠀꠞ ꠀꠢꠝꠖ ꠅꠞ꠆ꠕ "ꠛꠃꠔ ꠙ꠆ꠞꠡꠋꠡꠤꠔ"। ꠔꠣꠞ ꠇꠥꠘꠤꠀ ꠀꠍꠟ ꠀꠛꠥ'ꠟ-ꠇꠣꠡꠤꠝ, ꠎꠣꠞ ꠅꠞ꠆ꠕ "ꠇꠣꠡꠤꠝꠞ ꠛꠣꠙ"। ꠀꠞꠛ ꠡꠝꠣꠎꠧ ꠇꠥꠘꠤꠀ ꠡꠣꠗꠣꠞꠘꠔ ꠙꠄꠟꠣ ꠡꠘ꠆ꠔꠣꠘꠞ ꠘꠣꠝꠞ ꠃꠙꠞꠦ ꠑꠤꠇ ꠇꠞꠣ ꠅꠄ। ꠝꠥꠢꠝ꠆ꠝꠖ ꠘꠤꠎꠦꠅ ꠘꠤꠎꠞꠦ ꠀꠛꠥ'ꠟ-ꠛꠣꠘꠣꠔ (ꠏꠠꠤꠘꠔꠣꠁꠘ'র ꠛꠣꠙ) ꠇꠁꠔꠣ, ꠇꠣꠞꠘ ꠔꠣꠞ ꠡꠣꠔ ꠡꠘ꠆ꠔꠣꠘꠞ ꠝꠣꠏꠦ ꠌꠣꠁꠞ ꠎꠘ ꠀꠍꠟꠣ ꠏꠠꠤ।
ꠇꠥꠞꠀꠘ ꠝꠥꠔꠣꠛꠦꠇ, ꠝꠥꠢꠝ꠆ꠝꠖꠞ ꠀꠅꠀꠞ ꠝꠥꠛꠣꠞꠇꠤ ꠔꠣꠅꠞꠣꠔ ꠀꠞ ꠁꠘ꠆ꠎꠤꠟꠧ ꠇꠞꠣ ꠅꠁꠍꠟ। ꠁ ꠛꠤꠡꠄ ꠄꠇ ꠢꠣꠖꠤꠍꠧ ꠝꠥꠢꠝ꠆ꠝꠖꠦ ꠇꠁꠘ, "ꠇꠥꠞꠀꠘꠧ ꠀꠝꠣꠞ ꠘꠣꠝ ꠝꠥꠢꠝ꠆ꠝꠖ, ꠁꠘ꠆ꠎꠤꠟꠧ ꠀꠢꠝꠖ ꠀꠞ ꠔꠣꠅꠞꠣꠔꠧ ꠀꠢꠄꠖ।"
ꠎꠣꠞ꠆ꠝꠣꠘ ꠙ꠆ꠞꠣꠌ꠆꠆ꠠꠛꠤꠖ ꠜꠟ꠆ꠇꠣꠞ ꠙꠙ ꠙ꠆ꠞꠍ꠆ꠔꠣꠛ ꠇꠞꠍꠂꠘ ꠎꠦ, ꠝꠥꠢꠝ꠆ꠝꠖ ꠀꠞ ꠌꠃꠕꠣ ꠈꠟꠤꠚꠣ ꠀꠟꠤ ꠘꠣꠝꠖꠥꠐꠣ ꠀꠍꠟꠦ ꠛꠦꠇ꠆ꠔꠤꠞ ꠘꠣꠝ ꠅꠁꠀ ꠘꠣ, ꠛꠞꠋ ꠃꠙꠣꠗꠤ ꠅꠁꠀ ꠛꠦꠛꠀꠞ ꠅꠁꠔ।
ꠝꠥꠢꠝ꠆ꠝꠖ ꠘꠣꠝꠞ ꠛꠣꠋꠟꠣ ꠅꠞ꠆ꠕ ꠅꠁꠟ "ꠙ꠆ꠞꠡꠋꠡꠘꠤꠅ"⁕ ꠇꠥꠞꠀꠘꠧ ꠁ ꠘꠣꠝꠐꠣ ꠝꠥꠑ ꠌꠣꠁꠞꠛꠣꠞ ꠃꠟ꠆ꠟꠦꠈ ꠇꠞꠣ ꠅꠁꠍꠦ⁕ ꠅꠈꠣꠘꠧ ꠝꠥꠢꠝ꠆ꠝꠖꠞꠦ ꠛꠤꠜꠤꠘ꠆ꠘ ꠃꠙꠣꠗꠤꠔ ꠝꠣꠔꠣ ꠅꠁꠍꠦ⁕ ꠁ ꠃꠙꠣꠗꠤꠅꠈꠟꠞ ꠝꠣꠏꠦ ꠀꠍꠦ: ꠀꠢꠝꠖ (ꠙ꠆ꠞꠡꠋꠡꠤꠔ), ꠘꠛꠤ, ꠞꠣꠍꠥꠟ (ꠛꠣꠞ꠆ꠔꠣꠛꠣꠅꠇ), ꠀꠛ꠆ꠖ (ꠀꠟ꠆ꠟꠣꠢꠞ ꠛꠣꠘ꠆ꠖꠣ), ꠛꠡꠤꠞ (ꠢꠥꠡ-ꠈꠛꠞꠤ), ꠡꠣꠢꠤꠖ (ꠡꠣꠇ꠆ꠇꠤ), ꠝꠥꠛꠣꠡ꠆ꠡꠤꠞ (ꠢꠥꠡ-ꠈꠛꠞ ꠖꠦꠅꠀꠞ), ꠘꠣꠎꠤꠞ (ꠢꠥꠡꠤꠀꠞ ꠇꠞꠂꠘ꠆ꠔꠣ), ꠝꠥꠎꠣꠇ꠆ꠇꠤꠞ (ꠃꠙꠖꠦꠡ ꠖꠦꠅꠀꠞ), ꠖꠣꠁ (ꠒꠣꠇꠂꠘ꠆ꠔꠣ), ꠘꠥꠞ (ꠀꠟꠥꠀ) ꠀꠞ ꠍꠤꠞꠣꠎꠥꠝ ꠝꠥꠘꠤꠞ (ꠀꠟꠥꠀꠟꠣ ꠌꠦꠞꠣꠉ)⁕
.jpg?lang=syl)
ꠇꠥꠞꠀꠘ ꠅꠁꠟ ꠁꠍꠟꠣꠝꠞ ꠝꠥꠟ ꠀꠞ ꠙ꠆ꠞꠗꠣꠘ ꠗꠞ꠆ꠝꠉ꠆ꠞꠘ꠆ꠕ⁕ ꠝꠥꠍꠟꠤꠝꠅꠈꠟꠦ ꠛꠤꠡ꠆ꠡꠣꠡ ꠇꠞꠂꠘ, ꠁꠔꠣ ꠀꠟ꠆ꠟꠣꠢꠞ ꠛꠣꠘꠤ, ꠎꠣꠐꠣ ꠙ꠆ꠞꠗꠣꠘ ꠚꠦꠞꠦꠡ꠆ꠔꠣ ꠎꠤꠛ꠆ꠞꠣꠁꠟꠞ ꠝꠣꠖ꠆ꠖꠦꠝ ২৩ ꠛꠍꠞ ꠖꠞꠤꠀ ꠝꠥꠢꠝ꠆ꠝꠖꠞ ꠇꠣꠍꠦ ꠘꠣꠎꠤꠟ ꠅꠁꠍꠦ⁕ ꠇꠥꠞꠀꠘꠧ ꠄꠇꠎꠘ "ꠀꠟ꠆ꠟꠣꠢꠞ ꠞꠣꠍꠥꠟ"ꠞꠦ ꠝꠣꠔꠣ ꠅꠁꠍꠦ, ꠎꠣꠞꠦ ꠇꠤꠍꠥ ꠀꠄꠀꠔꠧ ꠝꠥꠢꠝ꠆ꠝꠖ ꠢꠤꠡꠣꠛꠦ ꠃꠟ꠆ꠟꠦꠈ ꠇꠞꠣ ꠅꠁꠍꠦ⁕ ꠇꠥꠞꠀꠘꠧ ꠝꠥꠢꠝ꠆ꠝꠖꠞ ꠎꠤꠛꠘꠧꠞ ꠇꠤꠍꠥ ꠊꠐꠘꠣ ꠡꠞꠣꠡꠞꠤ ꠀꠞ ꠇꠤꠍꠥ ꠃꠟ꠆ꠐꠣꠛꠣꠄ ꠃꠟ꠆ꠟꠦꠈ ꠇꠞꠣ ꠅꠁꠍꠦ, ꠎꠦꠝꠟꠣ ꠢꠤꠎꠞꠔ, ꠛꠖꠞꠧꠞ ꠎꠥꠖ꠆ꠖ, ꠃꠢꠥꠖꠧꠞ ꠎꠥꠖ꠆ꠖ, ꠈꠘ꠆ꠖꠇꠧꠞ ꠎꠥꠖ꠆ꠖ, ꠈꠄꠛꠞꠧꠞ ꠎꠥꠖ꠆ꠖ ꠀꠞ ꠝꠇ꠆ꠇꠣ ꠛꠤꠎꠄ⁕ ꠛꠤꠡꠦꠡ ꠇꠞꠤꠀ ꠍꠥꠞꠣ ꠀꠢꠎꠣꠛꠧ ꠝꠥꠢꠝ꠆ꠝꠖꠞ ꠎꠤꠛꠘꠤ, ꠔꠣꠞ ꠛꠤꠛꠤꠘꠔꠣꠁꠘ'র ꠀꠞ ꠍꠣꠢꠣꠛꠤꠘꠔꠣꠁꠘ'র ꠟꠉꠦ ꠎꠠꠤꠔ ꠛꠤꠛꠞꠘ ꠀꠍꠦ, ꠅꠈꠣꠘꠧ ꠈꠘ꠆ꠖꠇꠞ ꠎꠥꠖ꠆ꠖꠞ ꠛꠞ꠆ꠘꠘꠣꠅ ꠀꠍꠦ⁕ ꠇꠤꠘ꠆ꠔꠥ, ꠇꠥꠞꠀꠘꠧ ꠝꠥꠢꠝ꠆ꠝꠖꠞ ꠎꠤꠛꠘꠇꠣꠟꠧꠞ ꠘꠤꠞ꠆ꠖꠤꠡ꠆ꠐ ꠊꠐꠘꠣꠅꠈꠟ ꠛꠣ ꠅꠔꠣꠞ ꠡꠝꠄꠞꠦꠈꠣ ꠘꠤꠀ ꠔꠥꠟꠘꠣꠝꠥꠟꠇꠜꠣꠛꠦ ꠇꠝ ꠔꠁꠔ꠆ꠔ ꠖꠦꠅꠀ ꠅꠁꠍꠦ⁕ ꠛꠦꠡꠤꠞꠜꠣꠉ ꠀꠄꠀꠔꠧ ꠁꠔꠤꠀꠡꠞ ꠙꠦꠇ꠆ꠇꠣꠙꠐ ꠘꠤꠞ꠆ꠖꠤꠡ꠆ꠐ ꠇꠞꠦ ꠘꠣ ꠀꠞ ꠝꠥꠢꠝ꠆ꠝꠖꠞ ꠄꠇꠎꠘ ꠍꠣꠠꠣ ꠀꠞ ꠇꠥꠘꠥ ꠍꠣꠢꠣꠛꠤꠞ ꠘꠣꠝꠅ ꠇꠥꠞꠀꠘꠧ ꠘꠣꠁ⁕ ꠅꠔꠣꠞ ꠟꠣꠉꠤ ꠇꠥꠞꠀꠘꠞ ꠃꠙꠞꠦ ꠜꠤꠔ꠆ꠔꠤ ꠇꠞꠤ ꠛꠤꠍ꠆ꠔꠣꠞꠤꠔ ꠎꠤꠛꠘꠤ ꠟꠦꠈꠣ ꠇꠑꠤꠘ⁕ ꠝꠘꠧ ꠇꠞꠣ ꠅꠄ, ꠇꠥꠞꠀꠘ ꠝꠥꠢꠝ꠆ꠝꠖꠞ ꠎꠤꠘ꠆ꠖꠣ ꠕꠣꠇꠣꠞ ꠡꠝꠄ'ꠁ ꠟꠦꠈꠣ ꠅꠁꠍꠟ⁕ ꠛꠣꠞ꠆ꠝꠤꠋꠢꠣꠝ ꠇꠥꠞꠀꠘ ꠙꠣꠘ꠆ꠒꠥꠟꠤꠙꠤ ꠞꠦꠒꠤꠅꠇꠣꠞ꠆ꠛꠘ ꠛꠤꠡ꠆ꠟꠦꠡꠘ ꠝꠥꠔꠣꠛꠦꠇ ꠝꠥꠢꠝ꠆ꠝꠖꠞ ꠎꠤꠛꠘꠇꠣꠟꠧ'ꠁ ꠟꠦꠈꠣ ꠅꠁꠍꠟ, ꠎꠣꠐꠣ ꠇꠥꠞꠀꠘꠞ ꠃꠞ꠆ꠙꠔ꠆ꠔꠤ ꠘꠤꠀ ꠙꠡ꠆ꠌꠤꠝꠣ ꠙꠥꠘꠞ꠆ꠛꠤꠛꠦꠌꠘꠣꠛꠣꠖꠤ ꠔꠁꠔ꠆ꠔꠅꠈꠟꠞ ꠛꠤꠙꠞꠤꠔꠦ ꠙ꠆ꠞꠝꠣꠘ ꠖꠦꠈꠣꠄ⁕
ꠝꠥꠢꠣꠝ꠆ꠝꠖꠞ ꠎꠤꠘꠖꠦꠉꠤ ꠡꠝ꠆ꠙꠞ꠆ꠇꠦ ꠙꠄꠟꠣ ꠔꠁꠔ꠆ꠔꠄꠞ ꠃꠍ ꠙꠣꠅꠀ ꠎꠣꠄ ꠢꠤꠎꠞꠤ ꠖꠥꠁ ꠀꠞ ꠔꠤꠘ ꠡꠔꠇꠧ (ꠈ꠆ꠞꠤꠡ꠆ꠐꠤꠅ ꠀꠑ ꠀꠞ ꠘꠄ ꠡꠔꠇꠧ) ꠟꠦꠈꠣ ꠝꠥꠍꠟꠤꠝ ꠅꠄꠔꠤꠢꠣꠡꠤꠇ ꠟꠦꠈꠣꠉꠥꠟꠣꠔ꠶ ꠁ ꠡꠝꠄꠞ ꠟꠦꠈꠣꠉꠥꠟꠣ ꠝꠥꠢꠣꠝ꠆ꠝꠖꠞ ꠎꠤꠘꠖꠦꠉꠤꠞ ꠛꠤꠍꠔꠣꠞꠤꠔ ꠛꠤꠛꠞꠘ ꠢꠦꠚꠣꠎꠔ ꠇꠞꠍꠦ, ꠎꠦꠔꠣ ꠔꠣꠘꠞ ꠎꠤꠛꠘꠌꠞꠤꠔꠞ ꠟꠣꠉꠤ ꠛꠣꠠꠔꠤ ꠔꠁꠔ꠆ꠔ ꠖꠦꠄ꠶
ꠁ ꠙꠥꠞꠣꠘꠣ ꠎꠤꠛꠘꠤ-ꠇꠦꠔꠣꠛꠞ ꠝꠣꠏꠦ ꠄꠇꠈꠣꠘ ꠅꠁꠟꠧ ꠁꠛꠘꠦ ꠁꠍꠢꠣꠇꠞ ꠍꠤꠞꠣꠔꠦ ꠞꠣꠍꠥꠟꠥꠟ꠆ꠟꠣꠢ, ꠎꠦꠈꠣꠘ ꠀꠘꠥꠝꠣꠘꠤꠇ ꠷꠬꠷ ꠈ꠆ꠞꠤꠡ꠆ꠐꠣꠛ꠆ꠖꠧ (ꠅꠊꠐ ꠢꠤꠎꠞꠤ) ꠟꠦꠈꠣ ꠅꠁꠍꠤꠟ꠶ ꠅꠁꠟꠦꠅ ꠄꠞ ꠀꠍꠟ ꠙꠣꠑ ꠛꠤꠟꠥꠙ꠆ꠔ ꠅꠁꠉꠦꠍꠦ, ꠁꠛꠘꠦ ꠢꠤꠡꠣꠝ ꠔꠣꠘꠞ ꠍꠋꠇꠟꠘꠧ ꠁꠛꠘꠦ ꠁꠍꠢꠣꠇꠞ ꠟꠦꠈꠣꠞ ꠢꠦꠚꠣꠎꠔ ꠇꠞꠣ ꠀꠋꠡ ꠙꠦꠡ ꠇꠞꠍꠁꠘ꠶ ꠀꠟ-ꠔꠣꠛꠣꠞꠤꠞ ꠟꠦꠈꠣꠔꠅ ꠄꠞ ꠇꠤꠍꠥ ꠀꠋꠡ ꠢꠦꠚꠣꠎꠔ ꠇꠞꠣ ꠀꠍꠦ꠶ ꠔꠛꠦ ꠁꠛꠘꠦ ꠢꠤꠡꠣꠝ ꠔꠣꠘꠞ ꠜꠥꠝꠤꠇꠣꠔ ꠄꠞꠣ ꠇꠅꠁꠍꠁꠘ, ꠔꠣꠄ ꠁꠛꠘꠦ ꠁꠍꠢꠣꠇꠞ ꠙꠣꠑ ꠕꠣꠇꠤ ꠅꠃ ꠛꠤꠡꠄꠉꠥꠟꠣ ꠛꠣꠖ ꠖꠤꠍꠁꠘ ꠎꠦꠔꠣ "ꠇꠥꠘꠥ ꠇꠥꠘꠥ ꠝꠣꠘꠥꠡꠞ ꠈꠣꠐ꠆ꠐꠣ ꠟꠣꠉꠔꠦ ꠙꠣꠞꠦ"꠶
ꠀꠞꠦꠇꠐꠣ ꠎꠞꠥꠞꠤ ꠙꠄꠟꠣ ꠍꠥꠔ꠆ꠞ ꠅꠁꠟꠧ ꠀꠟ-ꠅꠀꠇꠤꠖꠤ-ꠞ ꠟꠦꠈꠣ ꠝꠥꠢꠣꠝ꠆ꠝꠖꠞ ꠘꠣꠘꠣꠘ ꠅꠜꠤꠎꠣꠘꠞ ꠁꠔꠤꠢꠣꠡ ꠀꠞ ꠔꠣꠘꠞ ꠡꠣꠉꠞꠤꠖ ꠁꠛꠘꠦ ꠍꠣ'ꠖ ꠀꠟ-ꠛꠣꠉꠖꠣꠖꠤ-ꠞ ꠟꠦꠈꠣ ꠇꠤꠔꠣꠛꠥꠟ ꠔꠣꠛꠣꠇꠣꠔ ꠀꠟ-ꠇꠣꠛꠤꠞ꠶ ꠛꠢꠥꠔ ꠙꠘ꠆ꠒꠤꠔ ꠅꠇꠟꠦ ꠁ ꠙꠄꠟꠣ ꠎꠤꠛꠘꠤꠉꠥꠟꠣꠞꠦ ꠝꠥꠐꠣꠝꠥꠐꠤ ꠜꠞꠍꠣ ꠇꠞꠣꠞ ꠟꠣꠈꠣꠘ ꠝꠣꠘꠁꠘ, ꠅꠁꠟꠦꠅ ꠁꠔꠣꠞ ꠙꠥꠞꠣꠙꠥꠞꠤ ꠈꠣꠐꠤ ꠛꠟꠤ ꠘꠤꠡ꠆ꠌꠤꠔ ꠅꠅꠀ ꠎꠣꠄ ꠘꠣ꠶ ꠅꠈꠘꠇꠣꠞ ꠉꠛꠦꠡꠘꠣꠔ ꠖꠦꠈꠣ ꠉꠦꠍꠦ, ꠀꠁꠘ-ꠇꠣꠘꠥꠘ ꠘꠤꠀ ꠟꠦꠈꠣꠉꠥꠟꠣ ꠝꠣꠎꠦ ꠝꠣꠎꠦ ꠛꠖꠟꠣꠘꠤ ꠅꠁꠔꠧ ꠛꠣ ꠘꠅꠀ ꠇꠞꠤ ꠛꠣꠘꠣ ꠅꠁꠔꠧ, ꠇꠤꠘꠔꠥ ꠅꠄꠔꠤꠢꠣꠡꠤꠇ ꠊꠐꠘꠣꠞ ꠟꠦꠈꠣꠉꠥꠟꠣꠔ ꠀꠍꠟ ꠊꠐꠘꠣꠞ ꠗꠣꠞꠣꠁ ꠝꠥꠐꠣꠝꠥꠐꠤ ꠝꠣꠘꠣ ꠅꠁꠍꠦ, ꠈꠣꠟꠤ ꠇꠤꠍꠥꠐꠣ ꠛꠣꠖ ꠖꠤꠀ꠶
ꠁꠍꠟꠣꠝꠤ ꠀꠁꠘ-ꠇꠣꠘꠥꠘꠞ ꠄꠇꠐꠣ ꠛꠠ ꠎꠞꠥꠞꠤ ꠃꠍ ꠅꠁꠟꠧ ꠢꠣꠖꠤꠍ꠶ ꠁꠐꠣꠔ ꠝꠥꠢꠣꠝ꠆ꠝꠖꠞ ꠇꠕꠣ, ꠇꠣꠝ ꠀꠞ ꠅꠘꠥꠝꠥꠖꠤ ꠖꠦꠅꠀ ꠞꠤꠔꠤ-ꠘꠤꠔꠤꠞ ꠛꠤꠛꠞꠘ ꠢꠦꠚꠣꠎꠔ ꠇꠞꠣ ꠀꠍꠦ꠶ ꠍꠛꠞ ꠙꠄꠟꠣ ꠟꠦꠈꠣ ꠢꠣꠖꠤꠍꠞ ꠇꠦꠔꠣꠛ ꠅꠁꠟꠧ ꠝꠥꠀꠔ꠆ꠔꠣ ꠁꠝꠣꠝ ꠝꠣꠟꠤꠇ, ꠁꠈꠣꠘ ꠟꠦꠈꠍꠁꠘ ꠝꠣꠟꠤꠇ ꠁꠛꠘꠦ ꠀꠘꠣꠍ꠶ ꠁꠐꠣꠔ ꠝꠥꠢꠣꠝ꠆ꠝꠖꠞ ꠛꠣꠘꠤ, ꠍꠣꠢꠣꠛꠤ ꠅꠇꠟꠞ ꠝꠔꠣꠝꠔ ꠀꠞ ꠝꠖꠤꠘꠣꠞ ꠌꠟꠣ ꠞꠦꠅꠀꠎ ꠀꠍꠦ꠶ ꠝꠥꠀꠔ꠆ꠔꠣ ꠈꠣꠟꠤ ꠢꠣꠖꠤꠍꠞ ꠇꠦꠔꠣꠛ ꠘꠣ; ꠁꠐꠣ ꠅꠃ ꠎꠥꠉꠞ ꠁꠍꠟꠣꠝꠤ ꠛꠤꠗꠣꠘ ꠀꠞ ꠡꠝꠣꠎꠞ ꠞꠤꠔꠤꠞ ꠄꠇ ꠎꠞꠥꠞꠤ ꠖꠟꠤꠟ ꠢꠤꠍꠣꠛꠦꠅ ꠝꠣꠘꠣ ꠅꠄ꠶
ꠢꠣꠖꠤꠍ ꠡꠣꠢꠤꠔ꠆ꠔꠞ ꠝꠣꠏꠦ ꠍꠛꠞ ꠕꠣꠇꠤ ꠝꠡꠥꠞ ꠀꠞ ꠜꠞꠍꠣ ꠇꠞꠣꠞ ꠟꠣꠈꠣꠘ ꠇꠦꠔꠣꠛ ꠅꠁꠟꠧ ꠍꠢꠤꠢ ꠛꠥꠈꠣꠞꠤ꠶ ꠁꠝꠣꠝ ꠛꠥꠈꠣꠞꠤ ꠛꠢꠥ ꠛꠍꠞ ꠔꠥꠇꠣꠁ-ꠛꠣꠍꠣꠁ ꠇꠞꠤ ꠀꠞ ꠎꠣꠌꠣꠁ ꠇꠞꠤ ꠁ ꠍꠋꠇꠟꠘꠈꠣꠘ ꠡꠦꠡ ꠇꠞꠍꠁꠘ꠶ ꠁꠐꠣꠔ ꠈꠣꠟꠤ ꠅꠃ ꠢꠣꠖꠤꠍꠉꠥꠟꠣ ꠀꠘꠣ ꠅꠁꠍꠦ, ꠎꠦꠉꠥꠟꠣꠞ ꠍꠘꠖ ꠈꠣꠐꠤ ꠀꠞ ꠛꠞ꠆ꠘꠘꠣ ꠇꠞꠣ ꠝꠣꠘꠥꠡ ꠜꠞꠍꠣ ꠇꠞꠣꠞ ꠟꠣꠈꠣꠘ ꠝꠣꠘꠣ ꠅꠁꠍꠦ꠶ ꠍꠢꠤꠢ ꠛꠥꠈꠣꠞꠤ-ꠔ ꠁꠝꠣꠘ, ꠘꠣꠝꠣꠎ, ꠞꠥꠎꠣ, ꠢꠎ, ꠛꠦꠛꠍꠣ-ꠛꠣꠘꠤꠎ꠆ꠎ, ꠘꠤꠔꠤ-ꠇꠕꠣ ꠀꠞ ꠢꠞ ꠖꠤꠘꠞ ꠎꠤꠘꠖꠦꠉꠤꠞ ꠘꠣꠘꠣ ꠛꠤꠡꠄ ꠢꠣꠖꠤꠍ ꠟꠦꠈꠣ ꠀꠍꠦ꠶ ꠀꠘ꠆ꠘꠣ ꠘꠣꠝꠇꠞꠣ ꠢꠣꠖꠤꠍꠞ ꠇꠦꠔꠣꠛꠞ ꠝꠣꠏꠦ ꠀꠍꠦ ꠍꠢꠤꠢ ꠝꠥꠍꠟꠤꠝ, ꠍꠥꠘꠣꠘꠦ ꠘꠣꠍꠣꠁ, ꠍꠥꠘꠣꠘꠦ ꠀꠛꠥ ꠖꠣꠃꠖ, ꠍꠥꠘꠣꠘꠦ ꠔꠤꠞ꠆ꠝꠤꠎꠤ ꠀꠞ ꠍꠥꠘꠣꠘꠦ ꠁꠛꠘꠦ ꠝꠣꠎꠣꠢ꠶ ꠁ ꠍꠄ ꠇꠦꠔꠣꠛꠞꠦ ꠄꠇꠟꠉꠦ ꠍꠤꠢꠣꠢ ꠍꠤꠔ꠆ꠔꠣꠢ ꠘꠣꠝꠦ ꠎꠣꠘꠣ ꠎꠣꠄ ꠀꠞ ꠍꠥꠘꠘꠤ ꠝꠥꠍꠟꠝꠣꠘ ꠅꠇꠟꠞ ꠉꠦꠍꠦ ꠍꠛꠞ ꠕꠣꠇꠤ ꠛꠦꠡꠤ ꠉ꠆ꠞꠢꠘ ꠇꠞꠣ ꠢꠣꠖꠤꠍꠞ ꠇꠦꠔꠣꠛ ꠢꠤꠍꠣꠛꠦ ꠝꠣꠘꠣ ꠅꠄ꠶
ꠇꠤꠍꠥ ꠙꠡ꠆ꠌꠤꠝꠣ ꠉꠛꠦꠡꠇ ꠢꠣꠖꠤꠍꠞꠦ ꠅꠄꠔꠤꠢꠣꠡꠤꠇ ꠃꠍ ꠢꠤꠍꠣꠛꠦ ꠛꠦꠛꠢꠣꠞꠧ ꠢꠥꠡꠤꠀꠞ ꠕꠣꠇꠁꠘ꠶ ꠃꠁꠟꠚꠣꠞ꠆ꠒ ꠝꠦꠒꠦꠟꠥꠋ-ꠅꠞ ꠟꠣꠈꠣꠘ ꠙꠘ꠆ꠒꠤꠔ ꠅꠇꠟꠦ ꠢꠣꠖꠤꠍ ꠛꠣꠖ ꠘꠣ ꠖꠤꠀ, ꠛꠞꠋ ꠁꠔꠣꠞꠦ ꠁꠔꠤꠢꠣꠡꠞ ꠙꠦꠞꠦꠈꠣꠙꠐꠧ ꠝꠥꠟ꠆ꠟꠣꠄꠘ ꠇꠞꠁꠘ꠶ ꠀꠞꠇ ꠛꠣꠁ, ꠝꠥꠍꠟꠤꠝ ꠙꠘ꠆ꠒꠤꠔ ꠅꠇꠟꠦ ꠎꠤꠛꠘꠤ-ꠇꠦꠔꠣꠛꠞ ꠌꠣꠁꠔꠣ ꠢꠣꠖꠤꠍꠞ ꠇꠦꠔꠣꠛꠞꠦꠁ ꠛꠦꠡꠤ ꠜꠞꠍꠣ ꠇꠞꠣꠞ ꠟꠣꠈꠣꠘ ꠝꠣꠘꠁꠘ, ꠇꠣꠞꠘ ꠢꠣꠖꠤꠍꠧ ꠛꠋꠡꠞ ꠗꠣꠞꠣ (ꠁꠍꠘꠣꠖ) ꠛꠦꠛꠍꠕꠣ ꠝꠣꠘꠣ ꠅꠄ, ꠎꠦꠔꠣ ꠎꠤꠛꠘꠤ-ꠇꠦꠔꠣꠛꠧ ꠍꠣꠗꠣꠞꠘꠔ ꠕꠣꠢꠦ ꠘꠣ꠶
ꠕꠥꠇꠣꠘꠤ
[ꠃꠔꠡ ꠟꠦꠈꠁꠘ]| ꠀ | ꠁ | ꠃ | ꠄ | ꠅ | ꠇ | ꠈ | ꠉ | ꠊ | ꠌ | ꠍ | ꠎ | ꠏ | ꠐ | ꠑ | ꠒ |
| ꠔ | ꠕ | ꠖ | ꠗ | ꠘ | ꠙ | ꠚ | ꠛ | ꠜ | ꠝ | ꠞ | ꠟ | ꠡ | ꠢ | ꠠ | ꠓ |
 |
 |
 |
 |
 |
 |
 |
 |
 |
 |
|
